ກອງປະຊຸມຮ່ວມລັດຖະມົນຕີການເງິນອາຊຽນ ແລະ ຜູ້ວ່າການທະນາຄານກາງອາຊຽນ ຄັ້ງທີ 6

ກອງປະຊຸມຮ່ວມລັດຖະມົນຕີການເງິນອາຊຽນ ແລະ ຜູ້ວ່າການທະນາຄານກາງອາຊຽນ ຄັ້ງທີ 6 - Time fo an Adventure 2020 10 05T164436 - ກອງປະຊຸມຮ່ວມລັດຖະມົນຕີການເງິນອາຊຽນ ແລະ ຜູ້ວ່າການທະນາຄານກາງອາຊຽນ ຄັ້ງທີ 6
ກອງປະຊຸມຮ່ວມລັດຖະມົນຕີການເງິນອາຊຽນ ແລະ ຜູ້ວ່າການທະນາຄານກາງອາຊຽນ ຄັ້ງທີ 6 - Untitled design - ກອງປະຊຸມຮ່ວມລັດຖະມົນຕີການເງິນອາຊຽນ ແລະ ຜູ້ວ່າການທະນາຄານກາງອາຊຽນ ຄັ້ງທີ 6

ກອງ​ປະຊຸມຮ່ວມລັດຖະມົນ​ຕີ​ການ​ເງິນ​ອາຊຽນ ​ແລະ ຜູ້​ວ່າການ​ທະນາຄານ​ກາງ​ອາຊຽນ ຄັ້ງ​ທີ 6 (The Sixth ASEAN Finance Ministers and Central Bank Governors Meeting: AFMGM) ​ແລະ ກອງ​ປະຊຸມ​ປິ່ນ​ອ້ອມ ພາຍ​ໃຕ້​ການ​ເປັນ​ປະທານ​ຂອງ​ປະ​ເທດ ສສ. ຫວຽດນາມ ​​ໃນ​ຄຳ​ຂວັນ​ທີ່​ວ່າ: “ອາຊຽນທີ່ໜຽວ​ແໜ້ນ ​ແລະ ຕອບ​ສະໜອງຕໍ່ສະພາບ​ການ (Cohesive and Responsive ASEAN” ​ແລະ ກະຊວງ​ການ​ເງິນ ​ແລະ ທະນາຄານ​ແຫ່ງ​ລັດ​ຫວຽດນາມ ​ໄດ້​ສະ​ເໜີ 2 ຫົວຂໍ້​ບູລິ​ມະ​ສິດຄື: 1) ການ​ເງິນ​ແບບ​ຍືນ​ຍົງ​ໃນ​ອາຊຽນ (Sustainable finance in ASEAN) ​ແລະ 2) ການ​ສົ່ງ​ເສີມ​ການ​ເຊື່ອມ​ຈອດ​ການ​ຊຳລະ​ສະ​ສາງ​ໃນ​ພາກ​ພື້ນ (Promoting regional payment connectivity). ກອງ​ປະຊຸມ​ດັ່ງກ່າວ ​ແມ່ນ​ໄດ້​ຈັດ​ຂຶ້ນ​ໃນ​ລະຫວ່າງ​ວັນ​ທີ 1-2 ຕຸລາ 2020  ໂດ​ຍ ຜ່ານ​ລະບົບ Video Conference​. ສຳລັບ​ກະຊວງ​ການ​ເງິນ​ແຫ່ງ ສປປ ລາວ ​ແມ່ນ​ນຳ​ໂດຍ ທ່ານ ສົມ​ດີ ດວງ​ດີ, ຮອງ​ນາຍົກລັດຖະມົນຕີ, ລັດຖະມົນຕີ​ກະຊວງ​ການ​ເງິນ  ​ແລະ ທະນາຄານ​ແຫ່ງ ສປປ ລາວ ​ແມ່ນ ທ່ານ ນ. ວັດທະນາ ດາລາ​ລອຍ, ຮອງຜູ້​ວ່າການ​ທະນາຄານ​ແຫ່ງ ສປປ ລາວ ພ້ອມ​ດ້ວຍ​ຄະນະ​ເຂົ້າ​ຮ່ວມ, ​ໃນ​ນັ້ນປະກອບ​ມີ​ບັນດາລັດຖະມົນ​ຕີ​ການ​ເງິນ​ ​ແລະ ຜູ້​ວ່າການ​ທະນາຄານ​ກາງ​ຂອງ​ບັນດາ​ປະ​ເທດ​ສະມາຊິກ​ອາຊຽນ ທັງໝົດ 10 ປະ​ເທດ ​ແລະ ຕາງໜ້າຈາກອົງການ​ຈັດ​ຕັ້ງ​ສາກົນ​ເຊັ່ນ: ອົງການ​ການ​ເງິນ​ສາກົນ (IMF), ທະນາຄານ​ພັດທະນາ​ອາຊີ (ADB), ອົງການຕິດຕາມ​ເສດຖະກິດ​ມະຫາ​ພາກ​ອາຊຽນ+3 (AMRO) ​ແລະ ກອງ​ເລຂາ​ອາຊຽນ (ASEC).

​ໃນ​ກອງ​ປະຊຸມ, ລັດຖະມົນ​ຕີ​ການ​ເງິນ​ອາຊຽນ ​ແລະ ຜູ້​ວ່າການ​ທະນາຄານ​ກາງ​ອາຊຽນ ​ໄດ້​ປຶກສາ​ຫາລື​ ​ແລະ ​ແລກປ່ຽນທັດສະນະ​ກ່ຽວກັບ​ການ​ທົບ​ທວນຄືນຄວາມຄືບໜ້າການຈັດຕັ້ງປະຕິບັດແຜນແມ່ບົດການເຊື່ອມໂຍງຂະແໜງການເງິນເງິນຕາອາຊຽນ ແລະ ຂໍ້ລິເລີ່ມອື່ນໆພາຍໃຕ້ AFMGM. ນອກ​ນີ້, ຍັງ​ໄດ້​ມີ​ການ​ປຶ​ກສາ​ຫາລື​ກັບ​ອົງການ​ຈັດ​ຕັ້ງ​ການ​ເງິນ​ສາກົນກ່ຽວກັບ​ສະຖານະ​ການ​ສະພາບ​ເສດຖະກິດ​ໂລກ ​ແລະ ພາກ​ພື້ນ ຕະຫຼອດຮອດ​ນະ​ໂຍບາຍ​ການ​ຮັບ​ມື​ກັບ​ການ​ແຜ່​ລະບາດຂອງ​ພະຍາດ COVID-19 ​ແລະ ການ​ຟື້ນຕົວ​ຂອງ​ເສດ​ຖະກິດ​ໃນ​ພາກ​ພື້ນ. ຄຽງຄູ່​ກັບ​ກອງ​ປະຊຸມ AFMGM ​ໄດ້​ປຶກສາ​ຫາລື​ກັບສະພາການຄ້າ ເອີຣົບ-ອາຊຽນ, ສ. ອາເມລິກາ-ອາຊຽນ ແລະ ສະພາທີ່ປຶກສາທຸລະກິດ ອາຊຽນອີກ​ດ້ວຍ.

ກອງ​ປະຊຸມ AFMGM ​ໄດ້​ຮັບ​ຜົນສຳ​ເລັດ ​ແລະ ໝາກຜົ​ນອັນ​ຈົບງາມ ທ່າມກາງ​ການ​ປະກອບ​ຄຳ​ເຫັນ​ຈາກ​ບັນດາ​ປະ​ເທດ​ສະມາຊິກ​ອາຊຽນດ້ວຍ​ບັນຍາກາ​ດອັນ​ຟົດ​ຟື້ນ ​ເພື່ອ​​ເປັນ​ການ​ເສີມ​ຂະຫຍາຍ​ສາຍ​ພົວພັນການ​ຮ່ວມ​ມື​ກັນ ໃນ​ພາກ​ພື້ນ​ໃຫ້​ມີ​ປະສິດ​ທິ​ພາບ ​ແລະ ປະສິດທິ​ຜົນ​ຍິ່ງ​ຂຶ້ນ.

ກອງປະຊຸມຮ່ວມລັດຖະມົນຕີການເງິນອາຊຽນ ແລະ ຜູ້ວ່າການທະນາຄານກາງອາຊຽນ ຄັ້ງທີ 6 - Wave100S AD to Website 2020 0 - ກອງປະຊຸມຮ່ວມລັດຖະມົນຕີການເງິນອາຊຽນ ແລະ ຜູ້ວ່າການທະນາຄານກາງອາຊຽນ ຄັ້ງທີ 6
ກອງປະຊຸມຮ່ວມລັດຖະມົນຕີການເງິນອາຊຽນ ແລະ ຜູ້ວ່າການທະນາຄານກາງອາຊຽນ ຄັ້ງທີ 6 - WhatsApp Image 2020 05 27 at 5 - ກອງປະຊຸມຮ່ວມລັດຖະມົນຕີການເງິນອາຊຽນ ແລະ ຜູ້ວ່າການທະນາຄານກາງອາຊຽນ ຄັ້ງທີ 6
ກອງປະຊຸມຮ່ວມລັດຖະມົນຕີການເງິນອາຊຽນ ແລະ ຜູ້ວ່າການທະນາຄານກາງອາຊຽນ ຄັ້ງທີ 6 - WhatsApp Image 2020 05 27 at 5 - ກອງປະຊຸມຮ່ວມລັດຖະມົນຕີການເງິນອາຊຽນ ແລະ ຜູ້ວ່າການທະນາຄານກາງອາຊຽນ ຄັ້ງທີ 6
error: Alert: ເນື້ອຫາຂ່າວມີລິຂະສິດ !!