ທ່ານ ທຣຳ ອອກຈາກໂຮງໝໍແລ້ວ ຖອດຜ້າປິດປາກ-ດັງອອກ ຫລັງຮອດເຖິງທຳນຽບຂາວ ບອກປະຊາຊົນຢ່າຢ້ານໂຄວິດ-19

ທ່ານ ທຣຳ ອອກຈາກໂຮງໝໍແລ້ວ ຖອດຜ້າປິດປາກ-ດັງອອກ ຫລັງຮອດເຖິງທຳນຽບຂາວ ບອກປະຊາຊົນຢ່າຢ້ານໂຄວິດ-19 -                                                             - ທ່ານ ທຣຳ ອອກຈາກໂຮງໝໍແລ້ວ ຖອດຜ້າປິດປາກ-ດັງອອກ ຫລັງຮອດເຖິງທຳນຽບຂາວ ບອກປະຊາຊົນຢ່າຢ້ານໂຄວິດ-19
ທ່ານ ທຣຳ ອອກຈາກໂຮງໝໍແລ້ວ ຖອດຜ້າປິດປາກ-ດັງອອກ ຫລັງຮອດເຖິງທຳນຽບຂາວ ບອກປະຊາຊົນຢ່າຢ້ານໂຄວິດ-19 - 174233 - ທ່ານ ທຣຳ ອອກຈາກໂຮງໝໍແລ້ວ ຖອດຜ້າປິດປາກ-ດັງອອກ ຫລັງຮອດເຖິງທຳນຽບຂາວ ບອກປະຊາຊົນຢ່າຢ້ານໂຄວິດ-19

ປະທານາທິບໍດີ ​ໂດ​ນັລ ທຣຳ ຂອງ​ອາ​ເມ​ລິ​ກາ ​ເດີນທາງ​ອອກ​ຈາກ​ໂຮງໝໍ​ກັບ​ເຂົ້າທຳນຽບຂາວ​ໃນ​ຄືນ​ວັນ​ທີ 5 ຕຸລາ​ນີ້ ຫລັງ​ຮັບ​ການ​ປິ່ນປົວ​ໂຄ​ວິດ-19 ​ເປັນ​ເວລາ 72 ຊົ່ວ​ໂມງ ຫລື 3 ວັນ​ໃນ​ທ້າຍ​ອາທິດ​ຜ່ານ​ມາ.

​ເຖິງ​ຢ່າງ​ໃດ​ກໍ​ຕາມ, ທ່ານ ທຣຳ ຖືກ​ວິພາກ​ວິຈານ​ຕໍ່​ພາບ​ພົດ​ທີ່​ສະ​ແດງ​ອອກ​ສູ່​ສາຍຕາ​ສາທາລະນະ ​ເມື່ອ​ທ່ານ​ຖອດ​ຜ້າ​ປິ​ດປາກ-ດັງ​ທັນທີ​ເມື່ອ​ຮອດ​ທຳນຽບຂາວ ​ເພື່ອ​ໃຫ້​ນັກ​ຂ່າວ​ຖ່າຍຮູບ​ຢູ່​ລະບຽງ, ​ເຖິງ​ວ່າ​ທີ​ມ​ແພດ​ຈະ​ເຕືອນ​ວ່າ​ທ່ານ​ຍັງ​ບໍ່​ຫາຍ​ດີ​ເຕັມ​ຮ້ອຍ ​ແລະ ຍັງ​ມີ​ໄວຣັສຫລົງ​ເຫລືອ​ຢູ່​ກໍ​ຕາມ.

ກ່ອນ​ອອກ​ຈາກ​ໂຮງໝໍ​ສູນ​ການ​ແພດ​ທະຫານ​ແຫ່ງ​ຊາດ​ວໍ​ເຕີ ຣີດ ​ໃນ​ລັດ​ແມຣີ​ແລນ, ທ່ານ ທຣຳ ​ໄດ້​ໂພສຂໍ້ຄວາມ​ແຈ້ງ​ໃນ​ທະວິ​ດ​ເຕີ​ວ່າ: ທ່ານ​ຮູ້ສຶກ​ດີ ​ແລະ ບອກ​ປະຊາຊົນ​ວ່າ: “ຢ່າ​ຢ້ານ​ໂຄ​ວິດ-19 ຢ່າ​ປ່ອຍ​ໃຫ້​ໄວຣັສຄອບ​ງຳ​ຊີວິດ​ທ່ານ, ​ເຮົາ​ໄດ້​ພັດທະນາ​ຢາ ​ແລະ ອົງ​ຄວາມ​ຮູ້​ທີ່​ດີ ພາຍ​ໃຕ້​ຄະນະ​ບໍລິ​ຫານ​ຂອງ​ທ່ານ ທຣຳ, ຂ້າພະ​ເຈົ້າຮູ້ສຶກ​ດີກ​ວ່າ​ເມື່ອ 20 ປີ​ກ່ອນ​ອີກ”.

ສື່​ຕ່າງປະ​ເທດ​ວິຈານ​ວ່າ: ພາບ​ທີ່​ອອກ​ມາ​ເປັນຄວາມ​ພະຍາຍາມ​ປ່ຽນ​ພະຍາດ​ທີ່​ທ່ານ​ຍັງ​ເປັນ​ຢູ່​ໃຫ້​ເປັນ​ການສະ​ແດງ​ຄວາມ​ເຂັ້ມ​ແຂງ. ຂະນະ​ດຽວ​ກັນ ກໍ​ເນັ້ນ​ສິ່ງ​ທີ່​ທ່ານ​ປະຕິບັດ​ມາ​ຕະຫລອດ​ໃນ​ການ​ປະຕິ​ເສດ​ຄວາມ​ຮ້າຍ​ແຮງ ​ແລະ ລະ​ເລີຍ​ຄວາມ​ສ່ຽງ​ຂອງ​ພະຍາດ ທັງ​ໆ​ທີ່​ໄວຣັສຂ້າ​ຊີວິດ​ຊາວ​ອາ​ເມ​ລິ​ກາ​ໄປ​ຫລາຍ​ກວ່າ 2 ​ແສນ​ຄົນ​ແລ້ວ​ກໍ​ຕາມ.

ສິ່ງ​ທີ່​ສ້າງ​ຄວາມ​ກັງວົນ​ໃນ​ຕອນ​ນີ້ ຄື​ທຳນຽບຂາວ​ອາດ​ກາຍ​ເປັນ​ກຸ່ມ​ກ້ອນ​ ຫລື ສູນ​ກາງ​ການລະບາດ​ຂອງ​ໄວຣັສ​ແຫ່ງ​ໃໝ່ ​ເນື່ອງ​ຈາກ​ກ່ອນ​ໜ້າ​ນີ້ ມີ​ບຸກຄົນ​ລະດັບ​ສູງ​ກວດ​ພົບ​ເຊື້ອ​ແລ້ວ​ຫລາຍ​ຄົນ ​ໂດຍ​ສ່ວນ​ໜຶ່ງ​ເປັນ​ຍ້ອນ​ບໍ່​ມີ​ມາດ​ຕະການ​ປ້ອງ​ກັນ ​ແລະ ບັນ​ເທົາ​ທີ່​ເຂັ້ມງວດ​ພຽງພໍ.

ທ່ານ ທຣຳ ອອກຈາກໂຮງໝໍແລ້ວ ຖອດຜ້າປິດປາກ-ດັງອອກ ຫລັງຮອດເຖິງທຳນຽບຂາວ ບອກປະຊາຊົນຢ່າຢ້ານໂຄວິດ-19 - Wave100S AD to Website 2020 0 - ທ່ານ ທຣຳ ອອກຈາກໂຮງໝໍແລ້ວ ຖອດຜ້າປິດປາກ-ດັງອອກ ຫລັງຮອດເຖິງທຳນຽບຂາວ ບອກປະຊາຊົນຢ່າຢ້ານໂຄວິດ-19

ການ​ທີ່​ຜູ້​ຊ່ວຍ​ຂອງ​ທ່ານ ທຣຳ ຕິດ​ໂຄ​ວິດ-19 ​ແລ້ວ​ຫລາຍ​ຄົນ ​ເຮັດ​ໃຫ້​ເກີດ​ຄຳ​ຖາມ​ຕ່າງໆ ກ່ຽວ​ກັບ​ມາດ​ຕະການ​ຄວບ​ຄຸມພະ​ຍາດ​ລະບາດ, ​ແຕ່​ທ່ານ ດຣ. ຊອນ ຄອນ​ລີ ​ແພດ​ປະຈຳ​ຕົວ​ຂອງ​ທ່ານ ທຣຳ ​ໃຫ້​ລາຍ​ລະອຽດ​ພຽງ​ເລັກ​ໜ້ອຍ​ກ່ຽວ​ກັບ​ແນວທາງ​ທີ່​ຈະ​ເຮັດ​ໃຫ້​ເຈົ້າໜ້າ​ທີ່​ໃນ​ທຳນຽບຂາວ​ປອດ​ໄພ​ຈາກ​ພະຍາດ. ຂະນະ​ທີ່​ທ່ານ ທຣຳ ປະຕິ​ເສດ​ຕອບ​ຄຳ​ຖາມ​ນັກ​ຂ່າວ​ວ່າ: ມີ​ເຈົ້າໜ້າ​ທີ່​ຕິດ​ເຊື້ອ​ແລ້ວ​ຈັກ​ຄົນ​ໃນ​ເວລາ​ນີ້.

ນອກຈາກ​ຄຳ​ວິຈານ​ວ່າ​ຂາດ​ຄວາມ​ຮັບຜິດຊອບ​ແລ້ວ, ພາບ​ທີ່​ທ່ານ ທຣຳ ຟື້ນຕົວຢ່າງ​ວ່ອງ​ໄວ​ຍັງ​ເຮັດ​ໃຫ້​ເກີດ​ຄວາມ​ແຄງ​ໃຈ​ເຖິງ​ຄວາມ​ແຕກ​ຕ່າງ​ອັນ​ຫ່າງ​ໄກ​ລະຫວ່າງ​ວິທີ​ປິ່ນປົວ​ທ່ານ ທຣຳ ກັບ​ປະຊາຊົນ​ອາ​ເມ​ລິ​ກາ​ສ່ວນ​ຫລາຍ​ທີ່​ຕິດ​ເຊື້ອ, ​ເຖິງຄວາມ​ເປັນ​ຈິງ​ທີ່​ວ່າ ຜູ້ນຳ​ປະ​ເທດ​ຕ້ອງ​ໄດ້​ຮັບ​ການ​ເບິ່ງ​ແຍງ​ເປັນ​ພິ​ເສດ​ດ້ວຍ​ວິທີປິ່ນປົວ​ທີ່​ດີ​ສຸດ​ກໍ​ຕາມ, ​ແຕ່​ປະຕິ​ເສດ​ບໍ່​ໄດ້​ວ່າ ຄົນ​ທົ່ວ​ໄປ​ຍັງ​ບໍ່​ສາມາດ​ເຂົ້າ​ເຖິງ​ວິທີ​ປິ່ນປົວ​ບາງ​ຢ່າງ. ຂະນະ​ທີ່​ທ່ານ ທຣຳ ບອກ​ໃຫ້​ປະຊາຊົນຢ່າ​ຢ້ານ​ໂຄ​ວິດ-19 ​ເຊິ່ງຖືກ​ຜູ້​ໃຊ້ Twitter ຕອບ​ກັບ​ວ່າ: ບໍ່​ແມ່ນ​ຊາວ​ອາ​ເມ​ລິ​ກາ​ທຸກ​ຄົນ​ທີ່​ຈະ​ໄດ້​ຮັບ​ການ​ປິ່ນປົວ​ຄື​ປະທານາທິບໍດີ.

ທ່ານ ທຣຳ ອອກຈາກໂຮງໝໍແລ້ວ ຖອດຜ້າປິດປາກ-ດັງອອກ ຫລັງຮອດເຖິງທຳນຽບຂາວ ບອກປະຊາຊົນຢ່າຢ້ານໂຄວິດ-19 - WhatsApp Image 2020 05 27 at 5 - ທ່ານ ທຣຳ ອອກຈາກໂຮງໝໍແລ້ວ ຖອດຜ້າປິດປາກ-ດັງອອກ ຫລັງຮອດເຖິງທຳນຽບຂາວ ບອກປະຊາຊົນຢ່າຢ້ານໂຄວິດ-19
error: Alert: Content is protected !!