ເຈົ້າແຂວງບໍລິຄຳໄຊເຄື່ອນໄຫວຊຸກຍູ້ການຜະລິດເປັນສິນຄ້າຢູ່ເມືອງປາກກະດິງ

- 19449504 1025634644206448 1288074982 o - ເຈົ້າແຂວງບໍລິຄຳໄຊເຄື່ອນໄຫວຊຸກຍູ້ການຜະລິດເປັນສິນຄ້າຢູ່ເມືອງປາກກະດິງ
- AGL banner - ເຈົ້າແຂວງບໍລິຄຳໄຊເຄື່ອນໄຫວຊຸກຍູ້ການຜະລິດເປັນສິນຄ້າຢູ່ເມືອງປາກກະດິງ

ແຫລ່ງຂ່າວທ້ອງຖິ່ນໃຫ້ຮູ້ວ່າ:  ເມື່ອທ້າຍອາທິດຜ່ານມາ ທ່ານ ກອງແກ້ວ ໄຊສົງຄາມ ເຈົ້າແຂວງບໍລິຄຳໄຊ ພ້ອມຄະນະໄດ້ ລົງເຄື່ອນໄຫວຊຸກຍູ້ການຜະລິດເປັນສິນ ຄ້າຢູ່ເມືອງປາກ ກະດິງ.

ໂດຍໄດ້ລົງກວດກາທ່າ ເຮືອຂົນສົ່ງຫີນຜາຂອງບໍລິສັດ ລາວຈະເລີນຂາອອກ-ຂາເຂົ້າ ຂຸດຄົ້ນແຮ່ທາດຈຳກັດຜູ້ດຽວຕັ້ງຢູ່ບ້ານທ່າສະອາດ ເມືອງປາກກະດິງໄດ້ສຳປະທານຂຸດຄົ້ນ ຫີນຜາຢູ່ບ້ານນາພົງ ໃນນັ້ນໄດ້ຜະລິດ ແລະ ຈຳໜ່າຍຫີນຄົບຫລາຍຂະໜາດ, ຫລາຍປະເພດຕາມການສັ່ງຈອງຂອງລູກຄ້າທັງພາຍໃນ ແລະ ຕ່າງປະເທດ, ສຳລັບການສົ່ງອອກຕ່າງ ປະເທດ ນັ້ນຈະແມ່ນຫີນຂະໜາດບໍ່ເກີນ 25 ຊັງຕີແມັດຕາມການອະນຸຍາດຂອງແຂວງ.

 

+ ເຈົ້າໜ້າທີ່ແຂວງບໍລິຄຳໄຊ ແລະ ບໍ່ແກ້ວມ້າງຄະດີຢາເສບຕິດລາຍໃຫຍ່

+ ເຈົ້າແຂວງເຊກອງເນັ້ນ 7 ບັນຫາໃຫ້ຂະແໜງການຕ່າງໆຂອງແຂວງເລັ່ງປະຕິບັດ

+ ບໍລິຄຳໄຊເປີດສັບປະດາຕ້ານໄຂ້ຍຸງລາຍ

- Wave100S AD to Website 2020 0 - ເຈົ້າແຂວງບໍລິຄຳໄຊເຄື່ອນໄຫວຊຸກຍູ້ການຜະລິດເປັນສິນຄ້າຢູ່ເມືອງປາກກະດິງ

 

 

ຈາກນັ້ນໄດ້ໄປເບິ່ງສວນ ຢາງພາລາຂອງບໍລິສັດໂກເອັກ ໂກທີ່ໄດ້ເລີ່ມປູກຢາງພາລາມາ ແຕ່ຕົ້ນປີ 2007 ໃນເນື້ອທີ່ສຳປະທານ 1.000 ເຮັກຕາ ແລະ ເລີ່ມປາດຢາງມາແຕ່ປີ 2015 ໄດ້ປະມານ 1.500 ໂຕ້ນຕໍ່ປີ,  ມີກຳມະກອນ 400 ກວ່າຄົນ, ໃນນັ້ນຄົນລາວປະມານ 350  ກວ່າຄົນສ່ວນໃຫຍ່ແມ່ນປະຊາຊົນບ້ານໄກ້ຄຽງ, ສ່ວນແບ່ງຜູ້ຮັບປາດແມ່ນ 40% ແລະ ບໍລິສັດ 60%.

ຈາກນັ້ນທ່ານເຈົ້າແຂວງ ໄດ້ໄປເບິ່ງການລ້ຽງໝູພັນຊີ້ນ ຂອງຄອບຄົວທ່ານ ໄມມີ ແກ້ວ ມີໄຊ ຢູ່ບ້ານວຽງຄຳ ເຊິ່ງໄດ້ ເລີ່ມລ້ຽງໝູພັນຊີ້ນມາໄດ້ 2 ປີ,   ປີໜຶ່ງລ້ຽງ 3 ງວດ, ລ້ຽງງວດ ໜຶ່ງ 200-300 ໂຕແນວພັນ ແມ່ນນຳເຂົ້າຈາກປະເທດເພື່ອນ  ບ້ານ ແລະ ຈາກຟາມແຂວງ ຄຳມ່ວນ, ສາມາດສ້າງລາຍໄດ້   50-60 ລ້ານກີບ, ຕໍ່ງວດມີແຮງ  ງານ 3 ຄົນ. ຫລັງຈາກນັ້ນ ທ່ານຍັງໄດ້ໄປເບິ່ງການປັກດຳ ເຂົ້ານາປີຂອງປະຊາຊົນບ້ານ ປາກກະດິງໃຕ້ລຽບຕາມແຄມ ແມ່ນ້ຳຂອງຕື່ມອີກ.

ຂ່າວໃຫ້ຮູ້ອີກວ່າ: ໃນວັນດຽວກັນ ທ່ານ ເຈົ້າແຂວງພ້ອມ ດ້ວຍຄະນະໄດ້ຂີ່ເຮືອໄປສຳ ຫລວດເບິ່ງຜົນກະທົບຈາກຕະຝັ່ງເຈື່ອນລຽບແຄມແມ່ນ້ຳຂອງເລີ່ມຈາກດ່ານພາສີສາກົນປາກ ຊັນ-ບຶງການ ລົງໄປຈົນສຸດເຂດຊາຍແດນບໍລິຄຳໄຊບ້ານນາ ນ້າມເມືອງປາກະດິງຈຸດເຊື່ອມ ຕໍ່ເຂດຊາຍແດນກັບແຂວງຄຳມ່ວນ ມີໄລຍະທາງປະມານ 103 ກິໂລແມັດ. ເຊິ່ງປະກົດ ເຫັນມີດິນເຊາະເຈື່ອນແຄມຝັ່ງແມ່ນ້ຳຂອງ, ໂດຍສະເພາະເຂດການຜະລິດຂອງປະຊາຊົນເພື່ອເກັບກຳຂໍ້ມູນຜົນກະທົບດັ່ງກ່າວເພື່ອຫາວິທີປ້ອງກັນແກ້ໄຂໃຫ້ທັນການ.

- WhatsApp Image 2020 05 27 at 5 - ເຈົ້າແຂວງບໍລິຄຳໄຊເຄື່ອນໄຫວຊຸກຍູ້ການຜະລິດເປັນສິນຄ້າຢູ່ເມືອງປາກກະດິງ
- WhatsApp Image 2020 05 27 at 5 - ເຈົ້າແຂວງບໍລິຄຳໄຊເຄື່ອນໄຫວຊຸກຍູ້ການຜະລິດເປັນສິນຄ້າຢູ່ເມືອງປາກກະດິງ
- WhatsApp Image 2020 05 27 at 5 - ເຈົ້າແຂວງບໍລິຄຳໄຊເຄື່ອນໄຫວຊຸກຍູ້ການຜະລິດເປັນສິນຄ້າຢູ່ເມືອງປາກກະດິງ
- WhatsApp Image 2020 05 27 at 5 - ເຈົ້າແຂວງບໍລິຄຳໄຊເຄື່ອນໄຫວຊຸກຍູ້ການຜະລິດເປັນສິນຄ້າຢູ່ເມືອງປາກກະດິງ
error: Alert: Content is protected !!