ມຊ ເຕືອນ​ຊ່ວງນີ້ໃຫ້ລະວັງກຸ່ມ​ຄົນ​ບໍ່ດີ​ຫລອກ​ເອົາ​ເງີ​ນດ້ວຍການແອບ​ອ້າງ​ແລ່ນ​​ເຂົ້າຮຽນຕໍ່

- nuol 1 - ມຊ ເຕືອນ​ຊ່ວງນີ້ໃຫ້ລະວັງກຸ່ມ​ຄົນ​ບໍ່ດີ​ຫລອກ​ເອົາ​ເງີ​ນດ້ວຍການແອບ​ອ້າງ​ແລ່ນ​​ເຂົ້າຮຽນຕໍ່
- AGL banner - ມຊ ເຕືອນ​ຊ່ວງນີ້ໃຫ້ລະວັງກຸ່ມ​ຄົນ​ບໍ່ດີ​ຫລອກ​ເອົາ​ເງີ​ນດ້ວຍການແອບ​ອ້າງ​ແລ່ນ​​ເຂົ້າຮຽນຕໍ່

ປັດຈຸ​ບັນ​ການ​ສອບ​ເສັງ​ຈົບຊັ້ນມໍປາຍໃນທົ່ວ​ປະ​ເທດ​ໄດ້​ສໍາເລັດ​ລົງແລ້ວ, ຊຶ່ງ​ບັນດາ​ນັກຮຽນ, ນັກ​ສຶກສາ ຕ່າງ​ກໍ​ກຽມຈິດ​ກຽມ​ໃຈ​ເອົາ​ໃຈ​ໃສ່​ໃນ​ການ​ຄົ້ນ​ຄ້ວາ​ບົດຮຽນ ​ເພື່ອ​ກຽມສອບ​ເສັງ​ເຂົ້າມະຫາວິທະຍາ​ໄລ ​ແລະ ສະ​ຖາ​ບັນ​ການ​ສຶກສາ​ຕ່າງໆ ແລະ ຄືດັ່ງທຸກປີຜ່ານມາພໍຮອດໄລຍະກະກຽມສອບເສັງເຂົ້າຮຽນໃນລະດັບສູງ ຫລື ອາຊີວະ, ຈຶ່ງມັກ​ມີ​ກຸ່ມ​ຄົນ​ບໍ່ດີ​ສວຍ​ໂອກາດ​ແອບ​ອ້າງວ່າ​ສາມາດ​ແລ່ນ​ເອົາ​ເຂົ້າຮຽນ​ໃນ​ມະຫາວິທະຍາ​ໄລ​ຂອງລັດ, ໂດຍ​ສະ​ເພາະ​ແມ່ນ​ມະຫາວິທະຍາ​ໄລ​ແຫ່ງ​ຊາດ, ຊຶ່ງ​ເປັນ​ສະ​ຖາ​ບັນ​ການ​ສຶກສາ​ທີ່ມີຊື່ສຽງ​ຂອງປະເທດ ແລະ ຜ່ານມາກໍເຄີຍມີຜູ້ຕົກເປັນເຫຍື່ອຂອງກຸ່ມຄົນດັ່ງກ່າວມາແລ້ວນັບບໍ່ຖ້ວນ.

ຕໍ່ບັນຫານີ້, ທາງມະຫາວິທະຍາ​ໄລ​ແຫ່ງ​ຊາດ ກໍ​ໄດ້​ອອກ​ມາ​ເຕືອນ​ໃຫ້​ສັງຄົມ, ກໍ​ຄືຜູ້​ປົກຄອງນັກຮຽນ-ນັກ​ສຶກສາຢ່າ​ຫລົງ​ເຊື່ອ​ກັບ​ການ​ຕົວະ​ຍົວະໃນລັກສະນະດັ່ງກ່າວເດັດຂາດ ແລະ ​ທັງໄດ້​ຢືນຢັນວ່າ​ການ​ສອບ​ເສັງ​ຄັດ​ເລືອກ​ເອົານັກ​ສຶກສາ​ເຂົ້າຮຽນຢູ່ມະຫາວິທະຍາ​ໄລ​ແຫ່ງ​ຊາດສົກຮຽນປີນີ້ແມ່ນຈະເນັ້ນ​ຄວາມເຂັ້ມງວດ ແລະ ​ໂປ່​ງ​ໃສ.

ທ່ານ ຄຳ​ຜົງ ນາມມະ​ວົງ​ມີ​ໄຊ ຫົວໜ້າຫ້ອງການວິຊາ​ການມະຫາວິທະຍາ​ໄລ​ແຫ່ງ​ຊາດ ​ໄດ້​​ໃຫ້​ຮູ້​ວ່າ: ປັດຈຸບັນໄດ້ມີ​ກຸ່ມ​ຄົນ​ບໍ່ດີ​ຈຳນວນໜຶ່ງ​ເຄື່ອນ​ໄຫວຕົວະ​ຍົວະຫລອກ​ລວງ​ຜູ້ປົກຄອງ, ກໍຄືພໍ່​ແມ່ນັກ​ສຶກສາວ່າສາມາດ​​ວິ່ງ​ເຕັ້ນແລ່ນ​ເອົາ​ລູກ​ຫລານ​​ເຂົ້າຮຽນຢູ່ມະຫາວິທະຍາ​ໄລ​ແຫ່ງ​ຊາດ, ​ໂດຍ​​ນັກ​ສຶກສາບໍ່ຕ້ອງຜ່ານ​ການ​ສອບ​ເສັງ ຫລື ​ເສັງ​ບໍ່ຜ່ານ​ກໍ​ສາມາດປອມ​ແປງ​ລາຍ​ຊື່​ໃຫ້​ເຂົ້າຮຽນ​ໄດ້, ​ເຊິ່ງ​ໃນ​ປີຜ່ານມາທາງ​ມະຫາວິທະຍາ​ໄລ​ແຫ່ງ​ຊາດ​ໄດ້​ພົບ​ເຫັນ​ 2 ກໍລະນີທີ່​ນັກ​ສຶກສາ​ໄດ້​ປອມ​ແປງ​ເອກະສານ ເປັນຕົ້ນ: ​ໃບ​ປະກາດ​ຈົບ​ຊັ້ນ ມໍປາຍ ​ແລະ ​ລາຍ​ຊື່​ສອບ​ເສັງ ແລະ ໄດ້ຮຽກ​ນັກ​ສຶກສາທີ່ກະທໍາຜິດດັ່ງກ່າວ​ມາ​ສອບ​ສວນ ​ແລະ ຜູ້​ປົກຄອງກໍ​ຮັບ​ສາລະພາບ​ວ່າ​ໄດ້​ປອມ​ແປງ​ເອກະສານແທ້, ​ໂດຍ​ມີ​ກຸ່ມຄົນຈໍານວນໜຶ່ງຜູ້ດໍາເນີນການໃຫ້ທັງໝົດ,​ ​ເຊິ່ງທາງມະຫາວິທະຍາ​ໄລ​ແຫ່ງ​ຊາດກໍ​ໄດ້​ຕັດ​ສິດ​ນັກ​ສຶກສາທັງ​ສອງ​ຄົນ, ພ້ອມ​​ສົ່ງ​ຕົວ​ໃຫ້​ເຈົ້າໜ້າທີ່​ດຳ​ເນີນ​ຄະດີ​ຕາມ​ລະບຽບກົດໝາຍ.

- Wave100S AD to Website 2020 0 - ມຊ ເຕືອນ​ຊ່ວງນີ້ໃຫ້ລະວັງກຸ່ມ​ຄົນ​ບໍ່ດີ​ຫລອກ​ເອົາ​ເງີ​ນດ້ວຍການແອບ​ອ້າງ​ແລ່ນ​​ເຂົ້າຮຽນຕໍ່

ຫົວໜ້າຫ້ອງການກວິຊາ​ການມະຫາວິທະຍາ​ໄລ​ແຫ່ງ​ຊາດ ​ໃຫ້​ຮູ້​ວ່າ: ສໍາລັບການ​ສອບ​ເສັງ​ຄັດ​ເລືອກ​ເອົາ​ນັກ​ສຶກສາ​ເຂົ້າຮຽນຢູ່ມະຫາວິທະຍາ​ໄລ​ແຫ່ງ​ຊາດ ​ແມ່ນ​ມີ​ຄວາມ​ໂປ່​ງ​ໃສ ​ແລະ ຍຸຕິ​ທຳຫລາຍຂຶ້ນ, ​ເນື່ອງຈາກປັດຈຸບັນການກວດ​ຄະ​ແນນ ​ແລະ ກວດ​ຂໍ້​ສອບ ​ແມ່ນ​ໄດ້​ໃຊ້​ມາດຖານ​ສາກົນຄືນຳ​ໃຊ້​ລະບົບ​ຄອມ​ພິວ​ເຕີ, ຊຶ່ງ​​ເຮັດ​ໃຫ້​ມີ​ຄວາມ​ວ່ອງ​ໄວ ​ແລະ ​ໂປ່​ງ​ໃສ​ທີ່​ສຸດ, ພ້ອມ​ນີ້ການ​ປະກາດຜົນ​ການ​ສອບ​ເສັງ​​ແມ່ນໄດ້​ຜ່ານ​ການ​ກວດກາຂອງ​ຄະນະ​ກຳມະການ​ສອບ​ເສັງ​ລະດັບ​ຊາດ, ​ໂດຍ​ຈັດ​ລຽງຄະ​ແນນ​ແຕ່​ສູງຫາ​ຕ່ຳ ຕາມ​ເກນ​ມາດຕະຖານ​ຄະ​ແນນ​ທີ່​ກຳນົດ​ໃນ​ລາຍ​ວິຊາ, ​ເຊິ່ງພາຍຫລັງ​​ກວດກາ​ລາຍ​ຊື່, ຄະ​ແນນ​ທີ່​ຖືກຕ້ອງ ​ແລະ ຜ່ານ​ການ​ຮັບຮອງ​ຜົນ​ສອບ​ເສັງຈາກ​ກະຊວງ​ສຶກສາ​ທິການ ​ແລະ ກິລາ ພາຍ​ໃນ 15 ວັນ ​ແລະ ຜູ້​ຖືກ​ຄັດ​ເລືອກ​ແມ່ນ​ໃຫ້​ມາ​ລົງທະບຽນພາຍ​ໃນ 30 ວັນ, ຖ້າ​ກາຍ​ກຳນົດ​ແມ່ນ​ສະຫລະ​ສິດ ແລະ ຫລັງຈາກຮັບນັກສືກສາໄດ້ປະມານ 1 ​ເດືອນ, ກໍ​ຈະ​ມີ​ການກວດ​ເຊັກປະຫວັດ ​ແລະ ​ເອກະສານ​ທຸກ​ຢ່າງ​ຂອງ​ນັກ​ສຶກສາ​ຢ່າງ​ລະອຽດ ​ເພື່ອ​ຮັບປະກັນ​ບໍ່ໃຫ້ມີການປອມ​ແປງ​ເອກະສານ​ຂອງ​ນັກ​ສຶກສາ ​ແລະ ຮັບປະກັນ​ຄວາມ​ໂປ່​ງ​ໃສ ​ເພື່ອ​ເຮັດ​ໃຫ້ວຽກງານການ​ສຶກສາກໍຄືການ​ພັດທະນາ​ຊັບພະຍາກອນ​ມະນຸ​ດມີ​ຄຸນ​ນະພາ​ບຫລາຍຂຶ້ນ.​​

- WhatsApp Image 2020 05 27 at 5 - ມຊ ເຕືອນ​ຊ່ວງນີ້ໃຫ້ລະວັງກຸ່ມ​ຄົນ​ບໍ່ດີ​ຫລອກ​ເອົາ​ເງີ​ນດ້ວຍການແອບ​ອ້າງ​ແລ່ນ​​ເຂົ້າຮຽນຕໍ່
- WhatsApp Image 2020 05 27 at 5 - ມຊ ເຕືອນ​ຊ່ວງນີ້ໃຫ້ລະວັງກຸ່ມ​ຄົນ​ບໍ່ດີ​ຫລອກ​ເອົາ​ເງີ​ນດ້ວຍການແອບ​ອ້າງ​ແລ່ນ​​ເຂົ້າຮຽນຕໍ່
- WhatsApp Image 2020 05 27 at 5 - ມຊ ເຕືອນ​ຊ່ວງນີ້ໃຫ້ລະວັງກຸ່ມ​ຄົນ​ບໍ່ດີ​ຫລອກ​ເອົາ​ເງີ​ນດ້ວຍການແອບ​ອ້າງ​ແລ່ນ​​ເຂົ້າຮຽນຕໍ່
- WhatsApp Image 2020 05 27 at 5 - ມຊ ເຕືອນ​ຊ່ວງນີ້ໃຫ້ລະວັງກຸ່ມ​ຄົນ​ບໍ່ດີ​ຫລອກ​ເອົາ​ເງີ​ນດ້ວຍການແອບ​ອ້າງ​ແລ່ນ​​ເຂົ້າຮຽນຕໍ່
error: Alert: Content is protected !!