Armenia ສະເໜີທາງອອກ ສຳປະທານຮ່ວມໃນພື້ນທີ່ຂັດແຍ່ງ ກັບ Azerbaijan ຫລັງສູ້ຮົບຍືດເຍື້ອມື້ທີ 10 ເສຍຊີວິດເກີນ 260 ຄົນ

armenia ສະເໜີທາງອອກ ສຳປະທານຮ່ວມໃນພື້ນທີ່ຂັດແຍ່ງ ກັບ azerbaijan ຫລັງສູ້ຮົບຍືດເຍື້ອມື້ທີ 10 ເສຍຊີວິດເກີນ 260 ຄົນ - Armenia                                                                     - Armenia ສະເໜີທາງອອກ ສຳປະທານຮ່ວມໃນພື້ນທີ່ຂັດແຍ່ງ ກັບ Azerbaijan ຫລັງສູ້ຮົບຍືດເຍື້ອມື້ທີ 10 ເສຍຊີວິດເກີນ 260 ຄົນ
armenia ສະເໜີທາງອອກ ສຳປະທານຮ່ວມໃນພື້ນທີ່ຂັດແຍ່ງ ກັບ azerbaijan ຫລັງສູ້ຮົບຍືດເຍື້ອມື້ທີ 10 ເສຍຊີວິດເກີນ 260 ຄົນ - Untitled design - Armenia ສະເໜີທາງອອກ ສຳປະທານຮ່ວມໃນພື້ນທີ່ຂັດແຍ່ງ ກັບ Azerbaijan ຫລັງສູ້ຮົບຍືດເຍື້ອມື້ທີ 10 ເສຍຊີວິດເກີນ 260 ຄົນ

ທ່ານ ນິ​ໂຄລ ປາ​ຊິນ​ນຽນ ນາຍົກລັດຖະມົນຕີ Armenia ​ເປີດ​ເຜີຍ​ວ່າ: Armenia ພ້ອມ​ເຮັດ​ຂໍ້​ຕົກລົງ​ສຳ​ປະທານ​ຮ່ວມ​ໃນ​ພາກພື້ນນາ​ກໍ​ໂນ-ຄາຣາບັກ ກັບ Azerbaijan ​ເພື່ອ​ຫລຸດຜ່ອນ​ຄວາມ​ຂັດ​ແຍ່ງ ຫລັງ​ຈາກ​ທະຫານ​ຂອງ​ທັງ​ສອງ​ຝ່າຍ​ປະ​ທະ​ກັນ​ຕໍ່​ເນື່ອງ​​ເຂົ້າສູ່​ມື້ທີ 10 ​ແລະ ມີ​ຜູ້​ເສຍ​ຊີວິດ​ແລ້ວ​ຫລາຍ​ກວ່າ 260 ຄົນ.

ສຳລັບການ​ສູ້​ຮົບ​ໃນ​ວັນ​ທີ 6 ຕຸລາ​ນີ້ ​ເຊິ່ງ​ເປັນ​ມື້ທີ 10 ມີ​ລາຍ​ງານ​ວ່າ: ທະຫານ​ຂອງ​ຝ່າຍ​ກອງ​ກຳລັງ​ຊົນ​ພື້ນ​ເມືອງ Armenia ທີ່​ຄວບ​ຄຸມພື້ນທີ່​ນາ​ກໍ​ໂນ-ຄາຣາບັກ ​ເສຍ​ຊີວິດ​ເພີ່ມ​ອີກ 21 ຄົນ ສົ່ງ​ຜົນ​ໃຫ້​ຈຳນວນ​ລວມທະຫານ​ທີ່​ເສຍ​ຊີວິດ ນັບ​ແຕ່​ການ​ສູ້​ຮົບ​ເກີດ​ຂຶ້ນ​ເມື່ອ​ວັນ​ທີ 27 ກັນຍາ​ຜ່ານ​ມາ ​ເພີ່ມ​ເປັນ 220 ກວ່າ​ຄົນ ​ແລະ ພົນລະ​ເຮືອນ​ເສຍ​ຊີວິດ 21 ຄົນ​, ບາດ​ເຈັບ 82 ຄົນ.

ສ່ວນ​ທາງ Azerbaijan ບໍ່​ເປີດ​ເຜີຍ​ລາຍ​ລະອຽດ​ທະຫານ​ທີ່​ບາດ​ເຈັບ ຫລື ​ເສຍ​ຊີວິດ, ​ແຕ່​ລາຍ​ງານ​ວ່າ​ມີ​ພົນລະ​ເຮືອນ​ເສຍ​ຊີວິດ 25 ຄົນ ​ແລະ ບາດ​ເຈັບ 127 ຄົນ.

ທາງ​ດ້ານ​ກອງທັບ Armenia ລາຍ​ງານ​ວ່າ: ກອງທັບ Azerbaijan ພະຍາຍາມ​ໂຈມ​ຕີ​ພື້ນທີ່​ທີ່​ມີ​ຊຸມ​ຊົນ​ໜາ​ແໜ້ນ ​ໂດຍ​ໄດ້​ຍິງ​ອາວຸດ​ນຳ​ວິຖີ​ຫລາຍ​ລູກ​ໂຈມ​ຕີ​ເມືອງ​ສະ​ເຕພາ​ນາ​ແກ​ດ ​ເຊິ່ງ​ເປັນ​ເມືອງ​ເອກ​ຂອງ​ນາ​ກໍ​ໂນ-ຄາຣາບັກ.

armenia ສະເໜີທາງອອກ ສຳປະທານຮ່ວມໃນພື້ນທີ່ຂັດແຍ່ງ ກັບ azerbaijan ຫລັງສູ້ຮົບຍືດເຍື້ອມື້ທີ 10 ເສຍຊີວິດເກີນ 260 ຄົນ - Wave100S AD to Website 2020 0 - Armenia ສະເໜີທາງອອກ ສຳປະທານຮ່ວມໃນພື້ນທີ່ຂັດແຍ່ງ ກັບ Azerbaijan ຫລັງສູ້ຮົບຍືດເຍື້ອມື້ທີ 10 ເສຍຊີວິດເກີນ 260 ຄົນ

ຂະນະ​ທີ່​ກະຊວງ​ປ້ອງ​ກັນ​ປະ​ເທດ Azerbaijan ກ່າວ​ຫາກ​ອງທັບ Armenia ວ່າ: ຍິງ​ລູກປືນ​ໃຫຍ່​ໂຈມ​ຕີ​ຫລາຍ​ເມືອງ​ທີ່ຢູ່​ນອກ​ພື້ນທີ່​ຂັດ​ແຍ່ງ ລວມທັງ​ເມືອງ​ການ​ຊາ ​ເຊິ່ງ​ເປັນ​ເມືອງ​ໃຫຍ່​ອັນ​ດັບ 2 ຂອງ​ປະ​ເທດ.

ທັງ​ນີ້ ພາກພື້ນນາ​ກໍ​ໂນ-ຄາຣາບັກ ​ເປັນ​ເຂດ​ປົກຄອງ​ຕົນ​ເອງ​ທີ່​ໄດ້​ຮັບ​ການ​ຍອມຮັບ​ຈາກ​ນາໆ​ຊາດ​ວ່າ​ຢູ່​ພາຍ​ໃຕ້​ການ​ປົກຄອງ​ຂອງ Azerbaijan ນັບ​ແຕ່​ຍຸກ​ສະຫະພາບ​ໂຊ​ວຽດ, ​ແຕ່​ຊົນ​ພື້ນ​ເມືອງ​ຊາວ Armenia ​ເຊິ່ງ​ເປັນປະຊາກອນ​ສ່ວນ​ຫລາຍ​ນັ້ນ ​ເປັນ​ຝ່າຍ​ຄວບ​ຄຸມພື້ນທີ່ ​ແລະ ປະກາດ​ແຍກ​ຕົວ​ຈາກ Azerbaijan ນັບ​ແຕ່​ປີ 1991 ​ເຮັດ​ໃຫ້​ເກີດ​ສົງຄາມ​ໃນ​ພື້ນທີ່​ເປັນຄັ້ງທຳ​ອິດ​ເມື່ອ​ປີ 1992-1994 ​ເຊິ່ງມີ​ຜູ້​ເສຍ​ຊີວິດ 30.000 ກວ່າ​ຄົນ.

armenia ສະເໜີທາງອອກ ສຳປະທານຮ່ວມໃນພື້ນທີ່ຂັດແຍ່ງ ກັບ azerbaijan ຫລັງສູ້ຮົບຍືດເຍື້ອມື້ທີ 10 ເສຍຊີວິດເກີນ 260 ຄົນ - WhatsApp Image 2020 05 27 at 5 - Armenia ສະເໜີທາງອອກ ສຳປະທານຮ່ວມໃນພື້ນທີ່ຂັດແຍ່ງ ກັບ Azerbaijan ຫລັງສູ້ຮົບຍືດເຍື້ອມື້ທີ 10 ເສຍຊີວິດເກີນ 260 ຄົນ
armenia ສະເໜີທາງອອກ ສຳປະທານຮ່ວມໃນພື້ນທີ່ຂັດແຍ່ງ ກັບ azerbaijan ຫລັງສູ້ຮົບຍືດເຍື້ອມື້ທີ 10 ເສຍຊີວິດເກີນ 260 ຄົນ - WhatsApp Image 2020 05 27 at 5 - Armenia ສະເໜີທາງອອກ ສຳປະທານຮ່ວມໃນພື້ນທີ່ຂັດແຍ່ງ ກັບ Azerbaijan ຫລັງສູ້ຮົບຍືດເຍື້ອມື້ທີ 10 ເສຍຊີວິດເກີນ 260 ຄົນ
error: Alert: ເນື້ອຫາຂ່າວມີລິຂະສິດ !!