ກິນໄຂ່ຕົ້ມເປັນປະຈຳ ຈະສົ່ງຜົນດີຕໍ່ສຸຂະພາບແບບນີ້.

ກິນໄຂ່ຕົ້ມເປັນປະຈຳ ຈະສົ່ງຜົນດີຕໍ່ສຸຂະພາບແບບນີ້. -           -   ກິນໄຂ່ຕົ້ມເປັນປະຈຳ ຈະສົ່ງຜົນດີຕໍ່ສຸຂະພາບແບບນີ້.
ກິນໄຂ່ຕົ້ມເປັນປະຈຳ ຈະສົ່ງຜົນດີຕໍ່ສຸຂະພາບແບບນີ້. - Untitled design -   ກິນໄຂ່ຕົ້ມເປັນປະຈຳ ຈະສົ່ງຜົນດີຕໍ່ສຸຂະພາບແບບນີ້.

 

  1. ຊ່ວຍເສີມສ້າງກ້າມຊີ້ນ : ໃນໄຂ່ຕົ້ມປະກອບໄປດ້ວຍໂປຣຕິນທີ່ມີກົດອະມິໂນ ເຊິ່ງມີສ່ວນຊ່ວຍໃນການເສີມສ້າງາ ແລະ ຟື້ນຟູກ້າມຊີ້ນໃຫ້ແກ່ຮ່າງກາຍ. ດັ່ງນັ້ນ, ໃຜທີ່ອອກກຳລັງກາຍເປັນປະຈຳ ຈຶ່ງຄວນກິນໄຂ່ຕົ້ມເພື່ອໄປຊ່ວຍຟື້ນຟູກ້າມຊີ້ນໃຫ້ແຂງແຮງ ແລະ ເພີ່ມກຳລັງຂອງກ້າມຊີ້ນ ເຮັດໃຫ້ອອກກຳລັງກາຍໄດ້ດົນຂຶ້ນ ແລະ ເມື່ອຍໜ້ອຍລົງ ທັງນີ້ ໂປຣຕິນທີ່ມີຫລາຍໃນໄຂ່ຂາວກໍເຮັດໃຫ້ຮູ້ສຶກອີ່ມດົນຂຶ້ນ.
  2. ເສີມສ້າງກະດູກໃຫ້ແຂງແຮງ : ໃນໄຂ່ມີທາດການຊຽມ ແລະ ຟົສຟໍຫລາຍພໍສົມຄວນ ດັ່ງນັ້ນ ການກິນໄຂ່ຕົ້ມຈຶ່ງເປັນວິທີຊ່ວຍເສີມສ້າງກະດູກໃຫ້ແຂງແຮງໄດ້ອີກໜຶ່ງວິທີ. ນອກຈາກນີ້, ຍັງມີວິຕາມິນ D ທີ່ມີໜ້າທີ່ຊ່ວຍດູດຊຶມ ແລະ ເຮັດໃຫ້ຮ່າງກາຍໃຊ້ປະໂຫຍດຈາກທາດການຊຽມ ແລະ ຟົສຟໍໄດ້ຢ່າງເຕັມທີ່.
  3. ເສີມສ້າງພູມຕ້ານທານ : ໄຂ່ຕົ້ມອຸດົມໄປດ້ວຍວິຕາມິນ A, ວິຕາມິນ D ແລະ ທາດເຫລັກ ທີ່ມີສ່ວນຊ່ວຍເສີມສ້າງລະບົບພູມຕ້ານທານໃນຮ່າງກາຍຂອງເຮົາໃຫ້ແຂງແຮງ ດັ່ງນັ້ນ ຈຶ່ງຄວນກິນເປັນຢ່າງຍິ່ງ.
  4. ບຳລຸງເລັບ ແລະ ເສັ້ນຜົມ : ໄຂ່ຕົ້ມມີສານຕ້ານອະນຸມນູນອິດສະລະ, ວິຕາມິນ D, ທາດເຫລັກ, ສັງກະສີ ແລະ ກຳມະຖັນ ໃນປະລິມານຫລາຍ ເຊິ່ງຈະຊ່ວຍບຳລຸງເສັ້ນຜົມ ແລະ ເລັບຂອງເຮົາໃຫ້ແຂງແຮງ ແລະ ຍັງປ້ອງກັນຜົມຫລົ່ນນຳອີກ.
  5. ບຳລຸງສາຍຕາ : ເນື່ອງຈາກໃນໄຂ່ຕົ້ມມີລູທີນ ແລະ ຊີແຊນທີນ ທີ່ເປັນສານອາຫານສຳຄັນທີ່ຊ່ວຍປົກປ້ອງດວງຕາ ທັງຍັງປ້ອງກັນຈໍປະສາດຕາເສື່ອມ ແລະ ຫລຸດຄວາມສ່ຽງເປັນຕາຕໍ້ – ຕາຟາງລົງໄດ້.
  6. ຊ່ວຍຫລຸດ ແລະ ຄວບຄຸມນຳ້ໜັກ : ໄຂ່ຕົ້ມໃຫ້ພະລັງງານໜ້ອຍ ໄຂ່ 1 ໜ່ວຍປະມານ 70 – 85 ກິໂລກາລໍຣີ ຈຶ່ງເໝາະສົມກັບຄົນທີ່ຢາກຫລຸດນຳ້ໜັກ, ຫລຸດຄວາມຕຸ້ຍ ແລະ ຄວບຄຸມນຳ້ໜັກ ເພາະນອກຈາກຈະມີກາລໍຣີບໍ່ຫລາຍແລ້ວ ຍັງມີໂປຣຕິນທີ່ເຮັດໃຫ້ອີ່ມດົນ ຈຶ່ງບໍ່ຫິວງ່າຍ.
  7. ຫລຸດຄວາມສ່ຽງພະຍາດຫົວໃຈ : ໄຂ່ຕົ້ມມີໄຂມັນບໍ່ອີ່ມໂຕ ນັ້ນແມ່ນໂອເມກ້າ 3 ທີ່ມີຄວາມຈຳເປັນຕໍ່ຮ່າງກາຍ, ຊ່ວຍບຳລຸງຫົວໃຈໃຫ້ແຂງແຮງ ທັງມີສານໂຄລີນຊ່ວຍຫລຸດການອັກເສບ ອັນເປັນສາເຫດຂອງພະຍາດຫົວໃຈໄດ້.
  8. ອຸດົມໄປດ້ວຍສານທີ່ຮ່າງກາຍຕ້ອງການ : ແນ່ນອນວ່າໄຂ່ຕົ້ມອຸດົມໄປດ້ວຍສານອາຫານທີ່ຈຳເປັນຕໍ່ຮ່າງກາຍຂອງເຮົາຫລວງຫລາຍ ທັງໂປຣຕິນ, ສັງກະສີ, ວິຕາມິນ A, ວິຕາມິນ B 1, B 2, B 6, B 12 ວິຕາມິນ E, ທາດເຫລັກ, ສັງກະສີ, ທາດການຊຽມ, ຟົສຟໍ, ກົດໂຟລິກ, ເລຊິທິນ, ລູທີນ ແລະ ຊີແຊນທີນ.
ກິນໄຂ່ຕົ້ມເປັນປະຈຳ ຈະສົ່ງຜົນດີຕໍ່ສຸຂະພາບແບບນີ້. - Wave100S AD to Website 2020 0 -   ກິນໄຂ່ຕົ້ມເປັນປະຈຳ ຈະສົ່ງຜົນດີຕໍ່ສຸຂະພາບແບບນີ້.
ກິນໄຂ່ຕົ້ມເປັນປະຈຳ ຈະສົ່ງຜົນດີຕໍ່ສຸຂະພາບແບບນີ້. - WhatsApp Image 2020 05 27 at 5 -   ກິນໄຂ່ຕົ້ມເປັນປະຈຳ ຈະສົ່ງຜົນດີຕໍ່ສຸຂະພາບແບບນີ້.
ກິນໄຂ່ຕົ້ມເປັນປະຈຳ ຈະສົ່ງຜົນດີຕໍ່ສຸຂະພາບແບບນີ້. - WhatsApp Image 2020 05 27 at 5 -   ກິນໄຂ່ຕົ້ມເປັນປະຈຳ ຈະສົ່ງຜົນດີຕໍ່ສຸຂະພາບແບບນີ້.
error: Alert: ເນື້ອຫາຂ່າວມີລິຂະສິດ !!