ແຊມາອຸນດົງສະຫລຸບຜົນການ ຈັດຕັ້ງປະຕິບັດໂຄງການໄລຍະທີ 1

- advert banner 728 90 728x90 - ແຊມາອຸນດົງສະຫລຸບຜົນການ ຈັດຕັ້ງປະຕິບັດໂຄງການໄລຍະທີ 1

ເມື່ອທ້າຍອາທິດຜ່ານມາ ຄະນະຊີ້ນຳໂຄງການພັດທະນາ ຊົນນະບົດແບບປະສົມປະສານ  (ແຊມາອຸນດົງ) ໄດ້ຈັດກອງປະ ຊຸມສະຫລຸບຜົນການຈັດຕັ້ງປະຕິບັດໂຄງການໄລຍະທີ 1 ແລະ  ຜ່ານແຜນການໄລຍະທີ I  ແລະ  ຜ່ານແຜນການໄລຍະທີ II ຂຶ້ນທີ່ ພະແນກກະສິກຳ ແລະ ປ່າໄມ້ ແຂວງສະຫວັນນະເຂດໂດຍການ ເປັນປະທານຂອງ ທ່ານ ສັນຕິພາບ ພົມວິຫານ ເຈົ້າແຂວງໆສະ ຫວັນນະເຂດ, ທ່ານ Dr. Chung kiwhan ປະທານອົງການແຊມາອຸນດົງ (KIRD)  ພ້ອມດ້ວຍ ຜູ້ປະສານງານຂັ້ນ ທ້ອງຖິ່ນ ແລະ ອຳນາດການປົກຄອງບ້ານເປົ້າ ໝາຍເຂົ້າຮ່ວມຢ່າງພ້ອມພຽງ.

- new3 - ແຊມາອຸນດົງສະຫລຸບຜົນການ ຈັດຕັ້ງປະຕິບັດໂຄງການໄລຍະທີ 1

 

 

+ ກວດສອບແຫ່ງລັດເຫັນການນໍາໃຊ້ງົບປະມານຜິດລະບຽບຫລວງຫລາຍ

+ ໂຄງການບູລະນະສຸສານວິລະກຳຈີນຢູ່ຊຽງຂວາງສຳເລັດແລ້ວ

- lattana 1 - ແຊມາອຸນດົງສະຫລຸບຜົນການ ຈັດຕັ້ງປະຕິບັດໂຄງການໄລຍະທີ 1

 

ປະທານອົງການແຊມາ ອຸນດົງມີຄຳເຫັນວ່າ: ໂຄງການ  ພັດທະນາຊົນນະບົດແບບປະສົມປະສານໄດ້ຈັດຕັ້ງປະຕິບັດຢູ່ ແຂວງວຽງຈັນ ແລະ ແຂວງສະຫວັນນະເຂດ, ໂດຍໄດ້ຮັບການ ຊ່ວຍເຫລືອລ້າຈາກລັດຖະບານ ສ.ເກົາຫລີ ໂດຍຜ່ານໂຄງການ   KOICA ເພື່ອທົດລອງໃນການ  ສ້າງບ້ານພັດທະນາແບບໃໝ່  (ແຊມາອຸນດົງ) ໃນມູນຄ່າ 14   ລ້ານກວ່າໂດລາ ສະຫະ ລັດ.  ພາຍຫລັງທີ່ມີການເປີດໂຄງ ການຢ່າງເປັນທາງການແຕ່ປີ 2015 ເປັນຕົ້ນມາ ແລະ ໂຄງ ການຈະສິ້ນສຸດໃນປີ 2019   ເຊິ່ງ ແຂວງສະຫວັນນະເຂດໄດ້  ກຳນົດເອົາເມືອງ ຈຳພອນ ແລະ  ເມືອງສອງຄອນຈຳນວນ 13   ບ້ານໃນນີ້ເມືອງຈຳພອນ 5 ບ້ານ  ຄື: ບ້ານໂພນມ່ວງ, ໂພນໂດກ,  ພາຍຂອງ, ໂພນສະອາດ ແລະ ບ້ານໂນນຄູນ; ເມືອງສອງຄອນ  ມີ: 8 ບ້ານຄື: ບ້ານລະຫານ້ຳ,   ທ່າຂາມລຽນ, ບ້ານແບ່ງ, ລະຫາໂຄກ, ກຸດຮີ, ນາກະລາ ແລະ   ບ້ານມ່ວງໄຂ່. ຈາກການຈັດຕັ້ງປະຕິບັດໂຄງການໄລຍະທີ 1 ໃນບັນດາກິດຈະກຳຕ່າງໆທີ່ ປະຊາຊົນ ມີສ່ວນຮ່ວມ 30/70  ແລະ ມີຜົນສຳເລັດເປັນຂັ້ນໆມາໂດຍມີຫລັກຄື: ປັບປຸງສ້ອມແປງເສັ້ນທາງຊອຍພາຍໃນບ້ານ,  ກໍ່ສ້າງ ແລະ ປັບປຸງຫ້ອງການ ບ້ານ, ປະຊາຊົນໄດ້ໃຊ້ນ້ຳ ສະອາດ ຢ່າງທົ່ວເຖິງ, ກໍ່ສ້າງອ່າງ ເກັບນ້ຳ, ສ້າງຝາຍນ້ຳລົ້ນ ແລະ ສ້າງຕະຫລາດຊຸມຊົນ; ວຽກ ງານສົ່ງເສີມປູກໄມ້ໃຫ້ໝາກ, ປູກຫຍ້າສັດລ້ຽງ, ປູກເຫັດ, ປູກຜັກໃນເຮືອນຮົ່ມ ແລະ ສົ່ງເສີມ ການເຮັດນາຢອດໂດຍ ໂຄງການສະໜັບສະໜູນເຄື່ອງ ຢອດ 10 ເຄື່ອງ ແລະ ເຄື່ອງ ຫລົກຫຍ້າ;  ວຽກງານສ້າງຄວາມເຂັ້ມແຂງໃຫ້ບ້ານກໍໄດ້ ຈັດການຝຶກອົບຮົມວິຊາການ ແລະ ນຳພາ ຄະນະພັດທະນາ ບ້ານ ແລະ ພະນັກງານໂຄງການເຂົ້າຮ່ວມຝຶກອົບຮົມຢູ່ສູນແຊມາອຸນດົງທີ່ນະຄອນຫລວງວຽງຈັນ 3 ໃນຫົວຂໍ້ຜູ້ນຳເພດຍິງ, ຜູ້ນຳຂັ້ນບ້ານ ແລະ ສຳລັບພະ ນັກ ງານຂັ້ນ ທ້ອງຖິ່ນ, ວຽກງານສ້າງຄວາມສວຍງາມພາຍໃນບ້ານໂດຍການສົ່ງເສີມກິດຈະກຳດ້ານການປົກປັກຮັກສາສິ່ງແວດລ້ອມເຊັ່ນ: ຈັດໃຫ້ມີ  ການອອກແຮງງານລວມ 2ຄັ້ງ/ ເດືອນ, ມີການ ປູກໄມ້ປະດັບຕາມແຄມທາງເຂົ້າບ້ານ ແລະ ສ້າງໂຮງຄັດແຍກຂີ້ເຫຍື້ອ, ວຽກງານ  ພັດທະນາຕ່ອງໂສ້ສ້າງມູນຄ່າ  ເພີ່ມຂອງເຂົ້າໂດຍໄດ້ນຳພາປະ ຊາຊົນເຮັດການສາທິດປູກເຂົ້າ ແນວ ພັນຢູ່ບ້ານໂພນມ່ວງ, ບ້ານ ພາຍຂອງເມືອງຈຳພອນ; ບ້ານ ທ່າຂາມລຽນ, ບ້ານນາກະລາເມືອງສອງຄອນມີ 55 ຄອບຄົວ ໂດຍໄດ້ຜົນຜະລິດນາປີ 4-6   ໂຕນ/ເຮັກຕາ; ນາແຊງ 4,5 ໂຕນ/ເຮັກຕາຈາກນີ້ກໍໄດ້ນຳພາປະຊາຊົນສ້າງໂຮງຄັດເມັດພັນ    ເຂົ້າໄດ້ 2 ຫລັງໃນນັ້ນຢູ່ບ້ານໂພນມ່ວງ ເມືອງຈຳພອນ ແລະ ບ້ານທ່າຂາມລຽນ ເມືອງສອງຄອນ.

ຈາກການຈັດຕັ້ງປະຕິບັດໂຄງການແຊມາອຸນດົງໃນບ້ານເປົ້າໝາຍເຫັນວ່າມີຜົນດີຫລາຍອັນສຳຄັນເປັນການພັດທະນາຊົນນະບົດ ແລະ ແກ້ໄຂຄວາມທຸກຍາກຂອງປະຊາຊົນຢ່າງ ແທ້ຈິງ, ເຊິ່ງເຮັດໃຫ້ພື້ນຖານໂຄງລ່າງ ແລະ ການດຳລົງຊີ ວິດຂອງປະຊາຊົນມີການພັດທະນາກ້າວສູ່ໃບໜ້າໃໝ່.

error: Content is protected !!