ອະສັງຫາລິມະຊັບ ໃນຫຼາຍເມືອງໃຫຍ່ອາດກາຍເປັນຟອງສະບູ

ອະສັງຫາລິມະຊັບ ໃນຫຼາຍເມືອງໃຫຍ່ອາດກາຍເປັນຟອງສະບູ - 666 5 - ອະສັງຫາລິມະຊັບ ໃນຫຼາຍເມືອງໃຫຍ່ອາດກາຍເປັນຟອງສະບູ
ອະສັງຫາລິມະຊັບ ໃນຫຼາຍເມືອງໃຫຍ່ອາດກາຍເປັນຟອງສະບູ - Untitled design - ອະສັງຫາລິມະຊັບ ໃນຫຼາຍເມືອງໃຫຍ່ອາດກາຍເປັນຟອງສະບູ

ບໍ່ສົນວ່າ ພະຍາດຈະລະບາດ ຫຼື ບໍ່ລະບາດ, ລາຄາເຊົ່າຕຶກອາຄານໃນຕົວເມືອງໃຫ່ຍໆ ໃນທົ່ວໂລກ ກຳລັງພຸ່ງສູງຂຶ້ນຢ່າງໄວວາ, ຊໍ້າບໍ່ໜຳຍັງກາຍເປັນເລື່ອງຮ້ອນລະອຸອີກດ້ວຍ.

ດັດຊະນີຟອງສະບູຂອງອະສັງຫາລິມະຊັບ(Real estate buble index) ປີ 2020 ຂອງ UBS Group AG ໃຫ້ຮູ້ວ່າ: ຜ່ານການວິເຄາະຈາກ 25 ຕົວເມືອງໃຫ້ເຫັນວ່າ: ຫຼາຍກວ່າເຄິ່ງໜຶ່ງມີຄວາມສ່ຽງກາຍເປັນຟອງສະບູ ເພາະມີລາຄາສູງເກີນໄປ. ຊຶ່ງດັດສະນີຕົວດັ່ງກ່າວໄດ້ຊີ້ໃຫ້ເຫັນຄວາມແຕກຕ່າງກັນສູງເກີນໄປລະຫວ່າງຄ່າເຊົ່າ ກັບລາຍຮັບຂອງປະຊາຊົນ, ການເສຍຄວາມສົມດຸນທາງດ້ານເສດຖະກິດເຊັ່ນ:ການເຄື່ອນໄຫວໃຫ້ກູ້ຢືມ ແລະ ການສ້າງຕຶກອາຄານຂຶ້ນຫຼາຍໆ.

Munich, Frankfurt, Toronto ແລະ Hong Kongຈະເປັນເມືອງປະເຊີນໜ້າກັບການດັດປັບການຕະຫຼາດອະສັງຫາລິມະຊັບຢ່າງແຂງແຮງທີ່ສຸດໃນປີ 2020 ນີ້, ຈາກນັ້ນກໍແມ່ນ Paris, Amsterdam, Zurich ກໍຢູ່ໃນຄວາມສ່ຽງດັ່ງກ່າວເຊັ່ນດຽວກັນ.

ສະຫຼຸບຄວາມວ່າ: ເອີຣົບ ອາດປະເຊີນໜ້າກັບການເປັນຟອງສະບູ ທາງດ້ານທີ່ຢູ່ອາໄສ ພ້ອມກັບ ຮົງກົງ. Toronto ເປັນເມືອງໃຫຍ່ໜຶ່ງດຽວຂອງອາເມລິກາເໜືອ ກໍມີຄວາມສ່ຽງເຊັ່ນດຽວກັນ. ສ່ວນເມືອງ Vancouver, British Columbia, Los Angeles, San Francisco, New York, London, Tokyo, Stockholm, Geneva, Tel Aviv, Israel, Sydney, Moscow ເຖິງແມ່ນລາຄາທີ່ຢູ່ອາໄສຈະສູງກວ່າກໍຕາມ ແຕ່ບໍ່ມີຄວາມສ່ຽງເປັນຟອງສະບູ.

ນອກຈາກນັ້ນ, Boston ຖືວ່າມີລາຄາສົມເຫດສົມຜົນກວ່າໝູ່ ແລະ Chicago ເປັນໜຶ່ງໃນ 25 ເມືອງໃນບັນຊີລາຍຊື່ ທີ່ມີລາຄາຕໍ່າກວ່າລາຄາຕົວຈິງ.

UBS ໃຫ້ຮູ້ວ່າ: ເພື່ອຕ້ານກັບຜົນກະທົບຈາກພະຍາດໂຄວິດ-19 ຕໍ່ກັບເສດຖະກິດ, ລັດຖະບານບັນດາປະເທດໄດ້ວາງຫຼາຍມາດຕະການ ເພື່ອຍູ້ໜູນໃຫ້ແກ່ບຸກຄົນທີ່ດຳເນີນທຸລະກິດດ້ານອະສັງຫາລິມະຊັບທີ່ມີລາຍຮັບຕໍ່າ, ຢຸດຕິການຢຶດຊັບໄວ້ກ່ອນ. ມາດຕະການດັ່ງກ່າວໄດ້ສົ່ງຜົນເຮັດໃຫ້ລາຄາທີ່ຢູ່ອາໄສໃນຫຼາຍຕົວເມືອງເພີ່ມສູງຂຶ້ນ, UBS ໃຫ້ຂໍ້ສັງເກດວ່າ: ການຂຶ້ນລາຄາທີ່ຢູ່ອາໄສໃນກໍລະນີແບບນີ້ ບໍ່ມີຄວາມໝັ້ນຄົງ.

ອະສັງຫາລິມະຊັບ ໃນຫຼາຍເມືອງໃຫຍ່ອາດກາຍເປັນຟອງສະບູ - Wave100S AD to Website 2020 0 - ອະສັງຫາລິມະຊັບ ໃນຫຼາຍເມືອງໃຫຍ່ອາດກາຍເປັນຟອງສະບູ

ທ່ານ Mark Haefele, ຜູ້ອຳນວຍການການລົງທຶນຂອງ UBSໃຫ້ຮູ້ວ່າ: ລາຄາໃຫ້ເຊົ່າຈະຫຼຸດລົງຢູ່ໃນຫົວເມືອງຕ່າງໆນັ້ນ ສະແດງວ່າການຕະຫຼາດມີການດັດປັບໃນເມື່ອການຍູ້ໜູນຂອງລັດຖະບານສິ້ນສຸດລົງ, ລາຍຮັບຂອງຄົວເຮືອນຈະເພີ່ມຂຶ້ນ.

ຍ້ອນເຫດຜົນດັ່ງກ່າວ, ບັນດານັກລົງທຶນ ຄວນຂາຍອະສັງຫາລິມະຊັບຂອງຕົນອອກໄປຈຳນວນໜຶ່ງ ແລະ ຊອກຫາຊັບສິນອື່ນທີ່ມີກຳໄລງາມກວ່າ. Claudio Saputelli ຫົວໜ້າໂຄງການການລົງທຶນດ້ານອະສັງຫາລິມະຊັບຂອງ UBS ໃຫ້ຄຳເຫັນວ່າ: “ເຖິງແມ່ນວ່າ ການລົງທຶນດ້ານອະສັງຫາລິມະຊັບຈະເປັນຂະແໜງການເຂົ້າຢູ່ໃນຕຳນານກໍຕາມ ແຕ່ບໍ່ທັນແມ່ນໄລຍະທີ່ຂີ້ຮ້າຍທີ່ສຸດ ໃນເວລານີ້”.

ລາຄາທີ່ຢູ່ອາໄສກຳລັງຫຼຸດລົງຢູ່ບາງເມືອງໃຫ່ຍເຊັ່ນ: Madrid, San Francisco, Dubai và Hong Kong. ພ້ອມດຽວກັນນັ້ນ, UBS ຍັງໃຫ້ຮູ້ເພີ່ມເຕີມວ່າ: ການລະບາດຂອງພະຍາດໄດ້ເຮັດໃຫ້ເກີດຄວາມຕ້ອງການເຮືອນຫຼັງໃຫ່ຍຢູ່ໃນທຳເລທີ່ໂລ່ງແຈ້ງ. New York ແລະ San Francisco ໄດ້ພິສູດໃຫ້ເຫັນບັນຫາດັ່ງກ່າວ, ປະຊາຊົນເຄື່ອນຍ້າຍໄປດຳລົງຊີວິດຢູ່ທາງນອກຫຼາຍຂຶ້ນ, ອັນໄດ້ເຮັດໃຫ້ຕະຫຼາດອະສັງຫາລິມະຊັບບໍ່ມີຄວາມແນ່ນອນທັງໄລຍະສັ້ນ ແລະ ໄລຍະຍາວ ເພາະບໍ່ມີໃຜຮູ້ວ່າພະຍາດຍັງຈະແກ່ຍາວດົນປານໃດ.

Claudio Saputelli ກ່າວວ່າ: “ການເຮັດວຽກຢູ່ກັບເຮືອນເພີ່ມຂຶ້ນເລື້ອຍໆ ຈຶ່ງມີຄວາມຕ້ອງການໃຫ້ມີເຮືອນຢູ່ໃນຕົວເມືອງໃກ້ກັບບ່ອນເຮັດວຽກ” ແຕ່ພ້ອມດຽວກັນນັ້ນ ທ່ານຍັງໃຫ້ຄຳເຫັນເພີ່ມເຕີມວ່າ: ຈາກລາຍຮັບຂອງປະຊາຊົນຫຼຸດລົງ, ຈຶ່ງມີຄວາມຕ້ອງການຍ້າຍໄປດຳລົງຊີວິດຢູ່ນອກເມືອງຫຼາຍຂຶ້ນ.

ອະສັງຫາລິມະຊັບ ໃນຫຼາຍເມືອງໃຫຍ່ອາດກາຍເປັນຟອງສະບູ - WhatsApp Image 2020 05 27 at 5 - ອະສັງຫາລິມະຊັບ ໃນຫຼາຍເມືອງໃຫຍ່ອາດກາຍເປັນຟອງສະບູ
ອະສັງຫາລິມະຊັບ ໃນຫຼາຍເມືອງໃຫຍ່ອາດກາຍເປັນຟອງສະບູ - WhatsApp Image 2020 05 27 at 5 - ອະສັງຫາລິມະຊັບ ໃນຫຼາຍເມືອງໃຫຍ່ອາດກາຍເປັນຟອງສະບູ
error: Alert: ເນື້ອຫາຂ່າວມີລິຂະສິດ !!