ການສຶກສາຮອບດ້ານຕ້ອງປະຕິບັດຕາມ 3 ລັກສະນະ, 5 ຫຼັກມູນ

ການສຶກສາຮອບດ້ານຕ້ອງປະຕິບັດຕາມ 3 ລັກສະນະ, 5 ຫຼັກມູນ - LPN 6 - ການສຶກສາຮອບດ້ານຕ້ອງປະຕິບັດຕາມ 3 ລັກສະນະ, 5 ຫຼັກມູນ
ການສຶກສາຮອບດ້ານຕ້ອງປະຕິບັດຕາມ 3 ລັກສະນະ, 5 ຫຼັກມູນ - Untitled design - ການສຶກສາຮອບດ້ານຕ້ອງປະຕິບັດຕາມ 3 ລັກສະນະ, 5 ຫຼັກມູນ

ໂດຍ: ລູກເມືອງພວນ

     ລັກສະນະແມ່ນຫຍັງ? ລັກສະນະແມ່ນຈຸດພິເສດຂອງສິ່ງວັດຖຸປະກົດການ ເພື່ອຈຳແນກຄວາມແຕກຕ່າງກັນລະຫວ່າງສິ່ງຂອງວັດຖຸ ປາກົດການນີ້ ກັບສິ່ງຂອງວັດຖຸປາກົດການອື່ນອື່ນ.

ຫຼັກມູນການສຶກສາແມ່ນຫຍັງ? ຫຼັກມູນການສຶກສາແມ່ນບັນດາທັດສະນະແນວຄວາມຄິດຊີ້ນຳໃນລະບົບການສຶກສາທີ່ທຸກການຈັດຕັ້ງ ແລະ ບຸກຄົນຕ້ອງປະຕິບັດຕາມ.

ການສຶກສາຮອບດ້ານຕ້ອງປະຕິບັດຕາມ 3 ລັກສະນະ, 5 ຫຼັກມູນ - Wave100S AD to Website 2020 0 - ການສຶກສາຮອບດ້ານຕ້ອງປະຕິບັດຕາມ 3 ລັກສະນະ, 5 ຫຼັກມູນ

3 ລັກສະນະປະກອບດ້ວຍ:

  1. ລັກສະນະຊາດ: ການສຶກສາທີ່ມີລັກສະນະຊາດ ໝາຍຄວາມວ່າ: ການສຶກສາຕ້ອງແມ່ນຂອງຊາດ ແລະ ຮັບໃຊ້ຊາດ, ມີຄວາມເປັນເອກະລາດຂອງຊາດຕົນ ແລະ ເປັນເຈົ້າຕົນເອງ, ຮັບໃຊ້ການພັດທະນາສ້າງສາປະເທດຊາດ, ນຳເອົາຄວາມຜາສຸກ, ຄວາມຈະເລີນກ້າວໜ້າມາໃຫ້ປະເທດຊາດ.
  2. ລັກສະນະວິທະຍາສາດ: ການສຶກສາທີ່ມີລັກສະນະວິທະຍາສາດ ໝາຍເຖິງ ການສຶກສາທີ່ອີງໃສ່ຫຼັກການ, ຫຼັກເກນ, ວິທີການທາງດ້ານວິທະຍາສາດທີ່ກ້າວໜ້າ, ທາງເຕັກໂນໂລຊີທັນສະໄໝ ຫຼີກເວັ້ນການງົມງວາຍ…
  3. ລັກສະນະມະຫາຊົນ: ການສຶກສາມີລັກສະນະມະຫາຊົນ ກໍໝາຍຄວາມວ່າ ການສຶກສາເພື່ອທຸກຄົນ, ການສຶກສາດຳເນີນໄປບົນພື້ນຖານການມີສ່ວນຮ່ວມ, ສະໜັບສະໜູນຂອງປະຊາຊົນ ແລະ ຮັບໃຊ້ສິດຜົນປະໂຫຍດຂອງປະຊາຊົນ, ອີງໃສ່ປະຊາຊົນເປັນຜູ້ສ້າງການສຶກສາ.

5 ຫຼັກມູນຂອງການສຶກສາ:

  1. ປັນຍາສຶກສາ: ສຶກສາໃຫ້ຄົນເປັນຄົນເກັ່ງ, ມີຄວາມຮູ້ ຄວາມສາມາດ, ມີສະຕິປັນຍາ, ມີພິກໄຫວ ປະຕິພານ
  2. ຄຸນສົມບັດສຶກສາ: ສຶກສາໃຫ້ຄົນເປັນຄົນດີ, ມີລະບຽບວິໄນ, ສັດຊື່ບໍລິສຸດ, ຮັກຊາດ ຮັກບ້ານເກີດເມືອງນອນ, ມີສິນລະທຳ, ຈັນຍາບັນ ຈັນຍາທຳ, ມີຄຸນສົມບັດສິນທຳປະຕິວັດ.
  3. ພາລະສຶກສາ: ເຮັດໃຫ້ຄົນມີສຸຂະພາບແຂງແຮງດີ, ມີພະລະນາໄມທີ່ສົມບູນ, ມີກຳລັງວັງຊາ, ມີຈິດໃຈທີ່ປອດໄປ່ງ ສົດໃສ, ມີກຳລັງແຮງເພື່ອຮັບໃຊ້ສັງຄົມ ຮັບໃຊ້ປະເທດຊາດ.
  4. ສິລະປະສຶກສາ: ສຶກສາໃຫ້ຄົນຮູ້ຄວາມດີ ຄວາມຊອບ, ຄວາມຈົບ ຄວາມງາມ ຄວາມເປັນລະບຽບຮຽບຮ້ອຍ, ສະອາດງາມຕາ, ມີຄວາມມັກຮັກສິລະປະວັນນະຄະດີ ວັດທະນະທຳຂອງຊາດ ເພື່ອຮັກສາໃຫ້ຍືນຍົງຢູ່ຄູ່ຄົນລາວຕະຫຼອດໄປ.
  5. ແຮງງານສຶກສາ: ສຶກສາໃຫ້ຄົນຮູ້ຈັກອອກແຮງງານ, ຮັກການອອກແຮງງານ, ຖືການອອກແຮງງານເປັນປັດໄຈເປັນຕາຍຂອງຊີວິດ, ສຶກສາໃຫ້ຄົນມີຫົວຄິດປະດິດສ້າງໃນການອອກແຮງງານ, ດຸໝັ່ນຂະຫຍັນພຽນ ເພື່ອພັດທະນາສ້າງສາປະເທດຊາດ ໃຫ້ຈະເລີນກ້າວໜ້າ.
ການສຶກສາຮອບດ້ານຕ້ອງປະຕິບັດຕາມ 3 ລັກສະນະ, 5 ຫຼັກມູນ - WhatsApp Image 2020 05 27 at 5 - ການສຶກສາຮອບດ້ານຕ້ອງປະຕິບັດຕາມ 3 ລັກສະນະ, 5 ຫຼັກມູນ
ການສຶກສາຮອບດ້ານຕ້ອງປະຕິບັດຕາມ 3 ລັກສະນະ, 5 ຫຼັກມູນ - WhatsApp Image 2020 05 27 at 5 - ການສຶກສາຮອບດ້ານຕ້ອງປະຕິບັດຕາມ 3 ລັກສະນະ, 5 ຫຼັກມູນ
error: Alert: ເນື້ອຫາຂ່າວມີລິຂະສິດ !!