ລາວ-ຣັດເຊຍ ສະເຫລີມສະຫລອງສາຍພົວພັນການທູດ ຄົບຮອບ 60 ປີ

ລາວ-ຣັດເຊຍ ສະເຫລີມສະຫລອງສາຍພົວພັນການທູດ ຄົບຮອບ 60 ປີ -                                                                      - ລາວ-ຣັດເຊຍ ສະເຫລີມສະຫລອງສາຍພົວພັນການທູດ ຄົບຮອບ 60 ປີ
ລາວ-ຣັດເຊຍ ສະເຫລີມສະຫລອງສາຍພົວພັນການທູດ ຄົບຮອບ 60 ປີ - Untitled design - ລາວ-ຣັດເຊຍ ສະເຫລີມສະຫລອງສາຍພົວພັນການທູດ ຄົບຮອບ 60 ປີ

ໃນວັນທີ 7 ຕຸລານີ້, ລັດຖະບານລາວ ແລະ ສະຖາເອກອັກຄະລັດຖະທູດ ສະຫະພັນ ຣັດເຊຍ ​ໄດ້ຈັດພິທີສະເຫລີມສະຫລອງວັນສ້າງຕັ້ງສາຍພົວພັນການທູດ ລະຫວ່າງສອງ​ປະ​ເທດ  ໂດຍມີທ່ານ ສະເຫລີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ຕາງໜ້າໃຫ້ລັດຖະບານ ສປປ ລາວ​ ​ແລະ ທ່ານ ວະລາດີເມຍ ກາລີນິນ ເອກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງ ສະຫະພັນ ຣັດເຊຍ ປະຈໍາ ສປປ ລາວ ຕາງໜ້າໃຫ້ລັດຖະບານຂອງ​ຕົນ, ພ້ອມດ້ວຍບັນດາລັດຖະມົນຕີ, ຮອງລັດຖະມົນຕີ, ເຈົ້າໜ້າທີ່ຂັ້ນສູງຂອງລາວ, ບັນດາທູຕານຸທູດ ​ແລະ ມວນ​ຊົນ​ຊາວ​ນະຄອນຫລວງ​ວຽງ​ຈັນເຂົ້າ​ຮ່ວມ​ເປັນ​ຈຳນວນ​ຫລາຍ.

ລາວ-ຣັດເຊຍ ສະເຫລີມສະຫລອງສາຍພົວພັນການທູດ ຄົບຮອບ 60 ປີ - 20807   5163131   KETH0544 300x200 - ລາວ-ຣັດເຊຍ ສະເຫລີມສະຫລອງສາຍພົວພັນການທູດ ຄົບຮອບ 60 ປີ

​      ໃນ​ພິທີ, ທ່ານ ສະເຫລີມໄຊ ກົມມະສິດ ແລະ ທ່ານ ວະລາດີເມຍ ກາລີນິນ ໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ຜົນສຳເລັດແຫ່ງການພົວພັນຮ່ວມມື ລະຫວ່າງລັດຖະບານ ກໍຄືປະຊາຊົນສອງຊາດ ລາວ-ຣັດເຊຍ ຕະຫລອດ​ໄລຍະ 60 ປີຜ່ານມາ ​ແລະ ໃນໄລຍະໃໝ່ນີ້ ການພົວພັນຮ່ວມມືສອງ​ຝ່າຍ​ຍິ່ງ​ມີບາດກ້າວຂະຫຍາຍຕົວ ບົນ​ຈິດ​ໃຈຄວາມເຊື່ອໝັ້ນ, ໄວ້ວາງໃຈເຊິ່ງກັນ ແລະ ກັນໃນເວທີພາກພື້ນ ແລະ ສາກົນ ບົນພື້ນຖານການເປັນປະເທດຄູ່ຮ່ວມຍຸດທະສາດດ້ານຄວາມໝັ້ນຄົງໃນຂົງເຂດອາຊີ-ປາຊີຟິກ.

ລາວ-ຣັດເຊຍ ສະເຫລີມສະຫລອງສາຍພົວພັນການທູດ ຄົບຮອບ 60 ປີ - 20807   5216346   KETH0553 300x200 - ລາວ-ຣັດເຊຍ ສະເຫລີມສະຫລອງສາຍພົວພັນການທູດ ຄົບຮອບ 60 ປີ

ໂອກາດດຽວກັນນີ້, ສອງຝ່າຍກໍໄດ້ສະແດງຄວາມມຸ້ງຫວັງທີ່ຈະສືບຕໍ່ເສີມສ້າງ ແລະ ຮັດແໜ້ນສາຍພົວພັນຮ່ວມມືອັນດີໃນປັດຈຸບັນ ລະຫວ່າງສອງປະເທດໃຫ້ເຕີບໃຫຍ່ຂະຫຍາຍຕົວຂຶ້ນສູ່ລະດັບໃໝ່ໃນຕໍ່ໜ້າ ແລະ ພິທີສະເຫລີມສະຫລອງໃນຄັ້ງນີ້ແມ່ນເຕັມໄປດ້ວຍບັນຍາກາດແຫ່ງໄມຕີຈິດມິດຕະພາບອັນອົບອຸ່ນ.

ຂ່າວ​ໃຫ້​ຮູ້​ອີກ​ວ່າ: ໃນວັນທີ 8 ຕຸລານີ້, ກະຊວງປ້ອງກັນປະເທດ ກໍໄດ້ຈັດໂຮມຊຸມນຸມລະນຶກວັນສ້າງຕັ້ງສາຍພົວພັນການທູດລະຫວ່າງ ສປປ ລາວ-ສະຫະພັນ ຣັດເຊຍ ຄົບຮອບ 60 ປີ (7/10/1960-7/10/2020) ​ເຊັ່ນ​ດຽວ​ກັນ ເພື່ອເສີມຂະຫຍາຍສາຍພົວພັນມິດຕະພາບ ແລະ ຄູ່ຮ່ວມມືຍຸດທະສາດໃນການສະໜັບສະໜູນຊຶ່ງກັນ ແລະ ກັນໃນເວທີພາກພື້ນ ແລະ ສາກົນ.

ລາວ-ຣັດເຊຍ ສະເຫລີມສະຫລອງສາຍພົວພັນການທູດ ຄົບຮອບ 60 ປີ - Wave100S AD to Website 2020 0 - ລາວ-ຣັດເຊຍ ສະເຫລີມສະຫລອງສາຍພົວພັນການທູດ ຄົບຮອບ 60 ປີ

ທ່ານ ພົ.ອ ຈັນສະໝອນ ຈັນຍາລາດ ກໍາມະການກົມການເມືອງສູນກາງພັກ, ລັດຖະມົນຕີກະຊວງປ້ອງກັນປະເທດ ​ໄດ້​ມີ​ຄຳ​ເຫັນ​ໃນ​ພິທີ​ວ່າ: ການພົວພັນຮ່ວມມືໃນຂົງເຂດການທະຫານ ລະຫວ່າງສອງຊາດ ລາວ-ຣັດເຊຍ ໂດຍສະເພາະລະຫວ່າງສອງກະຊວງປ້ອງກັນປະເທດ ໄດ້ມີບາດກ້າວຂະຫຍາຍຕົວຂຶ້ນຢ່າງບໍ່ຢຸດຢັ້ງ ໂດຍປະຕິບັດຕາມການເຊື້ອເຊີນຂອງລັດຖະມົນຕີກະຊວງປ້ອງກັນປະເທດ ແຫ່ງ ສ ຣັດເຊຍ ຄະນະຜູ້ແທນກະຊວງປ້ອງກັນປະເທດ ແຫ່ງ ສປປ ລາວ ກໍໄດ້ເດີນທາງໄປຮ່ວມກອງປະຊຸມຄວາມໝັ້ນຄົງສາກົນມົດສະກູ ຄັ້ງທີ 6, 7, 8, 9 ຢູ່ສະຫະພັນ ຣັດເຊຍ ເປັນປະຈໍາທຸກໆປີ ໃນແຕ່ລະຄັ້ງກໍມີການພົບປະສອງຝ່າຍລະຫວ່າງການນຳຂັ້ັນສູງຂອງສອງກະຊວງປ້ອງກັນປະເທດ. ນອກຈາກນີ້, ກະຊວງປ້ອງກັນປະເທດ ແຫ່ງ ສະຫະພັນ ຣັດເຊຍ ຍັງໄດ້ໃຫ້ການຊ່ວຍເຫລືອທາງດ້ານພາຫະນະເຕັກນິກ ພ້ອມທັງຝຶກອົບຮົມການນໍາໃຊ້ໃຫ້ແຕ່ລະເຫລົ່າຮົບຂອງກອງທັບປະຊາຊົນລາວ ເປັນຕົ້ນເຫລົ່າຮົບລົດຕັງ-ຍານເກາະ, ເຫລົ່າຮົບທະຫານອາກາດ, ເຫລົ່າຮົບປືນໃຫຍ່, ເຫລົ່າຮົບຊ່າງແສງ, ເຫລົ່າຮົບແຜນທີ່ ແລະ ເຫລົ່າຮົບອື່ນໆ.

ລາວ-ຣັດເຊຍ ສະເຫລີມສະຫລອງສາຍພົວພັນການທູດ ຄົບຮອບ 60 ປີ - 20807   3919146   KETH0609 300x200 - ລາວ-ຣັດເຊຍ ສະເຫລີມສະຫລອງສາຍພົວພັນການທູດ ຄົບຮອບ 60 ປີ

ໂອກາດດຽວກັນນີ້, ທ່ານ ວະລາດີເມຍ ກາລີນິນ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສ ຣັດເຊຍ ປະຈຳ ສປປ ລາວ ໄດ້ໃຫ້ຮູ້ວ່າ: ເລີ່ມຕັ້ງແຕ່ການປະກາດສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ, ຣັດເຊຍ ໄດ້ໃຫ້ການຊ່ວຍເຫລືອສະໜັບສະໜູນຢ່າງເປີດກວ້າງໃຫ້ ແກ່ປະເທດລາວ ໂດຍສະເພາະທຶນການສຶກສາ, ກະສິກຳ, ວຽກງານປ່າໄມ້, ການແພດ, ການທະຫານ (ປ້ອງກັນຊາດ), ຄຽງຄູ່ໄປກັບການຟື້ນຟູໂຄງລ່າງພື້ນຖານຕ່າງໆ ທີ່ຖືກທຳລາຍໃນສະໄໝສົງຄາມເຊັ່ນ: ສ້ອມແປງເສັ້ນທາງ, ສ້າງຂົວແຫ່ງຕ່າງໆ ແລະ ດຳເນີນວຽກງານສຳຫລວດດ້ານທໍລະນີສາດ. ການຮ່ວມມືທາງດ້ານການທະຫານ ແລະ ດ້ານເຕັກນິກການທະຫານກັບປະເທດລາວເປັນວຽກງານທີ່ມີຄວາມໝາຍສຳຄັນສຳລັບປະເທດຂອງພວກຂ້າພະເຈົ້າ, ໄລຍະຫລາຍປີຜ່ານມາ ພວກເຮົາສາມາດສັງເກດເຫັນໄດ້ວ່າ: ການພົວພັນປະສານງານໃນຂົງເຂດປ້ອງກັນຊາດ ແລະ ຄວາມໝັ້ນຄົງ ລະຫວ່າງສອງຊາດກຳລັງສືບຕໍ່ຂະຫຍາຍຕົວຢ່າງຕໍ່ເນື່ອງ.

ລາວ-ຣັດເຊຍ ສະເຫລີມສະຫລອງສາຍພົວພັນການທູດ ຄົບຮອບ 60 ປີ - WhatsApp Image 2020 05 27 at 5 - ລາວ-ຣັດເຊຍ ສະເຫລີມສະຫລອງສາຍພົວພັນການທູດ ຄົບຮອບ 60 ປີ
ລາວ-ຣັດເຊຍ ສະເຫລີມສະຫລອງສາຍພົວພັນການທູດ ຄົບຮອບ 60 ປີ - WhatsApp Image 2020 05 27 at 5 - ລາວ-ຣັດເຊຍ ສະເຫລີມສະຫລອງສາຍພົວພັນການທູດ ຄົບຮອບ 60 ປີ
error: Alert: ເນື້ອຫາຂ່າວມີລິຂະສິດ !!