ສະຫລຸບບັນຫາໜ້າສົນໃຈທົ່ວໂລກ ວັນທີ 8 ຕຸລາ 2020

ສະຫລຸບບັນຫາໜ້າສົນໃຈທົ່ວໂລກ ວັນທີ 8 ຕຸລາ 2020 -                                                                                                 8              2020 - ສະຫລຸບບັນຫາໜ້າສົນໃຈທົ່ວໂລກ ວັນທີ 8 ຕຸລາ 2020
ສະຫລຸບບັນຫາໜ້າສົນໃຈທົ່ວໂລກ ວັນທີ 8 ຕຸລາ 2020 - Untitled design - ສະຫລຸບບັນຫາໜ້າສົນໃຈທົ່ວໂລກ ວັນທີ 8 ຕຸລາ 2020
  1. Mike Pence ​ແລະ Kamala Harris ຜູ້ທ້າ​ຊີງ​ຕຳ​ແໜ່​ງຮອງ​ປະທານາທິບໍດີ ​ໄດ້​ຕໍ່ສູ້​ກັນ​ສຳລັບ​ການ​ໂຕ້​ວາທີ​ທີ່​ຖ່າຍ​ທອດ​ສົດ​ຈາກ Salt Lake City ​ເຊິ່ງ​ເຫດການ​ນັ້ນດຳ​ເນີນ​ໄປ​ຢ່າງ​ກົງກັນຂ້າມ​ກັບ​ການ​ຈັບ​ຄູ່​ລະຫວ່າງ​ປະທານາທິບໍດີ ​ໂດ​ນັລ ທຣຳ ​ແລະ ​ໂຈ ​ໄບ​ເດນ ​ເມື່ອ​ມໍ່ໆ​ນີ້ ​ໂດຍ​ການ Debate ຂອງ​ຮອງ​ປະທານາທິບໍດີ ​ເປັນ​ການ​ໂຕ້​ວາທີ​ກັນ​ຢ່າງ​ເປັນ​ລະບຽບ ​ແລະ ມີ​ຄວາມ​ອົດທົນ​ອົດ​ກັ້ນ.

Harris ພະຍາຍາມ​ຈະ​ໂຈມ​ຕີ Pence ​ແລະ ການ​ບໍລິຫານ​ຂອງ ທຣຳ ທີ່​ຮັບຜິດຊອບ​ຕໍ່​ວິ​ກິດ COVID-19 ຢູ່​ອາ​ເມລິ​ກາ. ຂະນະ​ທີ່ Pence ​ໄດ້​ຂັດ​ແຍ່ງ​ວ່າ: ຝ່າຍ​ກົງກັນຂ້າມ​ຂອງ​ພວກ​ເຂົາ​​ເປັນ​ເສລີ​ນິຍົມ​ຫລາຍ​ເກີນ​ໄປ. ຂະນະ​ທີ່​ທ່ານ​ໄດ້​ຫລີກ​ລ່ຽງຄຳ​ຖາມ​ທີ່​ວ່າ: ຖ້າ Biden-Harris ຊະນະ​ການ​ເລືອກ​ຕັ້ງຈະ​ມີ​ການຖ່າຍ​ໂອນ​ອຳນາດ​ຢ່າງ​ສັນຕິ ຫລື ບໍ່.

  1. ປະທານາທິບໍດີ ​ໂດ​ນັລ ທຣຳ ກຳລັງ​ພະຍາຍາມ​ກອບ​ກູ້​ຄວາມ​ຫວັງ​ທີ່​ວ່າ ລັດຖະບານ​ຈະ​ໃຫ້ການ​ຊ່ວຍ​ເຫລືອ​ທາງ​ການ​ເງິນ​ຮອບ​ໃໝ່​ໃນ​ມໍ່ໆ​ນີ້ ​ເພື່ອ​ບັນ​ເທົາ​ຜົນ​ກະທົບ​ຈາກ​ການ​ແຜ່​ລະບາດ.

ກ່ອນ​ໜ້າ​ນີ້ ຕະຫລາດ​ຫຸ້ນ​ຫລຸດ​ລົງ​ຫລັງ​ຈາກ​ທ່ານ​ກ່າວ​ວ່າ: ຝ່າຍ​ບໍລິຫານ​ຂອງ​ທ່ານ​ໄດ້​ປະຖິ້ມການ​ເຈລະຈາ​ກັບ​ສະມາຊິກ​ພັກ Democrat ​ແລະ ຈາກ​ນັ້ນ ຕະຫລາດ​ກໍ​ຟື້ນຕົວ​ຂຶ້ນຫລັງ​ຈາກ​ທ່ານ​ອອກ​ມາ​ຮຽກຮ້ອງ​ໃຫ້​ມີ​ການ​ອອກ​ມາດ​ຕະການ​ບາງ​ສ່ວນຄື: ​​ເຊັກ​ເງິນສົດ 1.200 ​ໂດ​ລາ ​ແກ່​ບຸກຄົນ ​ແລະ ການ​ຊ່ວຍ​ເຫລືອ​ຄັ້ງ​ໃໝ່​ສຳລັບ​ທຸລະ​ກິດ​ທີ່​ໄດ້​ຮັບ​ຜົນ​ກະທົບ​ຢ່າງ​ໜັກ ​ເຊັ່ນ​ສາຍ​ການບິນ.

  1. Eli Lilly ບໍລິສັດ​ຜູ້​ຜະລິດ​ຢາ ​ໄດ້​ປະຍຸກ​ເຂົ້າກັບ​ໜ່ວຍ​ງານ​ເບິ່ງ​ແຍງ​ຂອງ​ອາ​ເມ​ລິ​ກາ ສຳລັບ​ການ​ອະນຸມັດ​ການ​ປິ່ນປົວ COVID-19 ສຸກ​ເສີນ​ຮູບ​ແບບ​ໃໝ່.

Eli Lilly ກ່າວ​ວ່າ ການ​ທົດ​ລອງ​ຂອງ​ພວກ​ເຂົາ​ນັ້ນສະ​ແດງ​ໃຫ້​ເຫັນ​ວ່າ ການ​ບຳບັດ​ສາມາດ​ເຮັດ​ໃຫ້​ຜູ້​ຕິດ​ເຊື້ອມີ​ອາການ​ຢູ່​ໃນ​ລະດັບ​ເລັກ​ໜ້ອຍ​ເຖິງ​ປານ​ກາງ ​ແຕ່​ຈະ​ບໍ່​ໄປ​ເຖິງ​ຂັ້ນຮຸນ​ແຮງ. ຂະນະ​ທີ່​ທ່ານ ທຣຳ ສັນຍາ​ວ່າ ທ່ານ​ຈະ​ອະນຸມັດ​ການ​ຜະລິດ​ຢາ​ທີ່​ຍັງ​ບໍ່​ໄດ້​ຮັບ​ການ​ອະນຸມັດ​​ໃນ​ຕອນ​ນີ້ ​ເຊິ່ງ​ເປັນ​ຢາ​ທີ່​ທ່ານ​ໄດ້​ຮັບ​ໃນ​ການ​ປິ່ນປົວ​ເມື່ອ​ບໍ່​ດົນ​ມາ​ນີ້ (ຈາກ 1 ​ໃນ​ບໍລິສັດ​ຄູ່​ແຂ່ງ​ຂອງ Eli Lilly) ​ແລະ ຈະ​ແຈກ​ຢາຍ​ຟຣີສຳລັບ​ຊາວ​ອາ​ເມ​ລິ​ກາ.

  1. Jair Bolsonaro ປະທານາທິບໍດີ​ຂອງ​ເບຣຊິນ ກ່າວ​ວ່າ ທ່ານ​ຈະ “ຢຸດ” ປະຕິບັດ​ການ “Lava Jato” ​ເຊິ່ງ​ເປັນ​ຂະ​ບວນການ​ສອບ​ສວນ​ການ​ສຸ​ຈະລິດ​ທີ່​ຍາວ​ນານ​ຫລາຍ​ປີ ​ເຮັດ​ໃຫ້​ນັກ​ການ​ເມືອງ ​ແລະ ນັກທຸລະກິດ​ຊັ້ນນຳ​ຂອງ​ເບຣຊິນ​ຫລາຍ​ຄົນ​ຕິດ​ຄຸກ ​ເນື່ອງ​ຈາກ​ປັດຈຸບັນ ລັດຖະບານ “ບໍ່​ມີ​ການ​ສໍ້​ລາດ​ບັງ​ຫລວງ​ອີກ​ຕໍ່​ໄປ”.

​ເຖິງ​ວ່າ​ຕອນ​ທຳ​ອິດ​ທ່ານ​ຈະ​ສະໜັບສະໜູນ​ມາດ​ຕະການ​ນີ້ຫລັງ​ຈາກ​ເຂົ້າຮັບ​ຕຳ​ແໜ່​ງ​ໃນ​ປີ 2018 ​ແຕ່​ຫລັງ​ຈາກ​ນັ້ນ ຄວາມ​ກະຕືລືລົ້ນຂອງ​ທ່ານ Bolsonaro ກໍ​ຫລຸດ​ລົງ ​ເນື່ອງ​ຈາກ​ນັກ​ວິຈານ​ກ່າວ​ວ່າ​ມີ​ການ​ສອບ​ສວນ​ຫລາຍ​ເກີນ​ໄປ ​ແລະ ລູກ​ຊາຍ​ຂອງ​ທ່ານ​ກໍ​ຖືກ​ສອບ​ສວນ​ເຊັ່ນ​ກັນ.

ສະຫລຸບບັນຫາໜ້າສົນໃຈທົ່ວໂລກ ວັນທີ 8 ຕຸລາ 2020 - Wave100S AD to Website 2020 0 - ສະຫລຸບບັນຫາໜ້າສົນໃຈທົ່ວໂລກ ວັນທີ 8 ຕຸລາ 2020
  1. ມູນ​ຄ່າ​ການ​ສົ່ງ​ອອກ​ສິນຄ້າ​ຂອງ​ເຢຍລະ​ມັນ​ເພີ່ມ​ຂຶ້ນ 2,4% ​ໃນ​ເດືອນ​ສິງຫາ ​ເມື່ອ​ທຽບ​ໃສ່​ແຕ່ລະ​ເດືອນ ​ເຊິ່ງ​ເປັນ​ເດືອນ​ທີ 4 ຂອງ​ການ​ເຕີບ​ໃຫຍ່​ຕິດ​ຕໍ່​ກັນ ຫລັງ​ຈາກ​ການລະບາດ​ຂອງ COVID-19 ​ເຮັດ​ໃຫ້ການ​ຄ້າ​ລະຫວ່າງ​ປະ​ເທດ​ຫລຸ​ດລົງ.

​ເຖິງ​ຢ່າງ​ໃດ​ກໍ​ຕາມ, ການ​ສົ່ງ​ອອກ​ຂອງ​ເຢຍລະ​ມັນ​ຍັງ​ຫລຸດ​ລົງ 10,2% ​ເມື່ອ​ທຽບ​ໃສ່​ເດືອນ​ສິງຫາ​ຂອງ​ປີ 2019. ຂະນະ​ທີ່​ການ​ນຳ​ເຂົ້າ​ເພີ່ມ​ຂຶ້ນ 5,8% ​ເມື່ອ​ທຽບ​ໃສ່​ແຕ່ລະ​ເດືອນ ​ເຊິ່ງຊ່ວຍ​ຫລຸດ​ການ​ເກີນ​ດຸນ​ການ​ຄ້າ​ຂອງ​ປະ​ເທດ.

  1. ໜ່ວຍ​ເຝົ້າລະວັງ ​ແລະ ຕໍ່ຕ້ານ​ການ​ຜູກຂາດ​ຂອງ​ປະ​ເທດ Poland ​ໄດ້​ສັ່ງ​ປັບ​ໄໝ​ບໍລິສັດ Gazrom ຫລາຍ​ກວ່າ 29.000 ໝື່ນ​ລ້ານ zlotys (7.600 ລ້ານ​ໂດ​ລາ) ສຳລັບ​ການ​ສ້າງ​ທໍ່​ສົ່ງ​ແກັສ Nord Stream 2 ​ໂດຍ​ບໍ່​ໄດ້​ຮັບ​ອະນຸຍາດ.

ພວກ​ເຂົາ​ຄື​ຜູ້​ຜະລິດ​ແກັສທຳ​ມະ​ຊາດ​ລາຍ​ໃຫຍ່​ທີ່​ສຸດ​ຂອງ​ໂລກ​ທີ່​ໄດ້​ຮັບ​ການ​ສະໜັບສະໜູນ​ຈາກ​ລັດຖະບານ​ຂອງຣັດ​ເຊຍ ​ແລະ ​ໄດ້​ກ່າວ​ວ່າ ຈະ​ມີ​ການ​ຍື່ນ​ອຸທອນ. ຂະນະ​ທີ່​ໂຄງການ​ນີ້​ເປັນ​ການ​ຖົກ​ຖຽງ​ກັນ​ຢູ່​ເອີຣົບ ​ເນື່ອງ​ຈາກ​ຢ້ານ​ວ່າ​ຈະ​ເປັນ​ການ​ເພີ່ມ​ການ​ອາ​ໄສ​ແກັສຈາກຣັດ​ເຊຍ.

ສະຫລຸບບັນຫາໜ້າສົນໃຈທົ່ວໂລກ ວັນທີ 8 ຕຸລາ 2020 - WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກ ວັນທີ 8 ຕຸລາ 2020
ສະຫລຸບບັນຫາໜ້າສົນໃຈທົ່ວໂລກ ວັນທີ 8 ຕຸລາ 2020 - WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກ ວັນທີ 8 ຕຸລາ 2020
error: Alert: ເນື້ອຫາຂ່າວມີລິຂະສິດ !!