ພຽງມື້ດຽວທົ່ວປະເທດມີຜູ້ຕິດເຊື້ອໄຂ້ເລືອດອອກຫລາຍກວ່າ 30 ກໍລະນີ

ພຽງມື້ດຽວທົ່ວປະເທດມີຜູ້ຕິດເຊື້ອໄຂ້ເລືອດອອກຫລາຍກວ່າ 30 ກໍລະນີ -                                                                                                - ພຽງມື້ດຽວທົ່ວປະເທດມີຜູ້ຕິດເຊື້ອໄຂ້ເລືອດອອກຫລາຍກວ່າ 30 ກໍລະນີ
ພຽງມື້ດຽວທົ່ວປະເທດມີຜູ້ຕິດເຊື້ອໄຂ້ເລືອດອອກຫລາຍກວ່າ 30 ກໍລະນີ - Untitled design - ພຽງມື້ດຽວທົ່ວປະເທດມີຜູ້ຕິດເຊື້ອໄຂ້ເລືອດອອກຫລາຍກວ່າ 30 ກໍລະນີ

ກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໃຫ້ຮູ້ໃນວັນທີ 9 ຕຸລານີ້ວ່າ: ພຽງ​ມື້ດຽວ ຄື​ວັນ​ທີ 8 ຕຸລາ​ນີ້ ທົ່ວ​ປະ​ເທດ​ມີ​ຜູ້​ຕິດ​ເຊື້ອ​ໄຂ້​ເລືອດ​ອອກ​ຫລາຍ​ກວ່າ 30 ກໍລະນີ ອັນ​ໄດ້​ເຮັດ​ໃຫ້​ຕົວ​ເລກ​ຜູ້​ຕິດ​ເຊື້ອພະຍາດ​ດັ່ງກ່າວນັບແຕ່ວັນທີ 1 ມັງກອນ – 8 ຕຸລາ 2020 ມີທັງໝົດ7.064 ຄົນ, ສ່ວນແຂວງ ທີ່ມີການລາຍງານຕິດເຊື້ອຫລາຍກວ່າໝູ່ແມ່ນ ນະຄອນຫລວງວຽງຈັນ ມີເຖິງ 1.622 ຄົນ, ຮອງລົງມາແມ່ນບໍລິຄຳໄຊ 792 ຄົນ, ບໍ່ແກ້ວ 694 ຄົນ ແລະ ສະຫວັນນະເຂດ 680 ຄົນ. ຂະນະດຽວກັນ, ຕົວເລກຜູ້ເສຍຊີວິດຍ້ອນພະຍາດໄຂ້ຍຸງລາຍມີ 12 ຄົນຄື: ຢູ່ນະຄອນຫລວງວຽງຈັນ 4 ຄົນ, ບໍລິຄຳໄຊ, ຄຳມ່ວນ​ແຂວງ​ລະ 2 ຄົນ, ໄຊຍະບູລີ, ຊຽງຂວາງ, ສະຫວັນນະເຂດ ແລະ ຜົ້ງສາລີ ແຂວງລະ 1 ຄົນ.

ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງ​ສາທາລະນະ​ສຸກ ​ໄດ້​ແນະ​ນໍາວ່າ: ຍຸງລາຍ ແມ່ນພາຫະນໍາເຊື້ອໄຂ້​ເລືອດ​ອອກ ແລະ ມັກວາງໄຂ່ໃສ່ບ່ອນທີ່ມີນໍ້າສະອາດ. ສະນັ້ນ ການທໍາລາຍແຫລ່ງເພາະພັນຂອງຍຸງ​ລາຍ​ທີ່​ມີປະສິດທິຜົນນັ້ນ​ແມ່ນ​ພວກ​ເຮົາ​ຈະ​ຕ້ອງຮ່ວມແຮງຮ່ວມໃຈກັນປະຕິບັດຫລັກການ 5.ປ ຢ່າງເຄັ່ງຂັດໃຫ້ເປັນປະຈຳຄື:​ (1) ປິດຝາ​ພາຊະນະ​ທີ່​ເກັບ​ນ້ຳ​ໃນເຮືອນ ແລະ ນອກ​ເຮືອນ ເພື່ອ​ບໍ່ໃຫ້​ຍຸງ​ລາຍມາ​ໄຂ່​ໃສ່. (2) ປ່ຽນນ້ຳ​ໃນ​ພາຊະນະເຊັ່ນ: ເຕົ້າ​ດອກ​ໄມ້, ນ້ຳຮອງ​ຕີນ​ຕູ້, ຖ້ານ​ຮອງ​ຈອກ​ນ້ຳ. (3) ປ່ອຍປາ​ຫາງ​ນົກ​ຍຸງເພື່ອ​ກິນໜອນ​ນ້ຳ. (4) ປັບປຸງ​ການ​ອະນາໄມສິ່ງແວດລ້ອມ​ອ້ອມ​ເຮືອນ ​ບໍ່​ໃຫ້​ມີກະໂປະກະ​ປ໋ອງ, ຢາງ​ຕີນລົດ​ເກົ່າທີ່​ມີ​ນ້ຳ​ຂັງ ແລະ (5) ປະຕິບັດໃຫ້​ເປັນ​ນິໄສປະຈຳ​ທຸກໆ​ອາທິດ ແລະ ຖ້າມີອາການເປັນໄຂ້ໃຫ້ຮີບຮ້ອນໄປພົບແພດໝໍ, ບໍ່ໃຫ້ຊື້ຢາມາກິນເອງ ເພື່ອຈະໄດ້ຮັບການປິ່ນປົວທັນການ.

ພຽງມື້ດຽວທົ່ວປະເທດມີຜູ້ຕິດເຊື້ອໄຂ້ເລືອດອອກຫລາຍກວ່າ 30 ກໍລະນີ - Wave100S AD to Website 2020 0 - ພຽງມື້ດຽວທົ່ວປະເທດມີຜູ້ຕິດເຊື້ອໄຂ້ເລືອດອອກຫລາຍກວ່າ 30 ກໍລະນີ
ພຽງມື້ດຽວທົ່ວປະເທດມີຜູ້ຕິດເຊື້ອໄຂ້ເລືອດອອກຫລາຍກວ່າ 30 ກໍລະນີ - WhatsApp Image 2020 05 27 at 5 - ພຽງມື້ດຽວທົ່ວປະເທດມີຜູ້ຕິດເຊື້ອໄຂ້ເລືອດອອກຫລາຍກວ່າ 30 ກໍລະນີ
ພຽງມື້ດຽວທົ່ວປະເທດມີຜູ້ຕິດເຊື້ອໄຂ້ເລືອດອອກຫລາຍກວ່າ 30 ກໍລະນີ - WhatsApp Image 2020 05 27 at 5 - ພຽງມື້ດຽວທົ່ວປະເທດມີຜູ້ຕິດເຊື້ອໄຂ້ເລືອດອອກຫລາຍກວ່າ 30 ກໍລະນີ
error: Alert: ເນື້ອຫາຂ່າວມີລິຂະສິດ !!