ສະມາຊິກພັກຕ້ອງເປັນແບບຢ່າງນຳໜ້າ

- AGL banner - ສະມາຊິກພັກຕ້ອງເປັນແບບຢ່າງນຳໜ້າ

- Untitled 1 4 - ສະມາຊິກພັກຕ້ອງເປັນແບບຢ່າງນຳໜ້າໂດຍ: ທິດກໍ່າ

ກ່ອນອື່ນ, ທິດກໍ່າຂໍໂທດນຳບັນດາສະຫາຍສະມາຊິກພັກທັງຫລາຍ, ທັງຄົນເກົ່າ ແລະ ຄົນໃໝ່ທີ່ຍັງມີໜ້າທີ່ ແລະ  ຄວາມຮັບຜິດຊອບຕໍ່ພາລະກຳປະຫວັດສາດຂອງປະເທດຊາດ, ກວ່າຈະມາເຖິງຈຸດນີ້ ບັນດາສະຫາຍສະມາຊິກພັກເຮົາ ຮຸ້ນກ່ອນກໍໄດ້ອອກແຮງນຳພາຕໍ່ສູ້ອຸທິດສະຕິປັນຍາ ທັງຊີວິດເລືອດເນື້ອເພື່ອກູ້ເອົາປະເທດອອກຈາກແອກຄອບຄອງ  ຂອງສັດຕູຜູ້ຮຸກຮານ. ມາຮອດປີ 1975 ກໍສາມາດປົດປ່ອຍປະເທດຊາດໄດ້ຢ່າງສົມບູນ.

ນັບແຕ່ໄລຍະນັ້ນມາຮອດມື້ນີ້, ພັກເຮົາກໍຍັງໄດ້ປົກປັກຮັກສາອຳນາດອະທິປະໄຕມາໃຫ້ປະເທດຊາດໄດ້ຢ່າງໝັ້ນຄົງ. ບັນດາສະຫາຍສະມາຊິກພັກເຮົາທັງໝົດບໍ່ພຽງແຕ່ຮັກສາໄດ້ດ້ານຄຸນທາດການເມືອງ ແລະ ຄຸນຄ່າອັນສະຫງ່າລາ ສີຂອງພັກແລ້ວ ຍັງໄດ້ມີການຂະຫຍາຍຕົວທາງດ້ານປະລິມານ ແລະ ຄຸນນະພາບ ເຊິ່ງຍາມໃດພັກກໍໄດ້ອົບຮົມບົ່ມ ເພາະ ແລະ ເຝິກຝົນຫລໍ່ຫລອມພວກເຮົາໃຫ້ເປັນຄົນສັດຊື່ບໍລິສຸດ, ຈົງຮັກພັກດີຕໍ່ປະເທດຊາດ ແລະ ປະຊາຊົນ. ຈາກປັດ  ໄຈທີ່ກ່າວມານັ້ນ, ສະມາຊິກພັກເຮົາຈຶ່ງໄດ້ຮັບຄວາມໄວ້ເນື້ອເຊື່ອໃຈຈາກປະຊາຊົນຢ່າງກວ້າງຂວາງໃນທົ່ວປະເທດ ແລະ ໄດ້ກາຍເປັນຂວັນໃຈ ແລະ ເປັນທີ່ເພິ່ງຂອງປວງຊົນລາວທັງຊາດ.

ເຖິງຢ່າງໃດກໍດີ, ຕາມທິດກໍ່າວ່າ ພາຍຫລັງປະເທດຊາດພວກເຮົາໄດ້ຫັນທິດສູ່ການປ່ຽນແປງໃໝ່ຢ່າງຮອບດ້ານ ແລະ ມີຫລັກການຂອງພັກ, ສະມາຊິກພັກບາງທ່ານບາງສະຫາຍກໍມີແນວຄິດທີ່ໄຄ່ວເຂວ ແລະ ບໍ່ສັດຊື່ຕໍ່ພັກ ເຊິ່ງສະ ແດງອອກໃຫ້ເຫັນຢ່າງຈະແຈ້ງ ກໍຄືມີຄວາມອວດໃຫຍ່ໄຝ່ສູງ, ເກີດແນວຄິດເຫັນແກ່ຜົນປະໂຫຍດສ່ວນຕົວຫລາຍ  ກວ່າສ່ວນລວມ, ບໍ່ເປັນແບບຢ່າງທີ່ດີຕໍ່ມະຫາຊົນ, ເກີດການສໍ້ລາດບັງຫລວງ ແລະ ມີການກະທຳໃນສິ່ງທີ່ຜິດກົດ     ໝາຍ. ສະມາຊິກພັກບາງສະຫາຍຮູ້ແລ້ວຕ່າວພາໂລຕັ້ງແກ້ງພາໝູ່ເຮັດເຊັ່ນ: ຫາວິທີຍັກຍອກເອົາຊັບສິນຂອງລັດມາໃຫ້ ຕົນເອງ ແລະ ພວກພ້ອງຢ່າງບໍ່ເກງກົວລະບຽບກົດໝາຍ, ຮ່ວມຫົວກັນຄ້າໄມ້ໜີພາສີ, ຊອກວິທີສໍ້ໂກງເອົາດິນດອນ  ຕອນຫຍ້າ ແລະ ເອົາເງິນຂອງລັດ, ຮ່ວມຫົວກັບກຸ່ມຄົນບໍ່ດີຊື້- ຂາຍຢາເສບຕິດ ແລະ ສິ່ງຜິດກົດໝາຍອື່ນໆ ໂດຍສິ່ງທີ່ ກ່າວມານັ້ນລ້ວນແລ້ວແຕ່ສະມາຊິກພັກເຮົາຈຳນວນໜຶ່ງເປັນຜູ້ພາເຮັດພາໄປ ແລະ ທັງໝົດທີ່ໄດ້ກ່າວມານີ້ກໍລ້ວນແຕ່ ນອນຢູ່ນຳພະນັກງານຫລັກແກນນຳຂອງພັກ.

- Wave100S AD to Website 2020 0 - ສະມາຊິກພັກຕ້ອງເປັນແບບຢ່າງນຳໜ້າ

ຕາມເຮົາວ່າ, ເພ່ືອເຮັດໃຫ້ ພັກປອດໃສຂາວສະອາດ ແລະ ເພື່ອເປັນການປົກປັກຮັກສາກຽດສັກສີຂອງພັກ ທັງ ເປັນການຕ້ານ ແລະ ສະກັດກັ້ນປາກົດການຫຍໍ້ທໍ້ອັນບໍ່ດີທີ່ອາດຈະເກີດຂຶ້ນໃນຖັນແຖວສະມາຊິກພັກ, ພວກເຮົາຄວນໃຊ້ ມາດຕະການເຂັ້ມຂຶ້ນກວ່າເກົ່າເຊັ່ນ: ເພີ່ມທະວີວຽກງານກວດກາພັກໃຫ້ເດັດຂາດເຂັ້ມງວດ, ສະມາຊິກພັກຄົນໃດບໍ່ ເປັນຕາສາເທດພາໝູ່ເພກໍຄວນປົດອອກຈາກການເປັນສະມາຊິກຂອງພັກ, ໜ່ວຍພັກໃດມີສະມາຊິກພັກກະທຳຕົວບໍ່ເຂົ້າ ຮ່ອມຢ່າໃຫ້ເປັນໜ່ວຍພັກແຂງ-ຮູ້ນຳພາຮອບດ້ານ, ຢ່າພາກັນເຮັດແບບລວາດແຂ້ວເຕົ່່າຄົນເພິ່ນຄົນໂຕ, ທີ່ໝູ່ທີ່ເຮົາ,  ຄົນເຈົ້າຄົນຂ້ອຍ. ຖ້າຍັງເປັນຄືດັ່ງວ່ານີ້ບົດບາດພາບພົດຂອງພັກມັນກໍຈະໝົດໄປທີລະໜ້ອຍ ຍ້ອນຜູ້ທີ່ເຮັດໃຫ້ພັກເສຍ ຫາຍກໍຄືສະມາຊິກຂອງພັກນັ້ນເອງ.

ໃນຍຸກສະໄໝເສດຖະກິດຕະຫລາດ, ການກັ່ນຕອງເອົາສະມາຊິກພັກແມ່ນມີຄວາມຫຍຸ້ງຍາກພໍຄວນ ຍ້ອນທຸກສິ່ງ ທຸກຢ່າງມັນຂຶ້ນກັບອຳນາດຂອງເງິນ, ສະມາຊິກພັກບາງສະຫາຍເມື່ອຮັບເຂົ້າພັກໄປແລ້ວກາຍເປັນພະນັກງານ “ພໍ ກະເທີນ” ເຮັດວຽກພໍມ້າມແປະພຸງ, ເວົ້າອັນໃດ, ເຮັດອັນໃດອອກມາເພິ່ນກໍເອົາສະມາຊິກພັກມາເປັນສາກບັງໜ້າ. ຕາມເຮົາຄິດ, ສະມາຊິກພັກສະໄໝນີ້ຕ້ອງເກັ່ງຮອບດ້ານ, ເຮັດອັນໃດກໍຕ້ອງເກັ່ງອັນນັ້ນ, ຖ້າບໍ່ໄດ້ດັ່ງວ່າກໍຈະເປັນຫົວ ໜ້າ ຫລື ເປັນນາຍເຂົາບໍ່ໄດ້. ສະນັ້ນ ຈຶ່ງເວົ້າໄດ້ວ່າສະມາຊິກພັກຕ້ອງເປັນແບບຢ່າງນຳໜ້າ.

- WhatsApp Image 2020 05 27 at 5 - ສະມາຊິກພັກຕ້ອງເປັນແບບຢ່າງນຳໜ້າ
- WhatsApp Image 2020 05 27 at 5 - ສະມາຊິກພັກຕ້ອງເປັນແບບຢ່າງນຳໜ້າ
- WhatsApp Image 2020 05 27 at 5 - ສະມາຊິກພັກຕ້ອງເປັນແບບຢ່າງນຳໜ້າ
- WhatsApp Image 2020 05 27 at 5 - ສະມາຊິກພັກຕ້ອງເປັນແບບຢ່າງນຳໜ້າ
error: Alert: Content is protected !!