ເລື່ອງຂອງການເຮັດວຽກຫລາຍໆຢ່າງພ້ອມກັນ

ເລື່ອງຂອງການເຮັດວຽກຫລາຍໆຢ່າງພ້ອມກັນ -                                                                             - ເລື່ອງຂອງການເຮັດວຽກຫລາຍໆຢ່າງພ້ອມກັນ
ເລື່ອງຂອງການເຮັດວຽກຫລາຍໆຢ່າງພ້ອມກັນ - Untitled design - ເລື່ອງຂອງການເຮັດວຽກຫລາຍໆຢ່າງພ້ອມກັນ

ທ່ານ​ເຄີຍ​ສັງ​ເກດ​ບໍ່ ? ວ່າ​ມີ​ຫລາຍ​ຄົນ​ທີ່​ມັກ​ເຮັດ​ຫຍັງ​ຫລາຍໆ​ຢ່າງ​ພ້ອມໆ​ກັນ, ທ່ານ​ເຄີຍ​ສັງ​ເກດ​ຄົນ​ທີ່​ມັກ​ເຮັດ​ຫຍັງ​ຫລາຍໆ​ຢ່າງ​ພ້ອມ​ກັນ​ບໍ່​ ​ເຊັ່ນ: ​ເຮັດ Excel ​ໄປ​ນຳ, ຕອບ​ເມລ​ໄປ​ນຳ, ​ໃນ​ຂະນະ​ທີ່​ອີກ​ໜ້າ​ຈໍ​ກໍ LINE ສັ່ງ​ວຽກ​ໄປ​ນຳ ຫລື ​ເອີ້ນ​ກັນ​ວ່າ: Multitasking.

​ແລ້ວ​ເຄີຍ​ສົງ​ໄສ​ບໍ່​ວ່າ: ການ​ເຮັດ​ຫຍັງ​ຫລາຍ​ຢ່າງ​ພ້ອມ​ກັນ ຕົກລົງ​ແລ້ວ​ມັນ​ມີ​ປະສິດທິພາບ​ແທ້ ຫລື ບໍ່ ?

​ໃນ​ໜັງສື ​ໄດ້​ທຸກ​ສິ່ງ​ດ້ວຍ​ສິ່ງ​ດຽວ (The One Thing) ຂອງ​ ​ແກຣີ ​ເຄລ​ເລີ ​ໄດ້​ຂຽນ​ເຖິງ​ເບື້ອງຫລັງ​ຂອງ​ຄວາມ​ຄິດ​ເລື່ອງ​ການ​ເຮັດ​ຫລາຍ​ສິ່ງ​ພ້ອມໆ​ກັນ​ວ່າ: ຄົນ​ຫລາຍ​ຄົນ​ມັກ​ມີ​ຄວາມ​ເຊື່ອ​ວ່າ ພວກ​ເຂົາ​ສາມາດ​ເຮັດ​ຫຍັງ​ໄດ້​ຫລາຍ​ຢ່າງ​ພ້ອມ​ກັນ​ເຊັ່ນ: ຍ່າງ​ໄກ​ເວົ້າ​ໄປ, ຟັງ​ເພງ​ໄປ​ເຮັດ​ວຽກ​ໄປ​ນຳ ຫລື ບາງ​ຄົນ​ເຮັດ​ວຽກ​ໄປ​ລົມ​ໂທລະສັບ​​ໄປ​ນຳ.

​ແຕ່​ຄວາມ​ຈິງ​ແລ້ວ ​ເລື່ອງ​ທີ່​ຕ້ອງ​ຂະຫຍາຍ​ໃຫ້​ຊັດ​ເຈນ​ຄື: ຄົນ​ເຮົາ​ນັ້ນ​ເຮັດ​ຫຍັງ​ໄດ້​ພ້ອມ​ກັນ​ໄດ້ ​ເພາະ​ສະໝອງ​ຂອງ​ເຮົາ​ມີ​ຫລາຍ​ສ່ວນ​ທີ່​ຊ່ວຍ​ຄວບ​ຄຸມ​ຮ່າງກາຍ ​ແລະ ການ​ຄິດ​ຂອງ​ເຮົາ.

  ​ເຮົາ​ຖືກ​ອອກ​ແບບ​ມາ​ໃຫ້​ເຮັດ​ຫຍັງ​ຫລາຍໆ​ຢ່າງ​ພ້ອມ​ກັນ​ແມ່ນ​ບໍ່ ?

​ໃນ​ໜັງສື ສ້າງ​ຄວາມ​ປ່ຽນ​ແປງຄັ້ງ​ໃຫຍ່​ດ້ວຍ​ນິ​​ໃສ​ພຽງ 1% (The Power of Habit) ທີ່​ເລົ່າ​ເຖິງ ​Basal Ganglia ​ເຊ​ລສະໝອງ​ທີ່ຢູ່​ໃນ​ລະບົບ​ປະ​ສາດ​ຂອງ​ຄົນ​ເຮົາ ​ເຮັດ​ໜ້າ​ທີ່​ຄວບ​ຄຸມ​ພຶດຕິ​ກຳ​ທີ່​ເຮົາ​ເຮັດ​ໂດຍ​ອັດຕະ​ໂນ​ມັດ. ຕົວຢ່າງ: ຕອນ​ທີ່​ເຮົາ​ຮຽນ​ຂັບ​ລົດ​ໃໝ່ໆ ​ເຮົາ​ຕ້ອງ​ໃຊ້​ສະມາທິ​ຫລາຍ​ໃນ​ການ​ປ່ຽນ​ເກ​ຍ, ຢຽບ​ຄັນ​ເລັ່ງ ຫລື ຢຽບ​ເບ​ກ ​ແຕ່​ເມື່ອ​ເຮົາ​ເຮັດ​ເລື້ອຍໆ​ດົນໆ ​ເຊ​ລສະໝອງ​ສ່ວນ​ນີ້​ຈະ​ເຮັດ​ໜ້າ​ທີ່​ຊ່ວຍ​ຄວບ​ຄຸມ​ໃຫ້​ເຮົາ​ເຮັດ​ໄດ້​ຢ່າງ​ອັດຕະ​ໂນ​ມັດ ​ເພື່ອ​ຜ່ອນ​ແຮງ​ບໍ່​ໃຫ້​ເຮົາ​ຕ້ອງ​ທຸ້ມ​ເທສະ​ມາ​ທິ​ໄປ​ກັບ​ທຸກ​ເລື່ອງ​ໃນ​ຊີວິດ. ດັ່ງນັ້ນ ການ​ເຮັດ​ຫຍັງ​ພ້ອມໆ​ກັນ ຈຶ່ງ​ເປັນ​ສິ່ງ​ທີ່​ເຮັດ​ໄດ້ ​ເພາະ​ເຮົາ​ມີ​ສະໝອງ​ຫລາຍ​ສ່ວນ​ທີ່​ເຂົ້າມາ​ຊ່ວຍ. ສະຫລຸບ​ຄື: ສະໝອງ​ເຮົາ​ນັ້ນອອກ​ແບບ​ມາ​ໃຫ້ “ສາມາດ” ​ເຮັດ​ຫຍັງ​ໄດ້​ຫລາຍໆ​ຢ່າງ​ພ້ອມ​ກັນ​ແທ້.

 ມະນຸດ​ສາມາດ “​ໂຟກັດ” ​ໄດ້​ເທື່ອ​ລະ​ຢ່າງ

​ເຖິງ​ວ່າ​ເຮົາ​ຈະ​ສາມາດ​ເຮັດ​ຫຍັງ​ໄດ້​ຫລາຍໆ​ຢ່າງ​ພ້ອມໆ​ກັນ ​ແຕ່​ໃນ​ຄວາມ​ເປັນ​ຈິງ​ແລ້ວ ຄົນ​ເຮົາ​ບໍ່​ໄດ້​ພຽງ “​ໂຟກັດ” ດຽວ ລອງ​ຄິດ​ຕາມ​ເບິ່ງ​ວ່າ: ​ເວລາ​ເຮົາ​ຟັງ​ວິທະຍຸ​ໄປ​ເຮັດ​ວຽກ​ໄປ ​​ເຮົາ​ອາດ​ບໍ່​ສາມາດ​ນັ່ງ​ພິມ​ວຽກ ພ້ອມ​ກັບ​ຟັງ​ສິ່ງ​ທີ່​ພິທີ​ກອນ ຫລື ດີ​ເຈ​ເວົ້າຕອນ​ນັ້ນ​ໄດ້​ແທ້ ​ເອົາ​ແບບ​ໃຫ້​ເຂົ້າ​ໃຈ​ສິ່ງ​ທີ່​ດີ​ເຈ​ກຳລັງ​ເວົ້​າ​ແບບ​​ເລິກໆ.

ສິ່ງ​ທີ່​ເຮົາ​ເຮັດ​​ແທ້ໆ ມັນ​ຄື​ການ “Switch Task” ຫລື ການ​ຢຸດ​ເຮັດ​ສິ່ງ​ໜຶ່ງ​ໄປ​ເຮັດ​ອີກ​ສິ່ງ​ໜຶ່ງ​ແບບ​ໄວໆ.

​ໃນ​ໜັງສື ​ໄດ້​ທຸກ​ສິ່ງ​ດ້ວຍ​ສິ່ງ​ດຽວ (The One Thing) ​ໄດ້​ເລົ່າ​ເຖິງ​ຜົນ​ສຶກສາ​ໃນ​ງານ​ວິ​ໄຈ ທີ່​ພົບ​ວ່າ ​ໂດຍ​ທົ່ວ​ໄປ​ຄົນ​ເຮົາ​ເສຍ​ເວລາ​ເກືອບ 28% ​ໃນ​ເວລາ​ວຽກ ໝົດ​ໄປ​ກັບ​ການ switch task ຫລື ການ ກັບ​ໄປ-ກັບ​ມາ ຂອງ​ການ​ທຳລາຍ​ຢ່າງ​ພ້ອມໆ​ກັນ ​ແລະ ຍັງ​ພົບ​ອີກ​ວ່າ ຄົນ​ທີ່​ເຮັດ​ຫລາຍ​ຢ່າງ​ພ້ອມໆ​ກັນ ​ເຮັດ​ຜິດພາດ​ຫລາຍ​ກວ່າ​ຄົນ​ທີ່​ບໍ່​ໄດ້​​ເຮັດ​ຫຍັງ​ຫລາຍ​ຢ່າງ​ພ້ອມ​ກັນ ​ແລະ ຍັງ​ຕັດສິນ​ໃຈ​ໄດ້​ບໍ່​ຄ່ອຍ​ດີ (poorer decision).

ເລື່ອງຂອງການເຮັດວຽກຫລາຍໆຢ່າງພ້ອມກັນ - Wave100S AD to Website 2020 0 - ເລື່ອງຂອງການເຮັດວຽກຫລາຍໆຢ່າງພ້ອມກັນ

ຄື​ໃນ​ບົດ​ຄວາມ Driven to Distraction ທີ່​ພົບ​ຕົວ​ເລກ​ວ່າ ຫລາຍ​ກວ່າ 16% ຂອງ​ອຸປະຕິ​ເຫດ​ຕາມ​ທ້ອງ​ຖະໜົນ​ມາ​ຈາກ​ການ ຖືກ​ລົບ​ກວນ​ສະມາທິ (Distraction) ຫລື ການ​ເຮັດ​​ແນວ​ອື່ນ​ໄປ​ນຳ​ເວລາ​ຂັບ​ລົດ ​ເຊັ່ນ​ການ​ລົມ​ໂທລະສັບ ​ເອົາ​ສະມາທິ​ຂອງ​ເຮົາ​ໄປ​ກວ່າ 40% ​ເຊິ່ງມີ​ຜົນ​ຊໍ່າກັບ​ການ​ເມົາ​​ແລ້ວ​ຂັບ.

ຈຶ່ງ​ເຫັນ​ໄດ້​ວ່າ ​ເກືອບ​ທຸກ​ປະ​ເທດ​ຈະ​ມີ​ການ​ປຸກລະດົມ​ເລື່ອງ​ການ​ງົດ​ໃຊ້​ໂທລະສັບ​ໃນ​ຕອນ​ຂັບ​ລົດ.

ກັບ​ມາ​ບ່ອນ​ເຮັດ​ວຽກ ຈະ​​ເຫັນ​ຫລາຍ​ຄົນ​ເວລາ​ປະຊຸມ​ມັກ​ຈະ​ເຮັດ​ນັ້ນ​ເຮັດ​ນີ້​ນຳ​ເຊັ່ນ: ກວດ​ອີ​ເມລ, ລົມ​ວຽກ ພ້ອມ​ກັບ​ປະຊຸມ​ໄປ​ນຳ ​ແລະ ຫລາຍ​ເທື່ອ​ຕ້ອງ​ມາ​ເສຍ​ເວລາ​ອະທິບາຍ​ເລື່ອງ​ໃໝ່​ອີກ ​ເພາະ​ຄົນ​ນັ້ນບໍ່​ໄດ້​ຟັງ​ສິ່ງ​ທີ່​ເຮົາ​ເວົ້າ​ໃນ​ກອງ​ປະຊຸມ ​ເພາະ​ມີ​ແຕ່​ຫຍຸ້ງ​ກັບ​ໜ້າ​ຄອມ​ຢູ່ ສຸດ​ທ້າຍ​ແທນ​ທີ່​ຈະ​ໄດ້​ປະຊຸມ​ສັ້ນໆ​ຈົບ​ໄວໆ ກາຍ​ວ່າ​ຕ້ອງ​ຊ້າ​ກວ່າ​ເກົ່າ ​ແລະ ບໍ່​​ແນ່​ໃຈ​ວ່າ​ອີກ​ຝ່າຍ​ໄດ້​ຟັງ ​ແລະ ຕັດສິນ​ໃຈ​ໄດ້​ຢ່າງ​ດີ​ ຫລື ບໍ່. ຫລາຍ​ຄົນ​ມັກ​ຄິດ​ວ່າ​ເບິ່ງ​ໜ້າ​ຈໍ​ຄອມ​ໄປ​ກໍ​ຄິດ​ວຽກ​ໄປ​ນຳ​ໄດ້ ​ແຕ່​ຈາກ​ປະສົບ​ການ​ສ່ວນ​ຕົວ ​ເວລາ​ເຮັດ​ວຽກ​ຄົນ​ທີ່​ກຳລັງ​ຈົດ​ຈໍ່​ກັບ​ໜ້າ​ຈໍ​ຄອມ ຫລື ໜ້າ​ຈໍ​ມື​ຖື​ຢູ່ ຮ້ອຍ​ສ່ວນ​ຮ້ອຍ​ຕ້ອງ​ເງີຍ​ໜ້າ​ຂຶ້ນມາ​ແລ້ວ​ຖາມ​ວ່າ: “​ຂ້ອຍ​ຂໍ​ຄຳ​ຖາມ​ອີກ​ໄດ້​ບໍ່” ຕະຫລອດ.

  ດີ​ທີ່​ສຸດ​ຄື “ຄວນ​ເຮັດ​ເທື່ອ​ລະ​ຢ່າງ”

ດັ່ງນັ້ນ, ທາງ​ທີ່​ດີ ຄວນ​ເຮັດ​ເທື່ອ​ລະ​ຢ່າງ​ຈະ​ດີກ​ວ່າ ​ເຊິ່ງຖ້າ​ເຮົາ​ເຮັດ​ເທື່ອ​ລະ​ຢ່າງ ​ແລະ ​ເຮັດ​ບາດ​ດຽວ​ໄປ​ເລີຍ ມັນ​ຈະ​ຊ່ວຍ​ໃຫ້​ເຮົາ​ເຮັດ​ວຽກ​ໄດ້​ໄວ ​ແລະ ມີ​ປະສິດທິພາບ​ຫລາຍ​ກວ່າ ​ເພາະ​ສິ່ງ​ທີ່​ໄດ້​ຄື​ການ​ມີ​ໂຟກັດ ​ແລະ ບໍ່​ຕ້ອງ​ເສຍ​ເວລາ​ສະ​ຫລັບ​ໄປ​ສະຫລັບ​ມາ ​ເຊິ່ງການ​ສະຫລັບ​ໄປ​ສະຫລັບ​ມາ​ຍັງ​ຕ້ອງ​ເສຍ​ເວລາ​ປັບ​ຄວາມ​ຄິດ​ໃຫ້​ເຂົ້າກັບ​ອີກ​ງານ​ໜຶ່ງ.

ຄື​ກັບ Steve Uzzell ນັກສະ​ແດງ​ຊື່​ດັງ​ເຄີຍ​ກ່າວ​ໄວ້​ວ່າ:

“ ການ​ເຮັດ​ວຽກ​ຫລາຍ​ຢ່າງ​ພ້ອມ​ກັນ ​​ເປັນ​ພຽງ​ໂອກາດ​ທີ່​ຈະ​ເຮັດ​ໃຫ້​ພັງ​ຫລາຍ​ກວ່າ​ໜຶ່ງ​ຄັ້ງ ”

ເລື່ອງຂອງການເຮັດວຽກຫລາຍໆຢ່າງພ້ອມກັນ - WhatsApp Image 2020 05 27 at 5 - ເລື່ອງຂອງການເຮັດວຽກຫລາຍໆຢ່າງພ້ອມກັນ
ເລື່ອງຂອງການເຮັດວຽກຫລາຍໆຢ່າງພ້ອມກັນ - WhatsApp Image 2020 05 27 at 5 - ເລື່ອງຂອງການເຮັດວຽກຫລາຍໆຢ່າງພ້ອມກັນ
error: Alert: ເນື້ອຫາຂ່າວມີລິຂະສິດ !!