ເອກະຊົນລາຍໃຫຍ່ຫວຽດນາມພັດທະນາ ແອັບພລິເຄຊັນຊ່ວຍຮ້ານຄ້າຂະໜາດນ້ອຍ

ເອກະຊົນລາຍໃຫຍ່ຫວຽດນາມພັດທະນາ ແອັບພລິເຄຊັນຊ່ວຍຮ້ານຄ້າຂະໜາດນ້ອຍ -                                                                                      - ເອກະຊົນລາຍໃຫຍ່ຫວຽດນາມພັດທະນາ ແອັບພລິເຄຊັນຊ່ວຍຮ້ານຄ້າຂະໜາດນ້ອຍ
ເອກະຊົນລາຍໃຫຍ່ຫວຽດນາມພັດທະນາ ແອັບພລິເຄຊັນຊ່ວຍຮ້ານຄ້າຂະໜາດນ້ອຍ - Untitled design - ເອກະຊົນລາຍໃຫຍ່ຫວຽດນາມພັດທະນາ ແອັບພລິເຄຊັນຊ່ວຍຮ້ານຄ້າຂະໜາດນ້ອຍ

ວິນ​ກຣຸບ (Vingroup) ບໍລິສັດ​ເອກະ​ຊົນ​ລາຍ​ໃຫຍ່​ຂອງ​ຫວຽດນາມ ​ເປີດ​ໃຫ້​ບໍລິການ​ແອັບ​ພິ​ເຄຊັນ​ວິນ​ຊອບ (VinShop) ​ເນັ້ນ​ໃຫ້ການ​ຊ່ວຍ​ເຫລືອ​ຜູ້​ປະກອບ​ການ​ຮ້ານ​ຄ້າ​ຂະໜາດ​ນ້ອຍ ​ໃນ​ຫວຽດນາມ​ໂດຍ​ສະ​ເພາະ ຜ່ານ​ການ​ເປັນ​ຊ່ອງ​ທາງ​ໃຫ້​ຮ້ານ​ຄ້າ​ຂະໜາດ​ນ້ອຍ ຊື້ສິນຄ້າ​ຈາກ​ຜູ້​ຜະລິດ​ໄດ້​ໂດຍ​ກົງ ​ເຊິ່ງຈະ​ຊ່ວຍ​ຫລຸດ​ຕົ້ນທຶນ​ສິນຄ້າ. ນອກຈາກ​ນີ້​ແອັບ​ດັ່ງກ່າວ​ຍັງ​ເຊື່ອມ​ໂຍງ​ກັບ​ແອັບ​ວິນ​ໄອ​ດີ (VinID) ​ເຊິ່ງ​ເປັນ​ບໍລິການ​ຮັບ​ຈ່າຍ​ເງິນ​ເອ​​ເລັກ​ໂຕຣນິກນຳ​ອີກ.

ຜູ້​ບໍລິຫານ​ຂອງ​ວິນ​ກຣຸບ ລະບຸ​ວ່າ: ​ເປົ້າໝາຍ​ຂອງ​ແອັບ​ວິນ​ຊອບ ຄື​ການ​ຊ່ວຍ​ເຫລືອ​ຜູ້​ປະກອບ​ການ​ຂະໜາດ​ນ້ອຍ​ຕໍ່ສູ້​ກັບ​ຮ້ານມິ​ນິມາກ ​ແລະ ຮ້າຍ​ຄ້າ​ຂະໜາດ​ໃຫຍ່ ຜ່ານ​ການ​ສ້າງ​ເຄືອ​ຂ່າຍ​ລະຫວ່າງ​ໂຮງງານ​ຜູ້​ຜະລິດ​ສິນຄ້າ​ກັບ​ຮ້ານ​ຄ້າ ​ເລີ່​ມດຳ​ເນີນ​ການ​ມາ​ແຕ່​ເດືອນ​ກໍລະກົດ​ຜ່ານ​ມາ ​ເຊິ່ງປັດຈຸບັນ​ມີ​ຮ້ານ​ຄ້າ​ຂະໜາດ​ນ້ອຍ​ໃນ​ນະຄອນຫລວງ​ຮ່າ​ໂນ້ຍ ​ແລະ ນະຄອນ​ໂຮ່ຈີ​ມິນ​ເຂົ້າຮ່ວມ​ແລ້ວ​ປະມານ 20.000 ​ແຫ່ງ.

ຜູ້​ພັດທະນາ​ແອັບ​ດັ່ງກ່າວ​ເຊື່ອ​ວ່າ: ​ເຈົ້າຂອງ​ຮ້ານ​ຄ້າ​ຈະ​ມີ​ລາຍ​ໄດ້​ເພີ່ມ​ຂຶ້ນສະ​ເລ່ຍ 10 ລ້ານ​ດົງ​ຕໍ່​ເດືອນ ຈາກ​ການ​ໃຊ້​ແອັບ​ນີ້. ຂະນະ​ທີ່ ທາງ​ວິນ​ກຣຸບ ​ເຈົ້າຂອງ​ແອັບ​ຈະ​ມີ​ລາຍ​ໄດ້​ຈາກ​ການ​ໂຄສະນາ ​ແລະ ບໍລິການ​ທາງ​ການ​ເງິນ​ພາຍ​ໃນ​ແອັບ.

ສະຖິຕິ​ໃນ​ປີຜ່ານມາ​ພົບ​ວ່າ: ຮ້ານ​ມິ​ນິມາກ​ຢູ່​ຫວຽດນາມ​ທີ່ມີ​ທັງ​ເຊ​ເວັ້ນ-ອີ​ເລ​ຟ​ເວັນ, ມິ​ນິຊອບ, ບີ​ສ ມາກ ລວມທັງ​ວິນ​ມາກ​ພລັສ ​ເຊິ່ງ​ເຄີຍ​ເປັນ​ຮ້ານ​ມິ​ນິມາກ​ໃນ​ເຄືອ​ວິນ​ກຣຸບ ​ເຈົ້າຂອງ​ແອັບ​ສາມາດ​ສ້າງ​ລາຍ​ໄດ້​ຈາກ​ການ​ຂາຍ​ສິນຄ້າ​ຫລາຍ​ກວ່າ​ຮ້ານ​ຄ້າ​ຂະໜາດ​ນ້ອຍ​ຕາມ​ຊຸມ​ຊົນ​ສູງ​ເຖິງ 4 ​ເທົ່າ. ຂະນະ​ທີ່​ຮ້ານ​ຄ້າຂະໜາດ​ໃຫຍ່​ກຳລັງ​ເປັນ​ຈຸດ​ນິຍົມ​ໃນ​ໄວ​ໜຸ່ມ​ຫວຽດນາມ.

ເອກະຊົນລາຍໃຫຍ່ຫວຽດນາມພັດທະນາ ແອັບພລິເຄຊັນຊ່ວຍຮ້ານຄ້າຂະໜາດນ້ອຍ - Wave100S AD to Website 2020 0 - ເອກະຊົນລາຍໃຫຍ່ຫວຽດນາມພັດທະນາ ແອັບພລິເຄຊັນຊ່ວຍຮ້ານຄ້າຂະໜາດນ້ອຍ

​ເຖິງ​ຢ່າງ​ໃດ​ກໍ​ຕາມ, ຈາກ​ການ​ສຳ​ຫລວດ​ພົບ​ວ່າ: ຮ້ານ​ຄ້າ​ຂະໜາດ​ນ້ອຍ​ຍັງ​ຕອບ​ສະໜອງ​ກຸ່ມ​ລູກ​ຄ້າ​ທີ່​ມີ​ລາຍ​ໄດ້​ຕໍ່າ ລວມທັງ​ໃນ​ຊຸມ​ຊົນ​ທີ່ຢູ່​ໃນ​ຊົນນະບົດ ​ເຊິ່ງສ່ວນ​ຫລາຍ​ຕ້ອງການ​ຊື້​ເຄື່ອງ​ໃຊ້​ຈຳ​ເປັນ​ໃນ​ປະລິມານ​ບໍ່​ຫລາຍ.

ນອກຈາກ​ຢູ່​ຫວຽດນາມ​ແລ້ວ, ປັດຈຸບັນ​ເລີ່​ມມີ​ຫລາຍ​ປະ​ເທດ​ເຂດ​ອາຊີ​ຕາ​ເວັນ​ອອກສຽງ​ໃຕ້​ໃຫ້​ຄວາມ​ສຳຄັນ​ຕໍ່​ຮ້ານ​ຄ້າ​ຂະໜາດ​ນ້ອຍ​ເພີ່ມ​ຂຶ້ນ ​ເຊັ່ນ​ຢູ່​ອິນ​ໂດ​ເນ​ເຊຍ ມີ​ບໍລິສັດ​ສະ​ຕາ​ອັບ​ລົງທຶນ​ພັດທະນາ​ແອັບ​ພິ​ເຄຊັນ​ຊ່ວຍ​ເຫລືອ​ຮ້ານ​ຄ້າ​ຂະໜາດ​ນ້ອຍ​ເຫລົ່າ​ນີ້​ເຊັ່ນ​ກັນ.

ເອກະຊົນລາຍໃຫຍ່ຫວຽດນາມພັດທະນາ ແອັບພລິເຄຊັນຊ່ວຍຮ້ານຄ້າຂະໜາດນ້ອຍ - WhatsApp Image 2020 05 27 at 5 - ເອກະຊົນລາຍໃຫຍ່ຫວຽດນາມພັດທະນາ ແອັບພລິເຄຊັນຊ່ວຍຮ້ານຄ້າຂະໜາດນ້ອຍ
ເອກະຊົນລາຍໃຫຍ່ຫວຽດນາມພັດທະນາ ແອັບພລິເຄຊັນຊ່ວຍຮ້ານຄ້າຂະໜາດນ້ອຍ - WhatsApp Image 2020 05 27 at 5 - ເອກະຊົນລາຍໃຫຍ່ຫວຽດນາມພັດທະນາ ແອັບພລິເຄຊັນຊ່ວຍຮ້ານຄ້າຂະໜາດນ້ອຍ
error: Alert: ເນື້ອຫາຂ່າວມີລິຂະສິດ !!