ກຽມສ້າງເມືອງໃໝ່ວັງວຽງຄາດວ່າຈະມີການລົງທຶນຢ່າງໜ້ອຍ 5,3 ຕື້ໂດລາ

-                                                                 - ກຽມສ້າງເມືອງໃໝ່ວັງວຽງຄາດວ່າຈະມີການລົງທຶນຢ່າງໜ້ອຍ 5,3 ຕື້ໂດລາ
- Untitled design - ກຽມສ້າງເມືອງໃໝ່ວັງວຽງຄາດວ່າຈະມີການລົງທຶນຢ່າງໜ້ອຍ 5,3 ຕື້ໂດລາ

ປັດຈຸບັນ ບໍລິສັດ ພັດທະນາເມືອງໃໝ່ ວັງວຽງລາວ ຈຳກັດ ​ໄດ້​ກະກຽມ​ຄວາມ​ຕ່າງໆ​ແລ້ວ ​ເພື່ອ​ຈະ​ລົງມື​ກໍ່ສ້າງ​ເມືອງ​ໃໝ່​ແຫ່ງ​ນີ້ ພາຍຫລັງ​ສຳ​ເລັດການສຶກສາຄວາມເປັນໄປໄດ້ດ້ານເສດຖະກິດ-ເຕັກນິກ; ການປະເມີນຜົນກະທົບດ້ານສິ່ງແວດລ້ອມ ແລະ ສັງຄົມ; ການສຳຫລວດທີ່ດິນ ແລະ ການສ້າງແຜນນຳໃຊ້ທີ່ດິນ. ປັດຈຸບັນ ບໍລິສັດໄດ້ສືບຕໍ່ເຂົ້າສູ່ຂັ້ນຕອນການເຈລະຈາສັນຍາສຳປະທານ ແລະ ກະກຽມວຽກງານກໍ່ສ້າງໂຄງການ.

ທ່ານ ຖັງ ຊິນຊວານ ປະທານບໍລິສັດ ພັດທະນາເມືອງໃໝ່ ວັງວຽງລາວ ຈຳກັດ ເປີດເຜີຍ​ໃຫ້​ຮູ້ໃນວັນທີ 8 ຕຸລານີ້ວ່າ: ໂຄງການພັດທະນາ​ເມືອງ​ໃໝ່​ແຫ່ງ​ນີ້ຕັ້ງຢູ່ເບື້ອງທິດຕາເວັນຕົກຂອງສາຍນ້ຳຊອງ ເມືອງວັງວຽງ ແຂວງວຽງຈັນ, ກວມເນື້ອທີ່ປະມານ 7.000 ເຮັກຕາ ຊຶ່ງໄດ້ແບ່ງເປັນ 5 ໄລຍະການກໍ່ສ້າງ, ກຳນົດ 29 ປີ ຄາດ​ວ່າ​ຈະ​ມີມູນຄ່າການ​ລົງທຶນທັງໝົດ 5,3 ຕື້ໂດລາສະຫະລັດ ປະກອບດ້ວຍພື້ນຖານໂຄງລ່າງທີ່ແໜ້ນໜາ, ຖະໜົນຫົນທາງທີ່ມີມາດຕະຖານ, ຂົວຂ້າມນ້ຳຊອງ 4 ແຫ່ງ, ມີແຫລ່ງທ່ອງທ່ຽວທຳມະຊາດ, ສູນການຄ້າ, ໂຮງຮຽນ, ໂຮງໝໍ, ຫໍປະຊຸມນາໆຊາດ ແລະ ວັດວາອາຮາມທີ່ເປັນເອກະລັກ. ນອກນີ້, ຍັງຈະມີຂະແໜງທຸລະກິດທີ່ຫລາກຫລາຍທີ່ມີລັກສະນະປະສົມປະສານແບບທັນສະໄໝ; ຈະສ້າງເມືອງວັງວຽງໃຫ້ກາຍເປັນເມືອງແຫ່ງການທ່ອງທ່ຽວທີ່ມີຊື່ສຽງຂອງລາວ ກາຍເປັນສວນຫລັງບ້ານຂອງນະຄອນຫລວງວຽງຈັນ, ກາຍເປັນເມືອງພັກຜ່ອນຢ່ອນໃຈຂອງສາກົນ ແລະ ກາຍເປັນເມືອງທ່ອງທ່ຽວທີ່ມີເອກະລັກສະເພາະຂອງລາວນຳດ້ວຍ. ສິ່ງສຳຄັນໂຄງການນີ້, ຈະພຽບພ້ອມໄປດ້ວຍສິ່ງອຳນວຍຄວາມສະດວກຕ່າງໆໃຫ້ແກ່ນັກທ່ອງທ່ຽວ ທັງພາຍໃນ ແລະ ຕ່າງປະເທດ ​ເຊິ່ງຈະ​ຊ່ວຍໃຫ້ປະຊາຊົນໃນເຂດໂຄງການ ກໍຄືຊາວເມືອງວັງວຽງໄດ້ຮັບຜົນປະໂຫຍດຫລາຍຢ່າງ ​ເພື່ອ​ປັບປຸງ​ຊີວິດ​ການ​ເປັນ​ຢູ່​ຂອງ​ເຂົາ​ເຈົ້າດີ​ຂຶ້ນ ​ໂດຍ​ຈະ​ບໍ່​ມີ​ການ​ຍົກຍ້າຍ​ບ້ານ​ເຮືອນ​ຂອງ​ປະຊາຊົນ​ໃນ​ເຂດ​ພັດທະນາ.

- Wave100S AD to Website 2020 0 - ກຽມສ້າງເມືອງໃໝ່ວັງວຽງຄາດວ່າຈະມີການລົງທຶນຢ່າງໜ້ອຍ 5,3 ຕື້ໂດລາ
- WhatsApp Image 2020 05 27 at 5 - ກຽມສ້າງເມືອງໃໝ່ວັງວຽງຄາດວ່າຈະມີການລົງທຶນຢ່າງໜ້ອຍ 5,3 ຕື້ໂດລາ
- WhatsApp Image 2020 05 27 at 5 - ກຽມສ້າງເມືອງໃໝ່ວັງວຽງຄາດວ່າຈະມີການລົງທຶນຢ່າງໜ້ອຍ 5,3 ຕື້ໂດລາ
error: Alert: ເນື້ອຫາຂ່າວມີລິຂະສິດ !!