ໝາກໄຂ່ຫລັງອັກເສບຍ້ອນກັ້ນຍ່ຽວ

- 012206 - ໝາກໄຂ່ຫລັງອັກເສບຍ້ອນກັ້ນຍ່ຽວ
- AGL banner - ໝາກໄຂ່ຫລັງອັກເສບຍ້ອນກັ້ນຍ່ຽວ

ເກີດຈາກການຕິດເຊື້ອໃນລະບົບທໍ່ຍ່ຽວຢູ່ໝາກໄຂ່ຫລັງ ເຊິ່ງເປັນທໍ່ທີ່ລວບລວມນ້ຳ ແລະ ສິ່ງເສດເຫລືອທີ່ໝາກໄຂ່ຫລັງຟອກ ອອກມາສົ່ງຕໍ່ໃຫ້ກັບທໍ່ໝາກໄຂ່ ຫລັງ ເພື່ອສົ່ງໄປຍັງພົກຍ່ຽວ. ການອົດ ຫລື ກັ້ນຂອງທໍ່ຍ່ຽວມັກເປັນປັດໄຈເສີມໃຫ້ເກີດການຕິດ ເຊື້ອໄດ້ງ່າຍຂຶ້ນ ເຊັ່ນ : ໜິ້ວໃນທໍ່ຍ່ຽວ, ຕ່ອມລູກໝາກໃຫຍ່, ພົກຍ່ຽວບໍ່ເຮັດວຽກໃນຄົນປ່ວຍອຳມະພາດ ຫລື ມີກ້ອນໃນຜົ້ງທ້ອງ.

ອາການນີ້ພົບໃນແມ່ຍິງຫລາຍກ່ວາຜູ້ຊາຍປະມານ 4 ເທົ່າ ໂດຍພົບໃນເດັກນ້ອຍແມ່ຍິງ ຫລື ແມ່ຍິງຖືພາ, ຜູ້ທີ່ເປັນໜິ້ວໃນທໍ່ຍ່ຽວ, ຕ່ອມລູກໝາກໃຫຍ່, ຊີ້ນປົ່ງ ຫລື ມະເຮັງພົກຍ່ຽວ, ພົກຍ່ຽວອັກເສບ  ຫລື ຄົນປ່ວຍທີ່ສວນຍ່ຽວມາກ່ອນ (ເຊັ່ນ : ຄົນປ່ວຍໜັກທີ່ນອນພັກຢູ່ໂຮງໝໍ) ຜູ້ປ່ວຍທີ່ເປັນເບົາຫວານ ຫລື ກິນຢາສະເຕຍຣອຍດົນໆ ກໍອາດມີໂອກາດເປັນພະຍາດນີ້ໄດ້ງ່າຍຂຶ້ນ.

– ອາການຂອງໝາກໄຂ່ຫລັງອັກເສບ :

  1. ຄົນປ່ວຍມີອາການໄຂ້ສູງຮ່ວມກັບອາການໜາວສັ່ນຫລາຍ, ຈະຈັບໄຂ້ບໍ່ເປັນເວລາ ແລະ ມີອາການໜາວສັ່ນໄດ້ມື້ລະຫລາຍເທື່ອ.
  2. ປວດບໍລິເວນສ້ວງ ຫລື ແອວເບື້ອງໃດເບື້ອງໜຶ່ງ ບາງຄົນອາດມີອາການປວດບໍລິເວນທ້ອງນ້ອຍຮ່ວມກັບຍ່ຽວລຳບາກ, ຍ່ຽວຕະຫລອດ, ແສບ ຫລື ຂັດ ແລະ ມີຍ່ຽວສີຂຸ້ນ.
  3. ຄົນປ່ວຍອາດມີອາການເຈັບທ້ອງ, ວິນຫົວ, ປວດຮາກ, ເບື່ອອາຫານ, ອ່ອນເພຍຮ່ວມນຳ.

– ຫາກມີອາການດັ່ງກ່າວຄວນໄປໂຮງໝໍພາຍໃນ 24 ຊົ່ວໂມງ.

ການປູກເຊື້ອຈາກນ້ຳຍ່ຽວຈະພົບເຊື້ອແບັກທີເຣຍທີ່ເປັນສາເຫດ ນອກຈາກນີ້, ອາດຕ້ອງເອັກສະເຣ, ກວດເລືອດ ຫລື ກວດພິເສດອື່ນໆ ເພື່ອຄົ້ນຫາຄວາມຜິດປົກກະຕິທີ່ເປັນປັດໄຈເສີມໃຫ້ມີການຕິດເຊື້ອ.

- Wave100S AD to Website 2020 0 - ໝາກໄຂ່ຫລັງອັກເສບຍ້ອນກັ້ນຍ່ຽວ

– ຄົນປ່ວຍຮວຍໝາກໄຂ່ຫລັງອັກເສບມັກມີໄຂ້ສູງ, ໜາວສັ່ນຄ້າຍຄືເປັນໄຂ້ມາລາເຣຍ ແຕ່ຈະມີອາການປວດ, ຈຸກເຈັບສ້ວງ ແລະ ມີຍ່ຽວຂຸ້ນ. ດັ່ງນັ້ນ ເມື່ອມີອາການດັ່ງກ່າວຄວນຄິດເຖິງອາການໝາກໄຂ່ຫລັງອັກເສບໄວ້ສະເໝີ. ຄົນປ່ວຍທີ່ມີພະຍາດຕິດເຊື້ອອື່ນໆໃນລະບົບທໍ່ຍ່ຽວຄວນຈະປິ່ນປົວພະຍາດໃຫ້ເຊົາຂາດ ບໍ່ດັ່ງນັ້ນອາດເກີດຮວຍໝາກໄຂ່ຫລັງອັກເສບແຊກຊ້ອນໄດ້. ຫາກສົງໄສວ່າເປັນພະຍາດນີ້ ຄວນໄປພົບແພດເພື່ອກວດ ແລະ ປິ່ນປົວຢ່າງຖ້ອງຕ້ອງຕໍ່ໄປ.

– ການປ້ອງກັນພະຍາດຮວຍໝາກໄຂ່ຫລັງອັກເສບມີດັ່ງນີ້ :

  1. ດື່ມນ້ຳຫລາຍໆມື້ລະ 3 – 4 ລິດ (ສະເລ່ຍຊົ່ວໂມງລະ 1 ຈອກ) ເຊິ່ງຈະຊ່ວຍໄລ່ເຊື້ອພະຍາດອອກຈາກພົກຍ່ຽວ.
  2. ຢ່າກັ້ນຍ່ຽວ ຄວນຝຶກຍ່ຽວທຸກເທື່ອທີ່ຮູ້ສຶກປວດຈົນເປັນນິໄສ, ເວລາເດີນທາງໄກຕ້ອງຝຶກໃຫ້ລຶ້ງທີ່ຈະເຂົ້າຫ້ອງນ້ຳນອກເຮືອນ ຖ້າຢ້ານບໍ່ສະອາດກໍຊຳລະລ້າງໂຖສ້ວມໃຫ້ສະອາດກ່ອນ.
  3. ຫລັງຖ່າຍອາຈົມ ຄວນຈະລ້າງຮູທະວານໜັກໃຫ້ສະອາດ, ການໃຊ້ເຈ້ຍເຊັດຈາກທາງໜ້າໄປທາງຫລັງຈົນສະອາດ ປ້ອງກັນບໍ່ໃຫ້ເຊື້ອພະຍາດຈາກບໍລິເວນທະວານໜັກປົນເປື້ອນເຂົ້າທໍ່ຍ່ຽວ.
  4. ເມື່ອມີອາການພົກຍ່ຽວອັກເສບ (ຍ່ຽວແສບ, ຍ່ຽວຂັດ, ຍ່ຽວຢອດ ໂດຍບໍ່ມີໄຂ້) ຄວນໄດ້ຮັບການປິ່ນປົວຢ່າງຈິງຈັງ ເພື່ອປ້ອງກັນບໍ່ໃຫ້ເຊື້ອລຸກລາມຂຶ້ນໄປຫາໝາກໄຂ່ຫລັງ.
  5. ຫາກໄດ້ຮັບການປິ່ນປົວຢ່າງຖືກຕ້ອງອາການໄຂ້ຈະຄ່ອຍດີຂຶ້ນພາຍໃນ 2 – 3 ມື້ ແພດຈະໃຫ້ຢາປິ່ນປົວຕໍ່ຈົນຮອດ 14 ມື້ ເປັນຢ່າງໜ້ອຍ ຈຶ່ງຈະກຳຈັດເຊື້ອໃຫ້ໝົດໄປໄດ້ ໃຜທີ່ເຄີຍຄິດວ່າຍ່ຽວດຸເປັນເລື່ອງນ້ອຍໆ ຄວນປ່ຽນຄວາມຄິດໃໝ່ນັບແຕ່ຕອນນີ້ ແລະ ຟ້າວປິ່ນປົວກ່ອນທີ່ທຸກຢ່າງຈະສວາຍເກີນໄປ.
- WhatsApp Image 2020 05 27 at 5 - ໝາກໄຂ່ຫລັງອັກເສບຍ້ອນກັ້ນຍ່ຽວ
- WhatsApp Image 2020 05 27 at 5 - ໝາກໄຂ່ຫລັງອັກເສບຍ້ອນກັ້ນຍ່ຽວ
- WhatsApp Image 2020 05 27 at 5 - ໝາກໄຂ່ຫລັງອັກເສບຍ້ອນກັ້ນຍ່ຽວ
- WhatsApp Image 2020 05 27 at 5 - ໝາກໄຂ່ຫລັງອັກເສບຍ້ອນກັ້ນຍ່ຽວ
error: Alert: Content is protected !!