ແຫລ່ງທ່ອງທ່ຽວນໍ້າຕົກຕາດກວາງຊີເລີ່ມມີບັນຍາກາດຄຶກຄື້ນມາອີກ

ແຫລ່ງທ່ອງທ່ຽວນໍ້າຕົກຕາດກວາງຊີເລີ່ມມີບັນຍາກາດຄຶກຄື້ນມາອີກ -                                                                                      - ແຫລ່ງທ່ອງທ່ຽວນໍ້າຕົກຕາດກວາງຊີເລີ່ມມີບັນຍາກາດຄຶກຄື້ນມາອີກ
ແຫລ່ງທ່ອງທ່ຽວນໍ້າຕົກຕາດກວາງຊີເລີ່ມມີບັນຍາກາດຄຶກຄື້ນມາອີກ - Untitled design - ແຫລ່ງທ່ອງທ່ຽວນໍ້າຕົກຕາດກວາງຊີເລີ່ມມີບັນຍາກາດຄຶກຄື້ນມາອີກ

ການທ່ອງທ່ຽວຢູ່ຕາດກວາງຊີ ​ເມືອງ​ມໍລະດົກ​ໂລກ ຫລວງ​ພະ​ບາງ ເລີ່ມກັບມາຄຶກຄື້ນອີກຄັ້ງ ຫລັງຈາກລັດຖະບານໄດ້ມີມາດຕະການຜ່ອນຜັນໃນການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19, ແຕ່ສ່ວນ​ຫລາຍແມ່ນນັກທ່ອງທ່ຽວພາຍໃນປະເທດ​ໃນ​ຮູບ​ແບບລາວ​ທ່ຽວ​ລາວ.

ພະນັກງານຮັບຜິດຊອບ​ແຫ​ລ່ງທ່ອງ​ທ່ຽວ​ແຫ່ງ​ນີ້ ໃຫ້ຮູ້ວ່າ: ກ່ອນໜ້າເກີດການລະບາດຂອງພະຍາດໂຄວິດ-19 ຕາດກວາງຊີສາມາດສ້າງລາຍຮັບຈາກການບໍລິການຕ່າງໆໄດ້ບໍ່ຫລຸດ 10-15 ລ້ານກີບຕໍ່ວັນ, ​ແຕ່ຍ້ອນການລະບາດຂອງພະຍາດໂຄວິດ-19 ຕາດກວາງຊີໄດ້ປິດບໍລິການໄລຍະໜຶ່ງຕາມຄໍາສັ່ງຂອງລັດຖະບານເພື່ອປ້ອງກັນການລະບາດຂອງພະຍາດດັ່ງກ່າວ ​ແລະ ຕໍ່​ມາ​ມໍ່ໆ​ນີ້ ລັດຖະບານ​ໄດ້ມີມາດຕະການຜ່ອນຜັນການປ້ອງກັນການລະບາດຂອງພະຍາດຮ້າຍ​ແຮງ​ນີ້ ບົນ​ຈິດ​ໃຈ​ສົ່ງ​ເສີມ​ລາວ​ທ່ຽວ​ລາວ ​ໄດ້​ເຮັດ​ໃຫ້ນັກທ່ອງທ່ຽວເລີ່ມເຂົ້າມາທ່ຽວບມື້ເພີ່ມຂຶ້ນ ເຊິ່ງສະເລ່ຍແລ້ວມື້ຫນຶ່ງສາມາດສ້າງລາຍຮັບໄດ້ປະມານ 1-2 ລ້ານກີບ, ລາຍຮັບນີ້ເຖິງວ່າບໍ່ຫລາຍ ແຕ່ຖືເປັນສັນຍານທີ່ດີຂຶ້ນສຳລັບ​ການທ່ອງທ່ຽວ​ປະ​ເທດ​ເຮົາ.

ຕາດກວາງຊີຢູ່ຫ່າງຈາກເທດສະບານນະຄອນຫລວງພະບາງໄປທາງທິດຕະເວັນຕົກສຽງໃຕ້ປະມານ 30 ກິໂລແມັດ, ຕາດແຫ່ງນີ້ເປັນນ້ຳຕົກຫີນປູນຂະໜາດໃຫຍ່ ສູງປະມານ 81 ແມັດ, ກວ້າງສຸດ 35 ແມັດ, ປະກອບດ້ວຍ 6 ຊັ້ນ, ມີສາຍນ້ຳໄຫລອາບມາຕາມໜ້າຜາຜ່ານຫີນນ້ອຍໃຫຍ່ ຮູບຊົງແປກຕາລົງສູ່​ອ່າງ​ນ້ຳທຳ​ມະ​ຊາດເບື້ອງລຸ່ມຕະຫລອດປີ ອັນ​ໄດ້​ປະກອບ​ໃຫ້​ແຫ​ລ່ງທ່ອງ​ທ່ຽວ​ນ້ຳຕົກ​ແຫ່ງ​ນີ້​ງົດ​ງາມ​ຍິ່ງ​ຂຶ້ນ.

ແຫລ່ງທ່ອງທ່ຽວນໍ້າຕົກຕາດກວາງຊີເລີ່ມມີບັນຍາກາດຄຶກຄື້ນມາອີກ - Wave100S AD to Website 2020 0 - ແຫລ່ງທ່ອງທ່ຽວນໍ້າຕົກຕາດກວາງຊີເລີ່ມມີບັນຍາກາດຄຶກຄື້ນມາອີກ
ແຫລ່ງທ່ອງທ່ຽວນໍ້າຕົກຕາດກວາງຊີເລີ່ມມີບັນຍາກາດຄຶກຄື້ນມາອີກ - WhatsApp Image 2020 05 27 at 5 - ແຫລ່ງທ່ອງທ່ຽວນໍ້າຕົກຕາດກວາງຊີເລີ່ມມີບັນຍາກາດຄຶກຄື້ນມາອີກ
ແຫລ່ງທ່ອງທ່ຽວນໍ້າຕົກຕາດກວາງຊີເລີ່ມມີບັນຍາກາດຄຶກຄື້ນມາອີກ - WhatsApp Image 2020 05 27 at 5 - ແຫລ່ງທ່ອງທ່ຽວນໍ້າຕົກຕາດກວາງຊີເລີ່ມມີບັນຍາກາດຄຶກຄື້ນມາອີກ
error: Alert: ເນື້ອຫາຂ່າວມີລິຂະສິດ !!