ເຜີຍແຜ່ເປົ້າໝາຍການພັດທະນາແບບຍືນຍົງ

ເຜີຍແຜ່ເປົ້າໝາຍການພັດທະນາແບບຍືນຍົງ -                                                                                                        - ເຜີຍແຜ່ເປົ້າໝາຍການພັດທະນາແບບຍືນຍົງ
ເຜີຍແຜ່ເປົ້າໝາຍການພັດທະນາແບບຍືນຍົງ - Untitled design - ເຜີຍແຜ່ເປົ້າໝາຍການພັດທະນາແບບຍືນຍົງ

ກະຊວງການຕ່າງປະເທດ ຮ່ວມກັບ ຫ້ອງການຜູ້ປະສານງານອົງການສະຫະປະຊາຊາດ (ສປຊ) ປະຈຳ​ລາວ ສປປ ລາວ ​ແລະ ຄູ່ຮ່ວມພັດທະນາ​ໃນລາວ ໄດ້ຈັດກອງປະຊຸມເຜີຍແຜ່ກ່ຽວກັບຄວາມຄືບໜ້າຂອງການຈັດຕັ້ງປະຕິບັດເປົ້າໝາຍການພັດທະນາແບບຍືນຍົງ (ປພຍ) ຂຶ້ນ​ໃນ​ວັນ​ທີ 13 ຕຸລານີ້ ​ໂດຍການເປັນປະທານຂອງທ່ານ ທອງຜ່ານ ສະຫວັນເພັດ ຮອງລັດຖະມົນຕີກະຊວງການຕ່າງປະເທດ ແລະ ທ່ານ ນາງ ຊາຣາ ເຊເກັນເນສ ຜູ້ປະສານງານອົງການ ສປຊ ປະຈໍາ ສປປ ລາວ.

ກອງປະຊຸມຄັ້ງນີ້​ໄດ້ຈັດ​ຂຶ້ນ​ເປັນຄັ້ງທີ 4 ​ເພື່ອສົ່ງເສີມການມີສ່ວນຮ່ວມຂອງທຸກພາກສ່ວນໃນສັງຄົມ ໃນການຈັດຕັ້ງປະຕິບັດວາລະ 2030 ເພື່ອການພັດທະນາແບບຍືນຍົງ ແລະ ເປັນຄວາມພະຍາຍາມໃນການ​ໂຄສະນາເຜີຍແຜ່ກ່ຽວກັບການຈັດຕັ້ງປະຕິບັດ ແລະ ການເຊື່ອມສານວຽກ​ງານ​ດັ່ງກ່າວເຂົ້າໃນແຜນພັດທະນາເສດຖະກິດ-ສັງຄົມແຫ່ງຊາດ ກໍຄືນະໂຍບາຍ ແລະ ແຜນພັດທະນາຂອງທ້ອງຖິ່ນ ແລະ ຂະແໜງການທີ່ກ່ຽວຂ້ອງ ​ແລະ ກອງປະຊຸມຄັ້ງນີ້​ເປັນບາດກ້າວທໍາອິດໃນການກະກຽມການຮ່າງບົດລາຍງານແຫ່ງຊາດແບບສະໝັກໃຈ ສະບັບທີ 2 ຂອງ ສປປ ລາວ ທີ່ລັດຖະບານມີແຜນຈະນໍາສະເໜີຕໍ່ກອງປະຊຸມການເມືອງລະດັບສູງຂອງອົງການ ສປຊ ໃນປີ 2021.

ໃນກອງ​ປະຊຸມ, ທ່ານ ທອງຜ່ານ ສະຫວັນເພັດ ໄດ້ເນັ້ນວ່າ: ພວກເຮົາຢູ່ໃນຍຸກສະໄໝທີ່ມີການເພິ່ງພາເຊິ່ງກັນ ແລະ ກັນ ແລະ ກໍາລັງຜະເຊີນກັບອະນາຄົດທີ່ຄາດເດົາໄດ້ຍາກ ໂດຍສະເພາະຜົນກະທົບຈາກການແຜ່ລະບາດຂອງພະຍາດໂຄວິດ-19 ທີ່ກໍາລັງເປັນໄພຂົ່ມຂູ່ຮ້າຍແຮງຕໍ່ການດໍາລົງຊີວິດ ແລະ ຄວາມພະຍາຍາມໃນການພັດທະນາຂອງພວກເຮົາ. ສະນັ້ນ, ຍິ່ງກວ່າເວລາໃດໝົດ ພວກເຮົາຈໍາເປັນຕ້ອງ​ໄດ້ເພີ່ມທະວີການຮ່ວມມືຫລາຍຝ່າຍ ແລະ ການຮ່ວມມືຮອບດ້ານໃນທຸກລະດັບ ເພື່ອພ້ອມກັນແກ້ໄຂບັນດາສິ່ງທ້າທາຍ ແລະ ຊອກຫາແນວທາງ ແລະ ວິທີແກ້ໄຂ ເພື່ອສາມາດບັນລຸໄດ້ເປົ້າໝາຍການພັດທະນາແບບຍືນຍົງ, ຄຽງຄູ່ກັບການປະກອບສ່ວນໃຫ້ແກ່ການກະກຽມກ້າວອອກຈາກສະຖານະພາບປະເທດດ້ອຍພັດທະນາຂອງ ສປປ ລາວ ໃນອະນາຄົດ.

ທ່ານ ນາງ ຊາຣາ ເຊເກັນເນສ ກ່າວວ່າ: ວາລະ 2030 ໄດ້ສະແດງໃຫ້ເຫັນເຖິງແນວທາງການຟື້ນຟູຈາກສິ່ງທ້າທາຍທີ່ເກີດຈາກການແຜ່ລະບາດຂອງພະຍາດໂຄວິດ-19 ກໍຄືການມີສ່ວນຮ່ວມ ແລະ ແນວທາງການແກ້ໄຂບັນຫາດ້ວຍວິທີທີ່ຍືນຍົງ. ດັ່ງນັ້ນ ເນື້ອໃນຈິດໃຈຫລັກຂອງວາລະດັ່ງກ່າວແມ່ນການສ້າງຄວາມຍືນຍົງ, ຄວາມຈະເລີນຮຸ່ງເຮືອງຮ່ວມກັນ ແລະ ການເຮັດວຽກຮ່ວມກັນ ເພື່ອຮັບປະກັນວ່າ ພວກເຮົາຈະກ້າວໄປພ້ອມກັນໃນປັດຈຸບັນ ແລະ ໃນອະນາຄົດ ​ເພື່ອສ້າງພື້ນຖານອັນສໍາຄັນໃຫ້ແກ່ພວກເຮົາຮັບມືກັບສິ່ງທ້າທາຍຕ່າງໆ​ເຫລົ່ານັ້ນ ​ໂດຍ​ສະ​ເພາະບັນຫາໂຣກລະບາດທີ່ເກີດຂຶ້ນໃນປັດຈຸບັນ​ໃຫ້​ສາມາດ​ຜ່ານ​ຜ່າ​ມັນ​ໄດ້.

ເຜີຍແຜ່ເປົ້າໝາຍການພັດທະນາແບບຍືນຍົງ - Wave100S AD to Website 2020 0 - ເຜີຍແຜ່ເປົ້າໝາຍການພັດທະນາແບບຍືນຍົງ
ເຜີຍແຜ່ເປົ້າໝາຍການພັດທະນາແບບຍືນຍົງ - WhatsApp Image 2020 05 27 at 5 - ເຜີຍແຜ່ເປົ້າໝາຍການພັດທະນາແບບຍືນຍົງ
ເຜີຍແຜ່ເປົ້າໝາຍການພັດທະນາແບບຍືນຍົງ - WhatsApp Image 2020 05 27 at 5 - ເຜີຍແຜ່ເປົ້າໝາຍການພັດທະນາແບບຍືນຍົງ
error: Alert: ເນື້ອຫາຂ່າວມີລິຂະສິດ !!