ສະຫລຸບບັນຫາໜ້າສົນໃຈທົ່ວໂລກ ວັນທີ 12 ຕຸລາ 2020

ສະຫລຸບບັນຫາໜ້າສົນໃຈທົ່ວໂລກ ວັນທີ 12 ຕຸລາ 2020 -                                                                                                 12              2020 - ສະຫລຸບບັນຫາໜ້າສົນໃຈທົ່ວໂລກ ວັນທີ 12 ຕຸລາ 2020
ສະຫລຸບບັນຫາໜ້າສົນໃຈທົ່ວໂລກ ວັນທີ 12 ຕຸລາ 2020 - Untitled design - ສະຫລຸບບັນຫາໜ້າສົນໃຈທົ່ວໂລກ ວັນທີ 12 ຕຸລາ 2020
  1. ຈຳນວນ​ຜູ້​ຕິດ​ເຊື້ອ COVID-19 ທີ່​ໄດ້​ຮັບ​ການ​ຢືນຢັນ​ແລ້ວ​ຂອງ​ອິນ​ເດຍທະລຸ 7 ລ້ານ​ຄົນ ​ໃນ​ວັນ​ທີ 12 ຕຸລາ​ນີ້ ​ແລະ ມີ​ຜູ້​ເສຍ​ຊີວິດ​ຫລາຍ​ກວ່າ 108.000 ຄົນ​. ຂະນະ​ທີ່​ກະຊວງ​ສາທາລະນະ​ສຸກ​ຂອງ​ບຣາຊິ​ລຢືນຢັນ​ວ່າ​ມີ​ຜູ້​ເສຍ​ຊີວິດ​ຈາກ​ໄວຣັສ​ໄປ​ແລ້ວ​ຫລາຍ​ກວ່າ 150.000 ຄົນ​.

ອິນ​ເດຍ ​ແລະ ​ບຣາຊິ​ລມີ​ຜູ້​ຕິດ​ເຊື້ອ COVID-19 ສູງ​ເປັນອັນ​ດັບ 2 ​ແລະ 3 ຂອງ​ໂລກ​ຕາມ​ລຳດັບ. ຂະນະ​ທີ່ອາ​ເມ​ລິ​ກາ​ຍັງ​ຄອງ​ອັນ​ດັບ 1 ​ແຕ່​ຄາດ​ວ່າ​ຈຳນວນ​ຜູ້​ຕິດ​ເຊື້ອຂອງ​ອິນ​ເດຍຈະ​ເກີນ​ຂອງ​ອາ​ເມ​ລິ​ກາ​​ໃນ​ມໍ່ໆ​ນີ້.

  1. ໜ່ວຍ​ງານ​ວິທະຍາສາດ​ແຫ່ງ​ຊາດ​ຂອງ​ອົດ​ສະຕຣາລີ ​ໄດ້​ເຜີຍ​ແຜ່​ການ​ວິ​ໄຈ​ທີ່​ຊີ້​ໃຫ້​ເຫັນ​ວ່າ SARS-Cov-2 ​ເຊິ່ງ​ເປັນ​ໄວຣັສທີ່​ເຮັດ​ໃຫ້​ເກີດ COVID-19 ສາມາດ​ເຮັດ​ໃຫ້​ຜູ້​ຕິດ​ເຊື້ອຜ່ານ​ການ​ສຳຜັດ​ພື້ນຜິວ​ເຊັ່ນ: ທະນະ​ບັດ, ໜ້າ​ຈໍ​ໂທລະພາບ ​ແລະ ​ເຫລັກ​ກ້າ​ບໍ່​ມີ​ຂີ້ໝ້ຽງ​ໄດ້​ດົນ​ເຖິງ 28 ມື້​ເມື່ອ​ຢູ່​​ໃນ​ອຸນຫະພູມ​ຫ້ອງ ​ແລະ ​ໃນ​ບ່ອນ​ມືດ. ຂະນະ​ທີ່​ການ​ສຶກສາ​ໃນ​ຫ້ອງ​ປະຕິບັດ​ການ​ກ່ອນ​ໜ້າ​ນີ້​ຊີ້​ໃຫ້​ເຫັນ​ວ່າ ​ໄວຣັສສາມາດ​ຢູ່​ລອດ​ໄດ້​ພຽງ 2-3 ມື້.
  2. Azerbaijan ກ່າວ​ຫາ​ວ່າ Armenia ລະ​ເມີດ​ການ​ຢຸດ​ຍິງ​ທີ່ຣັດ​ເຊຍ​ເປັນ​ຜູ້​ເຈລະຈາ ​ແລະ ລົງ​ນາມ​ກັນ​ໃນ​ວັນ​ທີ 10 ຕຸລາ​ຜ່ານ​ມາ ​ໂດຍ​ການ​ຍິງ​ຖະຫລົ່ມ​ເມືອງ Ganja ​ແລະ Mingachevir. ຂະນະ​ທີ່ Armenia ​ໄດ້​ປະຕິ​ເສດ ​ແລະ ຕອບ​ໂຕ້​ວ່າ Azerbaijan ​ໄດ້​ທຳລາຍ​ການ​ຢຸດ​ຮົບ​ ​ໂດຍ​ການ​ຍິງ​ຖະຫລົ່ມ​ເມືອງ Stepanakert ​ເຊິ່ງ​ເປັນ​ເມືອງ​ຫລວງ​ຂອງ​ເຂດ Nagorno-Karabakh ​ເຊິ່ງ​ເປັນ​ເຂດ​ພື້ນທີ່​ຂອງ​ຊາດ​ພັນ Armenian ​ໃນ​ປະ​ເທດ Azerbaijan ​ແລະ ພື້ນທີ່​ເປັນ​ສູນ​ກາງຂອງ​ຄວາມ​ຂັດ​ແຍ່ງ.
  3. ຍີ່ປຸ່ນ​ສາບານ​ວ່າ​ຈະ​ເພີ່ມ​ຄວາມ​ສາມາດ​ໃນ​ການ​ຕໍ່ຕ້ານ​ລູກ​ສອນ​ໄຟ ​ເພື່ອ​ຕອບ​ສະໜອງ​ຕໍ່​ໄພ​ຄຸກ​ຄາມ​ທີ່​ມີ​ຄວາມ​ສັບ​ຊ້ອນ ​ແລະ ຫລາກ​ຫລາຍ​ຂຶ້ນຈາກ ສປປ ​ເກົາຫລີ. ຂະນະ​ທີ່ ສປປ ​ເກົາຫລີ ​ໄດ້​ຈັດ​ສະ​ແດງ​ລູກ​ສອນ​ໄຟ​ຂ້າມ​ທະວີບ​ແບບ​ໃໝ່ ​ເຊິ່ງມີ​ຂະໜາດ​ໃຫຍ່​ທີ່​ສຸດ​ໃນ​ລະຫວ່າງ​ການສະ​ແດງ​ທາງ​ທະຫານ ​ເພື່ອ​ເປັນ​ເຄື່ອງໝາຍ 75 ປີ​ຂອງ​ພັກ​ແຮງ​ງານ​ປົກຄອງ ​ເຊິ່ງ​ເຫັນ​ໄດ້​ຊັດ​ວ່າ ອາວຸດ​ທີ່​ຍັງ​ບໍ່​ຜ່ານ​ການ​ທົດ​ລອງ​ອັນ​ນີ້ ສາມາດ​ຂັບ​ເຄື່ອນ​ຫົວ​ຮົບ​ນິວ​ເຄຼຍ​ໄດ້​ໄກ​ເຖິງ​ອາ​ເມ​ລິ​ກາ.
  4. ການ​ເລືອກ​ຕັ້ງປະທານາທິບໍດີ​ທາງ​ຕອນ​ເໜືອ​ຂອງ​ໄຊ​ປຣັສລົ້ມ​ເຫ​ລວ​ໃນ​ການ​ສ້າງ​ຜົນ​ລັບ​ທີ່​ຈະ​ແຈ້ງ ​ໂດຍ Mustafa Akinci ຜູ້​ດຳລົງ​ຕຳ​ແໜ່​ງຄົນ​ປັດຈຸບັນ​ທີ່​ສະໜັບສະໜູນ​ການ​ກັບ​ມາ​ລວມປະ​ເທດ​ກັນ​ອີກ ​ແລະ Ersin Tatar ຜູ້​ທ້າ​ຊີງ​ທີ່​ສະໜັບສະໜູນ​ການ​ແບ່ງ​ເຂດ​ແດນ​ຢ່າງ​ຖາວອນ​ ລະຫວ່າງ ຕຸຣກີ-​ໄຊ​ປຣັສ​ເໜືອ-​ກຣີກ-​​ໄຊ​ປຣັສ​ໃຕ້ ຕ່າງ​ກໍ​ໄດ້ຮັບ​ຄະ​ແນນ​ສຽງ 50% ​ເຖິງ​ວ່າ​ເຂດ​ສ່ວນ​ຫລາຍ​ລາຍ​ງານ​ວ່າ Tatat ​ໄດ້​ຄະ​ແນ​ນນຳ Akinci ​ໄປ​ຢ່າງ​ຫວຸດ​ຫວິດ ​ເຮັດ​ໃຫ້​ທັງ 2 ຍັງ​ຕ້ອງ​ແຂ່ງຂັນ​ກັນ​ໃນ​ການ​ເລືອກ​ຕັ້ງຮອບ​ທີ 2 ​ໃນ​ວັນ​ທີ 18 ຕຸລາ​ນີ້.
  5. ທະນາຄານ​ການ​ຄ້າ​ແຫ່ງ​ຊາດ​ຂອງ​ຊາ​ອຸ​ດິອາຣະ​ເບຍ (Saudi Arabia’s National Commercial Bank : NCB) ປະກາດ​ວ່າ​ຈະ​ຊື້ Samba Financial Group ​ເຊິ່ງ​ເປັນ​ທະນາຄານ​ອີກ​ແຫ່ງ​ໃນ​ລາຄາ 1,48 ໝື່ນ​ລ້ານ​ໂດ​ລາ ​ແລະ ຖ້າ​ການ​ລວມກິດຈະການ​ໄດ້​ຮັບ​ການ​ອະນຸມັດ​ຕາມ​ກົດ​ຂໍ້​ບັງຄັບ ຈະ​ເຮັດ​​ໃຫ້​ໜ່ວຍ​ງານ​ໃໝ່​ທີ່​ເກີດ​ຂຶ້ນກາຍ​ເປັນ​ທະນາຄານ​ໃຫຍ່​ທີ່​ສຸດ​ຂອງຣາຊະ​ອານາຈັກ ​ໂດຍ​ມີ​ສິນ​ຊັບ​ທັງ​ໝົດ 2,23 ​ແສນ​ລ້ານ​ໂດ​ລາ ​ແລະ ມີ​ມູນ​ຄ່າ​ຕະຫລາດ 4,6 ໝື່ນ​ລ້ານ​ໂດ​ລາ.
  6. Paul Milgrom ​ແລະ Robert Wilson ຈາກ​ມະຫາວິທະຍາ​ໄລ Stanford ທັງ​ສອງ​ໄດ້​ຮັບ​ລາງວັນ​ໂນ​ເບ​ລສາຂາ​ເສດຖະສາດ​ປະຈຳ​ປີ​ນີ້ ຈາກ​ຜົນງານ​ດ້ານ​ທິດ​ສະ​ດີກາ​ນປະມູນ ​ແລະ ການ​ຄິດ​ຄົ້ນຮູບ​ແບບ​ການປະມູນ​ໃໝ່ໆ.

​ແລະ ວິທີ​ການ​ໃໝ່​ທີ່​ພວກ​ເຂົາ​ຊ່ວຍ​ສ້າງ​ຂຶ້ນນີ້ ​ໄດ້​ຖືກ​ນຳ​ມາ​ໃຊ້​ເພື່ອຂາຍ​ສິນຄ້າ​ໃນ​ບາງ​ສ່ວນ​ຂອງຄື້ນຄວາມ​ຖີ່​ວິທະຍຸ, ​ໂກ​ຕ້າ​ໃນ​ການ​ຕຶກ​ເບັດ, ການ​ຊື້ຂາຍ​ຊ່ອງ​ຈອດ​ເຮືອບິນ ​ແລະ ຄ່າ​ທີ່​ສາມາດ​ອະນຸຍາດ​ໄດ້​ຂອງ​ການ​ປ່ອຍ​ມົນ​ລະ​ພິດ (​ໂດຍ​ສະ​ເພາະ​ແກັສ​ເຮືອນ​ແກ້ວ).

ສະຫລຸບບັນຫາໜ້າສົນໃຈທົ່ວໂລກ ວັນທີ 12 ຕຸລາ 2020 - Wave100S AD to Website 2020 0 - ສະຫລຸບບັນຫາໜ້າສົນໃຈທົ່ວໂລກ ວັນທີ 12 ຕຸລາ 2020
  1. ບໍລິສັດ​ນ້ຳມັນ​​ແຫ່ງ​ຊາດ​ຂອງ​ປະ​ເທດ​ລີ​ເບຍ ​ໄດ້​ປະກາດ​ວ່າ​ຈະ​ກັບ​ມາ​ດຳ​ເນີນ​ການ​ຜະລິດ​ຢູ່​ບໍ່​ນ້ຳມັນ​ໃຫຍ່​ທີ່​ສຸດ​ຂອງ​ປະ​ເທດ ​ເຊິ່ງ​ເປັນ​ເວລາ 3 ອາທິດ​ຫລັງ​ຈາກ Khalifa Haftar ນາຍ​ທະຫານ​ຊັ້ນຂຸນ​ພົນ​ທີ່​ຕໍ່ຕ້ານ​ລັດຖະບານ ທີ່​ໄດ້​ຮັບ​ການ​ສະໜັບສະໜູນ​ຈາກ UN ກ່າວ​ວ່າ​ທ່ານ​ຈະ​ຢຸດ​ການ​ປິດ​ລ້ອມ​ຕະຫລາດນ້ຳມັນ​ທີ່​ກິນ​ເວລາ​ຫລາຍ​ເດືອນ. ຂ່າວ​ດັ່ງກ່າວ​ເກີ​ດຂຶ້ນ​ເມື່ອ​ການ​ເຈລະຈາ​ສັນຕິພາບ​ເບື້ອງຕົ້ນ​ເລີ່​ມຕົ້ນຂຶ້ນລະ​ຫວ່າງ​ທັງ 2 ຝ່າຍ ກ່ອນ​ການ​ເຈລະຈາ​ທີ່​ໄດ້​ຮັບ​ການ​ສະໜັບສະໜູນ​ຈາກ UN ຈະ​ຈັດ​ຂຶ້ນ​ໃນ​ເດືອນ​ໜ້າ.
  2. ກອງ​ກຳລັງ​ຂອງ​ອີຣັກທີ່​ໄດ້​ຮັບ​ການ​ສະໜັບສະໜູນ​ຈາກ​ອີຣານຈຳນວນ​ໜຶ່ງ​ຕົກລົງ​ຈະ​ຢຸດ​ການ​ໂຈມ​ຕີ​ດ້ວຍ​ຈະ​ຫລວດ​ຕໍ່​ກອງ​ກຳລັງ​ຂອງ​ອາ​ເມ​ລິ​ກາ​ທີ່​ປະຈຳການ​ໃນ​ປະ​ເທດ ​ໂດຍ​ມີ​ເງື່ອນ​ໄຂ​ວ່າ ລັດຖະບານ​ອີຣັກຈະ​ຕ້ອງ​ສະ​ແດງ​ຕາຕະລາງ​ເວລາ​ສຳລັບ​ການ​ຖອນ​ຕົວ​ຂອງ​ອາ​ເມ​ລິ​ກາ​ໃຫ້​ພວກ​ເຂົາ​ເບິ່ງ. ຂະນະ​ທີ່​ຝ່າຍ​ບໍລິຫານ​ຂອງ ທຣຳ ​ເຊິ່ງຄ່ອຍໆ​ຫລຸດ​ຈຳນວນ​ທະຫານ​ຊາວ​ອາ​ເມ​ລິ​ກາ​ທີ່ປະຈຳການ​ຢູ່​ພາຍ​ໃນ​ປະ​ເທດ ​ໄດ້​ຂູ່​​ໃນ​ເດືອນ​ຜ່ານ​ມາ​ວ່າ ພວກ​ເຂົາ​ຈະ​ປິດ​ສະຖານທູດ​ອາ​ເມ​ລິກາພາຍ​ໃນ​ອີ​ຣັກ ​ຍົກ​ເວັ້ນ​ແຕ່​ລັດຖະບານ​ຈະ​​ເຮັດ​ຫລາຍ​ກວ່າ​ນີ້ ​ເພື່ອ​ປ້ອງ​ກັນ​ການ​ໂຈມ​ຕີ​ຂອງ​ກອງ​ກຳລັງ​ຈາກ​ຜູ້​ບໍ່​ປະສົງ​ດີ.
ສະຫລຸບບັນຫາໜ້າສົນໃຈທົ່ວໂລກ ວັນທີ 12 ຕຸລາ 2020 - WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກ ວັນທີ 12 ຕຸລາ 2020
ສະຫລຸບບັນຫາໜ້າສົນໃຈທົ່ວໂລກ ວັນທີ 12 ຕຸລາ 2020 - WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກ ວັນທີ 12 ຕຸລາ 2020
error: Alert: ເນື້ອຫາຂ່າວມີລິຂະສິດ !!