Johnson & Johnson ໂຈະການທົດລອງວັກຊີນໂຄວິດ-19 ໄລຍະທີ 3 ແລ້ວ ຫລັງອາສາສະໝັກມີອາການບໍ່ສະບາຍ

johnson & johnson ໂຈະການທົດລອງວັກຊີນໂຄວິດ-19 ໄລຍະທີ 3 ແລ້ວ ຫລັງອາສາສະໝັກມີອາການບໍ່ສະບາຍ - Johnson Johnson - Johnson & Johnson ໂຈະການທົດລອງວັກຊີນໂຄວິດ-19 ໄລຍະທີ 3 ແລ້ວ ຫລັງອາສາສະໝັກມີອາການບໍ່ສະບາຍ
johnson & johnson ໂຈະການທົດລອງວັກຊີນໂຄວິດ-19 ໄລຍະທີ 3 ແລ້ວ ຫລັງອາສາສະໝັກມີອາການບໍ່ສະບາຍ - Untitled design - Johnson & Johnson ໂຈະການທົດລອງວັກຊີນໂຄວິດ-19 ໄລຍະທີ 3 ແລ້ວ ຫລັງອາສາສະໝັກມີອາການບໍ່ສະບາຍ

ຄວາມ​ຫວັງ​ຂອງການ​ພັດທະນາ​ວັກ​ຊີ​ນປິ່ນ​ປົວ​ພະຍາດ​ໂຄ​ວິດ-19 ​ເບິ່ງ​ຈະ​ຍິ່ງ​ຫ່າງ​ໄກ​ອອກ​ໄປ ​ເມື່ອ​ຫລ້າ​ສຸດ​ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: Johnson & Johnson ບໍລິສັດ​ຜູ້​ພັດທະນາ​ຢາ, ສິນຄ້າ​ອຸປະ​ໂພ​ກ-ບໍລິ​ໂພ​ກ ​ແລະ ອຸປະກອນ​ທາງ​ການ​ແພດ​ຈາ​ກອາ​ເມ​ລິ​ກາ ​ໄດ້​ຕັດສິນ​ໃຈ​ໂຈະ​ການ​ທົດ​ສອບ​ວັກ​ຊີ​ນ​​ໂຄ​ວິດ-19 ລົງ​ຊົ່ວຄາວ​ແລ້ວ ຫລັງ​ພົບ​ວ່າ​ອາສາ​ສະໝັກ​ທີ່​ເຂົ້າຮ່ວມ​ການ​ທົດ​ລອງ​ວັກ​ຊີ​ນມີ​ອາການ​ບໍ່​ສະບາຍ.

ລາຍ​ງານ​ໃນ​ຖະ​ແຫລ​ງການ​ຂອງ​ບໍລິສັດ Johnson & Johnson ລະບຸ​ວ່າ: “ພວກ​ເຮົາ​ໄດ້​ຢຸດ​ການ​ນຳ​ໃຊ້​ວັກ​ຊີ​ນ​ໂຄ​ວິດ-19 ​ໃນ​ການ​ທົດ​ສອບ​ທາງ​ຄລີ​ນິກຂອງ​ພວກ​​ເຮົາ​ລົງ​ຊົ່ວຄາວ​ທັງ​ໝົດ ລວມທັງ​ການ​ທົດ​ສອບ​ໃນ​ໄລຍະ​ທີ 3 ຫລັງ​ກຸ່ມ​ຕົວຢ່າງ​ທີ່​ເຂົ້າຮ່ວມ​ການ​ທົດ​ສອບ​ໄດ້​ເກີດ​ອາການ​ບໍ່​ສະບາຍ ​ໂດຍ​ບໍ່​ສາມາດ​ອະທິບາຍ​ເຖິງ​ສາ​ເຫດ”.

​ເຖິງ​ຢ່າງ​ໃດ​ກໍ​ດີ, Johnson & Johnson ​ບໍ່​ໄດ້​ເປີດ​ເຜີຍ​ຂໍ້​ມູນ​ທາງ​ເລິກ ​ແລະ ລາຍ​ລະອຽດ​ເພີ່ມ​ຕື່ມ​ຂອງ​ອາການ​ກຸ່ມ​ຕົວຢ່າງ​ແຕ່​ຢ່າງ​ໃດ ​ໂດຍ​ໃຫ້​ເຫດຜົນ​ວ່າ ​ເພື່ອ​ຄວາມ​ເປັນ “ສ່ວນ​ຕົວ” ຂອງ​ອາສາ​ສະໝັກ​ທີ່​ເຂົ້າຮັບ​ການ​ທົດ​ສອບ​ວັກ​ຊີ​ນ.

johnson & johnson ໂຈະການທົດລອງວັກຊີນໂຄວິດ-19 ໄລຍະທີ 3 ແລ້ວ ຫລັງອາສາສະໝັກມີອາການບໍ່ສະບາຍ - Wave100S AD to Website 2020 0 - Johnson & Johnson ໂຈະການທົດລອງວັກຊີນໂຄວິດ-19 ໄລຍະທີ 3 ແລ້ວ ຫລັງອາສາສະໝັກມີອາການບໍ່ສະບາຍ

​ເມື່ອ​ການ​ທົດ​ສອບ​ໂຄ​ວິດ-19 ​ໃນ​ຄັ້ງນີ້​ຖືກ​ໂຈະ​ຊົ່ວຄາວ ໝາຍ​ຄວາມ​ວ່າ: ການ​ທົດ​ສອບ​ວັກ​ຊີ​ນ​ໃນ​ໄລຍະ​ທີ 3 ຂອງ Johnson & Johnson ​ເຊິ່ງຕັ້ງ​ເປົ້າ​ເອົາ​ໄວ້​ວ່າ​ຈະ​ຕ້ອງ​ດຳ​ເນີນ​ການ​ທົດ​ສອບ​ທາງ​ຄລີ​ນິກກັບ​ກຸ່ມ​ຕົວຢ່າງ​ປະມານ 60.000 ຄົນ​ຢູ່​ອາ​ເມ​ລິ​ກາ ​ແລະ ອີກ​ຫລາຍ​ປະ​ເທດ​ທົ່ວ​ໂລກ ​ໄດ້​ແກ່ ບຣາຊິ​ລ, ອາ​ເຈນ​ຕິ​ນາ, ​ໂຄ​ລອມ​ເບຍ, ຊິ​ລີ, ​ເມັກ​ຊິ​ໂກ, ​ເປຣູ ​ແລະ ອາ​ຟຣິກາ​ໃຕ້ ກໍ​ມີ​ອັນ​ຕ້ອງ​ຢຸດ​ສະ​ງັກລົງ​ໄປ​ນຳ.

ທັງ​ນີ້ Johnson & Johnson ຖື​ເປັນ​ບໍລິສັດ​ຜູ້​ພັດທະນາ​ວັກ​ຊີ​ນ​ໂຄ​ວິດ-19 ລາຍ​ທີ​ສິບ​ຂອງ​ໂລກ ​ແລະ ລາຍ​ທີ​ສີ່​ຂອງ​ອາ​ເມ​ລິ​ກາ​ທີ່​ເຂົ້າສູ່​ຂະ​ບວນການ​ທົດ​ລອງ​ໃນ​ໄລຍະ​ທີ 3 ​ໂດຍ​ພວ​ກ​ເຂົາ​​ໄດ້​ຮັບ​ເງິນ​ທຶນ​ຈາກ​ລັດຖະບານ​ປະມານ 1,45 ພັນ​ລ້ານ​ໂດ​ລາ ​ເພື່ອ​ເລັ່ງຂະ​ບວນການ​ພັດທະນາ​ວັກ​ຊີ​ນ​ໃຫ້​ໄວ​ຂຶ້ນ.

johnson & johnson ໂຈະການທົດລອງວັກຊີນໂຄວິດ-19 ໄລຍະທີ 3 ແລ້ວ ຫລັງອາສາສະໝັກມີອາການບໍ່ສະບາຍ - WhatsApp Image 2020 05 27 at 5 - Johnson & Johnson ໂຈະການທົດລອງວັກຊີນໂຄວິດ-19 ໄລຍະທີ 3 ແລ້ວ ຫລັງອາສາສະໝັກມີອາການບໍ່ສະບາຍ
johnson & johnson ໂຈະການທົດລອງວັກຊີນໂຄວິດ-19 ໄລຍະທີ 3 ແລ້ວ ຫລັງອາສາສະໝັກມີອາການບໍ່ສະບາຍ - WhatsApp Image 2020 05 27 at 5 - Johnson & Johnson ໂຈະການທົດລອງວັກຊີນໂຄວິດ-19 ໄລຍະທີ 3 ແລ້ວ ຫລັງອາສາສະໝັກມີອາການບໍ່ສະບາຍ
error: Alert: ເນື້ອຫາຂ່າວມີລິຂະສິດ !!