IMF ປັບຄາດການ GDP ໂລກເຫລືອ -4,4% ຫລັງເສດຖະກິດສົ່ງສັນຍານຟື້ນຕົວ

imf ປັບຄາດການ gdp ໂລກເຫລືອ -4,4% ຫລັງເສດຖະກິດສົ່ງສັນຍານຟື້ນຕົວ - IMF                             GDP                          44 - IMF ປັບຄາດການ GDP ໂລກເຫລືອ -4,4% ຫລັງເສດຖະກິດສົ່ງສັນຍານຟື້ນຕົວ
imf ປັບຄາດການ gdp ໂລກເຫລືອ -4,4% ຫລັງເສດຖະກິດສົ່ງສັນຍານຟື້ນຕົວ - Untitled design - IMF ປັບຄາດການ GDP ໂລກເຫລືອ -4,4% ຫລັງເສດຖະກິດສົ່ງສັນຍານຟື້ນຕົວ

ສໍານັກ​ຂ່າວ​ບລູມ​ເບິ​ກລາຍ​ງານ​ວ່າ: ກອງ​ທຶນ​ການ​ເງິນ​ສາກົນ (IMF) ​ໄດ້​ປັບ​ເພີ່ມ​ຄາດ​ການ​ເສດຖະກິດ​ໂລກ​ໃນ​ປີ​ນີ້ (2020) ​ເປັນ​ຫລຸດ​ລົງ -4,4% ​ເພີ່ມ​ຂຶ້ນຈາກ​ການ​ຄາດ​ຄະ​ເນ​ໃນ​ເດືອນ​ມິຖຸນາ ທີ່​ຫລຸດ​ລົງ -4,9%.

IMF ​ເປີດ​ເຜີຍ​ວ່າ: ປັດ​ໄຈ​ສຳຄັນ​ທີ່​ເຮັດ​ໃຫ້ IMF ປັບ​ເພີ່ມ​ຄາດ​ການ​ໃນ​ຄັ້ງນີ້​ເປັນ​ຜົນ​ມາ​ຈາກ​ການ​ທີ່​ເສດຖະກິດ​ໂລກ​ໄດ້​ກັບ​ມາ​ຂະຫຍາຍຕົວ​ຢ່າງ​ແຂງ​ແກ່ນ​ໃນ​ໄຕ​ມາດ​ທີ 2 ​ໂດຍ​ສະ​ເພາະ​ໃນ​ປະ​ເທດ​ຈີນ ​ແລະ ​ໃນ​ປະ​ເທດ​ທີ່​ພັດທະນາ​ແລ້ວ ​ເຊັ່ນ​ອາ​ເມ​ລິ​ກາ ລວມທັງຫລາຍ​ປະ​ເທດ​ໃນ​ທະວີບ​ເອີຣົບ ​ເຊິ່ງ​ເປັນ​ສັນຍານ​ສຳຄັນ​ວ່າ: ​ເສດຖະກິດ​ໂລກ​ກຳລັງ​ຈະ​ກັບ​ມາ​ຟື້ນຕົວ​ໃນ​ໄຕ​ມາດ​ທີ 3 ຂອງ​ປີ​ນີ້​.

ນອກຈາກ​ນີ້ IMF ຍັງ​ໄດ້​ປັບ​ເພີ່ມ​ຄາດ​ການ​ເສດຖະກິດ​ໃນ​ທຸກ​ທະວີບ​ທົ່ວ​ໂລກ ​ໂດຍ​ປັບ​ເພີ່ມ​ເສດຖະກິດ​ຂອງ​ອາ​ເມ​ລິ​ກາ​ຈາກ​ທີ່​ເຄີຍ​ຫລຸດ​ລົງ -8,0% ລົງ​ເຫລືອ​ພຽງ -4,3% ກ່ອນ​ຈະ​ຂະຫຍາຍຕົວ​ເພີ່ມ​ເປັນ 3,1% ປີໜ້າ. ຂະນະ​ທີ່​ເຂດ​ໃຊ້​ເງິນ​ເອີ​ໂຣ (EU) ຈາກ​ທີ່​ເຄີຍ​ຫລຸດ​ລົງ -10,2% ​ໄດ້​ຫລຸດ​ລົງ​ມາ​ຢູ່​ລະດັບ -8,3% ກ່ອນ​ຈະ​ຂະຫຍາຍຕົວ 5,2% ​ໃນ​ປີ 2021 ​ແລະ ປັບ​ເພີ່ມ​ຄາດ​ການ​ເສດຖະກິດ​ຈີນ​ຈາກ​ທີ່​ເຄີຍ​ຂະຫຍາຍຕົວ 1,0% ​​ໄດ້​ປັບ​ເພີ່ມ​ເປັນ 1,9% ກ່ອນ​ຈະ​ຂະຫຍາຍຕົວ​ເພີ່ມ​ເປັນ 8,2% ​ໃນ​ປີໜ້າ.

​ເຖິງ​ຢ່າງ​ໃດ​ກໍ​ຕາມ, IMF ກ່າວ​ເຕືອນ​ວ່າ: ​ເຖິງ​ວ່າ​ເສດຖະກິດ​ໂລກ​ຈະ​ກັບ​ມາ​ຂະຫຍາຍຕົວ​ໃນ​ໄຕ​ມາດ​ທີ 2 ​ແລະ 3 ​ແຕ່​ຍັງ​ເປັນ​ການ​ຂະຫຍາຍຕົວ​ທີ່​ບໍ່​ແນ່ນອນ ​ເນື່ອງ​ຈາກ​ຫລາຍ​ປະ​ເທດ​ຍັງ​ຜະ​ເຊີນ​ກັບ​ການລະບາດ​ຂອງ​ໄວຣັສ​ໂຄ​ວິດ-19. ອີກ​ທັງ​ການ​ທີ່​ເສດຖະກິດ​ຂອງ​ຫລາຍ​ປະ​ເທດ​ເກີດ​ການ​ຫລຸດ​ຖອຍ​ເປັນ​ໄລຍະ​ເວລາ​ດົນ ລວມທັງ​ການ​ໃຊ້​ນະ​ໂຍບາຍ​ເສດຖະກິດ​ທີ່​ຜິດ​ພາດ​ອາດ​ເຮັດ​ໃຫ້​ເສດຖະກິດ​ມີ​ຊ່ອງ​ຫວ່າງ ​ແລະ ລະບົບ​ທະນາຄານ​ທີ່​ອ່ອນ​ແອ​ອາດ​ເຮັດ​ໃຫ້​ເສດຖະກິດ​ກັບ​ມາ​ຂະຫຍາຍຕົວ​ຊ້າ​ອີກ​ໃນ​ອະນາຄົດ.

imf ປັບຄາດການ gdp ໂລກເຫລືອ -4,4% ຫລັງເສດຖະກິດສົ່ງສັນຍານຟື້ນຕົວ - Wave100S AD to Website 2020 0 - IMF ປັບຄາດການ GDP ໂລກເຫລືອ -4,4% ຫລັງເສດຖະກິດສົ່ງສັນຍານຟື້ນຕົວ

ນອກຈາກ​ນີ້ ຍັງ​ລະບຸ​ວ່າ: ຜູ້​ກຳນົດ​ນະ​ໂຍບາຍ​ຂອງ​ແຕ່ລະ​ປະ​ເທດ​ຄວນ​ໃຫ້​ຄວາມ​ສຳຄັນ​ຕໍ່​ການ​ສ້າງ​ບັບ​ເຟີ​ຂອງ​ທະນາຄານ​ຂຶ້ນມາ​ໃໝ່ ລວມທັງ​ສ້າງ​ກົດ​ລະບຽບ​ທີ່​ເຂັ້ມງວດ​ສຳລັບ​ສະ​ຖາ​ບັນ​ການ​ເງິນ ​ເພື່ອ​ປ້ອງ​ກັນ​ບໍ່​ໃຫ້​ເກີດ​ຄວາມ​ສ່ຽງ​ຖ້າ​ອັດຕາ​ດອກ​ເບ້ຍ​ຂອງ​ປະ​ເທດ​ຍັງ​ຢູ່​ໃນ​ລະດັບ​ທີ່​ຕໍ່າ ຫລື ຕິດ​ລົບ​ເປັນ​ເວລາ​ດົນ.

imf ປັບຄາດການ gdp ໂລກເຫລືອ -4,4% ຫລັງເສດຖະກິດສົ່ງສັນຍານຟື້ນຕົວ - WhatsApp Image 2020 05 27 at 5 - IMF ປັບຄາດການ GDP ໂລກເຫລືອ -4,4% ຫລັງເສດຖະກິດສົ່ງສັນຍານຟື້ນຕົວ
imf ປັບຄາດການ gdp ໂລກເຫລືອ -4,4% ຫລັງເສດຖະກິດສົ່ງສັນຍານຟື້ນຕົວ - WhatsApp Image 2020 05 27 at 5 - IMF ປັບຄາດການ GDP ໂລກເຫລືອ -4,4% ຫລັງເສດຖະກິດສົ່ງສັນຍານຟື້ນຕົວ
error: Alert: ເນື້ອຫາຂ່າວມີລິຂະສິດ !!