ສະຫລຸບບັນຫາໜ້າສົນໃຈທົ່ວໂລກ ວັນທີ 13 ຕຸລາ 2020

ສະຫລຸບບັນຫາໜ້າສົນໃຈທົ່ວໂລກ ວັນທີ 13 ຕຸລາ 2020 -                                                                                                 13              2020 - ສະຫລຸບບັນຫາໜ້າສົນໃຈທົ່ວໂລກ ວັນທີ 13 ຕຸລາ 2020
ສະຫລຸບບັນຫາໜ້າສົນໃຈທົ່ວໂລກ ວັນທີ 13 ຕຸລາ 2020 - Untitled design - ສະຫລຸບບັນຫາໜ້າສົນໃຈທົ່ວໂລກ ວັນທີ 13 ຕຸລາ 2020
  1. ລັດຖະບານ​ອິນ​ເດ​ຍກ່າວ​ວ່າ​ຈະ​ອັດ​ສີດ​ເງິນ 10.000 ລ້ານ​ໂດ​ລາ ​ເຂົ້າສູ່​ລະບົບ​ເສດຖະກິດ ​ເພື່ອ​ກະ​ຕຸ້ນ​ຄວາມ​ຕ້ອງການ​ໃນ​ໄລຍະ​ທີ່​ມີ​ການ​ແຜ່​ລະບາດ​ຂອງ COVID-19 ​ແລະ ​ໃນ​ບັນດາ​ມາດ​ຕະການ​ອື່ນໆ ຈະ​ມີ​ການ​ໃຊ້​ຈ່າຍ​ເພີ່ມ​ຕື່ມ 3.400 ລ້ານ​ໂດ​ລາ ​ໃນ​ໂຄງ​ລ່າງ​ພື້ນຖານ ​ແລະ ຈະ​ໃຫ້​ເງິນ​ກູ້​ບໍ່​ມີດ​ອກ​ເບ້ຍ​ແກ່​ພາກ​ລັດ​ຈຳນວນ 1.600 ລ້ານ​ໂດ​ລາ.

​ເຖິງ​ຢ່າງ​ໃດ​ກໍ​ຕາມ, ນັກ​ເສດຖະສາດ​ບາງ​ຄົນ​ກ່າວ​ວ່າ: ມາດ​ຕະການ​ກະ​ຕຸ້ນ​ເສດຖະກິດ​ຫລ້າ​ສຸດ​ຍັງ​ບໍ່​ພຽງພໍ. ຂະນະ​ທີ່ GDP ຫລຸດ​ລົງ 24% ​ເມື່ອ​ທຽບ​ໃສ່​ແຕ່ລະ​ປີ​ໃນ​ໄຕ​ມາດ​ທີ່​ສິ້ນສຸດ​ໃນ​ເດືອນ​ມິຖຸນາ​ຜ່ານ​ມາ.

  1. ຄະນະ​ກຳມະການ​ຕຸລາການ​ໃນ​ວຸດ​ທິສະພາ​ທີ່​ມີ​ສຽງ​ແຕກ​ແຍກ​ຢ່າງ​ຮຸນ​ແຮງ ​ໄດ້​ເລີ່​ມການ​ພິຈາລະນາ​ຄະດີ​ເພື່ອ​ຢືນຢັນ​ສຳລັບ Amy Coney Barrett ຜູ້​ທີ່​ໄດ້​ຮັບ​ການສະ​ເໜີ​ຊື່​ຈາກ​ທ່ານ ທຣຳ ​ໃຫ້​ເຂົ້າຮັບ​ຕຳ​ແໜ່​ງຜູ້​ພິພາກສາ​ໃນ​ສານ​ດີກາ.

ພັກ Democrat ​ເຕືອນ​ວ່າ: ພະຣາຊະ​ບັນຍັດ CARES (Coronavirus Aid, Relief and Economics Security Act) ທີ່​ມີ​ມູນ​ຄ່າ​ຕໍ່າ​ຈະ​ບໍ່​ຖືກ​ທຳລາຍ ​ໂດຍ​ການສະ​ເໜີ​ຊື່​ຜູ້​ພິພາກສາ​ທີ່​ພວກ​ເຂົາ​ເບິ່ງ​ວ່າ​ມີ​ລັກສະນະ​ຕາມ​ອຸດົມ​ການ​ຂອງ​ຝ່າຍ​ອະນຸລັກ​ນິຍົມ. ຂະນະ​ທີ່ ພັກ Republican ຍົກຍ້ອງ​ຄວາມມຸ້ງ​ໝັ້ນຂອງ Barrett ຕໍ່​ຫລັກ​ນິຕິ​ທຳ.

ການສະ​ເໜີ​ຊື່​ຂອງ​ນາງ​ເປັນ​ການ​ຖົກ​ຖຽງ​ກັນ ​ເນື່ອງ​ຈາກ​ໃນ​ປີ 2016 ພັກ Republican ​ເຄີຍ​ບລ໊ອກຜູ້​ທ້າ​ຊີງ​ຕຳ​ແໜ່​ງຂອງ Barrack Obama ​ໂດຍ​ອ້າງ​ວ່າການ​ແຕ່ງຕັ້ງຜູ້​ພິພາກສາ​ໃນ​ປີ​ທີ່​ມີ​ການ​ເລືອກ​ຕັ້ງນັ້ນ​ເປັນ​ເລື່ອງ​ບໍ່​ຖືກຕ້ອງ.

  1. Boris Johnson ນາຍົກລັດຖະມົນຕີຂອງ​ອັງກິດ ​ໄດ້​ກຳນົດ​ແຜນການ​ສຳ​ລັບ​ລະບົບ​ຂໍ້​ຈຳກັດ​ໃນ​ທ້ອງ​ຖິ່ນ 3 ຊັ້ນ (three-tiered system of local restrictions) ສຳລັບ​ອັງກິດ ​ເຊິ່ງອອກ​ແບບ​ມາ​ເພື່ອ​ຄວບ​ຄຸມ​ການ​ແຜ່​ລະບາດ​ຂອງ COVID-19 ​ໂດຍ​ບໍ່​ຕ້ອງ​ປິດ​ປະ​ເທດ.

​ແຕ່​ລະ​ພາກພື້ນຈະ​ຢູ່​ພາຍ​ໃຕ້​ການ​ແຈ້ງ​ເຕືອນ​ລະດັບ “ປານ​ກາ​-ສູງ-ສູງ​ທີ່​ສຸດ” ​ເຊິ່ງ​ແຕ່​ລະ​ລະດັບ​ຈະ​ມີ​ຂໍ້​ບັງຄັບ​ທີ່​ເຂັ້ມງວດ​ແຕກ​ຕ່າງ​ກັນ. ຂະນະ​ທີ່​ຈຳນວນ​ຜູ້​ຕິດ​ເຊື້ອ COVID-19 ພາຍ​ໃນ​ປະ​ເທດ​ເພີ່ມ​ຂຶ້ນຫລາຍ​ໃນ​ເດືອນ​ຕຸລາ​ນີ້ ​ໂດຍ​ສະ​ເພາະ​ທາງ​ຕອນ​ເໜືອ​ຂອງ​ອັງກິດ.

  1. ລັດຖະມົນຕີ​ຕ່າງປະ​ເທດ​ຂອງ​ເອີຣົບຕົກລົງ​ຈະ​ຮ່າ​ງຂໍ້​ສະ​ເໜີ​ເພື່ອ​ກຳນົດ​ມາດ​ຕະການ​ຂວ້ຳບາດຣັດ​ເຊຍ​ຈາກ​ເຫດການ​ທີ່​ພວກ​ເຂົາ​ກ່າວ​ວ່າ​ມີ​ການ​ວາງຢາ​ພິດ Alexei Navalny ນັກ​ວິຈານ​ຄົນ​ສຳຄັນ​ຂອງ Vladimir Putin ປະທານ​າທິບໍດີ​ແຫ່ງຣັດ​ເຊຍ.

ນອກຈາກ​ນີ້, ພວກ​ເຂົາ​ຍັງ​ສະ​ແດງ​ຄວາມ​​ເຕັມ​ໃຈ​ທີ່​ຈະ​ກຳນົດ​ບົດ​ລົງ​ໂທດ​ເພີ່ມ​ຕື່ມ​ຕໍ່​ຜູ້​ທີ່​ກ່ຽວຂ້ອງ​ກັບ​ການ​ປາບ​ປາມ​ຜູ້​ປະ​ທ້ວງ​ຢູ່​ເບ​ລາຣຸສ ລວມທັງ Alexander Lukashenko ປະທານາທິບໍດີ​ຂອງ​ປະ​ເທດ ທີ່​ຖືກ​ກ່າວ​ຫາ​ວ່າ​ສໍ້​ໂກງ​ການ​ເລືອກ​ຕັ້ງ​ໃນ​ເດືອນ​ສິງຫາ​ຜ່ານ​ມາ.

ສະຫລຸບບັນຫາໜ້າສົນໃຈທົ່ວໂລກ ວັນທີ 13 ຕຸລາ 2020 - Wave100S AD to Website 2020 0 - ສະຫລຸບບັນຫາໜ້າສົນໃຈທົ່ວໂລກ ວັນທີ 13 ຕຸລາ 2020
  1. ຜູ້​ຖື​ຫຸ້ນ​ໃນ Unilever​ ​ໄດ້​ລົງ​ຄະ​ແນນ​ຢ່າງ​ຫລວງຫລາຍ ​ໂດຍ​ມີ​ຫລາຍ​ກວ່າ 99% ທີ່​ເຫັນ​ພ້ອມ​ໃຫ້​ຢຸດ​ໂຄງ​ສ້າງ​ອາຍຸ 90 ປີ​ຂອງ​ບໍລິສັດ​ທີ່​ມີ​ການ​ຈົດ​ທະບຽນ​ລາຍ​ຊື່​ຄູ່ (Dual-listing) ທັງ​ໃນ​ຕະຫລາດ​ຫຸ້ນ​ຂອງ​ສະຫະຣາຊະ​ອານາຈັກ ​ແລະ ​ເນ​ເທີ​ແລນ ລວມທັງ​ການ​ປ່ຽນ​ໃຫ້​ບໍລິສັດ​ກາຍ​ເປັນ​ໜ່ວຍ​ງານ​ສະ​ເພາະ​ໃນ​ນະຄອນຫລວງ​ລອນ​ດອນ​​ແທນ.

ການ​ຕັດສິນ​ໃຈ​ເທື່ອ​ນີ້ ກົງກັນຂ້າມ​ກັບ​ໃນ​ປີ 2018 ​ໂດຍ​ບໍລິສັດ​ເຊິ່ງຖື​ເປັນ​ກຸ່ມ​ນັກ​ລົງທຶນ​ຍັກ​ໃຫຍ່​ໃນ​ສິນຄ້າ​ອຸປະ​ໂພ​ກ-ບໍລິ​ໂພ​ກຂອງ​ປະ​ເທດ​ອັງກິດ ​ແລະ ​ເນ​ເທີ​ແລນ ​ໄດ້​ມີ​ມະຕິ​ໃຫ້​ປະຕິ​ເສດ​ຂໍ້​ສະ​ເໜີ​ໃນ​ການ​ປ່ຽນ​​ແປງ​ໂຄງ​ສ້າງ​ໄປ​ສູ່​ບໍລິສັດ​ທີ່​ມີ​ຖານ​ຢູ່​ໃນ​ສະ​ເພາະ​ເມືອງ Rotterdam ຂອງ​ປະ​ເທດ​ເນ​ເທີ​ແລນ ​ໂດຍ​ຢ້ານ​ວ່າການ​ສູນ​ເສຍ​ການ​ເຂົ້າ​ເຖິງ​ກຸ່ມ​ນັກ​ລົງທຶນ​ທີ່​ໃຫຍ່​ກວ່າ​ໃນ​ນະຄອນຫລວງ​ລອນ​ດອນ ​ເຊິ່ງຈະ​ເຮັດ​ໃຫ້​ລາຄາ​ຫຸ້ນ​ຕົກ​ຕໍ່າ.

  1. ທັນທີ​ທີ່​ມີ​ການ​ປະກາດ​ວ່າ ທ່ານ ທຣຳ ​ເຊົາ​ຈາກ​ການ​ຕິດ​ເຊື້ອ COVID-19 ທ່ານ​ກໍ​ໄດ້​ກັບ​ໄປ​ຫາ​ສຽງ​ໃນ​ລັດ Florida. ຂະນະ​ທີ່​ບອກ​ກັບ​ຜູ້​ຄົນ​ວ່າ: ຕອນ​ນີ້​ທ່ານ “ມີ​ພູມ​ຄຸ້ມ​ກັນ” ຕໍ່​ໄວຣັສ​ແລ້ວ ​ແລະ ຍັງ​ບອກ​ໃຫ້​ທຸກ​ຄົນ​ໃນ​ກຸ່ມ​ຜູ້​ເຂົ້າຊົມ​ທີ່​ບໍ່​ມີ​ຜ້າ​ປິດ​ປາກ-ດັງ​ສ່ວນ​ຫລາຍ “ຈູບ​ກັນ”.

​ເຖິງ​ຢ່າງ​ໃດ​ກໍ​ຕາມ, ຄວາມ​ຈິງ​ແລ້ວ ທ່ານ ທຣຳ ອາດ​ຮັບ​ຮູ້​ໄດ້​ເຖິງ​ຄວາມ​ບໍ່​ແນ່ນອນ​ກ່ຽວ​ກັບ​ພະຍາດ​ນີ້ ​ເຊິ່ງ​ໄດ້​ທຳຮ້າຍ​ຖານ​ຄະ​ແນນ​ສຽງ​ຂອງ​ທ່ານ​ຈາກ​ການ​ສຳ​ຫລວດ​ຄວາມ​ຄິດ​ເຫັນ.

  1. Johnson & Johnson ກ່າວ​ວ່າ ພວກ​ເຂົາ​ໄດ້​ໂຈະ​ກາ​ນທົດ​ລອງ​ວັກ​ຊີ​ນ COVID-19 ​ໃນ​ໄລຍະ​ທີ 3 ຫລັງ​ຈາກ​ມີ​ຜູ້​ເຂົ້າຮັບ​ການ​ທົດ​ລອງ​ເກີດ​ອາການ​ບໍ່​ສະບາຍ “ທີ່​ບໍ່​ສາມາດ​ອະທິ​ບາຍ​ໄດ້”.

ບໍລິສັດ​ຜູ້​ຜະລິດ​ຢາ​ສັນຊາດ​ອາ​ເມ​ລິ​ກາ​ແຫ່ງ​ນີ້ ​ໄດ້​ຕັ້ງຂໍ້​ສັງ​ເກດ​ວ່າ ຈະ​ເກີດ​ເຫດການ​ບໍ່ຄາດ​ຄິດ​ຮ້າຍ​ແຮງ​ໃນ​ລະຫວ່າງ​ການ​ທົດ​ລອງ​ຂະໜາດ​ໃຫຍ່ ​ໂດຍ​ໃນ​ເດືອນ​ຜ່ານ​ມາວັກ​ຊີ​ນຂອງ​ຄູ່​ແຂ່ງ ​ເຊິ່ງພັດທະນາ​ໂດຍ University of Oxford ​ແລະ AstraZeneca ​ໄດ້​ໂຈະ​ຊົ່ວຄາວ ​ແລະ ​ເລີ່​ມ​ໃໝ່​ພາຍ​ຫລັງ ດ້ວຍ​ເຫດຜົນ​ທີ່​ຄ້າຍຄື​ກັນ​.

ສະຫລຸບບັນຫາໜ້າສົນໃຈທົ່ວໂລກ ວັນທີ 13 ຕຸລາ 2020 - WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກ ວັນທີ 13 ຕຸລາ 2020
ສະຫລຸບບັນຫາໜ້າສົນໃຈທົ່ວໂລກ ວັນທີ 13 ຕຸລາ 2020 - WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກ ວັນທີ 13 ຕຸລາ 2020
error: Alert: ເນື້ອຫາຂ່າວມີລິຂະສິດ !!