ແຫລ່ງທ່ອງທ່ຽວຕາດຮ້ອຍຄົວຫລຸດຄ່າບໍລິການ 50% ເພື່ອສົ່ງເສີມລາວທ່ຽວລາວ

ແຫລ່ງທ່ອງທ່ຽວຕາດຮ້ອຍຄົວຫລຸດຄ່າບໍລິການ 50% ເພື່ອສົ່ງເສີມລາວທ່ຽວລາວ -                                                                       - ແຫລ່ງທ່ອງທ່ຽວຕາດຮ້ອຍຄົວຫລຸດຄ່າບໍລິການ 50% ເພື່ອສົ່ງເສີມລາວທ່ຽວລາວ
ແຫລ່ງທ່ອງທ່ຽວຕາດຮ້ອຍຄົວຫລຸດຄ່າບໍລິການ 50% ເພື່ອສົ່ງເສີມລາວທ່ຽວລາວ - Untitled design - ແຫລ່ງທ່ອງທ່ຽວຕາດຮ້ອຍຄົວຫລຸດຄ່າບໍລິການ 50% ເພື່ອສົ່ງເສີມລາວທ່ຽວລາວ

ຕາດ​ຮ້ອຍ​ຄົວ​ເປັນ​ແຫ​ລ່ງທ່ອງ​ທ່ຽວ​ທຳ​ມະ​ຊາດ​ທີ່ງົດ​ງາມ ຕັ້ງຢູ່​ບ້ານ​ປາກ​ຫລຶງ ຫ່າງ​ຈາກ​ເທດສະບາ​ນ​ເມືອງ​ຈອມ​ເພັດ ​ແຂວງ​ຫລວງ​ພະ​ບາງ​ອອກ​ໄປ​ປະມານ 12 ກິ​ໂລ​ແມັດ ​ເຊິ່ງ​ເປັນນ້ຳຕົກຕາ​ດທີ່​ຫາ​ຊົມ​ໄດ້​ຍາກ ​ເພາະ​ເປັນຕາ​ດທີ່​ປະກອບ​ດ້ວຍ​ຕາດ​ນ້ອຍ​ຫລາຍໆ​ຊັ້ນ ມີນ້ຳຕົກລົງ​ມາ​ຕະຫລອດ​ປີ, ມີ​ຄວາມ​ສູງ​ປະມານ 90 ​ແມັດ, ພ້ອມ​ມີ​ສວນ​ອຸທິຍານ​ໃນ​ເນື້ອທີ່​ຫລາຍ​ກວ່າ 20 ​ເຮັກຕາ ທີ່​ເຕັມ​ໄປ​ດ້ວຍ​ຕົ້ນ​ໄມ້ ​ແລະ ດອກ​ໄມ້​ປ່າ​ນາໆ​ຊະນິດ, ມີ​ອາກາດ​ສົດ​ຊື່ນ ​ແລະ ​ເຢັນ​ສະບາຍ ​ເໝາະ​ແກ່​ການ​ເຂົ້າ​ໄປ​ພັກຜ່ອນ​ຊົມ​ວິວທິວ​ທັດ​ທຳ​ມະ​ຊາດ​ອັນ​ງົດ​ງາມ​ແຫ່ງ​ນີ້. ​ໃນ​ຂະນະ​ດຽວ​ກັນ ຜູ້​ມັກ​ຄວາມ​ທ້າ​ທາຍ ​ແລະ ພະ​ຈົນ​ໄພ ກໍ​ສາມາດ​ຂີ່​ສະ​ລິງ, ​ໄຕ່​ຂົວ​ອູ່​ທີ່​ມີ​ຂະໜາດ​ຍາວ ​ແລະ ສູງ​ຈາກ​ຕົ້ນ​ໄມ້​ໃຫຍ່ ​ແຕ່​ຕົ້ນນີ້​ໄປ​ຫາ​ຕົ້ນນັ້ນດ້ວຍ​ຄວາມ​ຫວາດ​ສຽວ, ​ໄຕ່​ຂົວ​ໄມ້​ທີ່​ເຊື່ອມ​ຕໍ່​ລະຫວ່າງ​ຕາດ​ນ້ອຍ​ຕ່າງໆ​ດ້ວຍ​ກັນ ພ້ອມ​ຊົມ​ຊີວະ​ນາໆ​ພັນ ​ແລະ ຟັງສຽງ​ນົກ​ຮ້ອງ​ນາໆ​ຊະນິດ ​ເຊິ່ງທັງ​ໝົດ​ເຫລົ່າ​ນີ້​ໄດ້​ພັດທະນາ​ຂຶ້ນມາ​ດ້ວຍ​ບໍລິສັດ​ທ່ອງ​ທ່ຽວ​ລາວ​ກຣິນ ຜູ້​ສຳ​ປະທານ​ແຫ​ລ່ງທ່ອງ​ທ່ຽວ​ດັ່ງ​ກ່າວ​ມາ​ແຕ່​ປີ 2015 ຈົນ​ມາ​ຮອດ​ປີ 2018 ຈຶ່ງ​ສາມາດ​ເປີດ​ໃຫ້​ນັກ​ທ່ອງ​ທ່ຽວ​ເຂົ້າ​ໄປ​ທ່ຽວ​ຊົມ​ໄດ້, ​ໃນ​ເວລາ​ນັ້ນ​ແຕ່​ລະມື້ມີ​ນັກ​ທ່ອງ​ທ່ຽວ ທັງ​ພາຍ​ໃນ ​ແລະ ຕ່າງປະ​ເທດ​ເຂົ້າ​ໄປ​ທ່ຽວ​ບໍ່​ຕໍ່າ​ກວ່າ 300-350 ຄົນ, ​ໃນ​ນັ້ນ ປະມານ 70% ​ແມ່ນ​ນັກ​ທ່ອງ​ທ່ຽວ​ພາຍ​ໃນ​ປະ​ເທດ​ເຮົາ.

ທ່ານ ອາຄົມ ພົມ​ມະຫານ ປະທານ​ບໍລິສັດ​ທ່ອງ​ທ່ຽວ​ດັ່ງກ່າວ ​ໃຫ້​ຮູ້​ວ່າ: ​ແຕ່​ໜ້າ​ເສຍດາຍ​ໃນ​ໄລຍະ​ຂາ​ຂຶ້ນຂອງ​ການທ່ອງທ່ຽວ​ແຫ່ງ​ນີ້ ພໍ​ຕົກ​ມາ​ຕົ້ນປີ 2020 ນີ້ ​ໄດ້​ມີ​ການລະບາດ​ຂອງ​ພະນາດ​ໂຄ​ວິດ-19 ​ໄດ້​ເຮັດ​ໃຫ້ການ​ທ່ອງ​ທ່ຽວ​ປະ​ເທດ​ເຮົາ ກໍ​ຄື​ທົ່ວ​ໂລກ​ໄດ້​ຮັບ​ຜົນ​ກະທົບ. ດັ່ງນັ້ນ ​ແຫ​ລ່ງທ່ອງ​ທ່ຽວ​ແຫ່ງ​ນີ້​ກໍ​ໄດ້​ເຂັ້ມງວດ​ປະຕິບັດ​ມາດ​ຕະການ​ປ້ອງ​ກັນ​ພະຍາດ​ຮ້າຍ​ດັ່ງກ່າວ ​ແລະ ​ໄດ້​ປິດ​ກິດຈະການ​ເປັນ​ການ​ຊົ່ວຄາວ​ຈົນ​ມາ​ຮອດ​ປັດຈຸບັນ, ພາຍຫລັງ​ລັດຖະບານ​ເຮົາ​ໄດ້​ມີ​ການ​ຜ່ອນຜັນ​ໃນ​ການ​ຄວບ​ຄຸມພະ​ຍາດ, ທາງ​ບໍລິສັດ​ຜູ້​ລົງທຶນ​ກໍ​ໄດ້​ເລີ່​ມ​ເປີດ​ກິດຈະກຳ​ທ່ອງ​ທ່ຽວ​ຂອງ​ຕົນ ບົນ​ຈິດ​ໃຈ​ສົ່ງ​ເສີມ​ຄຳ​ຂວັນ “ລາວ​ທ່ຽວ​ລາວ” ​ໃຫ້​ຍືນ​ຍົງ ​ໂດຍ​ໄດ້​ປະຕິບັດ​ນະ​ໂຍບາຍ​ຫລຸດ​ຄ່າ​ບໍລິການ​ລົງ​ເຖິງ 50% ​ແລະ ກໍ​ເຫັນ​ວ່າ​ໃນ​ແຕ່​ລະມື້ມີ​ນັກ​ທ່ອງ​ທ່ຽວ​ພາຍ​ໃນ​ເຮົາ​ທະຍອຍ​ກັນ​ເຂົ້າມາ​ທ່ຽວ​ຊົມ​ໃນ​ແຕ່​ລະມື້ ​ໂດຍ​ສະ​ເລ່ຍປະມານ 100 ຄົນ ​ແລະ ກໍ​ຫວັງ​ວ່າ ພາຍຫລັງ​ປະຕິບັດ​ນະ​ໂຍບາຍ​ດັ່ງກ່າວ​ຈະ​ເຮັດ​ໃຫ້ການ​ທ່ອງ​ທ່ຽວ​ແຫ່ງ​ນີ້​ຄ່ອຍໆ​ກັບ​ມາສູ່​ສະພາບ​ເດີມ​ອີກ​ຄັ້ງ.

ແຫລ່ງທ່ອງທ່ຽວຕາດຮ້ອຍຄົວຫລຸດຄ່າບໍລິການ 50% ເພື່ອສົ່ງເສີມລາວທ່ຽວລາວ - Wave100S AD to Website 2020 0 - ແຫລ່ງທ່ອງທ່ຽວຕາດຮ້ອຍຄົວຫລຸດຄ່າບໍລິການ 50% ເພື່ອສົ່ງເສີມລາວທ່ຽວລາວ
ແຫລ່ງທ່ອງທ່ຽວຕາດຮ້ອຍຄົວຫລຸດຄ່າບໍລິການ 50% ເພື່ອສົ່ງເສີມລາວທ່ຽວລາວ - WhatsApp Image 2020 05 27 at 5 - ແຫລ່ງທ່ອງທ່ຽວຕາດຮ້ອຍຄົວຫລຸດຄ່າບໍລິການ 50% ເພື່ອສົ່ງເສີມລາວທ່ຽວລາວ
ແຫລ່ງທ່ອງທ່ຽວຕາດຮ້ອຍຄົວຫລຸດຄ່າບໍລິການ 50% ເພື່ອສົ່ງເສີມລາວທ່ຽວລາວ - WhatsApp Image 2020 05 27 at 5 - ແຫລ່ງທ່ອງທ່ຽວຕາດຮ້ອຍຄົວຫລຸດຄ່າບໍລິການ 50% ເພື່ອສົ່ງເສີມລາວທ່ຽວລາວ
error: Alert: ເນື້ອຫາຂ່າວມີລິຂະສິດ !!