ກໍາມາທິການບັນດາເຜົ່າສະຫລຸບວຽກງານ ປີ 2020

ກໍາມາທິການບັນດາເຜົ່າສະຫລຸບວຽກງານ ປີ 2020 - LPN 36 - ກໍາມາທິການບັນດາເຜົ່າສະຫລຸບວຽກງານ ປີ 2020
ກໍາມາທິການບັນດາເຜົ່າສະຫລຸບວຽກງານ ປີ 2020 - Untitled design - ກໍາມາທິການບັນດາເຜົ່າສະຫລຸບວຽກງານ ປີ 2020

ໃນວັນທີ 13-14 ຕຸລານີ້, ທີ່ສູນເຝິກອົບຮົມສູນກາງ ແນວລາວສ້າງຊາດ ກໍາມາທິການບັນດາເຜົ່າສະພາແຫ່ງຊາດ ໄດ້ຈັດກອງປະຊຸມຄົບຄະນະ ໂດຍການເຂົ້າຮ່ວມຂອງທ່ານ ແສງນວນ ໄຊຍະລາດ ຮອງປະທານສະພາແຫ່ງຊາດ ຜູ້ຊີ້ນໍາວຽກງານກໍາມາທິການບັນດາເຜົ່າ ແລະ ການເປັນປະທານຂອງທ່ານ ນາງ ບົວພັນ ລີໄກຢາ ປະທານກໍາມາທິການບັນດາເຜົ່າ ມີບັນທ່ານຮອງກໍາມາທິການ, ປະທານຄະນະ ຮັບຜິດຊອບວຽກງານເຂດເລືອກຕັ້ງ, ປະທານຄະນະສະມາຊິກສະພາແຫ່ງຊາດເພດຍິງ.

ກໍາມາທິການບັນດາເຜົ່າສະຫລຸບວຽກງານ ປີ 2020 - BK2A6147 300x200 - ກໍາມາທິການບັນດາເຜົ່າສະຫລຸບວຽກງານ ປີ 2020

ເພື່ອເປັນການສະຫລຸບຕີລາຄາການ ເຄື່ອນໄຫວວຽກງານປະຈໍາປີ 2020 ແລະ ວາງທິດທາງແຜນການເຄື່ອນໄຫວປະຈໍາປີ 2021 ຂອງກໍາມາທິການບັນດາເຜົ່າ ແລະ ຮັບຟັງການລາຍງານຜົນການຕິດຕາມກວດ ກາຂອງກໍາມາທິການບັນດາເຜົ່າໃນໄລຍະຜ່ານມາ.

ກອງປະຊຸມໄດ້ຮັບຟັງການສະເໜີຮ່າງບົດສະຫລຸບການເຄື່ອນໄຫວວຽກງານປະຈໍາປີ 2020 ຊຸດທີ VIII ແລະ ທິດທາງແຜນການເຄື່ອນໄຫວປະຈໍາປີ 2021 ຂອງ ກໍາມາທິການບັນດາເຜົ່າສະພາແຫ່ງຊາດ ຊຸດທີ IX; ຮັບຟັງການລາຍງານຜົນການຕິດ ຕາມກວດກາຂອງກໍາມາທິການບັນດາເຜົ່າໃນໄລຍະຜ່ານມາ ຕໍ່ກອງປະຊຸມຄັ້ງນີ້ ຈາກ ບັນດາທ່ານຮອງກໍາມາທິການບັນດາເຜົ່າ ນອກຈາກນີ້ ຜູ້ແທນກອງປະຊຸມຍັງ ໄດ້ພ້ອມ ກັນສຸມສະຕິປັນຍາຄວາມຮູ້ຄວາມສາມາດຄົ້ນຄວ້າໄຈ້ແຍກບັນຫາຕ່າງໆທີ່ຕົນເອງໃຫ້ຄວາມສົນໃຈ ແລະ ຜັດປ່ຽນກັນປະກອບຄໍາຄິດຄໍາເຫັນໃສ່ບົດລາຍງານດັ່ງ ແລະ ຮ່າງມະຕິຂອງກອງປະຊຸມ.

ກໍາມາທິການບັນດາເຜົ່າສະຫລຸບວຽກງານ ປີ 2020 - BK2A6210 300x200 - ກໍາມາທິການບັນດາເຜົ່າສະຫລຸບວຽກງານ ປີ 2020

ໂອກາດນີ້, ທ່ານຮອງປະທານສະພາແຫ່ງຊາດໄດ້ມີຄໍາເຫັນ ສະເໜີບາງບັນຫາໃຫ້ຄະນະ ນໍາກໍາມາທິການບັນດາເຜົ່າ ສືບຕໍ່ສຶກສາອົບຮົມການເມືອງ-ແນວຄິດໃຫ້ພະນັກງານ-ລັດ ຖະກອນ ພາຍໃນກໍາມາທິການໃຫ້ມີຄວາມເຂັ້ມແຂງຮັບປະກັນໃຫ້ມີພະນັກງານສືບ ທອດປ່ຽນແທນ ທີ່ມີຄຸນທາດການເມືອງໜັກແໜັນ,  ມີຄວາມຮູ້ຄວາມສາມາດ ທີ່ແນ່ນອນໄປຄວບຄູ່ກັນ; ສືບຕໍ່ບູລະນະກົງຈັກການຈັດຕັ້ງພາຍໃນກໍາມາທິການ ໃຫ້ເປັນລະ ບົບຄົບຊຸດຕາມພາລະບົດບາດທີ່ກຳນົດໄວ້ ທັງແທດເໝາະກັບວຽກງານຕົວຈິງຂອງ ກຳມາທິການ ແນ່ໃສປະຕິບັດສຳເລັດໜ້າທີ່ການເມືອງ ໃນໄລຍະໃໝ່ຂອງຕົນຕາມ ການຕົກລົງຂອງຂັ້ນເທິງ; ສືບຕໍ່ສ້າງແຜນການ, ຍາດແຍ່ງທຶນຮອນ ການຝຶກອົບຮົມ, ສໍາມະນາສ້າງຄວາມຮັບຮູ້ກ່ຽວກັບວຽກງານເຜົ່າ, ສາສະໜາ ແລະ ແບບວິທີການພົວພັນ ລະຫ່ວາງກຳມາທິການ ກັບບັນດາອົງການຈັດຕັ້ງມະຫາຊົນໃຫ້ທຸກພາກສ່ວນເຂົ້າໃຈ ໃຫ້ຫລາຍຂຶ້ນ ພ້ອມດຽວກັນນັ້ນ ແຕ່ລະເຂດເລືອກຕັ້ງ ຕ້ອງພະຍາມສ້າງ ໃຫ້ໄດ້ພະນັກ ງານທີ່ມີຄວາມສຳນານງານ, ມີຄວາມຮັບຜິດຊອບໃຫ້ກາຍເປັນນັກຮົບຜູ້ທີ່ມີພິກໄຫວ, ຍຸດທະວິທີແກ້ໄຂບັນຫາສາສະໜາຢ່າງອ່ອນໄຫວ ແລະ ຄ່ອງແຄວນີ້ມນວນຢູ່ໃນທ້ອງ ຖິ່ນຂອງຕົນ ທີ່ນັບມື້ນັບແຜ່ຂະຫຍາຍເປັນວົງກວ້າງ ແລະ ທ້າທາຍຕໍ່ອໍານາດການປົກ ຄອງຂອງລັດເຮົາ; ສືບຕໍ່ສົມທົບກັບ ບັນດາພາກສ່ວນທີ່ກ່ຽວຂ້ອງ ເອົາໃຈໃສ່ເຜີຍ ແຜ່ຊື່ເອີ້ນ ແລະ ຈໍານວນຊົນເຜົ່າຢູ່ປະເທດລາວ ຕໍ່ຖັນແຖວພະນັກງານ-ລັດຖະກອນ, ທະຫານ-ຕໍາຫລວດ ແລະ ທຸກຊັ້ນຄົນໃນສັງຄົມ ທັງໃຫ້ມີຄວາມເຂົ້າໃຈຕໍ່ຈຸດພິເສດ,​ ມູນເຊື້ອອັນດີງາມຂອງແຕ່ລະເຜົ່າ ແນ່ໃສ່ເຮັດໃຫ້ປະຊາຊົນລາວບັນດາເຜົ່າມີຄວາມ ຮູ້ສຶກເອກອ້າງທະນົງໃຈ, ເຫັນເຖິງບົດບາດການນໍາພາ ແລະ ຄວາມເອົາໃຈໃສ່ຂອງ ພັກ-ລັດຕໍ່ທຸກຊົນເຜົ່າໃນປະເທດ; ໃຫ້ທຸກເຂດເລືອກຕັ້ງ ສືບຕໍ່ຕິດຕາມ ແລະ ຊຸກຍູ້ ພາກສ່ວນກ່ຽວຂ້ອງຂັ້ນຂອງຕົນ ຕັ້ງໜ້າ     ເຜີຍແຜ່  ດຳລັດ 315/ລບ ໃຫ້ກວ້າງຂວາງ ແລະ ທົ່ວເຖິງກ່ວາທີ່ຜ່ານມາ ໂດຍສະເພາະແມ່ນປະຊາຊົນໃນເຂດຮ່າງໄກສອກຫລີກ.

ກໍາມາທິການບັນດາເຜົ່າສະຫລຸບວຽກງານ ປີ 2020 - Wave100S AD to Website 2020 0 - ກໍາມາທິການບັນດາເຜົ່າສະຫລຸບວຽກງານ ປີ 2020

ກໍາມາທິການບັນດາເຜົ່າສະຫລຸບວຽກງານ ປີ 2020 - BK2A6288 300x200 - ກໍາມາທິການບັນດາເຜົ່າສະຫລຸບວຽກງານ ປີ 2020

ຖ້າເປັນໄປໄດ້ ສະເໜີໃຫ້ກະຊວງພາຍໃນຍົກລະດັບ ດຳລັດ 315/ລບ ນີ້ຂຶ້ນເປັນກົດ ໝາຍເພື່ອສະດວກໃນການຄຸ້ມຄອງມີຄວາມຄ່ອງຕົວຂຶ້ນ; ສືບຕໍ່ຮ່ວມກັບພາກສ່ວນ ກ່ຽວຂ້ອງ ສ້າງ ແລະ ປັບປຸງນິຕິກໍາກ່ຽວກັບການພົວພັນປະສານງານລະຫວ່າງ ກໍາມາທິການບັນດາເຜົ່າ ກັບພາກສ່ວນທີ່ກ່ຽວຂ້ອງໃຫ້ໄດ້ຮັບການເຊັນເປັນທາງການ ເພື່ອຮັບປະກັນໃນການປະຕິບັດໜ້າທີ່ ມີຄວາມຄ່ອງຕົວ ແລະ ວ່ອງໄວ  ກ່ວາເກົ່າ.

      

ກໍາມາທິການບັນດາເຜົ່າສະຫລຸບວຽກງານ ປີ 2020 - WhatsApp Image 2020 05 27 at 5 - ກໍາມາທິການບັນດາເຜົ່າສະຫລຸບວຽກງານ ປີ 2020
ກໍາມາທິການບັນດາເຜົ່າສະຫລຸບວຽກງານ ປີ 2020 - WhatsApp Image 2020 05 27 at 5 - ກໍາມາທິການບັນດາເຜົ່າສະຫລຸບວຽກງານ ປີ 2020
error: Alert: ເນື້ອຫາຂ່າວມີລິຂະສິດ !!