ສະຫລຸບບັນຫາໜ້າສົນໃຈທົ່ວໂລກ ວັນທີ 15 ຕຸລາ 2020

-                                                                                                 15              2020 - ສະຫລຸບບັນຫາໜ້າສົນໃຈທົ່ວໂລກ ວັນທີ 15 ຕຸລາ 2020
- 174233 - ສະຫລຸບບັນຫາໜ້າສົນໃຈທົ່ວໂລກ ວັນທີ 15 ຕຸລາ 2020
  1. ລັດຖະບານ​ໄທປະກາດ​ສະຖານະ​ການ​ສຸກ​ເສີນ ​ແລະ ຫ້າມ​ການ​ຊຸມນຸມ​ເກີນ 4 ຄົນ​ຫລັງ​ຈາກ​ການ​ປະ​ທ້ວງ​ໂດຍ​ສັນຕິ ​ເພື່ອ​ຮຽກຮ້ອງ​ການຟື້ນຟູ​ປະຊາທິປະ​ໄຕ ​ແລະ ກຳນົດ​​ໃຫ້​ມີ​ການກວດ​ສອບ​ອຳນາດ​ຂອງ​ສະ​ຖາ​ບັນ​ກະສັດ. ຂະນະ​ທີ່​ຜູ້ນຳ​ການ​ປະ​ທ້ວງ​ຫລາຍ​ຄົນ​ຖືກ​ຈັບ​ກຸມ. ຂະນະ​ທີ່​ພວກ​ເຂົາ​ກ່າວ​ວ່າ: ການ​ປະກາດ​ສະຖານະ​ການ​ນັ້ນມີ​ໄວ້​ເພື່ອ “ຮັກສາ​ຄວາມ​ສະຫງົບ​ຮຽບຮ້ອຍ” ​ແຕ່​ໃນ​ອີກ​ມຸມ​ໜຶ່ງ ກໍ​ລວມທັງ​ການ​ປິດ​ກັ້ນ​ເສລີພາບ​ຂອງ​ສື່​ມວນ​ຊົນ.
  2. YouTube ​ເຊິ່ງ​ເປັນ​ແພກຟອມວິ​ດີ​ໂອ​ຂອງ Google ​ໄດ້​ຂະຫຍາຍ​ກົດ​ຕໍ່ຕ້ານ​ເນື້ອຫາ​ທີ່​ສົ່ງ​ເສີມ​ຂໍ້​ມູນ​ທີ່​ຜິດ ​ແລະ ທິດ​ສະ​ດີ​ສົມຄົບ​ຄິດ​ກ່ຽວ​ກັບ​ການ​ແຜ່​ລະບາດ​ຂອງ COVID-19 ​ເຊິ່ງປັດຈຸບັນ​ຈະ​ຫ້າມ​ວິ​ດີ​ໂອ​ທີ່​ເຜີຍ​ເນື້ອ​ໃນ​ປອມ​ຕໍ່​ການ​ສັກ​ວັກ​ຊີ​ນ ລວມທັງ​ການ​ອ້າງ​ວ່າ​ວັກ​ຊີ​ນຈະ​ເຮັດ​ໃຫ້​ເກີດ​ການ​ມີ​ລູກ​ຍາກ ຫລື ຜູ້​ຮັບ​ວັກ​ຊີ​ນຈະ​ຖືກ​ຝັງ​ໄມ​ໂຄຣຊິ​ບ​ໄວ້​ໃນ​ຕົວ​ພວກ​ເຂົາ ​ເຊິ່ງຂັດ​ແຍ່ງ​ກັບ​ຫລັກການ​ດຳ​ເນີນ​ງານ​ຂອງ​ໜ່ວຍ​ງານ​ດ້ານ​ສຸຂະພາບ​ໃນ​ພື້ນທີ່ ຫລື ອົງການ​ອະນາ​ໄມ​ໂລກ.
  3. ​ໃນ​ຂະນະ​ດຽວ​ກັນ Twitter ​ແລະ Facebook ກໍ​ຮ່ວມ​ກັນ​ບລັອກການ​ເຊື່ອມ​ໂຍງ​ໄປ​ຫາ​ບົດ​ຄວາມ​ຂອງ New York Post ກ່ຽວ​ກັບ Hunter Biden ​ເຊິ່ງ​ເປັນ​ລູກ​ຊາຍ​ຂອງ Joe Biden ​ແລະ ກິດຈະກຳ​ຂອງ​ທ່ານ​ໃນ​ປະ​ເທດ​ຢູ​ເຄຣນ.

Jack Dorsey ​ເຊິ່ງ​ເປັນ CEO ຂອງ Twitter ຂໍ​ໂທດ​ທີ່​ບໍ່​ສາມາດ​ຊີ້​ແຈງ​​ເຫດຜົນ​ໄດ້. ຂະນະ​ທີ່​ບໍລິສັດ​ມີ​ນະ​ໂຍບາຍ​ໃນ​ການບລັອກລິງ​ໄປ​​ເນື້ອ​ໃນ​ທີ່​ຖືກ​ແຮັກ ​ແລະ ລາຍ​ລະອຽດ​ສ່ວນ​ບຸກຄົນ ​ເຊັ່ນ​ໝາຍ​ເລກ​ໂທລະສັບ, ສ່ວນ​ພັກ​ອະນຸລັກ​ນິຍົມ​ໄດ້​ຮ້ອງ​ໃຫ້​ມີ​ການກວດ​ສອບ​ເລື່ອງ​ນີ້.

  1. ປະ​ເທດ​ຝຣັ່ງ​ໄດ້​ກຳນົດ​ເຄີ​ຟິວ​ໃນ​ໄລຍະ​ກາງຄືນ​ສຳລັບ​ນະຄອນຫລວງ​ປາຣີ ​ແລະ ​ເມື​ອງ​ໃຫຍ່​ອີກ 8 ​ເມືອງ ​ເພື່ອ​ຕໍ່ສູ້​ກັບ​ຈຳນວນ​ຜູ້​ຕິດ​ເຊື້ອ COVID-19 ທີ່​ເພີ່ມ​ຂຶ້ນຢ່າງ​ວ່ອງ​ໄວ ​ໂດຍ​ຜູ້​ຝ່າຝືນຈະ​ຖືກ​ປັບ 135 ​ເອີຣົບ (160 ​ໂດ​ລາ). ຂະນະ​ທີ່​ລັດຖະບານ​ອັງກິດ​ປະກາດ Lockdown ​ໃນ​ນະຄອນຫລວງ​ລອນ​ດອນ ​ເຊິ່ງຫ້າມ​ບໍ່​ໃຫ້​ຊາວ​ລອນ​ດອນ​ປະ​ປົນ​ກັບ​ຜູ້​ຄົນ​ຈາກ​ຄອບຄົວ​ໃນ​ພື້ນທີ່​ອື່ນໆ​ພາຍ​ໃນ​ເຮືອນ​ນັບ​ແຕ່​ທ່ຽງ​ຄືນ​ຂອງ​ວັນທີ 16 ຕຸລາ​ເປັນຕົ້ນ​ໄປ.
  2. Sooronbay Jeyenbekov ປະທານາທິບໍດີ​ຂອງ Kyrgystan ປະກາດ​ວ່າ​ທ່ານ​ຈະລົງ​ຈາກ​ຕຳ​ແໜ່​ງ ຫລັງ​ຈາກ​ການ​ເລືອກ​ຕັ້ງລັດຖະສະພາ​ເກີດ​ຂໍ້​ຂັດ​ແຍ່ງ​ເມື່ອ​ວັນ​ທີ 4 ຕຸລາ ​ເຊິ່ງກະ​ຕຸ້ນ​ໃຫ້​ເກີດ​ການ​ປະ​ທ້ວງ​ຢ່າງ​ກວ້າງຂວາງ ລວມທັງ​ການ​ບຸກ​ໂຈມ​ຕີ​ອາຄານ​ຂອງ​ລັດຖະບານ​ຫລາຍ​​ແຫ່ງ ຈົນ​ລັດຖະບານ​ຕ້ອງ​ສົ່ງ​ກຳລັງ​ທະຫານ​ເຂົ້າສູ່ Bishkek ​ເຊິ່ງ​ເປັນ​ເມືອງ​ຫລວງ​ຂອງ​ປະ​ເທດ ​ໂດຍ Jeyenbekov ກ່າວ​ວ່າ: ການ​ຢຶດອຳນາດ​ນັ້ນ “ບໍ່​ກຸ້ມ​ຄ່າ​ຕໍ່​ຄວາມ​ສົມບູນ ​ແລະ ຄວາມ​ສາມັກຄີ​ຂອງ​ສັງຄົມ​ພາຍ​ໃນ​ປະ​ເທດ”.
  3. ຕົວ​ເລກ​ໃໝ່​ຈາກ Eurostat ຊີ້​ໃຫ້​ເຫັນ​ວ່າການ​ຟື້ນຕົວ​ຂອງ​ຂະ​ແໜງ​ການ​ຜະລິດ​ຢູ່​ເອີຣົບ​ໄດ້​ຢຸດ​ລົງ​ກ່ອນ ​ເຖິງ​ວ່າ​ຈະ​ເປັນ​ຊ່ວງ​ກ່ອນ​ອັດຕາ​ການ​ຕິດ​ເຊື້ອ COVID-19 ຈະ​ເລີ່​ມ​ເພີ່ມ​ຂຶ້ນກ່ອນ​ໜ້ານັ້ນ.

ການ​ຜະລິດ​ຂະ​ແໜງອຸດສາຫະກຳ​ໃນ​ເຂດ​ໃຊ້​ເງິນ​ເອີ​ໂຣ​ເພີ່ມ​ຂຶ້ນຕໍ່າ​ກວ່າ​ທີ່​ຄາດ​ໄວ້​ໃນ​ເດືອນ​ສິງຫາ 0,7% ​ເມື່ອ​ທຽບ​ໃສ່​ເດືອນ​ກ່ອນ​ໜ້າ. ຂະນະ​ທີ່​ຜົນ​ຜະລິດ​ຍັງ​ຫລຸດ​ລົງ 7,2% ​ເມື່ອ​ທຽບ​ໃສ່​ເດືອນ​ດຽວ​ກັນ​ໃນ​ປີ 2019.

  1. ທະນາຄານ​ໃຫຍ່​ທີ່​ສຸດ 3 ​ແຫ່ງ​ຂອງ​ອາ​ເມ​ລິ​ກາ​ເປີດ​ເຜີຍ​ຜົນ​ປະກອບ​ການ​ໄຕ​ມາດ 3 ດ້ວຍ​ລາຍ​ໄດ້​ທີ່ຢູ່​ໃນ​ເກນ​ດີ​ຈາກ​ການ​ຊື້ຂາຍ ​ແລະ ການ​ຈັດການ​ສິນ​ຊິ​ບ ​ເຮັດ​ໃຫ້​ກຳ​ໄລ​ຕໍ່​ຫຸ້ນ​ຂອງ Goldman Sachs ​ເພີ່ມ​ຂຶ້ນ​ເກືອບ 2 ​ເທົ່າ​ເມື່ອ​ທຽບ​ໃສ່​ໄລຍະ​ດຽວ​ກັນ​ຂອງ​ປີ 2019 ​ແລະ ​ເປັນ​ຜົນ​ກຳ​ໄລ​ສູງ​ທີ່​ສຸດ​ນັບ​ແຕ່​ປີ 2010. ຂະນະ​ທີ່​ຄວາມ​ສາມາດ​ໃນ​ການ​ສ້າງ​ກຳ​ໄລ​ຍັງ​ເພີ່ມ​ຂຶ້ນ​ເຊັ່ນ​ກັນ​ສຳລັບ Bank of America ​ແລະ Wells Fargo ພ້ອມໆ​ກັບ​ການ​ປ່ອຍ​ສິນ​ເຊື່ອ​ທີ່​ໜ້ອຍ​ກວ່າ​ໄຕ​ມາດ​ກ່ອນ​ໜ້າ.
  2. ປະ​ເທດ​ອິດສະ​ລາ​ແອນ ​ໄດ້​ອະນຸມັດ​ການ​ສ້າງ​ເຮືອນ​ສຳລັບ​ຜູ້ຕັ້ງຖິ່ນ​ຖານ​ໃໝ່​ຫລາຍ​ກວ່າ 1.300 ຫລັງ​ໃນ Westbank ​ເຊິ່ງ​ເປັນ​ການ​ອະນຸຍາດ​ຄັ້ງທຳ​ອິດ​ໃນ​ຮອບ 8 ​ເດືອນ ​ເຖິງ​ວ່າ​ຈະ​ມີ​ສັນຍາ​ໃນ​ຂໍ້​ຕົກລົງ​ສັນຕິພາບ​ຫລ້າ​ສຸດ​ກັບ​ສະຫະລັດ​ອາຣັບ​ເອມິ​ເຣດ ວ່າ​ຈະ​ບໍ່​ລວມດິນ​ແດນ​ສຳລັບ​ຜູ້ຕັ້ງຖິ່ນ​ຖານ, ສ່ວນ​ແຜນ​ສຳລັບ​ການ​ອະນຸມັດ​ເພີ່ມ​ກຳລັງ​ຢູ່​ໃນ​ລະຫວ່າງ​ການ​ພິຈາລະນາ.

ຂະນະ​ດຽວ​ກັນ ການ​ຂະຫຍາຍ​ການ​ຕັ້ງຖິ່ນ​ຖານ​ທີ່​ກຳລັງ​ຄືບ​ຄານ​ເຂົ້າມາ ​ໄດ້​ຊຸກ​ດັນ​ຂໍ້​ຕົກລົງ​ໃດໆ​ກັບ​ຊາວ​ປາ​​ເລັສຕິນ​ໃຫ້​ຫ່າງ​ໄກ​ອອກ​ໄປ​ຈາກ​ເດີມ.

- Wave100S AD to Website 2020 0 - ສະຫລຸບບັນຫາໜ້າສົນໃຈທົ່ວໂລກ ວັນທີ 15 ຕຸລາ 2020
- WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກ ວັນທີ 15 ຕຸລາ 2020
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!