ໄອ​ຍະ​ການ ນະຄອນຫລວງ​ວຽງຈັນ ສາມາດ​ແກ້​ໄຂ​ຄະດີ​ສຳ​ເລັດ​ເປັນ​ສ່ວນ​ຫລາຍ

- advert banner 728 90 728x90 - ໄອ​ຍະ​ການ ນະຄອນຫລວງ​ວຽງຈັນ ສາມາດ​ແກ້​ໄຂ​ຄະດີ​ສຳ​ເລັດ​ເປັນ​ສ່ວນ​ຫລາຍ

​ໃນກອງ​ປະຊຸມ​ສະ​ໄໝສາມັນ​ເທື່ອ​ທີ 3 ຂອງສະພາ​ປະຊາຊົນ ນະຄອນຫລວງ​ວຽງຈັນ ຊຸດ​ທີ I, ທ່ານ ພຸດ​ທະ​ວົງ ບົວລະພາ ຫົວໜ້າອົງການ ​ໄອ​ຍະ​ການ​ປະຊາຊົນ ນະຄອນຫລວງ​ວຽງຈັນ ​ໄດ້​ຂຶ້ນລາຍ​ງານ​ ກ່ຽວກັບ​ສະພາບ​ການຈັດ​ຕັ້ງ​ປະຕິບັດ​ວຽກງານ​ຂອງ​ຕົນ ​ຕໍ່ກອງ​ປະຊຸມ​ດັ່ງກ່າວວ່າ: ​ໃນ 6 ​ເດືອນ​ຜ່ານ​ມາ ​ໄອ​ຍະ​ການ ນະຄອນຫລວງວຽງຈັນ ​ໄດ້​ເຮັດ​ສຳ​ເລັດໜ້າທີ່​ວຽກງານ​ຕາມ​ສິດ ​ແລະ ພາລະບົດບາດຂອງ​ຕົນ​ກໍ​ຄື: ການ​ແກ້​ໄຂ​ຄະດີ, ຄຳ​ຮ້ອງ​ຟ້ອງຕ່າງໆຂອງ​ປະຊາຊົນ ​ໄດ້​ຫລາຍ​ກ່ວາ 1.000 ​ເລື່ອງ, ​ໃນ​ນີ້​ໄດ້​ສົ່ງ​ສານ​ຕັດສິນ 668 ​ເລື່ອງ, ສົ່ງ​ເຈົ້າໜ້າທີ່ດຳ​ເນີນ​ໃຫ້​ຈະ​ແຈ້ງ​ຕື່ມ 340 ​ເລື່ອງ, ​ໂຈະ​ການ​ສືບສວນ-​ສອບ​ສວນ 18 ​ເລື່ອງ, ຊັດ​ມ້ຽນຄະດີ 25 ​ເລື່ອງ, ພ້ອມຍັງ​ໄດ້​ກວດກາ​ຄ້າຍ​ຄຸມ​ຂັງ​ດັດ​ສ້າງ ພົບ​ນັກ​ໂທດ ​ແລະ ຜູ້​ຖືກ​ຫາ​ ກ່ວາ 5 ພັນ​ຄົນ, ຍິງ 300 ຄົນ, ຕ່າງປະ​ເທດ 209 ຄົນ, ​ໄດ້​ກວດ​ເຫັນ​ຜູ້​ຖືກ​ກັກ​ຂັງ​ເກີນ​ກ່ວາ 6 ​ເດືອນ​ຂຶ້ນ​ໄປ ທີ່​ເຈົ້າໜ້າທີ່​ບໍ່ທັນ​ໄດ້​ສົ່ງ​ສຳນວນ​ຄະດີ​ໃຫ້​ອົງການ​ໄອ​ຍະ​ການ 190 ຄົນ ​ແລະ ມີ​ນັກ​ໂທດ​ເສຍ​ຊີວິດ ​5 ຄົນ.

- new3 - ໄອ​ຍະ​ການ ນະຄອນຫລວງ​ວຽງຈັນ ສາມາດ​ແກ້​ໄຂ​ຄະດີ​ສຳ​ເລັດ​ເປັນ​ສ່ວນ​ຫລາຍ

ທ່ານ ຫົວໜ້າອົງການ​ໄອ​ຍະ​ການ​ ນະຄອນຫລວງ​ວຽງຈັນ ກ່າວວ່າ: ຫລັງ​ຈາກ​ການ​ປະຕິບັດ​ວຽກງານ 6 ​ເດືອນ​ຜ່ານ​ມາ ກໍຍັງ​ມີ​ຄວາມ​ຫຍຸ້ງຍາກ ຫລາຍ​ດ້ານ ​ເປັນ​ຕົ້ນ​ພະນັກງານ​ໄອ​ຍະ​ການ​ບາງ​ຄົນ ຍັງ​ບໍ່ປະຕິບັດຕາມ​ລະບຽບກົດໝາຍຢ່າງ​ເຂັ້ມ​ງວດ, ພະນັກງານ​ຈຳນວນໜຶ່ງທີ່​ຮັບຜິດຊອບ​ບາງ​ຄະດີ​ບໍ່​ໄດ້​ເອົາ​ໃຈ​ໃສ່​ຊີ້​ແຈງ​ຄຳຖະ​ແຫລ​ງ ​ແລະ ຄຳ​ສັ່ງ​ຟ້ອງ, ​ເພື່ອ​ຍົກ​ໃຫ້​ເຫັນ​ການ​ກະທຳ​ຜິດ​ຂອງ​ຈຳ​ເລີຍ​, ອີກ​ບັນຫາໜຶ່ງການ​ສືບສວນ-ສອບ​ສວນ ​ເກັບ​ກຳ​ຫລັກ​ຖານ​ບໍ່ໜັກ​ແໜ້ນຄົບ​ຖ້ວນ ຈຶ່ງ​ເຮັດ​ໃຫ້ການ​ດຳ​ເນີນ​ຄະດີ​ຊັກ​ຊ້າ ລວມທັງ​ການ​ສັ່ງ​ຟ້ອງ​ບໍ່ຮັດກຸມ, ຊັດ​ເຈນ ​ເປັນສາ​ເຫດໜຶ່ງ​ເຮັດ​ໃຫ້​ມີ​ການ​ກັກ​ຂັງ​ເກີນ​ກຳນົດ, ການ​ກວດກາ​ການ​ປະຕິບັດ​ກົດໝາຍ​ໃນ​ສະຖານ​ທີ່​ກັກ​ຕົວ, ສະຖານ​ກັກ​ຂັງ​ດ ສູນ​ດັດ​ສ້າງ ​ຍັງ​ເຮັດບໍ່​ໄດ້​ດີ ​ແລະ ມີ​ຄວາມ​ຫຍຸ້ງຍາກ ​ໂດຍ​ສະ​ເພາະ​ສະຖານ​ທີ່​ກັກ​ຂັງ​ບໍ່ຮັບປະກັນ​ຄວາມປອ​ດ​ໄພ ​ແລະ ​ແອ​ອັດ.

- lattana 1 - ໄອ​ຍະ​ການ ນະຄອນຫລວງ​ວຽງຈັນ ສາມາດ​ແກ້​ໄຂ​ຄະດີ​ສຳ​ເລັດ​ເປັນ​ສ່ວນ​ຫລາຍ

​ແນວ​ໃດ​ກໍ​ດີ ຢູ່​ໃນ​ກອງ​ປະຊຸມດັ່ງກ່າວບັນດາ ສະ​ມາ​ຊິກ​ສະພາ​ປະຊາຊົນ ນະຄອນຫລວງ​ວຽງຈັນ ​ໄດ້​ສະ​ເໜີ​ໃຫ້​ແກ້​ໄຂ​ຄື: ການ​ປັບປຸງ​ຄ້າຍຄຸມ​ຂັງ ​ແລະ ສູນ​ດັດ​ສ້າງ​ໃຫ້ມີ​ຄຸນ​ນະພາ​ບ ​ແລະ ຮັບປະກັນ​ຄວາມ​ສະຫງົບ​ປອດ​ໄພບໍ່​ແອ​ອັດ, ພ້ອມ​ເອົາ​ໃຈ​ໃສ່ຍົກ​ລະດັບ​ຄວາມ​ຮູ້​ດ້ານ​ກົດໝາຍພະນັກງານ​ໄອ​ຍະ​ການ​ໃຫ້​ສູງ​ຂຶ້ນ, ​ເພື່ອ​ຮັບປະກັນ​ການ​ປະຕິບັດໜ້າທີ່​ຂອງ​ຕົນ​ມີ​ຄວາມ​ຍຸຕິ​ທຳ.

error: Content is protected !!