ຄາຕະກຳໂຫດ 3 ສົບ ! ຍ້ອນຄວາມແຄ້ນສ່ວນໂຕສະສົມມາເປັນເວລາ 5 ປີ

ຄາຕະກຳໂຫດ 3 ສົບ ! ຍ້ອນຄວາມແຄ້ນສ່ວນໂຕສະສົມມາເປັນເວລາ 5 ປີ - 555 37 - ຄາຕະກຳໂຫດ 3 ສົບ ! ຍ້ອນຄວາມແຄ້ນສ່ວນໂຕສະສົມມາເປັນເວລາ 5 ປີ
ຄາຕະກຳໂຫດ 3 ສົບ ! ຍ້ອນຄວາມແຄ້ນສ່ວນໂຕສະສົມມາເປັນເວລາ 5 ປີ - Untitled design - ຄາຕະກຳໂຫດ 3 ສົບ ! ຍ້ອນຄວາມແຄ້ນສ່ວນໂຕສະສົມມາເປັນເວລາ 5 ປີ

ກໍລະນີເກີດເຫດຄາຕະກຳໂຫດ 3 ສົບໃນວັນທີ 2 ຕຸລາ 2020 ບ້ານນາດ່ານ ເມືອງສຸຂຸມາ ແຂວງຈຳປາສັກ ທ່ານ ພັທ ໄພຈິດ ໄຊຍະເດດ ຮອງຫົວໜ້າຫ້ອງຕຳຫລວດ ປກສ ແຂວງຈຳປາສັກ ໃຫ້ຮູ້ວ່າ: ຜູ້ລົງມືກໍ່ເຫດຊື່: ທ້າວ ຄຳໃໝ່ ອາຍຸ 27 ປີ ຢູ່ບ້ານໃໝ່ວັງໝາກແຊວ ເມືອງສຸຂຸມາ ແຂວງຈຳປາສັກ ໄດ້ໃຊ້ມີດແທງ ແລະ ພັນໃສ່ຜູ້ຕາຍທັງ 3 ຄົນຄື:

ຜູ້ທີ 1 ທ້າວ ຫົງທອງ ອາຍຸ 39 ປີ ຫົວໜ້າໝໍລຳເລື່ອງຄະນະເກັດແກ້ວເພັດນ້ຳໃສ ບ້ານໃໝ່ວັງໝາກແຊວ ເມືອງສຸຂຸມາ ແຂວງຈຳປາສັກ

ຜູ້ທີ2 ທ້າວ ໄພວັນ ອາຍຸ 31 ປີ ບ້ານສາມຂາ ເມືອງສຸຂຸມາ ແຂວງຈຳປາສັກ

ຜູ້ທີ 3 ທ້າວ ເຕີ້ນ ອາຍຸ 12 ປີ ນັກຮຽນບ້ານໃໝ່ວັງໝາກແຊວ ເມືອງສຸຂຸມາ ແຂວງຈຳປາສັກ

ຕາມການໃຫ້ການຂອງຜູ້ກໍ່ເຫດໃຫ້ຮູ້ວ່າ: ໃນປີ 2015 ທ້າວ ຄຳໃໝ່ ແລະ ທ້າວ ຫົງທອງ ( ຜູ້ຕາຍ) ໄດ້ມີຄວາມສຳພັນກັນຢ່າງເລິກເຊິ່ງໃນການມີເພດສຳພັນກັນຢູ່ນັ້ນ ທ້າວ ຫົງທອງ ເອົາມືຖືຖ່າຍຮູບອະໄວຍະວະເພດຂອງທ້າວຄຳໃໝ່ໄວ້, ຕົກມາຮອດປີ 2019 ທັງສອງຈຶ່ງມີການເຫີນຫ່າງກັນ ທ້າວຫົງທອງຈຶ່ງໄປຕິດພັນກັບທ້າວໄພວັນ, ຜ່ານມາທ້າວຫົງທອງໄດ້ເອົາຮູບພາບກ່ຽວກັບການຮ່ວມເພດລົງເຟສບຸກ ແລະ ໄລຟ໌ສົດ ເມື່ອທ້າວຄຳໃໝ່ເຫັນຈຶ່ງໃຫ້ລຶບອອກ ພ້ອມຂູ່ຂ້າຫາກບໍ່ລົບ ແຕ່ທ້າວຫົງທອງກໍບໍ່ປະຕິບັດ ຍັງເກັບພາບນັ້ນໄວ້.

ຕໍ່ມາທ້າວຄຳໃໝ່ໄດ້ຂໍຫລິ້ນໂທລະສັບຂອງທ້າວສຸກັນ ແລະ ກໍເຫັນຮູບພາບຂອງຕົນໃນເຟສບຸກ ເມື່ອເຫັນແນວນັ້ນ ຈຶ່ງມີຄວາມຢາກຮ້າຍ ແລະ ກັບເມືອເຮືອນໄປເອົາມີດຍາວ 55 cm ແລ້ວມຸ່ງໜ້າໄປເຮືອນທ້າວຫົງທອງ ຢູ່ບ້ານນາດ່ານ ແຕ່ບໍ່ປະສົບຜົນສຳເລັດຍ້ອນມີຄົນຢູ່ເຮືອນຫລາຍ.

ຄາຕະກຳໂຫດ 3 ສົບ ! ຍ້ອນຄວາມແຄ້ນສ່ວນໂຕສະສົມມາເປັນເວລາ 5 ປີ - Wave100S AD to Website 2020 0 - ຄາຕະກຳໂຫດ 3 ສົບ ! ຍ້ອນຄວາມແຄ້ນສ່ວນໂຕສະສົມມາເປັນເວລາ 5 ປີ

ມາຮອດວັນທີ 2 ຕຸລາ 2020 ປະມານ 22:00 ໂມງ ທ້າວຄຳໃໝ່ໄດ້ໄປເຮືອນທ້າວຫົງທອງອີກ ຈຶ່ງໄດ້ປີນເຂົ້າເຮືອນທາງ ຍ່າງໄປຮອດຫ້ອງນອນເຫັນທ້າວໄພວັນ ແລະ ທ້າວເຕິ້ນ ນອນຢູ່ໃນມຸ້ງດຽວກັນ ຈຶ່ງໄດ້ລົງມືໃຊ້ມີດປາດຄໍທ້າວຫົງທອງບາດໜຶ່ງ ກ່ອນຟັນທ້າວເຕິ້ນ, ທ້າວໄພວັນນອນນຳກັນໄດ້ຕໍ່ສູ້ຄືນ ແຕ່ກໍບໍ່ໄຫວ ແລ້ວຄ່ອຍຄານອອກໄປ ສຸດທ້າຍຖືກທ້າວຄຳໃໝ່ໃຊ້ມີດຟັນຂາ ແລະ ຄໍເສຍຊີວິດ.

ພາຍຫລັງກໍ່ເຫດສຳເລັດທ້າວຄຳໃໝ່ໄດ້ເອົາມີດແທງໃສ່ຕາທ້າວຫົງທອງອີກ 3 ບາດ ພ້ອມທັງປາດອະໄວຍະວະເພດໄປຖິ້ມລົງໂຖວິດ ຈາກນັ້ນຈຶ່ງລ້າງຕົນຕົວຢ່າງດີ ແລ້ວກໍກັບເຮືອນ ເອົາມີດເຊື່ອງໄວ້ພື້ນເສື່ອ.

ມາຮອດວັນທີ 3 ຕຸລາ 2020 ເຈົ້າໜ້າທີ່ຈຶ່ງໄດ້ກັກຕົວທ້າວມາສືບສວນ ແລະ ດຳເນີນຄຳດີ ສ່ວນການລົງໂທດສະຖານໃດ ແມ່ນເປັນຂັ້ນຕອນຂອງສານ.

ຄາຕະກຳໂຫດ 3 ສົບ ! ຍ້ອນຄວາມແຄ້ນສ່ວນໂຕສະສົມມາເປັນເວລາ 5 ປີ - WhatsApp Image 2020 05 27 at 5 - ຄາຕະກຳໂຫດ 3 ສົບ ! ຍ້ອນຄວາມແຄ້ນສ່ວນໂຕສະສົມມາເປັນເວລາ 5 ປີ
ຄາຕະກຳໂຫດ 3 ສົບ ! ຍ້ອນຄວາມແຄ້ນສ່ວນໂຕສະສົມມາເປັນເວລາ 5 ປີ - WhatsApp Image 2020 05 27 at 5 - ຄາຕະກຳໂຫດ 3 ສົບ ! ຍ້ອນຄວາມແຄ້ນສ່ວນໂຕສະສົມມາເປັນເວລາ 5 ປີ
error: Alert: ເນື້ອຫາຂ່າວມີລິຂະສິດ !!