ສະຖານ​ເອກ​ອັກຄະ​ລັດຖະທູດລາວ ແລະ ຫວຽດນາມ ທີ່ບາງກອກສະເຫລີມສະຫລອງສອງວັນປະຫວັດສາດສຳຄັນ​ຂອງ​ຕົນ

- advert banner 728 90 728x90 - ສະຖານ​ເອກ​ອັກຄະ​ລັດຖະທູດລາວ ແລະ ຫວຽດນາມ ທີ່ບາງກອກສະເຫລີມສະຫລອງສອງວັນປະຫວັດສາດສຳຄັນ​ຂອງ​ຕົນ

ເຊົ້າວັນທີ 25 ມີຖຸນາທີ່ຜ່ານມານີ້, ສະຖານເອກອັກຄະລັດຖະທູດ ແຫ່ງ ສປປ ລາວ ແລະ ສສ. ຫວຽດນາມ ປະຈໍາ ຣາຊະອານາຈັກໄທ ໄດ້ຮ່ວມກັນ ຈັດພິທີໂຮມຊຸມນຸມ ເພື່ອສະເຫລີມສະຫລອງສອງວັນປະຫວັດຊາດສຳຄັນ​ຂອງ​ຕົນ, ຂຶ້ນ​ທີ່​ສະຖານທູດ​ລາວ​ໃນ​ປະ​ເທດ​ດັ່ງກ່າວ ຄືວັນສ້າງຕັ້ງສາຍພົວພັນ ການທູດ ຄົບຮອບ 55 ປີ ( 5 ກັນຍາ 1962 – 5 ກັນຍາ 2017) ແລະ ວັນເຊັນສົນທິສັນຍາ ມິດຕະພາບ ແລະ ການຮ່ວມມື ຄົບຮອບ 40 ປີ (18 ກໍລະກົດ 1977 – 18 ກໍລະກົດ 2017) ຂຶ້ນຢ່າງມີເນື້ອໃນ ​ແລະ ຟົດ​ຟື້ນ, ໂດຍການ​ເຂົ້າຮ່ວມຂອງທ່ານ ຫລີ ບຸນຄ້ຳ, ເອກອັກຄະລັດຖະທູດ ແຫ່ງ ສປປ ລາວ ແລະ ທ່ານ ຫວຽນ ຕັດ ຖັງ, ເອກອັກຄະລັດຖະທູດ ແຫ່ງ ສສ. ຫວຽດນາມ ປະຈຳ ຣາຊະອານາຈັກໄທ ​ແລະ ມີອ້າຍນ້ອງພະນັກງານ ຂອງທັງສອງສະຖານທູດ ເຂົ້າຮ່ວມຢ່າງພ້ອມພຽງ.

- new3 - ສະຖານ​ເອກ​ອັກຄະ​ລັດຖະທູດລາວ ແລະ ຫວຽດນາມ ທີ່ບາງກອກສະເຫລີມສະຫລອງສອງວັນປະຫວັດສາດສຳຄັນ​ຂອງ​ຕົນ

ໃນໂອກາດດັ່ງກ່າວ ທ່ານ​ທູດ​ທັງ​ສອງ​ຕ່າງ​ກໍ​ໄດ້ພັດປ່ຽນກັນກ່າວຫວນຄືນເຖິງມູນເຊື່ອແຫ່ງຄວາມສາມັກຄີພິເສດ ແລະ ມິດຕະພາບອັນຫຍິ່ງໃຫຍ່-ດູດດື່ມ ແລະ ສະຫງ່າລາສີຂອງທັງສອງພັກ, ສອງລັດ ແລະ ປະຊາຊົນສອງຊາດລາວ-ຫວຽດນາມ ທີ່ໄດ້ຮ່ວມກັນຕໍ່ສູ້ຢ່າງຄຽງບ່າຄຽງໄຫລ່ ເພື່ອຕີເອົາຊະນະສັດຕູໂຕດຽວກັນ ແລະ ນຳພາປະເທດຊາດໄປສູ່ເອກກະລາດ ແລະ ອະຕິປະໄຕທີ່ຄົບຖ້ວນ. ທ່ານທູດທັງສອງ ໄດ້ກ່າວວ່າ: ຕັ້ງແຕ່ອາດີດ ຈົນມາຮອດປະຈຸບັນ ເຖິງແມ່ນວ່າສະພາບການຂອງໂລກ ແລະ ພາກພື້ນຈະຜັນແປໄປແນວໃດກໍ່ຕາມ, ແຕ່ສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ ກໍ່ຍັງຍຶດໝັ້ນຖະນຸຖະໜອມ, ເພີ້ມພູມຄູນສ້າງມູນເຊື້ອ ການພົວພັນດັ່ງກ່າວຢ່າງບໍ່ຢຸດຢັ້ງ, ເຊິ່ງເປັນການປະກອບສ່ວນ ທີ່ມີລັກສະນະຕັດສິນເຂົ້າ ໃນໄຊຊະນະ ແລະ ຜົນສຳເລັດແຫ່ງການປົກປັກຮັກສາໝາກຜົນຂອງການປະຕິວັດ ແລະ ການພັດທະນາ ຂອງແຕ່ລະປະເທດ; ພ້ອມກັນນັ້ນ, ກໍ່ເປັນການປະກອບສ່ວນເຂົ້າໃນພາລະກິດສັນຕິພາບ, ເອກະລາດແຫ່ງຊາດ, ມິດຕະພາບ ແລະ ການຮ່ວມມືພັດທະນາ ຢູ່ໃນພາກພື້ນ ແລະ ໃນໂລກອີກດ້ວຍ.

ທ່ານທູດທັງສອງຍັງໃຫ້ການຢືນຢັນຢ່າງໝັກແໜ້ນວ່າ: ທັງສອງສະຖານທູດຈະສຸມກຳລັງ ແລະ ຄວາມພະຍາຍາມເພື່ອປະຕິບັດໃຫ້ໄດ້ຕາມຄວາມຕັດສິນໃຈຂອງຜູ້ນຳສູງສຸດ ກໍຄືຄວາມມຸ້ງມາດປາດຖະໜາ ຂອງ ປະຊາຊົນສອງຊາດລາວ-ຫວຽດນາມ ໃນການສືບຕໍ່ເສີມຂະຫຍາຍ ແລະ ຮັດແໜ້ນສາຍພົວພັນມິດຕະພາບ, ຄວາມສາມະຄີພິເສດລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ ແລະ ຫວຽດນາມ ທີ່ໄດ້ຮັບ ການສ້າງຕັ້ງ ແລະ ຫລໍ່ຫລອມ ໂດຍປະທານ ໂຮ ຈີ ມີງ ແລະ ປະທານ ໄກສອນ ພົມວິຫານ ນັ້ນໃຫ້ເປັນ ມໍລະດົກອັນລ້ຳຄ່າຕົກທອດຮອດເຊັ່ນລູກເຊັ່ນຫລານຕໍ່ໄປ.

- lattana 1 - ສະຖານ​ເອກ​ອັກຄະ​ລັດຖະທູດລາວ ແລະ ຫວຽດນາມ ທີ່ບາງກອກສະເຫລີມສະຫລອງສອງວັນປະຫວັດສາດສຳຄັນ​ຂອງ​ຕົນ

ນອກຈາກການຈັດພິທີໂຮມຊຸມນຸມແລ້ວ, ທັງສອງສະຖານທູດໄດ້ຮ່ວມກັນຈັດກິດຈະກຳກິລາແຂ່ງຂັນ ກ໋ອຟ, ປິ່ງປອງ, ຕີດອກປີກໄກ່, ຕີບຸນ ແລະ ກິນເຂົ້າສາມັກຄີຮ່ວມ ກັນຢ່າງເບີກບານ ມ່ວນຊື່ນ.

error: Content is protected !!