ກຳປູເຈຍນ້ຳຖ້ວມກະທັນຫັນ ມີຜູ້ເສຍຊີວິດ 13 ຄົນ ອົບພະຍົບ 12.000 ກວ່າຄົນ

-                                                                    - ກຳປູເຈຍນ້ຳຖ້ວມກະທັນຫັນ ມີຜູ້ເສຍຊີວິດ 13 ຄົນ ອົບພະຍົບ 12.000 ກວ່າຄົນ
- 174233 - ກຳປູເຈຍນ້ຳຖ້ວມກະທັນຫັນ ມີຜູ້ເສຍຊີວິດ 13 ຄົນ ອົບພະຍົບ 12.000 ກວ່າຄົນ

​ໂຄສົກ​ທາງ​ການ​ກຳປູ​ເຈຍ​ເປີດ​ເຜີຍ​ໃນ​ວັນ​ທີ 15 ຕຸລາ​ວ່າ: ມີ​ຝົນຕົກ​ໜັກ​ຈາກ​ອິດ​ທິພົນ​ຂອງ​ພາຍຸ​ໝູນ​ເຂດ​ຮ້ອນ ​ເຊິ່ງສົ່ງ​ຜົນ​ໃຫ້​ເກີດ​ນ້ຳຖ້ວມ​ຢູ່​ເມືອງ ​ແລະ ​ແຂວງ 19 ​ແຫ່ງ ຈາກ​ທັງ​ໝົດ 25 ​ແຫ່ງ​ທົ່ວ​ປະ​ເທດ ​ເຮັດ​ໃຫ້​ມີ​ຜູ້​ເສຍ​ຊີວິດ​ແລ້ວ 13 ຄົນ. ຂະນະ​ທີ່​ປະຊາຊົນ 12.376 ຄົນ​ຕ້ອງ​ອົບ​ພະຍົບອອກ​ຈາກ​ບ່ອນຢູ່.

ທ່ານ ​ເສກ ວິ​ເຊ​ດ ​ໂຄສົກ​ຄະນະ​ກຳມະການ​​ແກ້​ໄຂ​ໄພພິບັດ​ແຫ່ງ​ຊາດ (NCDM) ກ່າວ​ວ່າ: ນັບ​ແຕ່​ຕົ້ນ​ເດືອນ​ຕຸລາ ມີ​ຜູ້​ໄດ້​ຮັບ​ຜົນ​ກະທົບ​ຈາກ​ນ້ຳຖ້ວມ 193.268 ຄົນ. ຂະນະ​ທີ່​ອີກ 12.376 ຄົນ​ຖືກ​ອົບ​ພະຍົບ​ໄປ​ພື້ນທີ່​ປອດ​ໄພ​ແລ້ວ.

ທ່ານ ວິ​ເຊ​ດ ກ່າວ​ວ່າ: ມາ​ຮອດ​ປັດຈຸບັນ​ ນ້ຳ​ຖ້ວມ​ໄດ້​ຂ້າ​ຊີວິດ​ຜູ້​ຄົນ​ໄປ​ແລ້ວ 13 ຄົນ ​ເຊິ່ງ​ເປັນ​ເດັກນ້ອຍ 5 ຄົນ ​ແລະ ​ແຂວງ​ທີ່​ໄດ້​ຮັບ​ຜົນ​ກະທົບ​ຮຸນ​ແຮງ​ທີ່​ສຸດ ​ໄດ້​ແກ່ ພຣະຕະບອງ, ​ໂພທິສັດ ​ແລະ ບັນ​ທາຍ​ມີ​ໄຊ ທາງ​ຕາ​ເວັນ​ຕົກ​ສຽງ​ເໜືອ​ຂອງ​ປະ​ເທດ ​ແລະ ກັນ​ດາລ ທາງ​ຕອນ​ໃຕ້​ຂອງ​ປະ​ເທດ.

ມວນ​ນ້ຳຍັງ​ໄຫລ​ເຂົ້າຖ້ວມ​ເຮືອນປະຊາຊົນ 47.923 ຫລັງ ລວມທັງ​ເນື້ອທີ່​ນາ ​ແລະ ຜົນ​ຜະລິດ 186.689 ​ເຮັກຕາ ​ແລະ ປັດຈຸບັນ​ເນື້ອທີ່​ນາ ​ແລະ ຜົນ​ຜະລິດ​ຖືກ​ທຳລາຍ​ໄປ​ແລ້ວ 12.958 ​ເຮັກຕາ. ຂະນະ​ດຽວ​ກັນ ການ​ຄົມມະນາຄົມ​ຍັງ​ຢຸດ​ສະ​ງັກ ​ເນື່ອງ​ຈາກ​ຖະໜົນ​ສາຍ​ຫລັກ​ຫລາຍ​ເສັ້ນ​ຢູ່​ແຂວງ​ທີ່​ໄດ້​ຮັບ​ຜົນ​ກະທົບ​ຮຸນ​ແຮງ​ຕ້ອງ​ຖືກ​ປິດ ​ເພື່ອ​ຫລີກ​ລ່ຽງຜິວ​ຖະໜົນ​ເສຍ​ຫາຍ.

- Wave100S AD to Website 2020 0 - ກຳປູເຈຍນ້ຳຖ້ວມກະທັນຫັນ ມີຜູ້ເສຍຊີວິດ 13 ຄົນ ອົບພະຍົບ 12.000 ກວ່າຄົນ

ທ່ານ ລິ​ມ ຄີ​ນຮໍ ລັດຖະມົນຕີ​ກະຊວງ​ຊັບພະຍາກອນ​ນ້ຳ ​ແລະ ອຸຕຸນິຍົມ​ວິທະຍາ​ຂອງ​ກຳປູ​ເຈຍ ລະບຸ​ການ​ຄາດ​ການ​ວ່າ: ນັບ​ແຕ່​ວັນ​ທີ 17-19 ຕຸລາ​ນີ້ ຈະ​ຍັງ​ມີ​ຝົນຕົກ, ລົມ​ແຮງ ​ແລະ ຄື້ນສູງ ​ເນື່ອງ​ຈາກ​ກຳປູ​ເຈຍ​ກຳລັງ​ໄດ້​ຮັບ​ຜົນ​ກະທົບ​ຈາກ​ພາຍຸ​ເຂດ​ຮ້ອນ​ໂຊ​ເດລ (Saudel) ​ເຊິ່ງອາດ​ສົ່ງ​ຜົນ​ໃຫ້​ເກີດ​ນ້ຳຖ້ວມ​ອີກ.

- WhatsApp Image 2020 05 27 at 5 - ກຳປູເຈຍນ້ຳຖ້ວມກະທັນຫັນ ມີຜູ້ເສຍຊີວິດ 13 ຄົນ ອົບພະຍົບ 12.000 ກວ່າຄົນ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!