ຢາຂ້າເຊື້ອເບຕາດີນ ມີປະສິດທິພາບຂ້າເຊື້ອໂຄວິດ – 19

ຢາຂ້າເຊື້ອເບຕາດີນ ມີປະສິດທິພາບຂ້າເຊື້ອໂຄວິດ - 19 - 9d4j4r - ຢາຂ້າເຊື້ອເບຕາດີນ ມີປະສິດທິພາບຂ້າເຊື້ອໂຄວິດ – 19
ຢາຂ້າເຊື້ອເບຕາດີນ ມີປະສິດທິພາບຂ້າເຊື້ອໂຄວິດ - 19 - Untitled design - ຢາຂ້າເຊື້ອເບຕາດີນ ມີປະສິດທິພາບຂ້າເຊື້ອໂຄວິດ – 19

ບໍລິສັດ ມຸນດິຟາມາ ເປີດເຜີຍຜົນການວິໄຈຈາກຫ້ອງທົດລອງຢູ່ໂຮງຮຽນແພດ Duke-NUS ໃນປະເທດສິງກະໂປ ພົບວ່າ : ຜະລິດຕະພັນນຳ້ຢາຂ້າເຊື້ອ ເບຕາດີນ ມີປະສິດທິພາບໃນການຕໍ່ຕ້ານເຊື້ອໄວຣັສໂຄໂຣນາ (SARS-CoV2) ເຊິ່ງເປັນສາເຫດຂອງໂຄວິດ – 19 ໂດຍສາມາດຂ້າເຊື້ອໃນຫລອດທົດລອງໄດ້ 99.99% ໃນ 30 ວິນາທີ. ນອກຈາກນັ້ນແລ້ວຍັງເອົາໄປທົດລອງຕໍ່ຢູ່ຫ້ອງທົດລອງສູນການວິໄຈ ແລະ ການສຶກສາພະຍາດຕິດເຊື້ອເຂດຮ້ອນ (TIDREC) ຢູ່ມະຫາວິທະຍາໄລລາຍາປະເທດມາເລເຊຍ ພົບວ່າ ສາມາດຂ້າເຊື້ອໃນຫລອດທົດລອງໄດ້ 99.99% ພາຍໃນ 15 ວິນາທີ.

ສຳລັບຜະລິດຕະພັນນຳ້ຢາຂ້າເຊື້ອທີ່ເອົາມາທົດລອງ ປະກອບດ້ວຍ ນຳ້ຢາຂ້າເຊື້ອເບຕາດີນ (Betadine Solution), ນຳ້ຢາລ້າງເຮັດຄວາມສະອາດຜິວໜັງ (Skin Cleaner), ນຳ້ຢາບ້ວນປາກ (Gargle and Mouthwash) ແລະ ສະເປຣສີດປາກ ແລະ ຄໍ (Throat Spray).

ການວິໄຈນີ້ໄດ້ຮັບການຍອມຮັບຈາກ British Dental Journal (BDJ) ແລະ ໄດ້ຮັບການຕີພິມໃນວັນທີ 26 ມິຖຸນາ 2020 ໂດຍວາລະສານ Springer Nature ໃນນາມຂອງ  British Dental Association ລວມເຖິງວາລະສານພະຍາດຕິດເຊື້ອ ແລະ ບຳບັດທີ່ເຄົາລົບ ເມື່ອວັນທີ 8 ກໍລະກົດ 2020.

ແລະ ກ່ອນໜ້ານີ້ ຜະລິດຕະພັນຂ້າເຊື້ອພະຍາດ BETADINE(R) ເຊິ່ງປະກອບດ້ວຍໂພວິໂດນໄອໂອດີນ (PVP-I) ມີການເອົາໄປທົດລອງໃນຫລອດທົດລອງ ແລະ ພົບວ່າມີປະສິດທິພາບກັບໄວຣັສຫລາຍປະເພດ ເຊິ່ງລວມເຖິງໄວຣັສໂຄໂຣນາທີ່ເປັນສາເຫດຂອງການແຜ່ລະບາດຄັ້ງສຳຄັນດັ່ງພະຍາດທາງເດີນຫາຍໃຈຕາເວັນອອກກາງ (MERS) ແລະ ພະຍາດທາງເດີນຫາຍໃຈກະທັນຫັນຮຸນແຮງ (SARS) ໂດຍຜະລິດຕະພັນຂ້າເຊື້ອພະຍາດ BETADINE(R) ມີໂພວິໂດນໄອໂອດີນ (PVP-I) ເຊິ່ງມີປະສິດທິພາບສູງໃນການຈັດການກັບຈຸລິນຊີປະເພດຕ່າງໆ ທັງແບັກທີເຣຍ, ໄວຣັສ ແລະ ເຊື້ອລາ ຈົນມີການເອົາໄປໃຊ້ຢ່າງແຜ່ຫລາຍ.

ຢາຂ້າເຊື້ອເບຕາດີນ ມີປະສິດທິພາບຂ້າເຊື້ອໂຄວິດ - 19 - Wave100S AD to Website 2020 0 - ຢາຂ້າເຊື້ອເບຕາດີນ ມີປະສິດທິພາບຂ້າເຊື້ອໂຄວິດ – 19

“ຜົນຕອບຮັບເຫລົ່ານີ້ໃນມຸມມອງຂອງເຮົາພົບວ່າ ຫາກມີການໃຊ້ຜະລິດຕະພັນນຳ້ຢາຂ້າເຊື້ອເບຕາດີນໃຊ້ຢ່າງເໝາະສົມຮ່ວມກັບການປ້ອງກັນອື່ນໆ ເຊັ່ນ : PPE ຈະສາມາດກຳຈັດການແຜ່ລະບາດຂອງພະຍາດຕິດເຊື້ອຕ່າງໆ ລວມເຖິງໂຄວິດ – 19 ໄດ້” – Raman Singh ປະທານຜູ້ບໍລິຫານມຸນດິຟາມາ ລະບຸ.

ຢາຂ້າເຊື້ອເບຕາດີນ ມີປະສິດທິພາບຂ້າເຊື້ອໂຄວິດ - 19 - WhatsApp Image 2020 05 27 at 5 - ຢາຂ້າເຊື້ອເບຕາດີນ ມີປະສິດທິພາບຂ້າເຊື້ອໂຄວິດ – 19
ຢາຂ້າເຊື້ອເບຕາດີນ ມີປະສິດທິພາບຂ້າເຊື້ອໂຄວິດ - 19 - WhatsApp Image 2020 05 27 at 5 - ຢາຂ້າເຊື້ອເບຕາດີນ ມີປະສິດທິພາບຂ້າເຊື້ອໂຄວິດ – 19
error: Alert: ເນື້ອຫາຂ່າວມີລິຂະສິດ !!