ກາເຟຂອງລາວຄົນລາວພູມໃຈ ໄດ້ຮັບການຢັ້ງຢືນຖິ່ນກຳເນີດຂອງກາເຟພູພຽງບໍລິເວນ

- 5555 1 - ກາເຟຂອງລາວຄົນລາວພູມໃຈ ໄດ້ຮັບການຢັ້ງຢືນຖິ່ນກຳເນີດຂອງກາເຟພູພຽງບໍລິເວນ
- 174233 - ກາເຟຂອງລາວຄົນລາວພູມໃຈ ໄດ້ຮັບການຢັ້ງຢືນຖິ່ນກຳເນີດຂອງກາເຟພູພຽງບໍລິເວນ

ໂດຍ: ມຶກບໍ່ແຫ້ງ

ກາເຟຂອງລາວບໍ່ສະເພາະສຳຄັນທາງດ້ານເສດຖະກິດແຕ່ຕິດພັນວິຖີຊີວິດ, ວັດທະນະທຳຂອງພວກເຮົາມາຍາວນານ ແລະການຢັ້ງຢືນຖິ່ນກຳເນີດຂອງກາເຟພູພຽງບໍລິເວນເມື່ອບໍ່ດົນຜ່ານມາໄດ້ເປັນມິດໝາຍທີ່ສຳຄັນ.

ໃນໂລກນີ້ ການຄ້າຂາຍກາເຟມີມູນຄ່າ30.1 ຕື້ໂດລາໃນປີ 2019 ແລະສ້າງວຽກເຮັດງານທຳຫຼາຍກວ່າ 300 ລ້ານຄົນແລະສປປລາວພວກເຮົາກໍມີມູນເຊື້ອໃນການຜະລິດກະເຟມາຍາວນານແລະກາເຟຍັງເປັນພືດສົ່ງອອກທີ່ສ້າງລາຍຮັບແກ່ປະເທດຫຼາຍສີບລ້ານໂດລາໃນແຕ່ລະປີ.

ໃນປັດຈຸບັນໃນສປປລາວມີເນື້ອທີ່ປູກກາເຟທັງໝົດປະມານ 78,000 ເຮັກຕາສ່ວນຫຼາຍແມ່ນຢູ່ເຂດພູພຽງບໍລະເວນເຊິ່ງເປັນບ່ອນທີ່ມີການປູກກາເຟທີ່ສຳຄັນທີ່ສຸດຂອງລາວແລະໄດ້ ຄ່ອຍໆ ຂະຫຍາຍຕົວໃກການປູກຢູ່ເຂດພາກເໜືອຂອງລາວ.

ກາເຟແມ່ນພືດເສດຖະກິດອັນດັບຕົ້ນໆຂອງລາວ, ສະມາຄົມກາເຟລາວໄດ້ໃຫ້ຮູ້ວ່າໃນປີ 2013 ນັ້ນມູນຄ່າສົ່ງອອກກາເຟຂອງລາວມີມູນຄ່າ 63 ລ້ານໂດລາແລະມາຮອດປີ 2019 ເພີ່ມຂຶ້ນເປັນ 70 ລ້ານໂດລາໂດຍສົ່ງອອກກາເຟທັງໝົດ31,459 ໂຕນເຊິ່ງເປັນພືດກະສິກຳສົ່ງອອກອັນດັບສອງຮອງຈາກໝາກກ້ວຍ.

ເຖິງວ່າກາເຟຈະເປັນພືດທີ່ສຳຄັນທາງດ້ານເສດຖະກິດຂອງລາວແຕ່ ຍັງເຫັນວ່າຊາວກະສິກອນທີ່ຢຶດຖືການປູກກາເຟນັ້ນຍັງມີຄວາມຫຍຸ້ງຍາກໂດຍຖືກເອົາລັດເອົາປຽບຈາກພໍ່ຄ້າແມ່ຄ້າໃນກົດໜ່ວງລາຄາເຮັດໃຫ້ ຊາວສວນກາເຟຈຳນວນຫຼາຍແມ່ນມີຄວາມລຳບາກໃນທ່າມກາງສະພາບເສດຖະກິດທີ່ເຂົ້າຢາກໝາກແພງ.

- Wave100S AD to Website 2020 0 - ກາເຟຂອງລາວຄົນລາວພູມໃຈ ໄດ້ຮັບການຢັ້ງຢືນຖິ່ນກຳເນີດຂອງກາເຟພູພຽງບໍລິເວນ

ຍ້ອນແນວນັ້ນເຮັດໃຫ້ ຊາວສວນກາເຟທາງພາກໃຕ້ຂອງລາວຈຶ່ງຕັດສິນໃຈມາປູກມັນຕົ້ນແທນທີ່ສາມາດປູກໄດ້ຫຼາຍແລະສາມາດສ້າງລາຍຮັບໄດ້ຫຼາຍກວ່າເຊິ່ງນັ້ນເປັນສັນຍານໃຫ້ ພວກເຮົາເບິ່ງຄືນວ່າການສົ່ງເສີມການປູກພືດກະສິກຳທີ່ມີຜົນໄດ້ຮັບທາງດ້ານເສດຖະກິດຄຽງຄູ່ກັບການຮັກສາສະພາບແວດລ້ອມນັ້ນຄວນຊ່ວຍເຫຼືອປະຊາຊົນແນວໃດ.

ການຢັ້ງຢືນຖິ່ນກຳເນີດຂອງກາເຟຢູ່ເມືອງປາກຊ່ອງແຂວງຈຳປາສັກເມື່ອວັນທີ 20 ກັນຍາ 2020 ຜ່ານມານັ້ນສະແດງໃຫ້ພວກເຮົາເຫັນວ່າສປປລາວເຮົາມີບ່ອນຜະລິດກາເຟທີ່ມີລັກສະນະພົ້ນເດັ່ນທາງດ້ານທີ່ຕັ້ງເຊິ່ງເປັນແຫຼ່ງດິນດຳນໍ້າຊຸ່ມ, ມີຄວາມອຸດົມສົມບູນເຮັດໃຫ້ ກາເຟລາວມີຄຸນນະພາບສູງອັນນີ້ ໄດ້ກາຍເປັນທ່າແຮງທີ່ສຳຄັນຂອງສປປລາວໃນການຜະລິດກາເຟທີມີລາຄາສູງແລະມີເລື່ອງເລົ່າທີ່ຕິດພັນກັບກາເຟມາຍາວນານສ້າງມູນຄ່າເພີ່ມແກ່ກາເຟຂອງລາວ.

ເພາະສະນັ້ນມັນເຖິງເວລາທີ່ຈະມີການສົ່ງເສີມການຜະລິດກາເຟທີ່ມີຄຸນນະພາບ, ສ້າງລາຍຮັບທີ່ສົມເຫດສົມຜົນແກ່ປະຊາຊົນຜູ້ຜະລິດຢ່າງຍືນຍົງ, ສ້າງລາຍຮັບແກ່ປະເທດຊາດເພີ່ມຂຶ້ນ. ເຮັດແນວນີ້ ປະຊາຊົນຈຶ່ງມີກຳລັງໃຈໃນການຜະລິດກາເຟທີ່ເປັນຜະລິດຕະພັນອັນມີລັກສະເພາະຂອງລາວຕະຫຼອດໄປ.​

ເມື່ອໃດກໍຕາມທີ່ຊາວສວນກາເຟຍັງຖືກເອົາລັດເອົາປຽບ, ຖືກກົດໜ່ວງລາຄານັ້ນບໍ່ຊ້າກໍໄວການຜະລິດກາເຟໃນລາວກໍຈະຄ່ອຍໆຫຼຸດລົງເຊິ່ງຈະເຮັດໃຫ້ການປະກາດຖິ່ນກຳເນີດກາເຟລາວນັ້ນມີຄ່າໜ້ອຍລົງໄປນຳ.

- WhatsApp Image 2020 05 27 at 5 - ກາເຟຂອງລາວຄົນລາວພູມໃຈ ໄດ້ຮັບການຢັ້ງຢືນຖິ່ນກຳເນີດຂອງກາເຟພູພຽງບໍລິເວນ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!