1 ເດືອນຜ່ານມາທົ່ວປະເທດມີຜູ້ເສຍຊີວິດຈາກອຸປະຕິເຫດ 76 ຄົນ

- LPN 44 - 1 ເດືອນຜ່ານມາທົ່ວປະເທດມີຜູ້ເສຍຊີວິດຈາກອຸປະຕິເຫດ 76 ຄົນ
- 174233 - 1 ເດືອນຜ່ານມາທົ່ວປະເທດມີຜູ້ເສຍຊີວິດຈາກອຸປະຕິເຫດ 76 ຄົນ

ເຈົ້າໜ້າທີ່ຕຳຫລວດຈະລາຈອນລາຍງານໃຫ້ຮູ້ວ່າ: ໃນເດືອນກັນຍາຜ່ານມານີ້, ໃນທົ່ວປະເທດໄດ້ເກີດອຸປະຕິເຫດບົນທ້ອງຖະໜົນ 497 ກໍລະນີ້, ມີຜູ້ເສຍຊີວິດ 76 ຄົນ, ທຽບໃສ່ເດືອນສິງຫາ ຫລຸດລົງ 89 ກໍລະນີ ແຕ່ຜູ້ເສຍຊີວິດເພີ່ມຂຶ້ນ 8 ຄົນ.

ອີງຕາມການລາຍງານສະພາບການເກີດອຸປະຕິເຫດທົ່ວປະເທດປະຈໍາເດືອນກັນຍາ 2020 ວ່າ: ສໍາລັບ ການເກີດອຸບັດເຫດໃນເດືອນກັນຍາຜ່ານມານີ້, ມີຜູ້ໄດ້ຮັບບາດເຈັບທັງຫມົດ 764 ຄົນ, ຊຶ່ງບາດເຈັບສາຫັດ 94 ຄົນ, ສົມຄວນ 313 ຄົນ, ເລັກໜ້ອຍ 357 ຄົນ. ພາຫະນະເປ່ເພ 889 ຄັນ, ໃຊ້ການບໍ່ໄດ້ 24 ຄັນ, ຊຶ່ງການເກີດອຸບັດເຫດຢູ່ຕາມສາຍທາງຕ່າງໆໃນທົ່ວປະເທດ ສ່ວນໃຫຍ່ແມ່ນເກີດຍ້ອນນັກຂັບຂີ່ບໍ່ເຄົາລົບກົດລະບຽບຈະລາຈອນ ໂດຍສະເພາະເມົາແລ້ວຂັບຂັບຂີ່ໄວເກີນກໍານົດ, ບໍ່ໃຫ້ກຽດກັບຜູ້ໃຊ້ເສັ້ນທາງຮ່ວມກັນ, ແຊງຊ້າຍ-ຂວາບໍ່ຮັບປະກັນ ແລະ ອື່ນໆ.

ພ້ອມນີ້, ເຈົ້າໜ້າທີ່ຕຳຫລວດຈະລາຈອນ ໄດ້ຮຽກຮ້ອງໃຫ້ຜູ້ທີ່ໃຊ້ລົດໃຊ້ຖະໜົນຕ້ອງຮ່ວມໃຈກັນປະຕິບັດກົດລະບຽບການສັນຈອນທາງບົກໃຫ້ເຄັ່ງຄັດ ມີ ສະຕິໃນການຂັບຂີ່ແຕ່ລະຄັ້ງ ເປັນຕົ້ນ: ເມົາແລ້ວຫ້າມຂັບ, ຂັບຂີ່ລົດຈັກຕ້ອງໃສ່ຫມວກກັນກະທົບທຸກຄັ້ງ ແລະ ກວດກາສະພາບລົດໃຫ້ມີຄວາມພ້ອມ ກ່ອນຈະອອກເດີນທາງ ເພື່ອຫລີກລ່ຽງບໍ່ໃຫ້ມີອຸປະຕິເຫດເກີດຂຶ້ນ.

- Wave100S AD to Website 2020 0 - 1 ເດືອນຜ່ານມາທົ່ວປະເທດມີຜູ້ເສຍຊີວິດຈາກອຸປະຕິເຫດ 76 ຄົນ
- WhatsApp Image 2020 05 27 at 5 - 1 ເດືອນຜ່ານມາທົ່ວປະເທດມີຜູ້ເສຍຊີວິດຈາກອຸປະຕິເຫດ 76 ຄົນ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!