ຜົນສຳເລັດ ຂອງກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 11 ສະໄໝທີ X

- LPN 45 - ຜົນສຳເລັດ ຂອງກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 11 ສະໄໝທີ X
- 174233 - ຜົນສຳເລັດ ຂອງກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 11 ສະໄໝທີ X

ກອງປະຊຸມຄົບຄະນະ ຄັ້ງທີ 11 ສະໄໝທີ X ຂອງຄະນະບໍລິຫານງານສູນກາງພັກ ໄດ້ດຳເນີນຢ່າງເປັນທາງການ ແຕ່ວັນທີ 12-16 ຕຸລານີ້  ຢູ່ສຳນັກງານສູນກາງພັກ, ພາຍໃຕ້ການເປັນປະທານຂອງ ສະຫາຍ ບຸນຍັງ ວໍລະຈິດ, ເລຂາທິການໃຫຍ່ ຄະນະບໍລິຫານງານສູນກາງພັກ ແລະ ມີບັນດາສະຫາຍກຳມະການກົມການເມືອງສູນກາງພັກ ເຂົ້າຮ່ວມ.

- 77 1 300x201 - ຜົນສຳເລັດ ຂອງກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 11 ສະໄໝທີ X

ກອງປະຊຸມໄດ້ຄົ້ນຄວ້າຕີລາຄາສູງ ຕໍ່ການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ X ຂອງພັກ ກໍຄືແຜນພັດທະນາເສດຖະກິດ-ສັງຄົມ 5 ປີ ຄັ້ງທີ VIII ທີ່ມີຜົນສໍາເລັດເປັນຢ່າງດີ, ເຮັດໃຫ້ປະເທດຊາດ ສືບຕໍ່ຮັກສາ​ໄດ້ສະຖຽນລະພາບທາງດ້ານການເມືອງ ຢ່າງໜັກແໜ້ນ, ສັງຄົມມີຄວາມສະຫງົບໂດຍພື້ນຖານ, ແນວທາງປ້ອງກັນຊາດ-ປ້ອງກັນຄວາມສະຫງົບ ທົ່ວປວງຊົນຮອບດ້ານ ໄດ້ຮັບການຈັດຕັ້ງປະຕິບັດຢ່າງຕັ້ງໜ້າ, ຮັກສາໄດ້ຄວາມເປັນເອກະລາດ, ອຳນາດອະທິປະໄຕ ແລະ ລະບອບປະຊາທິປະໄຕ ປະຊາຊົນ ​ໄວ້ໄດ້ຢ່າງໝັ້ນຄົງ ແລະ ໜັກແໜ້ນ; ເສດຖະກິດ ເຖິງວ່າບໍ່ບັນລຸ​ໄດ້ຕາມຄາດໝາຍແຜນການທີ່​ວາງ​ໄວ້ ແຕ່ກໍ່ຍັງສືບຕໍ່ຂະຫຍາຍຕົວຢ່າງຕໍ່ເນື່ອງ; ບັນດາໂຄງການລົງທຶນໃຫຍ່ໆເຊັ່ນ: ໂຄງການສ້າງເສັ້ນທາງລົດໄຟລາວ-ຈີນ, ໂຄງການທາງດ່ວນ, ໂຄງການພັດທະນາ ແລະ ຂຸດຄົ້ນພະລັງງານ-ບໍ່ແຮ່, ໂຄງການກໍ່ສ້າງເຂດເສດຖະກິດພິເສດ ຕິດ​ພັນ​ກັບ​ການຈັ​ດສັນ​ໂຕ​ເມືອງ​ຊົນນະບົດ, ໂຄງການສົ່ງເສີມດ້ານການທ່ອງທ່ຽວ ແລະ ໂຄງການສຳຄັນອື່ນໆ ກໍໄດ້ສືບຕໍ່ຈັດຕັ້ງປະຕິບັດໄປຕາມແຜນທີ່ກໍານົດໄວ້; ການພັດທະນາທາງດ້ານພື້ນຖານວັດຖຸເຕັກນິກ, ທາງດ້ານວັດທະນະທຳ-ສັງຄົມ, ການແກ້ໄຂຄວາມ ທຸກຍາກຂອງປະຊາຊົນ ໄດ້ຮັບການພັດທະນາ ແລະ ເອົາໃຈໃສ່ແກ້ໄຂຢ່າງຕັ້ງໜ້າ ແລະ ມີຜົນສຳເລັດເປັນກ້າວ; ການ​ປະຕິບັດມາດຕະການຕ້ານ-ປ້ອງກັນພະຍາດໂຄວິດ-19 ​ໄດ້​ກໍ່​ໃຫ້​ເກີດຜົນສໍາເລັດໃນລະ​ດັບ​ດີ​ສົມຄວນ.

- 85 2 300x200 - ຜົນສຳເລັດ ຂອງກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 11 ສະໄໝທີ X

ກອງປະຊຸມ ໄດ້ພ້ອມກັນປຶກສາຫາລື ແລະ ລົງເລິກຄົ້ນຄວ້າ ເອກະສານທີ່ມີ​ຄວາມ​ສຳຄັນຍຸດທະສາດ ຈໍານວນໜຶ່ງ ດັ່ງນີ້:

(1). ຜົນການຈັດຕັ້ງຜັນຂະຫຍາຍ ມະຕິກອງປະຊຸມຄົບຄະນະ ຄັ້ງທີ 10 ຂອງຄະນະບໍລິຫານງານສູນກາງພັກ ສະໄໝທີ X ຕິດພັນກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານ, ແຜນເງິນຕາປະຈຳປີ 2020 ແລະ ທິດທາງແຜນການວຽກງານປະຈໍາປີ 2021. ກອງປະຊຸມເປັນເອກະພາບຕໍ່ບັນດາທິ​ດທາງມາດຕະການກະຕຸ້ນ ແລະ ຍູ້ແຮງການເຕີບໂຕຂອງເສດຖະກິດ-ສັງຄົມ, ໂດຍສະເພາະໃນໄລຍະທີ່ເສດຖະກິດ ຖຶກຜົນກະທົບຈາກພະຍາດປອດອັກເສບສາຍພັນໃໝ່ໂຄວິດ-19 ​ໄດ້ພະຍາຍາມປັບປຸງສະພາບແວດລ້ອມຂອງ ການລົງທຶນໃຫ້ມີຄວາມສອດຄ່ອງ ແລະ ສືບຕໍ່ຍູ້ແຮງການຜະລິດເປັນສິນຄ້າຕາມທ່າແຮງຂອງແຕ່ລະຂະແໜງການ ​ແລະ ​ແຕ່ລະ​ທ້ອງ​ຖິ່ນ, ມີການປັບປຸງ​ການຄຸ້ມຄອງ ແລະ ສົ່ງ​ເສີມການຜະລິດສິນຄ້າ​ເພື່ອ​ຊົມ​ໃຊ້​ພາຍ​ໃນ ​ແລະ ສົ່ງອອກເພື່ອສ້າງລາຍຮັບແຫ່ງຊາດໃຫ້ເພີ່ມຂຶ້ນ, ເອົາໃຈໃສ່ແກ້ໄຂການເຄື່ອນໄຫວທຸລະກິດ, ການບໍລິການ, ການແບ່ງຂັ້ນຄຸ້ມຄ່ອງ ແລະ ການປະສານງານ ລະຫວ່າງສູນກາງພັກ ທ້ອງຖິ່ນໃຫ້ມີຄວາມກົມກຽວຫຼາຍຂຶ້ນ, ກົນ​ໄກ​ການ​ບໍລິຫານ​ທີ່​ມີຫຼາຍ​ຂອດ​ຫຼາຍ​ຂັ້ນ​ເລີ່​ມມີ​ການ​ປັບປຸງ​ແກ້​ໄຂ; ສຸມໃສ່ແກ້ໄຂໜີ້ສິນສາທາ ລະນະ, ​ເລັ່ງປັບປຸງລັດວິສາຫະກິດຈຳນວນໜຶ່ງ ເຮັດໃຫ້ການດໍາເນີນທຸລະກິດມີປະສິດທິຜົນດີຂຶ້ນ, ລວມທັງເອົາໃຈໃສ່ສະກັດກັ້ນ ແລະ ແກ້ໄຂການຮົ່ວໄຫຼຂອງງົບປະມານຢ່າງເຂັ້ມງວດ; ຄຸ້ມຄອງການປະຕິບັດລະບຽບລາຍຈ່າຍບໍລິຫານ ກໍ່ຄືການລົງທຶນຂອງລັດຢ່າງມີຈຸດສຸມ ແນໃສ່ສ້າງການຫັນປ່ຽນທີ່ແທ້ຈິງໃນຊຸມປີຕໍ່ໜ້າ.

- Wave100S AD to Website 2020 0 - ຜົນສຳເລັດ ຂອງກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 11 ສະໄໝທີ X

(2). ການກະກຽມກອງປະຊຸມສະໄມສາມັນເທື່ອທີ 10 ຂອງສະພາແຫ່ງຊາດ ຊຸດທີ VIII ແລະ ການກະກຽມດໍາເນີນການເລືອກຕັ້ງສະມາຊິກສະພາແຫ່ງຊາດ ຊຸດທີ IX; ສະພາ​ປະຊາຊົນ​ແຂວງ​ ຊຸດ​ທີ່II. ກອງປະຊຸມເປັນເອກະພາບສູງ ທີ່ຖືເອົາບັ້ນເລືອກຕັ້ງໃນຄັ້ງນີ້ ເປັນເຫດການການເມືອງສໍາຄັນຂອງປະເທດຊາດ ໃນການສືບຕໍ່ສ້າງ ແລະ ບູລະນະລະບອບປະຊາທິປະໄຕປະຊາຊົນ ໃຫ້ໜັກແໜ້ນ, ເຂັ້ມແຂງ ແລະ ບັນລຸອຸດົມການ ກໍ່ຄືທາດແທ້ ຂອງລັດ ທີ່ມາຈາກປະຊາຊົນ, ໂດຍປະຊາຊົນ ແລະ ເພື່ອຜົນປະໂຫຍດ ຂອງປະຊາຊົນ ຢ່າງແທ້ຈິງ.ທັງ​ນັ້ນ​ກໍ່​ເພື່ອ​ແນ່​ໃສ່ສ້າງການຫັນປ່ຽນທີ່ແຂງແຮງ ​ແລະ ​ເລິກ​ເຊິ່ງໃນການຍົກສູງປະສິດທິພາບການເຄື່ອນໄຫວ ປະຕິບັດພາລະບົດບາດ, ໜ້າທີ່ ຂອງສະພາແຫ່ງຊາດ ແລະ ສະພາປະຊາຊົນແຂວງ ໃນເງື່ອນໄຂໃໝ່ ​ໃຫ້​ພົ້ນ​ເ​ດັ່ນຂຶ້ນ​ຕື່ມ.

- 88 300x200 - ຜົນສຳເລັດ ຂອງກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 11 ສະໄໝທີ X

(3). ກອງປະຊຸມໄດ້ປະກອບຄໍາເຫັນໃສ່ຮ່າງ​ລາຍ​ງານ​ການ​ເມືອງ ທີ່ຈະສະເໜີຕໍ່ກອງ​ປະ​ຊູ​ມ​ໃຫຍ່ ຄັ້ງ​ທີ XI ຂອງ​ພັກ. ​​ໂດຍເນັ້ນ​ໜັກໃສ່ບັນ​ຫາທີ່​ເປັນທັດ​ສະ​ນະ​ພື້ນ​ຖານ, ລັກສະນະນໍາໜ້າຂອງພັກ, ການເຕົ້າໂຮມຄວາມສາມັກຄີເປັນປຶກແຜ່ນ, ບັນຫາການຍຶດໝັ້ນ ແລະ ຜັນຂະຫຍາຍແນວທາງປ່ຽນແປງໃໝ່, ບັນຫາການປົກປັກຮັກສາໝາກຜົນຂອງການປະຕິວັດ, ສ້າງການຫັນປ່ຽນໃໝ່ໃນການພັດທະນາ, ການຍົກສູງຄຸນນະພາບຊີວິດຂອງປະຊາຊົນ, ການນຳ​ເອົາປະເທດຊາດຫຼຸດພົ້ນອອກຈາກຄວາມດ້ອຍພັດທະນາ ແລະ ກ້າວຂຶ້ນສູ່ຈຸດໝາຍສັງຄົມນິຍົມ.

(4). ກອງປະຊຸມຍັງໄດ້ສຸມໃສ່ຄົ້ນຄວ້າ, ປຶກສາຫາຫຼື ແລະ ໃຫ້ທິດຊີ້ນຳຕໍ່ ການປັບປຸງຮ່າງກົດລະບຽບ ຂອງພັກປະຊາຊົນປະຕິວັດລາວ ສະໄໝ່ທີ່ XI, ຂໍ້​ຕົກລົງວ່າດ້ວຍລະບອບ ແລະ ແບບແຜນວິທີເຮັດວຽກຂອງຄະນະບໍລິຫານງານສູນກາງພັກ, ກົມການເມືອງສູນກາງພັກ ແລະ ຄະນະເລຂາທິການສູນກາງພັກ ໃຫ້ສອດຄ່ອງ ​ແລະ ຮັບປະກັນ​ຫຼັກການ​ນຳພາ​ຂອງ​ພັກ​ໃນສະພາບການໃໝ່, ຕີ​ລາຄາ ​ແລະ ​ໃຫ​້ການ​ຊີ້​ນຳ ການ​ສຶບຕໍ່​ກະ​ກຽມ, ດໍາ​ເນີນ​ກອງ​ປະຊຸມ​ໃຫຍ່ ອົງຄະ​ນະ​ພັກ​ຂັ້ນ​ຕ່າງໆ ​ແລະ ກອງ​ປະຊຸມ​ໃຫຍ່​ ຄັ້ງ​ທີ່ XI ຂອງ​ພັກ ຮັບປະກັນເຮັດໃຫ້ພັກມີຄວາມປອດໃສ-ເຂັ້ມແຂງ ແລະ ໜັກແໜ້ນ.

- WhatsApp Image 2020 05 27 at 5 - ຜົນສຳເລັດ ຂອງກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 11 ສະໄໝທີ X
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!