ນໍ້າຖ້ວມຢູ່ຫວຽດນາມ-ກຳປູເຈຍ ຂ້າຊີວິດປະຊາຊົນເກືອບ 100 ຄົນ

ນໍ້າຖ້ວມຢູ່ຫວຽດນາມ-ກຳປູເຈຍ ຂ້າຊີວິດປະຊາຊົນເກືອບ 100 ຄົນ -                                                                                                                                        100           - ນໍ້າຖ້ວມຢູ່ຫວຽດນາມ-ກຳປູເຈຍ ຂ້າຊີວິດປະຊາຊົນເກືອບ 100 ຄົນ
ນໍ້າຖ້ວມຢູ່ຫວຽດນາມ-ກຳປູເຈຍ ຂ້າຊີວິດປະຊາຊົນເກືອບ 100 ຄົນ - Untitled design - ນໍ້າຖ້ວມຢູ່ຫວຽດນາມ-ກຳປູເຈຍ ຂ້າຊີວິດປະຊາຊົນເກືອບ 100 ຄົນ

ສໍານັກງານ​ແກ້​ໄຂ​​ໄພພິບັດ​ຂອງ​ຫວຽດນາມ​ລາຍ​ງານ​ວ່າ: ຝົນຕົກ​ຢ່າງ​ໜັກ​ໃນ​ເຂດ​ພາກ​ກາງ​ຕິດ​ຕໍ່​ກັນ​ມາ​ເປັນ​ເວລາ 1 ອາທິດ​ແລ້ວ ​ແລະ ມີ​ຜູ້​ເສຍ​ຊີວິດ​ຢ່າງ​ໜ້ອຍ 64 ຄົນ ຈາກ​ນ້ຳຖ້ວມ ​ແລະ ດິນ​ເຈື່ອນ ​ໃນ​ຂະນະ​ທີ່​ມີ​ຄວາມ​ກັງວົນ​ວ່າ: ​ແມ່ນ້ຳຫລາຍ​ສາຍ​ຈະ​ມີ​ປະລິມານ​ນ້ຳ​ເພີ່ມ​ຂຶ້ນອີກ. ກ່ອນ​ໜ້າ​ນີ້​ບໍ່​ເທົ່າ​ໃດ​ມື້ ​ເຈົ້າໜ້າ​ທີ່​ກູ້​ໄພ 13 ຄົນ​ເສຍ​ຊີວິດ​ຫລັງ​ຈາກ​ພະຍາຍາມ​ແຕ່​ບໍ່​ປະສົບ​ຜົນສຳ​ເລັດ​ໃນ​ການ​ຊ່ວຍ​ເຫລືອ​ກຳມະກອນ​ຂອງ​ໂຮງ​ໄຟຟ້າ​ພະລັງ​ນ້ຳ​ແຫ່ງ​ໜຶ່ງ​ທີ່​ຖືກ​ດິນ​ເຈື່ອນ​ທັບ, ​ເຈົ້າໜ້າ​ທີ່​ພົບ​ສົບ​ຂອງ​ກຳມະກອນ​ຂອງ​ໂຮງ​ໄຟຟ້າ 2 ຄົນ, ​ແຕ່​ອີກ 15 ຄົນ​ຍັງ​ສູນຫາຍ. ລະດັບ​ນ້ຳ​ໃນ​ແມ່ນ້ຳຂອງ​ແຂວງ​ກວາງ​ຕິ​ຂຶ້ນສູງ​ສຸດ​ໃນ​ຮອບ 20 ປີ ​ເຈົ້າໜ້າ​ທີ່​ແກ້​ໄຂ​ໄພພິບັດ​ໄດ້​ຍົກ​ລະດັບ​ຄຳ​ເຕືອນ​ຄວາມ​ສ່ຽງ​ຂຶ້ນສູງ​ເປັນອັນ​ດັບ 2 ​ໃນ​ວັນ​ທີ 18 ຕຸລາ ​ໂດຍ​ເຕືອນ​ເລື່ອງ​ນ້ຳຖ້ວມ ​ແລະ ດິນ​ເຈື່ອນ.

ຢູ່​ຫວຽດນາມ ຝົນຕົກ​ໜັກ​ຈົນ​ເກີດ​ນ້ຳຖ້ວມ​ຄັ້ງຮຸນ​ແຮງ​ທີ່​ສຸດ​ໃນ​ຮອບ​ຫລາຍ​ປີ. ຫລ້າ​ສຸດ ​ໄດ້​ເກີ​ດດິນ​ເຈື່ອນ​ທັບ​ຄ້າຍ​ທະຫານ​ຢູ່​ແຂວງ​ກວາງຕິ ທາງ​ຕອນ​ກາງຂອງ​ປະ​ເທດ ​ເຮັດ​ໃຫ້​ທະຫານ​ເສຍ​ຊີວິດ 11 ຄົນ, ສູນຫາຍ 11 ຄົນ ທີ​ມຄົ້ນຫາ​ກຳລັງ​ຕິດຕາມ​ຄົ້ນຫາ ​ແລະ ຄາດ​ວ່າ​ຈະ​ເກີດ​ດິນ​ເຈື່ອນ​ອີກ.

 

ນໍ້າຖ້ວມຢູ່ຫວຽດນາມ-ກຳປູເຈຍ ຂ້າຊີວິດປະຊາຊົນເກືອບ 100 ຄົນ - Wave100S AD to Website 2020 0 - ນໍ້າຖ້ວມຢູ່ຫວຽດນາມ-ກຳປູເຈຍ ຂ້າຊີວິດປະຊາຊົນເກືອບ 100 ຄົນ

ສ່ວນ​ຢູ່ກຳ​ປູ​ເຈຍ ຝົນ​ທີ່​ຕົກລົງ​ມາ​ຢ່າງ​ຕໍ່​ເນື່ອງ​ເຮັດ​ໃຫ້​ເກີດ​ນ້ຳຖ້ວມ​ຢູ່ 19 ​ແຂວງ ​ແລະ ​ເມືອງ ລວມທັງ​ນະຄອນຫລວງ​ພະນົມ​ເປັນ​ຂອງ​ກຳປູ​ເຈຍ, ​ເຮືອນ​ເກືອບ 60.000 ຫລັງ​ຕ້ອງ​ຈົມ​ຢູ່​ໃຕ້​ນ້ຳ, ​ເນື້ອທີ່​ກະສິກຳ​ປະມານ 1,5 ລ້ານ​ໄລ່ ​ໄດ້​ຮັບ​ຄວາມ​ເສຍ​ຫາຍ, ປະຊາຊົນ​ອີກ​ເກືອບ 250.000 ຄົນ​ໄດ້​ຮັບ​ຄວາມ​ເດືອດຮ້ອນ, ຄອບຄົວ​ເກືອບ 8.000 ຄົວ​ເຮືອນ​ຕ້ອງ​ອົບ​ພະຍົບອອກ​ຈາກ​ເຮືອນ, ຕົວ​ເລກ​ຜູ້​ເສຍ​ຊີວິດ​ຈາກ​ໄພ​ທຳ​ມະ​ຊາດ​ຄັ້ງນີ້​ຫລ້າ​ສຸດ​ມີ​ຢ່າງ​ໜ້ອຍ 24 ຄົນ, ລັດຖະບານ​ກຳປູ​ເຈຍ​ເລັ່ງ​ແຈກ​ເຄື່ອງ​ບັນ​ເທົາ​ທຸກ​ໃຫ້​ຜູ້​ປະສົບ​ໄພ ທ່າມກາງ​ການ​ຄາດ​ການ​ວ່າ: ຝົນ​ຈະ​ຕົກ​ຕໍ່​ເນື່ອງ​ຄວບ​ຄຸມພື້ນທີ່​ສ່ວນ​ໃຫຍ່​ຂອງ​ປະ​ເທດ.

ນໍ້າຖ້ວມຢູ່ຫວຽດນາມ-ກຳປູເຈຍ ຂ້າຊີວິດປະຊາຊົນເກືອບ 100 ຄົນ - WhatsApp Image 2020 05 27 at 5 - ນໍ້າຖ້ວມຢູ່ຫວຽດນາມ-ກຳປູເຈຍ ຂ້າຊີວິດປະຊາຊົນເກືອບ 100 ຄົນ
ນໍ້າຖ້ວມຢູ່ຫວຽດນາມ-ກຳປູເຈຍ ຂ້າຊີວິດປະຊາຊົນເກືອບ 100 ຄົນ - WhatsApp Image 2020 05 27 at 5 - ນໍ້າຖ້ວມຢູ່ຫວຽດນາມ-ກຳປູເຈຍ ຂ້າຊີວິດປະຊາຊົນເກືອບ 100 ຄົນ
error: Alert: ເນື້ອຫາຂ່າວມີລິຂະສິດ !!