ຄວນເລີກໄດ້ແລ້ວ ເອົາຄົນຫູໜວກຟັງເພງ ຕາບອດເບິ່ງຟ້ອນ

ຄວນເລີກໄດ້ແລ້ວ ເອົາຄົນຫູໜວກຟັງເພງ ຕາບອດເບິ່ງຟ້ອນ - Time fo an Adventure 2020 10 19T144839 - ຄວນເລີກໄດ້ແລ້ວ ເອົາຄົນຫູໜວກຟັງເພງ ຕາບອດເບິ່ງຟ້ອນ
ຄວນເລີກໄດ້ແລ້ວ ເອົາຄົນຫູໜວກຟັງເພງ ຕາບອດເບິ່ງຟ້ອນ - Untitled design - ຄວນເລີກໄດ້ແລ້ວ ເອົາຄົນຫູໜວກຟັງເພງ ຕາບອດເບິ່ງຟ້ອນ

ໂດຍ: ລູກເມືອງພວນ
“ເອົາຄົນຫູໜວກຟັງເພງ ເອົາຄົນຕາບອດເບິ່ງຟ້ອນ” ທີ່ວ່ານີ້ ແມ່ນຢາກໝາຍເຖິງ ການນຳໃຊ້ຄົນບໍ່ຖືກເປົ້າໝາຍ ບໍ່ຖືກກັບວິຊາສະເພາະ ວິຊາການທີ່ຮຽນມາ. ຮຽນອັນໜຶ່ງ ແຕ່ມາເຮັດອັນໜຶ່ງທີ່ບໍ່ແມ່ນວິຊາສະເພາະຂອງຕົນຮຽນມາ.
ປາກົດການດັ່ງກ່າວສາມາດເວົ້າໄດ້ວ່າ ເປັນສິ່ງກີດຂວາງຄວາມກ້າວໜ້າຂອງວຽກງານບໍ່ໜ້ອຍ, ການພັດທະນາຈະຊັກຊ້າອືດອາດ ອັນເນື່ອງມາຈາກການບໍ່ຖານັດໃນໜ້າທີ່ວຽກງານ ທັງເຮັດ ທັງຖອດຖອນບົດຮຽນໄປນຳ, ເຖິງແມ່ນຈະເຮັດໄດ້ ແຕ່ຄຸນນະພາບວຽກງານບໍ່ສູງ.
ພວກເຮົາເຫັນທຸກວັນນີ້ແມ່ນມີຫຼາຍຢູ່ໃນການຈັດຕັ້ງຂອງພັກ- ລັດ ໂດຍອ້າງວ່າຂາດຄົນ ກໍເລີຍບັນຈຸເຂົ້າໄປພໍໃຫ້ມີຄົນ ໂດຍບໍ່ຄຳນຶງເຖິງຜົນກະທົບເສຍຫາຍທີ່ຕາມມາ ຄືທຸກວັນນີ້. ຈຶ່ງກາຍເປັນອັນທີ່ເອີ້ນກັນວ່າ “ຄົນເຫຼືອບໍ່ພໍ”.
ພຽງແຕ່ຄຳວ່າ “ຄົນເຫຼືບໍ່ພໍ” ກໍສໍ່ສະແດງໃຫ້ເຫັນວ່າວຽກງານບໍ່ມີຄຸນນະພາບແລ້ວ. ການທີ່ຄົນເຫຼືອບໍ່ພໍ ກໍມີຫຼາຍສາເຫດເຊັ່ນ: ຂາດວິຊາສະເພາະທີ່ຕ້ອງການ, ຄົນເຈົ້າ ຄົນຂ້ອຍຝາກ, ຍ້ອນຊື້ຈ້າງເພື່ອໃຫ້ໄດ້ເຂົ້າເຮັດວຽກ…ກົງຈັກການຈັດຕັ້ງໃຫ່ຍໂຕ ແຕ່ການເຮັດວຽກບໍ່ມີຜົນສຳເລັດພໍເທົ່າໃດ ຈຶ່ງກາຍເປັນອັນວ່າ ” ຄົນເຫຼືອ ບໍ່ພໍ”.
” ຄົນເຫຼືອບໍ່ພໍ” ມີຄວາມໝາຍວ່າ ຄົນແມ່ນມີຫຼາຍ ແຕ່ບາດມອບວຽກໃຫ້ເຮັດ, ເຮັດບໍ່ໄດ້, ເຮັດບໍ່ເປັນ, ເຮັດບໍ່ຖືກ, ເຮັດບໍ່ມີຄວາມຮັບຜິດຊອບ, ເຮັດພໍແລ້ວຕີນແລ້ວມື ປະສິດທິພາບບໍ່ສູງ…
ຄົນສ່ວນຫຼາຍທີ່ສັງກັດຢູ່ໃນການຈັດຕັ້ງພັກ- ລັດແມ່ນມີລັກສະນະ ” ບວດເອົາ ” . ບວດເອົາໝາຍຄວາມວ່າແນວໃດ? ບວດເອົາກໍໝາຍຄວາມວ່າ ຮຽນຄືນໃໝ່ວຽກທີ່ບໍ່ແມ່ນວິຊາສະເພາະຂອງຕົນຮຽນມາ, ທັງເຮັດ ທັງຮຽນ ໂດຍບໍ່ໄດ້ຜ່ານໂຄງການຫຼັດສູດໃນສະຖາບັນການສຶກສາ ແລະ ບໍ່ມີໃບປາດາສະນີຍະບັດຮັບຮອງ ຈຶ່ງກາຍເປັນອັນວ່າ “ເອົາຄົນຫູໜວກຟັງເພງ, ເອົາຄົນຕາບອດເບິ່ງຟ້ອນ”.
ຄຳວ່າ “ເອົາຄົນຫູໜວກຟັງເພງ, ເອົາຄົນຕາບອດເບິ່ງຟ້ອນ” ລອງສຳນຶກເບິ່ງວ່າ ເຂົາຈະມີຄວາມຮູ້ສຶກແນວໃດ? ຮູ້ມ່ວນ, ຮູ້ງາມແນວໃດ? ອັນນີ້ ມັນເປັນການຝືນກົດເກນ ທີ່ບໍ່ມີໃຜເຮັດ. ຖ້າຫາກຍັງຝືນດື້ເຮັດຕໍ່ໄປຄົງຈະສ້າງຜົນກະທົບຕໍ່ການພັດທະນາໜ້າທີ່ວຽກງານບໍ່ໜ້ອຍ.
ເຖິງເວລາແລ້ວ ທີ່ພວກເຮົາຄວນຢຸດຕິບັນຫາດັ່ງກ່າວ ຖ້າຢາກໃຫ້ປະເທດຊາດຈະເລີນກ້າວໜ້າກໍຄວນເລືອກເອົາ ແລະ ຊັບຊ້ອນຄົນໃຫ້ຖືກກັບວິຊາສະເພາະທີ່ຮຽນມາ ຈຶ່ງຈະມີຄຸນນະພາບ ປະເທດຊາດຈຶ່ງຈະເລີນ, ເຂຫ້ມແຂງໄດ້.

ຄວນເລີກໄດ້ແລ້ວ ເອົາຄົນຫູໜວກຟັງເພງ ຕາບອດເບິ່ງຟ້ອນ - Wave100S AD to Website 2020 0 - ຄວນເລີກໄດ້ແລ້ວ ເອົາຄົນຫູໜວກຟັງເພງ ຕາບອດເບິ່ງຟ້ອນ
ຄວນເລີກໄດ້ແລ້ວ ເອົາຄົນຫູໜວກຟັງເພງ ຕາບອດເບິ່ງຟ້ອນ - WhatsApp Image 2020 05 27 at 5 - ຄວນເລີກໄດ້ແລ້ວ ເອົາຄົນຫູໜວກຟັງເພງ ຕາບອດເບິ່ງຟ້ອນ
ຄວນເລີກໄດ້ແລ້ວ ເອົາຄົນຫູໜວກຟັງເພງ ຕາບອດເບິ່ງຟ້ອນ - WhatsApp Image 2020 05 27 at 5 - ຄວນເລີກໄດ້ແລ້ວ ເອົາຄົນຫູໜວກຟັງເພງ ຕາບອດເບິ່ງຟ້ອນ
error: Alert: ເນື້ອຫາຂ່າວມີລິຂະສິດ !!