ສ້ອມແປງ ເສັ້ນທາງ ເຂົ້າບ້ານນາເກັງ ແລະ ບ້ານເອ້ ແຂວງສະຫວັນນະເຂດ

ສ້ອມແປງ ເສັ້ນທາງ ເຂົ້າບ້ານນາເກັງ ແລະ ບ້ານເອ້ ແຂວງສະຫວັນນະເຂດ - 300 - ສ້ອມແປງ ເສັ້ນທາງ ເຂົ້າບ້ານນາເກັງ ແລະ ບ້ານເອ້ ແຂວງສະຫວັນນະເຂດ
ສ້ອມແປງ ເສັ້ນທາງ ເຂົ້າບ້ານນາເກັງ ແລະ ບ້ານເອ້ ແຂວງສະຫວັນນະເຂດ - Untitled design - ສ້ອມແປງ ເສັ້ນທາງ ເຂົ້າບ້ານນາເກັງ ແລະ ບ້ານເອ້ ແຂວງສະຫວັນນະເຂດ

ເມື່ອບໍ່ດົນມານີ້, ທ່ານ ປະສົງສິນ ຈະເລີນສຸກ ເຈົ້າເມືອງອຸທຸມພອນ ແຂວງສະຫວັນນະເຂດ ພ້ອມດ້ວຍພາກສ່ວນທີ່ກ່ຽວຂ້ອງ ໄດ້ລົງໄປຕິດຕາມເບິ່ງສະພາບເສັ້ນທາງ ແຕ່ທາງແວ່ທາງເລກທີ 10 ເຂົ້າຫາບ້ານນາເກັງ ແລະ ບ້ານເອ້ ທີ່ເຫັນວ່າເປ່ເພ, ເສຍຫາຍ ແລະ ມີຄວາມຫຍຸ້ງຍາກໃນການສັນຈອນໄປ-ມາສົມຄວນ. ຖ້າຫາກວ່າມື້ໃດຝົນຕົກ ລົດໃຫຍ່ແມ່ນບໍ່ສາມາດສັນຈອນໄປ-ມາ ລະຫວ່າງ ສອງບ້ານ ເນື່ອງຈາກວ່່າເປັນບວກເປັນຂຸມເລິກ ເຮັດໃຫ້ພໍ່ແມ່ປະຊາຊົນພາຍໃນສອງບ້ານ ລວມທັງເຂດໃກ້ຄຽງ ພົບກັບຄວາມຫຍຸ້ງຍາກໃນການໃຊ້ເສັ້ນທາງດັ່ງກ່າວ.

ທ່ານ ພັນມະຫາ ແກ້ວນິນ ຫົວໜ້າຫ້ອງການໂຍທາທິການ-ຂົນສົ່ງເມືອງອຸທຸມ ພອນ ລາຍງານໃຫ້ຮູ້ວ່າ: ເສັ້ນທາງດັ່ງກ່າວນັບຕັ້ງແຕ່ທາງເລກທີ 10 ແວ່ເຂົ້າຫາບ້ານນາເກັງ ມີຄວາມຍາວ 2 ກິໂລແມັດ ແລະ ຈາກບານນາເກັງ ໄປຫາ ບ້ານເອ້ ຍາວ 3,5 ກິໂລແມັດ ລວມເປັນ 5,5 ກິໂລແມັດ ໂດຍຈະໄດ້ຖົມຈຸດທີ່ເປັນບວກເປັນຂຸມ, ເຂດພື້ນທີ່ຕ່ຳ ແລະ ວາງທໍ່ໃໝ່ 5 ຈຸດ ເຊິ່ງຄາດວ່າມູນຄ່າການສ້ອມແປງເບື້ອງຕົ້ນປະມານ 500 ລ້ານກີບ.

ຜ່ານການລົງກວດກາຕົວຈິງ, ທ່ານ ປະສົງສິນ ຈະເລີນສຸກ ໄດ້ເນັ້ນໃຫ້ນາຍບ້ານນາເກັງ ແລະ ບ້ານເອ້ ວ່າ: ກ່ອນຈະມີການສ້ອມແປງຄືນ ຢາກໃຫ້ລະດົມປະຊາຊົນພາຍໃນບ້ານຕົນເອງສ້າງຂະບວນການອອກແຮງງານລວມ ເພື່ອແປງເສັ້ນທາງບ່ອນໃດທີ່ເປັນບວກເປັນຂຸມ ເພື່ອໃຫ້ສາມາດທຽວໄປມາໄດ້ສະດວກເສຍກ່ອນ ໂດຍບໍ່ໃຫ້ຄອງຄອຍງົບປະມານຂອງລັດ. ຕາມແຜນແລ້ວ, ທາງອຳນາດການປົກຄອງເມືອງ ແມ່ນໄດ້ເອົາເສັ້ນທາງດັ່ງກ່າວ ຈັດເປັນບູລິມະສິດເຂົ້າໃນການສ້ອມແປງໃນປີ 2021 ລໍຖ້າແຕ່ຂັ້ນເທິງອະນຸມັດເທົ່ານັ້ນ.

ສ້ອມແປງ ເສັ້ນທາງ ເຂົ້າບ້ານນາເກັງ ແລະ ບ້ານເອ້ ແຂວງສະຫວັນນະເຂດ - Wave100S AD to Website 2020 0 - ສ້ອມແປງ ເສັ້ນທາງ ເຂົ້າບ້ານນາເກັງ ແລະ ບ້ານເອ້ ແຂວງສະຫວັນນະເຂດ
ສ້ອມແປງ ເສັ້ນທາງ ເຂົ້າບ້ານນາເກັງ ແລະ ບ້ານເອ້ ແຂວງສະຫວັນນະເຂດ - WhatsApp Image 2020 05 27 at 5 - ສ້ອມແປງ ເສັ້ນທາງ ເຂົ້າບ້ານນາເກັງ ແລະ ບ້ານເອ້ ແຂວງສະຫວັນນະເຂດ
ສ້ອມແປງ ເສັ້ນທາງ ເຂົ້າບ້ານນາເກັງ ແລະ ບ້ານເອ້ ແຂວງສະຫວັນນະເຂດ - WhatsApp Image 2020 05 27 at 5 - ສ້ອມແປງ ເສັ້ນທາງ ເຂົ້າບ້ານນາເກັງ ແລະ ບ້ານເອ້ ແຂວງສະຫວັນນະເຂດ
error: Alert: ເນື້ອຫາຂ່າວມີລິຂະສິດ !!