ປີນີ້ເສດຖະກິດນະຄອນຫລວງຈະຂະຫຍາຍຕົວໃນລະດັບ 10,3%

- 18922716 1862252574100230 6270063058498414147 o - ປີນີ້ເສດຖະກິດນະຄອນຫລວງຈະຂະຫຍາຍຕົວໃນລະດັບ 10,3%
- AGL banner - ປີນີ້ເສດຖະກິດນະຄອນຫລວງຈະຂະຫຍາຍຕົວໃນລະດັບ 10,3%

ຫົວໜ້າພະແນກແຜນການ ແລະ ການລົງທຶນນະຄອນຫລວງວຽງຈັນ ໄດ້ລາຍງານຕໍ່ກອງປະຊຸມສະໄໝສາມັນເທື່ອທີ 3 ຂອງສະພາປະຊາຊົນນະຄອນຫລວງວຽງຈັນຊຸດທີ I ທີ່ພວມດໍາເນີນໃນປັດຈຸບັນນີ້ວ່າ: ການຂະຫຍາຍຕົວທາງດ້ານເສດຖະກິດຂອງນະຄອນຫລວງວຽງຈັນປີ 2017 ຄາດວ່າຈະຢູ່ໃນລະດັບ 10,3%, ລວມຍອດຜະລິດຕະພັນພາຍໃນ (GDP) ຈະບັນລຸໄດ້ເຖິງ 41.379 ຕື້ກີບ, ສະເລ່ຍລາຍໄດ້ປະມານ 5 ພັນກວ່າໂດລາສະຫະລັດຕໍ່ຄົນຕໍ່ປີ. ໃນນີ້ຂົງເຂດກະສິກໍາ-ປ່າໄມກວມເອົາ 15,58%, ອຸດສະຫະກໍາ 46,31% ແລະ ບໍລິການ 38,12% ຂອງ GDP.

ທ່ານຫົວໜ້າພະແນກດັ່ງກ່າວ ໃຫ້ຮູ້ວ່າ: ໃນໄລຍະ 6 ເດືອນຜ່ານມາ, ສາມາດເກັບລາຍຮັບໄດ້ປະມານ 390 ຕື້ກວ່າກີບເທົ່າກັບ 35% ຂອງແຜນການປີ. ສ່ວນສະພາບການລົງທຶນມີມູນຄ່າຫລາຍກວ່າ 20.750 ຕື້ກີບ, ໃນນີ້ການລົງທຶນຂອງລັດມີ 363 ໂຄງການ, ເອກະຊົນ 1.686 ໂຄງການ, ອັນພົ້ນເດັ່ນແມ່ນສາມາດດຶງດູດເອົານັກລົງທຶນມາສໍາຫລວດ ແລະ ສືກສາຄວາມເປັນໄປໄດ້ໃນ 2 ໂຄງການພັດທະນາພື້ນຖານໂຄງລ່າງຂະໜາດໃຫຍ່ຄື: ໂຄງການກໍ່ສ້າງເສັ້ນທາງຄູ່ຂະໜານແຕ່ສູນການຄ້າລາວໄອເຕັກ-ຫົວຂົວ-ໜອງໜ່ຽງ-ດົງໝາກຄາຍໃນໄລຍະທາງຍາວ 14 ກວ່າກິໂລແມັດ, ມີມູນຄ່າກໍ່ສ້າງປະມານ 1.600 ຕື້ກີບ ແລະ ໂຄງການກໍ່ສ້າງເສັ້ນທາງ ແລະ ຂົວຂ້າມນໍ້າງື່ມຢູ່ຈຸດບ້ານທ່າດອກຄໍາ-ບ້ານດວງບຸດດີ, ເມືອງໄຊທານີ ໃນມູນຄ່າຫລາຍກວ່າ 260 ຕື້ກີບ. ນອກຈາກນີ້ຍັງມືນັກລົງທຶນທັງພາຍໃນ ແລະ ຕ່າງປະເທດຈໍານວນໜຶ່ງມີຄວາມສົນໃຈສໍາປະທານທີ່ດິນເພື່ອລົງທຶນປູກໝາກພ້າວຫອມຢູ່ເຂດເມືອງຫາດຊາຍຟອງ, ໂຄງການພັດທະນາແຫລ່ງທ່ອງທ່ຽວໜອງນາແຊງ, ໂຄງການພັດທະນາບຶງໜອງທອງ ແລະ ຫົວຫ້າ ເພື່ອປູກພືດປອດສານພິດ ແລະ ບໍລິການການທ່ອງທ່ຽວ ເຂດເມືອງຫາດຊາຍຟອງເຊັ່ນກັນ.

- Wave100S AD to Website 2020 0 - ປີນີ້ເສດຖະກິດນະຄອນຫລວງຈະຂະຫຍາຍຕົວໃນລະດັບ 10,3%
- WhatsApp Image 2020 05 27 at 5 - ປີນີ້ເສດຖະກິດນະຄອນຫລວງຈະຂະຫຍາຍຕົວໃນລະດັບ 10,3%
- WhatsApp Image 2020 05 27 at 5 - ປີນີ້ເສດຖະກິດນະຄອນຫລວງຈະຂະຫຍາຍຕົວໃນລະດັບ 10,3%
- WhatsApp Image 2020 05 27 at 5 - ປີນີ້ເສດຖະກິດນະຄອນຫລວງຈະຂະຫຍາຍຕົວໃນລະດັບ 10,3%
- WhatsApp Image 2020 05 27 at 5 - ປີນີ້ເສດຖະກິດນະຄອນຫລວງຈະຂະຫຍາຍຕົວໃນລະດັບ 10,3%
error: Alert: Content is protected !!