ຊຽງຂວາງເລັ່ງກວດກູ້-ທຳລາຍ ລະເບີດບໍ່ທັນແຕກທີ່ຕົກຄ້າງແຕ່ປາງສົງຄາມ

ຊຽງຂວາງເລັ່ງກວດກູ້-ທຳລາຍ  ລະເບີດບໍ່ທັນແຕກທີ່ຕົກຄ້າງແຕ່ປາງສົງຄາມ -                                                                        - ຊຽງຂວາງເລັ່ງກວດກູ້-ທຳລາຍ  ລະເບີດບໍ່ທັນແຕກທີ່ຕົກຄ້າງແຕ່ປາງສົງຄາມ
ຊຽງຂວາງເລັ່ງກວດກູ້-ທຳລາຍ  ລະເບີດບໍ່ທັນແຕກທີ່ຕົກຄ້າງແຕ່ປາງສົງຄາມ - 174233 - ຊຽງຂວາງເລັ່ງກວດກູ້-ທຳລາຍ  ລະເບີດບໍ່ທັນແຕກທີ່ຕົກຄ້າງແຕ່ປາງສົງຄາມ

​ແຂວງ​ຊຽງ​ຂວາງ ​ເປັນ​ແຂວງ​ໜຶ່ງ​ທີ່​ໄດ້​ຮັບ​ຜົນ​ກະທົບ​ຈາກ​ລູກ​ລະ​ເບີດ​ບໍ່​ທັນ​ແຕກທີ່​ຕົກ​ຄ້າງ​ໃນ​ປາງ​ສົງ​ຄາມ ​ແຕ່​ປີ 1964-1973 ຢ່າງຫລວງຫລາຍ ແລະ ຢັ່ງຢາຍຢູ່ຕາມພື້ນທີ່ຕ່າງໆຂອງແຂວງ ນັບທັງເຂດຊຸມຊົນ ແລະ ຊົນນະບົດຕ່າງໆ ເປັນຕົ້ນຢູ່ຕາມພື້ນທີ່ທຳການຜະລິດ, ພື້ນທີ່ທຳມາຫາກິນ, ໄຮ່ນາ, ຮົ້ວສວນຂອງ​ປະຊາຊົນ​ເປັນ​ຈຳນວນ​ຫລາຍ ​ເຊິ່ງ​ໃນ​ໄລຍະ​ຜ່ານ​ມາມີປະ​ປະຊາຊົນທີ່ຖືກ​ເຄາະ​ຮ້າຍຈາກ​ລະ​ເບີດ​ບໍ່​ທັນ​ແຕກສະເລ່ຍ​ 50 ຄົນ​ຕໍ່​ປີ, ມາ​ຮອດ​ປັດຈຸບັນມີ 5 ຄົນ​ຕໍ່​ປີ. ຕໍ່ກັບບັນຫາດັ່ງກ່າວ, ໃນໄລຍະຜ່ານມາ ໂຄງການເກັບກູ້ລະເບີດແຫ່ງຊາດປະຈຳແຂວງຊຽງຂວາງໄດ້ສືບ​ຕໍ່ເອົາໃຈໃສ່, ຖື​ສຳຄັນ​ໃນ​ການສຳ​ຫລວດ, ກວດ​ກູ້ ​ແລະ ທຳ​ລາຍ​ລູກລະເບີດ​ທີ່​ບໍ່​ທັນ​ແຕກຢ່າງ​ເຄັ່ງ​ຂັດ ແລະ ມີຜົນສຳເລັດເປັນກ້າວໆ.

ຊຽງຂວາງເລັ່ງກວດກູ້-ທຳລາຍ  ລະເບີດບໍ່ທັນແຕກທີ່ຕົກຄ້າງແຕ່ປາງສົງຄາມ - 600 300x200 - ຊຽງຂວາງເລັ່ງກວດກູ້-ທຳລາຍ  ລະເບີດບໍ່ທັນແຕກທີ່ຕົກຄ້າງແຕ່ປາງສົງຄາມ

ຫົວໜ້າ​ໂຄງການເກັບກູ້ລະເບີດແຫ່ງຊາດ ປະຈຳແຂວງຊຽງຂວາງ ​ໃຫ້​ຮູ້​ວ່າ: ​ແຂວງ​ຊຽງ​ຂວາງ​​ໄດ້​ເລີ່​ມຈັດ​ຕັ້ງ​ປະຕິບັດການ​ສຳ​ຫລວດ, ກວດ​ກູ້ ​ແລະ ທຳລາຍ​ລະ​ເບີດ​ທີ່ບໍ່​ທັນ​ແຕກ ນັບ​ແຕ່​ປີ 1994 ​ເປັນຕົ້ນມາ, ​ຮອດ​ປັດຈຸບັນທົ່ວ​ແຂວງມີ​ທີ​ມກວດ​ກູ້ທັງໝົດ 14 ທີ​ມ, ​ໃນ​ນັ້ນ ສາມາດ​ຈັດ​ຕັ້ງ​ປະຕິບັດ​ການສຳ​ຫລວດ, ກວດ​ກູ້​ໄດ້ 55 ​ເຮັກຕາ​ຕໍ່​ປີ​ຕໍ່​ທີ​ມ ​ແລະ ສາມາດ​ຄືນ​ເນື້ອ​ທີ່​ທຳ​ການ​ຜະລິດ​ໃຫ້​ປະຊາຊົນ​ໄດ້​ທັງ​ໝົດ 8 ພັນ​ກວ່າ​ເຮັກຕາ. ພ້ອມ​ດຽວ​ກັນ​ນັ້ນ, ແຂ​ວງຊຽງ​ຂວາງ ຍັງ​ມີ​ອົງການ​ປະຕິບັດ​ງານ​ທີ່​ເຮັດ​ໜ້າ​ທີ່​ໃນ​ການ​ສຳ​ຫລວດ, ກວ​ດກູ້​ແກ້​ໄຂ​ບັນຫາ​ລະ​ເບີດ​ບໍ່​ທັນ​ແຕກທີ່​ຕົກ​ຄ້າງ ​ແລະ ການ​ຊ່ວຍ​ເຫລືອ​ຜູ້​ຖືກ​ເຄາະ​ຮ້າຍ ​ເຊິ່ງ​ເປັນ​ຜູ້​ຈັດ​ຕັ້ງ​ປະຕິບັດ​ຕົວ​ຈິງຢ່າງ​ມີ​ຄຸນ​ນະພາ​ບ ​ເປັນ​ຕົ້ນ​ໂຄງການ​ເກັບ​ກູ້​ລະ​ເບີດ​ປະຈຳ​ແຂວງ, ອົງການ​ເກັບ​ກູ້​ລະ​ເບີດ​ແມັກປະ​ຈຳ​ແຂວງ, ​ໂຄງການ​ເຈ​ມັສ (JMAS), ສະ​ມາ​ຄົມ​ຄິວ​ລາ (QLA) ​ແລະ ບໍລິສັດ​ເກັບ​ກູ້​ລະ​ເບີດອີກຈຳນວນ​ໜຶ່ງ ​ເຊິ່ງ​ໃນ​ແຕ່ລະ​ປີອົງການ​ປະຕິບັດ​ງານ​ດັ່ງກ່າວ ​ໄດ້​ມີ​ຄວາມພະຍາຍາມ​ເອົາ​ໃຈ​ໃສ່​ຈັດ​ຕັ້ງ​ປະຕິບັດ​ວຽກງານ, ກິດຈະກຳ​ຂອງ​ໂຄງການ​ແຕ່​ລະ​ພາກສ່ວນ​ສຳ​ເລັດ​ເປັນ​ຢ່າງ​ດີ.

ຊຽງຂວາງເລັ່ງກວດກູ້-ທຳລາຍ  ລະເບີດບໍ່ທັນແຕກທີ່ຕົກຄ້າງແຕ່ປາງສົງຄາມ - Wave100S AD to Website 2020 0 - ຊຽງຂວາງເລັ່ງກວດກູ້-ທຳລາຍ  ລະເບີດບໍ່ທັນແຕກທີ່ຕົກຄ້າງແຕ່ປາງສົງຄາມ

​​ຢ່າງໃດກໍຕາມ, ຫົວໜ້າ​ໂຄງການ​ດັ່ງ​ກ່າວ ບອກຕື່ມວ່າ: ການ​ປະຕິບັດວຽກງານເກັບກູ້ລະເບີດ ຍັງ​ມີ​ຂໍ້​ຫຍຸ້ງ​ຍາກ​ຫລາຍ​ດ້ານ ​ເປັນ​ຕົ້ນການ​ສຳ​ຫລວດ, ກວດ​ກູ້​ລະ​ເບີດອອກ​ຈາກ​ພື້ນ​ທີ່​ທຳ​ການ​ຜະລິດ​ຂອງ​ປະຊາຊົນ ​ແລະ ພື້ນ​ທີ່​ພັດທະນາ​ຕ່າງໆ​ ຍັງ​ບໍ່​ສາມາດ​ປະຕິບັດ​ໄດ້​ຕາມ​ຄວາມ​ຮຽກຮ້ອງ​ຕ້ອງການ​ຂອງ​ປະຊາຊົນ​, ການ​ຊ່ວຍ​ເຫລືອ​ກຸ່ມ​ເປົ້າ​ໝາຍ​ຜູ້​ຖືກ​ເຄາະ​ຮ້າຍຈາກ​ລະ​ເບີດ​ບໍ່​ທັນ​ແຕກຍັງ​ປະຕິບັດ​ໄດ້​ໜ້ອຍ, ບໍ່​ທົ່ວ​ເຖິງ ຍ້ອນ​ຂາດ​ງົບປະມານ​ສະໜັບສະໜູນ​ ໂດຍ​ສະ​ເພາະ​ການ​ພັດທະນາ​ຊີວິດ​ການ​ເປັນ​ຢູ່, ການ​ຝຶກ​ສີມື​ແຮງ​ງານ, ຊຸກຍູ້​ການ​ປະກອບ​ອາຊີບ, ການ​ຟື້ນ​ຟູ​ສຸຂະພາບຂອງ​ຜູ້​ທີ່​ໄດ້​ຮັບ​ຜົນ​ກະທົບ ​ແລະ ອື່ນໆ.

ຊຽງຂວາງເລັ່ງກວດກູ້-ທຳລາຍ  ລະເບີດບໍ່ທັນແຕກທີ່ຕົກຄ້າງແຕ່ປາງສົງຄາມ - WhatsApp Image 2020 05 27 at 5 - ຊຽງຂວາງເລັ່ງກວດກູ້-ທຳລາຍ  ລະເບີດບໍ່ທັນແຕກທີ່ຕົກຄ້າງແຕ່ປາງສົງຄາມ
error: Alert: Content is protected !!