ສະຫລຸບບັນຫາໜ້າສົນໃຈທົ່ວໂລກ ວັນທີ 19 ຕຸລາ 2020

ສະຫລຸບບັນຫາໜ້າສົນໃຈທົ່ວໂລກ ວັນທີ 19 ຕຸລາ 2020 -                                                                                                 19              2020 - ສະຫລຸບບັນຫາໜ້າສົນໃຈທົ່ວໂລກ ວັນທີ 19 ຕຸລາ 2020
ສະຫລຸບບັນຫາໜ້າສົນໃຈທົ່ວໂລກ ວັນທີ 19 ຕຸລາ 2020 - 174233 - ສະຫລຸບບັນຫາໜ້າສົນໃຈທົ່ວໂລກ ວັນທີ 19 ຕຸລາ 2020
  1. ຫລາຍ​ປະ​ເທດ​ໃນ​ເອີຣົບ​ໄດ້​ເພີ່ມ​ຂໍ້​ຈຳກັດ​ທີ່​ຮັດກຸມ​ເພື່ອ​ໃຫ້​ສາມາດ​ຄວບ​ຄຸມ​ການ​ແຜ່​ລະບາດ​ຂອງ COVID-19 ທີ່​ກຳລັງ​ທະວີ​ຄວາມ​ຮຸນ​ແຮງ​ຂຶ້ນ ​ໂດຍ​ຈະ​ມີ​ການ​ເຄີ​ຟິວ​ໃນ​ຊ່ວງ​ກາງຄືນ​ເປັນ​ເວລາ 1 ​ເດືອນ​ມີ​ຜົນ​ບັງຄັບ​ໃຊ້​ໃນ​ຫລາຍ​ເມືອງ​ຂອງ​ປະ​ເທດ​ຝຣັ່ງ. ຂະນະ​ທີ່​ອິຕາ​ລີ​ກໍ​ໄດ້​ກຳນົດ​ຂໍ້​ຈຳກັດ​ໃໝ່​ທີ່​ມີ​ຄວາມ​ເຂັ້ມງວດ​ຂຶ້ນ ​ແລະ ​ໄອ​ແລນຈະ​ປະກາດ​ເພີ່ມ​ຕື່ມ​ໃນ​ວັນ​ທີ 20 ຕຸລາ​ນີ້.

ຂະນະ​ດຽວ​ກັນ, ຢູ່​ນະຄອນຫລວງ​ປຣາກ (​ເມືອງ​ຫລວງ​ຂອງ​ສາທາລະນະ​ລັດ​ເຊັກ) ກໍ​ໄດ້ມີ​ຊາວ​ເຊັກ​ຫລາຍ​ພັນ​ຄົນ​ອອກ​ມາ​ຊຸມນຸມ​ຕໍ່ຕ້ານ​ມາດ​ຕະການ​ທີ່​ເຂັ້ມງວດ​ຂຶ້ນຈົນ​ເກີດ​ການ​ປະ​ທະ​ກັບ​ຕຳຫລວດ​ປາບ​ຈະລາຈົນ ​ເນື່ອງ​ຈາກ​ຜູ້ນຳ​ທ້ອງ​ຖິ່ນ​ທາງ​ຕອນ​ເໜືອ​ຂອງ​ອັງກິດ​ໄດ້​ປະຕິ​ເສດ​ແຜນການ​ຂອງ​ລັດຖະບານ​ໃນ​ນະຄອນຫລວງ​ລອນ​ດອນ​ກ່ຽວ​ກັບ​ການ​ກຳນົດ​ຂໍ້​ຈຳກັດ​ເຂັ້ມງວດ​ຂຶ້ນ​ໃນ​ການ​ເຂົ້າສັງຄົມ​ໂດຍ​ບໍ່​ມີ​ການ​ສະໜັບສະໜູນ​ທາງ​ການ​ເງິນ​ທີ່​ດີ​ຂຶ້ນສຳລັບ​ທຸລະ​ກິດ.

  1. ປະ​ເທດ​ຈີນ​ໄດ້​ຫລຸດ​ອອກ​ຈາກ​ຫາ​ຍະ​ນະ​ທີ່​ຮຸນ​ແຮງ​ທີ່​ສຸດ​ຄັ້ງໜຶ່ງ​ໃນ​ເສດຖະກິດ​ໂລກ ​ໂດຍ​ປະກາດ​ວ່າ: GDP ຂອງ​ຕົນ​ເພີ່ມ​ຂຶ້ນ 4,9% ​ໃນ​ໄຕ​ມາດ​ທີ 3 ​ເມື່ອປຽບທຽບ​ແບບ​ປີ​ຕໍ່​ປີ ​ໂດຍ​ການ​ນຳ​ເຂົ້າ ​ແລະ ສົ່ງ​ອອກ​ເຕີບ​ໃຫຍ່​ຢ່າງ​ໜ້າ​ປະ​ທັບ​ໃຈ​ໃນ​ເດືອນ​ກັນຍາ​ເມື່ອ​ທຽບ​ໃສ່ 12 ​ເດືອນ​ຜ່ານ​ມາ.
  2. ມີ​ທ່າ​ອ່ຽງສູງ​ທີ່ Luis Arce ຈະ​ຊະນະ​ການ​ເລືອກ​ຕັ້ງປະທານາທິບໍດີ​ຂອງ​ປະ​ເທດ​ໂບລິ​ເວ​ຍ​ໃນ​ຮອບ​ທຳ​ອິດ ​ໂດຍ​ການ​ນັບ​ຄະ​ແນນ​ເບື້ອງຕົ້ນລະບຸ​ວ່າ ຜູ້​ສະໝັກ​ຈາກ​ຝ່າຍ​ສັງຄົມ​ນິຍົມ​ຄົນ​ນີ້​ໄດ້​ຮັບ​ຄະ​ແນນ​ສຽງ​ປະມານ 52% ​ແລະ ມີ​ຄະ​ແນນ​ນຳ​ໜ້າ​ຜູ້​ທ້າ​ຊີງ​ເຖິງ 20 ຄະ​ແນນ.

Arce ​ເຄີຍ​ດຳລົງ​ຕຳ​ແໜ່​ງລັດຖະມົນຕີ​ເສດຖະກິດ​ພາຍ​ໃຕ້​ການ​ບໍລິຫານ​ຂອງ Evo Morales ອະດີດ​ປະທານາທິບໍດີ​ຝ່າຍ​ຊ້າຍ​ທີ່​ດຳລົງ​ຕຳ​ແໜ່​ງມາ​ດົນ ​ແລະ ປັດຈຸບັນ​ໄດ້​ຫລົບໜີ​ໄປ ຫລັງ​ຈາກ​ຖືກ​ກ່າວ​ຫາ​ເລື່ອງ​ການ​ເລືອກ​ຕັ້ງ​ໃນ​ປີຜ່ານມາ.

  1. ປະ​ເທດ Armenia ອ້າງ​ວ່າ Azerbaijan ​ເຮັດ​ຜິດ​ຂໍ້​ຕົກລົງ​ຢຸດ​ຍິງ​ໃນ​ເວລາ​ພຽງ 4 ນາທີ ຫລັງ​ຈາກ​ມີ​ຜົນ​ບັງຄັບ​ໃຊ້​ໃນ​ວັນ​ທີ 18 ຕຸລາ​ຜ່ານ​ມາ ​ໂດຍ​ການ​ຍິງ​ຈະ​ຫລວດ ​ແລະ ລູກປືນ​ໃນ​ພື້ນທີ່ Nagorno-Karabakh ​ເຊິ່ງສ່ວນ​ຫລາຍ​ມີ​ປະຊາກອນ​ຊາວ Armenia ​ເປັນ​ຜູ້​ຢູ່​ອາ​ໄສ ​ແຕ່​ໄດ້​ຮັບ​ການ​ຍອມຮັບ​ຢ່າງ​ເປັນ​ທາງ​ການ​ວ່າ​ເປັນ​ສ່ວນ​ໜຶ່ງ​ຂອງ​ປະ​ເທດ Azerbaijan.

ຕໍ່​ມາ Azerbaijan ກ່າວ​ຫາ​ກັບ​ວ່າ Armenia ​ໄດ້​ລະ​ເມີດ​ຂໍ້​ຕົກລົງ​ໃນ​ການ​ຢຸດ​ຮົບ ​ເມື່ອ​ບັງຄັບ​ໃຊ້​ໄດ້​ພຽງ 2 ນາທີ​ທຳ​ອິດ.

​ໂດຍ​ລວມ​ແລ້ວ ການ​ຕໍ່ສູ້​ໃນ Nagorno-Karabakh ​ໄດ້​ຂ້າ​ຊີວິດ​ຜູ້​ຄົນ​ໄປ​ຫລາຍ​ຮ້ອຍ​ຄົນ​ໃນ​ເດືອນ​ຜ່ານ​ມາ.

  1. ຜູ້​ຄົນ​ທົ່ວ​ຝຣັ່ງ​ເຂົ້າຮ່ວມ​ການ​ຊຸມນຸມ​ເພື່ອ​ລະນຶກ​ເຖິງ Samuel Paty ຄູ​ທີ່​ຖືກ​ຕັດ​ຫົວ​ ​ໃນ​ວັນ​ທີ 16 ຕຸລາ​ຜ່ານ​ມາ ຢູ່​ນະຄອນຫລວງ​ປາຣີ ​ເຊິ່ງ​ເປັນ​ສິ່ງ​ທີ່​ປະທານາທິບໍດີ Emmanuel Macron ກ່າວ​ອ້າງ​ວ່າ​ເປັນ​ການ​ໂຈມ​ຕີ​ຂອງ​ກຸ່ມ​ກໍ່​ການ​ຮ້າຍ​ອິດສະ​ລາມ (Islamist terrorist attack).

ຜູ້​ທີ່​ຂ້າ Paty ​ເປັນ​ຊາວ Chechen ອາຍຸ 18 ປີ ​ໂດຍ​ພາຍຫລັງ​ໄດ້​ຖືກ​ຕຳຫລວດ​ຍິງ​ເສຍ​ຊີວິດ ​ເຊິ່ງສາ​ເຫດ​ມາ​ຈາກ​ການ​ທີ່ Paty ​ໄດ້​ເຜີຍ​ແຜ່​ຮູບ​ກາ​ຕູນ​ຂອງສານ​ດາ​ມູຮຳ​ມັດ​ຂອງ​ສາສະໜາ​ອິດສະ​ລາມ​ໃຫ້​ນັກຮຽນ​ເບິ່ງ​ລະຫວ່າງ​ບົດຮຽນ​ເລື່ອງ​ເສລີພາບ​ໃນ​ການ​ເວົ້າ ​ແລະ ມີ​ຜູ້​ຖືກ​ຈັບ​ກຸມ​ໃນ​ຂໍ້​ຫາ​ຄາຕະກຳ​ທັງ​ໝົດ 11 ຄົນ.

ສະຫລຸບບັນຫາໜ້າສົນໃຈທົ່ວໂລກ ວັນທີ 19 ຕຸລາ 2020 - Wave100S AD to Website 2020 0 - ສະຫລຸບບັນຫາໜ້າສົນໃຈທົ່ວໂລກ ວັນທີ 19 ຕຸລາ 2020
  1. ລັດຖະມົນຕີ​ຕ່າງປະ​ເທດ​ຂອງ​ອີຣານປະ​ກາດ​ໃຫ້​ວັນ​ທີ 18 ຕຸລາ​ຜ່ານ​ມາ ​ເປັນ “Momentous Day (ວັນ​ສຳຄັນ​ຢ່າງ​ຍິ່ງ)” ຫລັງ​ຈາກ​ການ​ຂວ້ຳບາດ​ອາວຸດ​ຂອງ​ສະຫະ​ປະຊາ​ຊາດ​ສິ້ນສຸດ​ລົງ.

ການ​ຢຸດ​ລົງ​ຂອງ​ການ​ຂວ້ຳບາດ​ນີ້ ຄື​ຂໍ້​ຕົກລົງ​ນິວ​ເຄຼຍທີ່​ລົງ​ນາມ​ລະຫວ່າງ​ອີຣານ ​ແລະ ປະ​ເທດ​ມະຫາ​ອຳນາດ​ຕ່າງໆ ​ເຊິ່ງອາ​ເມ​ລິ​ກາ​ໄດ້​ຖອນ​ຕົວ​ອອກ​ໄປ​ໃນ​ປີ 2018. ຂະນະ​ທີ່​ຄວາມ​ພະຍາຍາມ​ຂອງ​ລັດຖະບານ ທຣຳ ​ໃນ​ເດືອນ​ສິງຫາ​ຜ່ານ​ມາ ​ເພື່ອ​ກະ​ຕຸ້ນ​ໃຫ້ UN ຂະຫຍາຍ​ມາດ​ຕະການ​ຂວ້ຳບາດນັ້ນບໍ່​ປະສົບ​ຜົນສຳ​ເລັດ. ສ່ວນ​ການ​ເຄື່ອນ​ໄຫວ​ທາງ​ການ​ເງິນ​ທີ່​ຮຸນ​ແຮງ​ໃນ​ປັດຈຸບັນ ອາດ​ໝາຍ​ຄວາມ​ໄດ້​ວ່າ​ອີຣານບໍ່​ອາດ​ຈະ​ທຸ້ມງົບປະມານ​ລົງ​ໃນ​ການ​ພັດທະນາ​ອາວຸດ​ໃນ​ມໍ່ໆ​ນີ້.

  1. American Airlines ມີ​ແຜນ​ໃຫ້​ຜູ້​ໂດຍສານ​ສາມາດ​ຈອງ​ຖ້ຽວ​ບິນ​ເຮືອບິນ Boeing 737 MAX ​ໄດ້​ໃນ​ທ້າຍ​ເດືອນ​ນີ້.

​ເຮືອບິນ​ລຸ້ນ 737 MAX ທັງ​ໝົດ​ຖືກ​ສັ່ງ​ໂຈະ​ການ​ໃຊ້​​ໃນ​ປີຜ່ານມາ ຫລັງ​ຈາກ​ເກີດ​ເຫດ​ຂັດຂ້ອງ 2 ຄັ້ງ ​ເຮັດ​ໃຫ້​ມີ​ຜູ້​ເສຍ​ຊີວິດ 346 ຄົນ ​ໂດຍສາ​ເຫດ​ສ່ວນ​ໜຶ່ງ​ມາ​ຈາກ​ຂໍ້​ບົກ​ຜ່ອງ​ຂອງ​ຊອບ​ແວ​ໃນ​ເຄື່ອງ. ຂະນະ​ທີ່​ສຳນັກງານ​ບໍລິຫານ​ການບິນ​ແຫ່ງ​ຊາດ (The Federal Aviation Administration) ຄາດ​ວ່າ​ຈະ​ຮັບຮອງ​ໂມ​ເດລດັ່ງກ່າວ​ວ່າ​ປອດ​ໄພ​ອີກ​ໃນຕົ້ນ​ເດືອນ​ໜ້າ.

  1. ອິດສະ​ລາ​ແອນ​ໄດ້​ເຮັດ​ພິທີ​ເພື່ອ​ການ​ພົວພັນ​ທາງ​ການ​ທູດ​ຢ່າງ​ເປັນ​ທາງ​ການ​ກັບ Behrain ​ເຊິ່ງ​ເປັນ​ສ່ວນ​ໜຶ່ງ​ຂອງ​ຂໍ້​ຕົກລົງ​ທີ່​ລັດຖະບານ​ອາ​ເມ​ລິ​ກາ ​ເຂົ້າມາ​ເປັນ​ນາຍ​ໜ້າ​ໃຫ້​ໃນ​ເດືອນ​ຜ່ານ​ມາ.

Steven Mnuchin ລັດຖະມົນຕີ​ກະຊວງ​ການ​ເງິນ​ຂອງ​ອາ​ເມ​ລິ​ກາ ຈະ​ເຂົ້າຮ່ວມ​ກັບ​ຄະນະ​ຜູ້​ແທນ​ຂອງ​ອິດສະລ​າ​ແອນ​ໃນ Manama ​ເຊິ່ງ​ເປັນ​ເມືອງ​ຫລວງ​ຂອງ Behrain ທີ່​ເປັນ​ພຽງ​ປະ​ເທດ​ທີ 2 ​ໃນ​ອ່າວ​ອາຣັບທີ່​ສ້າງ​ການ​ພົວພັນ​ທາງ​ການ​ທູດ​ກັບ​ອິດສະລາ​ແອນ ຫລັງ​ຈາກ​ສະຫະລັດ​ອາຣັບ​ເອມິ​ເຣດ​ໄດ້​ບັນລຸ​ຂໍ້​ຕົກລົງ​ເປັນ​ປະ​ເທດ​ທຳ​ອິດ​ໃນ​ເດືອນ​ສິງຫາ​ຜ່ານ​ມາ ​ເຊິ່ງ​ແນ່ນອນ​ວ່າ​ທຳນຽບຂາວ​ຂອງ​ອາ​ເມ​ລິ​ກາ​ເປັນ​ນາຍ​ໜ້າ​ໃນ​ການ​ເຈລະຈາ​ເຊັ່ນ​ດຽວ​ກັນ.

ສະຫລຸບບັນຫາໜ້າສົນໃຈທົ່ວໂລກ ວັນທີ 19 ຕຸລາ 2020 - WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກ ວັນທີ 19 ຕຸລາ 2020
error: Alert: ເນື້ອຫາຂ່າວມີລິຂະສິດ !!