6 ອົງກອນສື່ຂອງໄທ ອອກຖະແຫລງການຮ່ວມຄັດຄ້ານການປິດກັ້ນ ຫລື ຄຸກຄາມສື່ ຮຽກຮ້ອງສື່ລາຍງານຂ່າວຄົບຖ້ວນຮອບດ້ານ

6 ອົງກອນສື່ຂອງໄທ ອອກຖະແຫລງການຮ່ວມຄັດຄ້ານການປິດກັ້ນ ຫລື ຄຸກຄາມສື່ ຮຽກຮ້ອງສື່ລາຍງານຂ່າວຄົບຖ້ວນຮອບດ້ານ - 6                                                                                 - 6 ອົງກອນສື່ຂອງໄທ ອອກຖະແຫລງການຮ່ວມຄັດຄ້ານການປິດກັ້ນ ຫລື ຄຸກຄາມສື່ ຮຽກຮ້ອງສື່ລາຍງານຂ່າວຄົບຖ້ວນຮອບດ້ານ
6 ອົງກອນສື່ຂອງໄທ ອອກຖະແຫລງການຮ່ວມຄັດຄ້ານການປິດກັ້ນ ຫລື ຄຸກຄາມສື່ ຮຽກຮ້ອງສື່ລາຍງານຂ່າວຄົບຖ້ວນຮອບດ້ານ - 174233 - 6 ອົງກອນສື່ຂອງໄທ ອອກຖະແຫລງການຮ່ວມຄັດຄ້ານການປິດກັ້ນ ຫລື ຄຸກຄາມສື່ ຮຽກຮ້ອງສື່ລາຍງານຂ່າວຄົບຖ້ວນຮອບດ້ານ

ວັນ​ທີ 19 ຕຸລາ​ນີ້, 6 ອົງ​ກອນ​ວິຊາ​ຊີບ​ສື່​ມວນ​ຊົນປະກອບ​ດ້ວຍ ສະພາ​ໜັງສືພິມ​ແຫ່ງ​ຊາດ, ສະພາ​ວິຊາ​ຊີບ​ຂ່າວ​ວິທະຍຸ ​ແລະ ​ໂທລະພາບ​ໄທ, ສະມາຄົມ​ນັກ​ຂ່າວ​ນັກ​ໜັງສືພິມ​ແຫ່ງ​ປະ​ເທດ​ໄທ, ສະມາຄົມ​ນັກ​ຂ່າວ​ວິທະຍຸ ​ແລະ ​ໂທລະພາບ​ໄທ, ສະມາຄົມ​ຜູ້​ຜະລິດ​ຂ່າວ​ອອນ​ລາຍ ​ແລະ ສະຫະພາບ​ແຮງ​ງານ​ກາງ​ສື່​ມວນ​ຊົນ​ໄທ ອອກ​ຖະ​ແຫລ​ງການ​ຮ່ວມ ​ເລື່ອງ ການກວດ​ສອບ-​ໂຈະ​ສື່​ມວນ​ຊົນ​ໃນ​ສະຖານະ​ການ​ການ​ຊຸມນຸມ​ທີ່​ມີ​ຄວາມ​ລະອຽດ​ອ່ອນ ​ໂດຍ​ລະບຸ​ວ່າ:

ຕາມ​ຄຳ​ສັ່ງ​ຫົວໜ້າ​ຜູ້​ຮັບຜິດຊອບ​ໃນ​ການ​ແກ້​ໄຂ​ສະຖານະ​ການ​ສຸກ​ເສີນ​ທີ່​ມີ​ຄວາມ​ຮ້າຍ​ແຮງ ​ເລກທີ 4/2563 ​ເລື່ອງ ​ໃຫ້​ກວດ​ສອບ ​ແລະ ​ໃຫ້​ໂຈະ​ການ​ອອກ​ອາກາດ​ລາຍການ​ທີ່​ມີ​ລັກສະນະ​ຕາມ​ຂໍ້ 2 ຂອງ​ຂໍ້​ກຳນົດ ​ໃນ​ມາດຕາ 9 ປະກອບ​ມາດຕາ 11 ​ແຫ່ງ​ພະຣາຊະ​ກຳນົດ​ການ​ບໍລິຫານຣາຊະ​ການ​ໃນ​ສະຖານະ​ການ​ສຸກ​ເສີນ.

​ໂດຍ​ໃຫ້​ຄະນະ​ກຳມະການ​ກິດຈະການ​ກະຈາຍສຽງ, ກິດຈະການ​ໂທລະພາບ ​ແລະ ກິດຈະການ​ໂທລະ​ຄົມມະນາຄົມ​ແຫ່ງ​ຊາດ (ກສທຊ), ກະຊວງ​ດິຈິ​ຕອນ​ເພື່ອ​ເສດຖະກິດ ​ແລະ ສັງຄົມ ກວດ​ສອບ ​ແລະ ​ໃຫ້​ໂຈະ​ການ​ອອກ​ອາກາດ ຫລື ​ໂຈະ​ການ​ເຮັດ​ໃຫ້​ແຜ່​ຫລາຍ ຫລື ລົບ​ຂໍ້​ມູນ​ຄອມ​ພິວ​ເຕີ​ແລ້ວ​ແຕ່​ກໍລະນີ​ຕາມ​ໜ້າ​ທີ່ ​ແລະ ອຳນາດ​ຂອງ​ສື່​ມວນ​ຊົນ ​ເຊິ່ງ​ປະກອບ​ມີ Voice TV ​ແລະ ສື່​ສັງຄົມ​ອອນ​ລາຍ ​ໄດ້​ແກ່ Voice TV, ປະຊາ​ໄທ​ດອດ​ຄອມ, The Reporters ​ແລະ THE STANDARD ຕາມ​ຄວາມ​ຮູ້​ແລ້ວນັ້ນ.

6 ອົງ​ກອນ​ວິຊາ​ຊີບ​ສື່​ມວນ​ຊົນ​ປະກອບ​ມີ ສະພາ​ໜັງສືພິມ​ແຫ່ງ​ຊາດ, ສະພາ​ວິຊາ​ຊີບ​ຂ່າວ​ວິທະຍຸ ​ແລະ ​ໂທລະພາບ​ໄທ, ສະມາຄົມ​ນັກ​ຂ່າວ​ນັກ​ໜັງສືພິມ​ແຫ່ງ​ປະ​ເທດ​ໄທ, ສະມາຄົມ​ນັກ​ຂ່າວ​ວິທະຍຸ ​ແລະ ​ໂທລະພາບ​ໄທ, ສະມາຄົມ​ຜູ້​ຜະລິດ​ຂ່າວ​ອອນ​ລາຍ ​ແລະ ສະຫະພາບ​ແຮງ​ງານ​ກາງ​ສື່​ມວນ​ຊົນ​ໄທ ​ໄດ້​ພິຈາລະນາ​ແລ້ວ ​ເຫັນ​ວ່າການ​ທີ່ອ້າງ​ອຳນາດ​ຕາມ​ພະຣາຊະ​ກຳນົດ​ການ​ບໍລິຫານຣາຊະ​ການ​ໃນ​ສະຖານະ​ການ​ສຸກ​ເສີນ​ໃນ​ການກວດ​ສອບ ​ແລະ ​ໃຫ້​ໂຈະ​ການ​ອອກ​ອາກາດ ຫລື ​ໂຈະ​ການ​ເຮັດ​ໃຫ້​ແຜ່​ຫລາຍ ຫລື ລົບ​ຂໍ້​ມູນ​ຄອມ​ພິວ​ເຕີ​ຂອງ​ສື່​ມວນ​ຊົນ ​ໃນ​ສະຖານະ​ການ​ຄວາມ​ຂັດ​ແຍ່ງ​ເປັນ​ເລື່ອງ​ທີ່​ມີ​ຄວາມ​ລະອຽດ​ອ່ອນ ຈຶ່ງ​ຂໍ​ຢືນຢັນ​ຈຸດ​ຢືນ​ດັ່ງ​ຕໍ່​ໄປ​ນີ້.

6 ອົງກອນສື່ຂອງໄທ ອອກຖະແຫລງການຮ່ວມຄັດຄ້ານການປິດກັ້ນ ຫລື ຄຸກຄາມສື່ ຮຽກຮ້ອງສື່ລາຍງານຂ່າວຄົບຖ້ວນຮອບດ້ານ - Wave100S AD to Website 2020 0 - 6 ອົງກອນສື່ຂອງໄທ ອອກຖະແຫລງການຮ່ວມຄັດຄ້ານການປິດກັ້ນ ຫລື ຄຸກຄາມສື່ ຮຽກຮ້ອງສື່ລາຍງານຂ່າວຄົບຖ້ວນຮອບດ້ານ
  1. ອົງ​ກອນ​ວິຊາ​ຊີບ​ສື່​ມວນ​ຊົນ ຂໍ​ຢືນຢັນ​ຈຸດ​ຢືນ​ຄັດຄ້ານ​ການ​ປິດ​ກັ້ນ ຫລື ຄຸກ​ຄາມ​ສື່​ມວນ​ຊົນ​ໃນ​ທຸກ​ຮູບ​ແບບ ບໍ່​ວ່າ​ຈາກ​ຝ່າຍ​ໃດ.
  2. ການກວດ​ສອບ ​ແລະ ​ໃຫ້​ໂຈະ​ການ​ອອກ​ອາກາດ ຫລື ​ໂຈະ​ການ​ເຮັດ​ໃຫ້​ແຜ່​ຫລາຍ ຫລື ລົບ​ຂໍ້​ມູນ​ຄອມ​ພິວ​ເຕີ ອາດ​ເປັນ​ການ​ກະທຳ​ທີ່​ຂັດ​ຕໍ່​ລັດຖະທຳ​ມະນູນ​ແຫ່ງຣາຊະ​ອານາຈັກ​ໄທ ພສ. 2560 ມາດຕາ 35 ລະບຸ​ວ່າ: “… ການ​ສັ່ງ​ປິດ​ກິດຈະການ​ໜັງສືພິມ ຫລື ສື່​ມວນ​ຊົນ​ອື່ນ​ເພື່ອ​ລິດ​ຮອນ​ເສລີພາບ​ຈະ​ກະທຳ​ບໍ່​ໄດ້…”

ທັງ​ນີ້ ລັດຖະບານ​ຈະ​ສາມາດ​ໃຊ້​ກົດໝາຍ​ພິ​ເສດ​ເພື່ອ​ຈຳກັດ​ເສລີພາບ​ຂອງ​ສື່​ມວນ​ຊົນ​ໄດ້​ກໍ​ພຽງ​ການ​ຫ້າມ​ສະ​ເໜີ​ຂ່າວສານ ຫລື ສະ​ແດງ​ຄວາມ​ຄິດ​ເຫັນ​ທັງ​ໝົດ ຫລື ບາງ​ສ່ວນ ສະ​ເພາະ​ໃນ​ບັນຫາ​ທີ່​ລະ​ເມີດ​ກົດໝາຍ​ໂດຍ​ຊັດ​​ແຈ້ງ​ເທົ່າ​ນັ້ນ, ​ແຕ່​ຕ້ອງ​ກະທຳ​ດ້ວຍ​ຄວາມ​ລະມັດລະວັງ ​ແລະ ບໍ່​ເກີນ​ກວ່າ​ເຫດ.

  1. ການ​ປິດ​ກັ້ນສື່​​ໃນ​ລັກສະນະ​ນີ້ ຍ່ອມ​ເປັນຄວາມ​ພະຍາຍາມ​ໃນ​ການ​ປິດ​ກັ້ນສິດ​ການ​ຮັບ​ຮູ້​ຂ່າວສານ​ຂອງ​ປະຊາຊົນ ຈຶ່ງ​ອາດ​ເຮັດ​ໃຫ້​ປະຊາຊົນ​ທີ່​ໄດ້​ຮັບ​ຜົນ​ກະທົບ​ຈາກ​ການ​ປິດ​ກັ້ນສື່​ດັ່ງກ່າວ ອອກມາ​ເຂົ້າຮ່ວມ​ກັບ​ກຸ່ມ​ຜູ້​ຊຸມນຸມ​ຫລາຍ​ຂຶ້ນ ​ເຊິ່ງອາດ​ສົ່ງ​ຜົນ​ໃຫ້​ສະຖານະ​ການ​ມີ​ຄວາມ​ສັບ​ຊ້ອນ, ລະອຽດ​ອ່ອນ ​ແລະ ອາດ​ນຳ​ໄປ​ສູ່​ຄວາມ​ຮຸນ​ແຮງ​ໄດ້.
  2. ອົງ​ກອນ​ວິຊາ​ຊີບ​ສື່​ມວນ​ຊົນ ບໍ່​ເຫັນ​ພ້ອມ​ກັບ​ການ​ອາ​ໄສ​ຄວາມ​ເປັນ​ສື່​ມວນ​ຊົນ​ບິດ​ເບືອນ​ຂໍ້​ມູນ​ຄວາມ​ຈິງ ​ແລະ ຍົ່ວຍຸ​ໃຫ້​ເກີດ​ຄວາມ​ກຽດ​ຊັງ, ຍຸຍົງ​ໃຫ້​ມີ​ການ​ໃຊ້​ຄວາມ​ຮຸນ​ແຮງ​ໃນ​ທຸກ​ຮູບ​ແບບ ລວມທັງ​ກະທຳ​ການ​ໃດໆ​ທີ່​ລະ​ເມີດ​ກົດໝາຍ​ບ້ານ​ເມືອງ ​ແລະ ຂໍ​ຮຽກຮ້ອງ​ໃຫ້​ສື່​ມວນ​ຊົນ​ທຸກຂະ​ແໜງ ​ປະຕິບັດ​ໜ້າ​ທີ່​ລາຍ​ງານ​ຂ່າວສານ​ທີ່​ເກີດ​ຂຶ້ນ​ໃນ​ປັດຈຸບັນ​ດ້ວຍ​ຄວາມ​ຄົບ​ຖ້ວນ​ຮອບດ້ານ ​ໂດຍ​ນຳ​ສະ​ເໜີ​ຄວາມ​ຈິງ ​ແລະ ຂໍ້​ມູນ​ຈິງ​ທີ່​ເກີດ​ຂຶ້ນດ້ວຍ​ການ​ຄຳນຶງ​ເຖິງ​ສິດ​ເສລີພາບ​ໃນ​ການ​ຮັບ​ຮູ້​ຂໍ້​ມູນ​ຂ່າວສານ​ຂອງ​ປະຊາຊົນ ພາຍ​ໃຕ້​ຄວາມ​ຮັບຜິດຊອບ​ຕໍ່​ສັງຄົມ ລວມທັງ​ລະມັດລະວັງ​ການ​ນຳ​ສະ​ເໜີ​ຂ່າວ​ທີ່​ອາດ​ນຳ​ໄປ​ສູ່​ການ​ໃຊ້​ຄວາມ​ຮຸນ​ແຮງ​ໃນ​ການ​ຢຸດ​ບັນຫາ.

ສຸດ​ທ້າຍ​ນີ້ ການສະ​ແດງ​ຈຸດ​ຢືນ​ຂອງ​ທັງ 6 ອົງ​ກອນ​ສື່ ​ເປັນ​ໄປ​ຕາມ​ຫລັກການ​ຂອງ​ຜູ້​ປະກອບ​ວິຊາ​ຊີບ ​ໂດຍ​ຢຶດຖື​ຜົນ​ປະ​ໂຫຍ​ດຂອງ​ສາທາລະນະ​ເປັນ​ຫລັກ ບໍ່​ປະສົງ​ຈະ​ໃຫ້​ຝ່າຍ​ໜຶ່ງ​ຝ່າຍ​ໃດ​ນຳ​ຖະ​ແຫລ​ງການ​ສະບັບ​ນີ້​ໄປ​ໃຊ້​ໃນ​ການ​ສ້າງ​ຄວາມ​ຊອບ​ທຳ​ໃຫ້​ຕົນ​ເອງ.

6 ອົງກອນສື່ຂອງໄທ ອອກຖະແຫລງການຮ່ວມຄັດຄ້ານການປິດກັ້ນ ຫລື ຄຸກຄາມສື່ ຮຽກຮ້ອງສື່ລາຍງານຂ່າວຄົບຖ້ວນຮອບດ້ານ - WhatsApp Image 2020 05 27 at 5 - 6 ອົງກອນສື່ຂອງໄທ ອອກຖະແຫລງການຮ່ວມຄັດຄ້ານການປິດກັ້ນ ຫລື ຄຸກຄາມສື່ ຮຽກຮ້ອງສື່ລາຍງານຂ່າວຄົບຖ້ວນຮອບດ້ານ
error: Alert: Content is protected !!