ລາວຄາດວ່າຈະມີປະຊາກອນເພີ່ມຂຶ້ນເຖິງ 8,1 ລ້ານຄົນໃນປີ 2030

ລາວຄາດວ່າຈະມີປະຊາກອນເພີ່ມຂຶ້ນເຖິງ 8,1 ລ້ານຄົນໃນປີ 2030 -                                                                                         - ລາວຄາດວ່າຈະມີປະຊາກອນເພີ່ມຂຶ້ນເຖິງ 8,1 ລ້ານຄົນໃນປີ 2030
ລາວຄາດວ່າຈະມີປະຊາກອນເພີ່ມຂຶ້ນເຖິງ 8,1 ລ້ານຄົນໃນປີ 2030 - 174233 - ລາວຄາດວ່າຈະມີປະຊາກອນເພີ່ມຂຶ້ນເຖິງ 8,1 ລ້ານຄົນໃນປີ 2030

ທ້າຍອາທິດຜ່ານມາ ທີ່ນະຄອນຫລວງວຽງຈັນ, ນັກຄົ້ນຄວ້າຫລາຍກວ່າ 170 ຄົນທີ່ມາຈາກຫລາຍພາກສ່ວນ ທັງອົງການຈັດຕັ້ງລັດ ແລະ ສາກົນ ໄດ້ເຂົ້າຮ່ວມໃນກອງປະຊຸມ ວ່າດ້ວຍການຄົ້ນຄວ້າກ່ຽວກັບໄວໜຸ່ມຄັ້ງທີ 5 ພາຍໃຕ້ຫົວຂໍ້: “ສຸຂະພາບ ແລະ ການພັດທະນາຂອງໄວໜຸ່ມ” ແລະ ໄດ້ນຳສະເໜີຂໍ້ມູນຫລັກຖານການຄົ້ນຄວ້າກ່ຽວກັບສຸຂະພາບ ແລະ ການພັດທະນາຂອງໄວໜຸ່ມ ເພື່ອເປັນການປະກອບສ່ວນໃສ່ແຜນພັດທະນາເສດຖະກິດ-ສັງຄົມແຫ່ງຊາດ ຄັ້ງທີ 9 ໂດຍສະເພາະກ່ຽວກັບການຖືພາຂອງໄວໜຸ່ມ, ການແຕ່ງງານໄວ, ສຸຂະພາບທາງເພດ ແລະ ສຸຂະພາບຈະເລີນພັນ, ໂພຊະນາການ, ນິໄສໃນການກິນ ແລະ ພຶດຕິກຳທີ່ສ່ຽງເຊັ່ນ: ການດື່ມເຫລົ້າ.

ທ່ານ ດຣ.ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ກ່າວວ່າ: ພວກເຮົາມຸ່ງໝັ້ນທີ່ຈະສົ່ງເສີມສຸຂະພາບ ແລະ ການພັດທະນາຂອງໄວໜຸ່ມ ແລະ ຊາວໜຸ່ມ ໂດຍສະເພາະແມ່ນໄວໜຸ່ມເພດຍິງໃຫ້ຫັນປ່ຽນໄວໜຸ່ມທັງຫລາຍສຸມໃສ່ໃນອັດຕາການເຕີບໂຕຂອງເສດຖະກິດທີ່ເລັ່ງຕົວ ເພື່ອບັນລຸເປົ້າໝາຍການພັດທະນາແບບຍືນຍົງ, ການແລກປ່ຽນຫລັກຖານຄົ້ນຄວ້າ, ການສ້າງຄູ່ຮ່ວມງານ ແລະ ການແລກປ່ຽນທາງວິທະຍາສາດ ຖືວ່າເປັນປັດໄຈສຳຄັນສຳລັບພວກເຮົາ. ທຸກຄວາມພະຍາຍາມຂອງພວກເຮົາແມ່ນແນໃສ່ການຮັບປະກັນວ່າໄວໜຸ່ມທຸກຄົນເຊັ່ນ: ນາງນ້ອຍ ທີ່ເປັນຕົວແທນໃຫ້ແກ່ເດັກຍິງ ຈະສາມາດບັນລຸຄວາມສາມາດທີ່ບົ່ມຊ້ອນຂອງພວກເຂົາພາຍໃນປີ 2030.

ລາວມີປະຊາກອນໜຸ່ມປະມານ 60% ແມ່ນອາຍຸຕໍ່າກວ່າ 25 ປີ, ການສຶກສາກ່ຽວກັບພົນລະເມືອງຂອງລາວ ປີ 2030 ສະແດງໃຫ້ເຫັນວ່າປະຊາກອນທັງໝົດຂອງລາວຢູ່ໃນລະດັບ 7,2 ລ້ານຄົນໃນ ປີ 2020, ຄາດວ່າຈະບັນລຸເຖິງ 8,1 ລ້ານຄົນໃນປີ 2030 ແລະ ຈະເພີ່ມຂຶ້ນເກືອບໜຶ່ງລ້ານຄົນໃນ 10 ປີຂ້າງໜ້າ. ຮູບແບບການປ່ຽນແປງຂອງໂຄງສ້າງຂອງປີລາມິດປະຊາກອນຈະມີການປ່ຽນແປງໃນທົດສະວັດນີ້, ປະຊາກອນໃນໄວເຮັດວຽກຈະເພີ່ມຂຶ້ນຈາກ 64% ໃນປີ 2020 ມາເປັນ 69% ໃນປີ 2030. ປະເທດລາວກຳລັງຢູ່ໃນລະຫວ່າງການຕິດຕາມທີ່ຈະມີກຸ່ມແຮງງານໃຫຍ່ທີ່ສຸດ ແລະ ຈະມີຜູ້ເພິ່ງພາແມ່ນໜ້ອຍລົງ.

ລາວຄາດວ່າຈະມີປະຊາກອນເພີ່ມຂຶ້ນເຖິງ 8,1 ລ້ານຄົນໃນປີ 2030 - Wave100S AD to Website 2020 0 - ລາວຄາດວ່າຈະມີປະຊາກອນເພີ່ມຂຶ້ນເຖິງ 8,1 ລ້ານຄົນໃນປີ 2030

ທ່ານ ນາງ ມາຣຽມ ເອ ຄານ ຜູ້ຕາງໜ້າ ອົງການ UNFPA ກ່າວວ່າ: ແຕ່ລະປີຈົນຮອດປີ 2030 ຫລາຍກວ່າ 80.000 ແຮງງານໃໝ່ຈະເຂົ້າມາເຮັດວຽກ. ແຮງງານໃໝ່ເຫລົ່ານີ້ແມ່ນໄວໜຸ່ມໃນປັດຈຸບັນ, ເຄິ່ງໜຶ່ງຂອງພວກເຂົາແມ່ນເພດຍິງ. ຫລັກຖານຄົ້ນຄວ້າສາມາດກຳນົດໄດ້ວ່າ ພາຍໃນຊັບພະຍາກອນມະນຸດໄວໜຸ່ມລາວແມ່ນໄດ້ມີການລົງທຶນທີ່ເພີ່ມຂຶ້ນ. ການລົງທຶນໃສ່ໄວໜຸ່ມ ໂດຍການໃຫ້ພວກເຂົາໄດ້ເຂົ້າເຖິງການເບິ່ງແຍງສຸຂະພາບ ແລະ ການສຶກສາທີ່ມີຄຸນນະພາບ ໂດຍສະເພາະທັກສະໃນສະຕະວັດທີ 21 ແມ່ນສິ່ງທີ່ຈຳເປັນສຳລັບແຮງງານລຸ້ນຕໍ່ໄປໃຫ້ມີປະສິດທິພາບ.

ລາວຄາດວ່າຈະມີປະຊາກອນເພີ່ມຂຶ້ນເຖິງ 8,1 ລ້ານຄົນໃນປີ 2030 - WhatsApp Image 2020 05 27 at 5 - ລາວຄາດວ່າຈະມີປະຊາກອນເພີ່ມຂຶ້ນເຖິງ 8,1 ລ້ານຄົນໃນປີ 2030
error: Alert: Content is protected !!