ສປປ ລາວ ອັດຕາຄວາມທຸກຍາກສືບຕໍ່ຫລຸດລົງ ແຕ່ຄວາມຄືບໜ້າຍັງໜ້າເປັນຫ່ວງ

ສປປ ລາວ ອັດຕາຄວາມທຸກຍາກສືບຕໍ່ຫລຸດລົງ ແຕ່ຄວາມຄືບໜ້າຍັງໜ້າເປັນຫ່ວງ -                                                                                                          - ສປປ ລາວ ອັດຕາຄວາມທຸກຍາກສືບຕໍ່ຫລຸດລົງ ແຕ່ຄວາມຄືບໜ້າຍັງໜ້າເປັນຫ່ວງ
ສປປ ລາວ ອັດຕາຄວາມທຸກຍາກສືບຕໍ່ຫລຸດລົງ ແຕ່ຄວາມຄືບໜ້າຍັງໜ້າເປັນຫ່ວງ - 174233 - ສປປ ລາວ ອັດຕາຄວາມທຸກຍາກສືບຕໍ່ຫລຸດລົງ ແຕ່ຄວາມຄືບໜ້າຍັງໜ້າເປັນຫ່ວງ

ສປປ ລາວ ໄດ້ມີຄວາມຄືບໜ້າທີ່ໂດດເດັ່ນ ໃນການຫລຸດຜ່ອນຄວາມທຸກຍາກ ໃນໄລ ຍະເວລາ 25 ປີຜ່ານມາ, ອັດຕາສ່ວນຂອງປະຊາກອນທີ່ມີຄວາມທຸກຍາກ ໄດ້ຫລຸດລົງຫລາຍກວ່າເຄິ່ງໜຶ່ງ, ຈາກ 46% ໃນປີ 1993 ມາເປັນ 18% ໃນປີ 2019. ຜົນການວິໄຈແມ່ນມາຈາກບົດລາຍງານສອງສະບັບທີ່ເຮັດຂຶ້ນໂດຍ ສະຖາບັນສະຖິຕິແຫ່ງຊາດລາວ ແລະ ທະນາຄານໂລກ ໄດ້ລາຍງານເມື່ອບໍ່ດົນມານີ້.

ອີງຕາມຂໍ້ມູນຈາກທັງສະຖາບັນສະຖິຕິແຫ່ງຊາດລາວ ແລະ ທະນາຄານໂລກ, ເສດຖະກິດທີ່ໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ-19 ເປັນສິ່ງທ້າທາຍທີ່ໃຫຍ່ຫລວງ ໃຫ້ແກ່ຄວາມພະຍາຍາມໃນການລຶບລ້າງຄວາມທຸກຍາກຢູ່ ສປປ ລາວ. ການແຜ່ລະບາດຂອງພະຍາດ ໄດ້ນຳມາ ເຊິ່ງປະກົດການຕໍ່ການຈ້າງງານທີ່ບໍ່ເພິ່ງປະສົງ, ສ້າງຄວາມກົດດັນໃຫ້ແກ່ຕະຫລາດແຮງງານທີ່ອ່ອນແອຢູ່ແລ້ວ. ໃນຂະນະດຽວກັນ, ແຮງງານທີ່ກັບມາຈາກຕ່າງປະເທດ, ໂດຍສະເພາະຈາກ ປະ ເທດໄທ, ໄດ້ພາໃຫ້ການສົ່ງເງິນມາຈາກຕ່າງປະເທດຫລຸດລົງ. ບົດລາຍງານການປະເມີນຄວາມທຸກຍາກ ໄດ້ມີການປະເມີນໃຫ້ຮູ້ວ່າ ຄວາມທຸກຍາກຈະເພີ່ມຂຶ້ນ 1,4 ຫາ 3,1% ໃນປີ 2020, ເມື່ອທຽບກັບ 0,6% ທີ່ຄາດວ່າຫລຸດລົງໃຫ້ໄດ້ ຖ້າບໍ່ມີໂຄວິດ-19. ດ້ວຍຄວາມທ້າທາຍດັ່ງກ່າວ, ໄດ້ມີການສ້າງມາດຕະການຕ່າງໆ ໂດຍເລັ່ງໃສ່ກຸ່ມເປົ້າໝາຍຕ່າງໆ ສຳລັບຜູ້ທຸກຍາກ, ເຊິ່ງຈຳເປັນຕ້ອງເຮັດເພື່ອຟື້ນຟູສະພາບການຫລຸດຜ່ອນຄວາມທຸກຍາກໃນ ສປປ ລາວ.

ຂໍ້ມູນລວມກ່ຽວກັບຄວາມທຸກຍາກໃນ ສປປ ລາວ ໂດຍພື້ນຖານແລ້ວແມ່ນອີງໃສ່ ການສຳຫລວດລາຍຈ່າຍ ແລະ ການບໍລິໂພກໃນລາວ (LECS), ທີ່ດຳເນີນໃນຂອບເຂດທົ່ວປະເທດ ໃນລະ ຫວ່າງປີ 2018-2019. ບົດລາຍງານດັ່ງກ່າວ, ໄດ້ເລີ່ມຕົ້ນເຮັດພ້ອມກັບບົດປະເມີນຄວາມທຸກຍາກປີ 2020. ຂໍ້ມູນທີ່ໄດ້ຈາກ LECS ສະແດງໃຫ້ເຫັນວ່າ ອັດຕາຄວາມທຸກຍາກແຫ່ງຊາດລາວ ທີ່ຫລຸດລົງ 6,3% ໃຊ້ເວລາຫລາຍກວ່າ 6 ປີ, ນັບຈາກ 24,6% ໃນປີ 2013 ເປັນ 18,3% ໃນປີ 2019.   ໝາຍຄວາມວ່າ ເກືອບຫ້າສ່ວນຂອງປະຊາຊົນລາວ ແມ່ນຍັງອາໄສຢູ່ໃນລະດັບລາຍຮັບຕໍ່າກວ່າລະດັບອັດຕາຄວາມທຸກຍາກແຫ່ງຊາດ 9.364 ກີບ ຫລື 1ໂດລາສະຫະລັດ ຕໍ່ມື້.

ສປປ ລາວ ອັດຕາຄວາມທຸກຍາກສືບຕໍ່ຫລຸດລົງ ແຕ່ຄວາມຄືບໜ້າຍັງໜ້າເປັນຫ່ວງ - Wave100S AD to Website 2020 0 - ສປປ ລາວ ອັດຕາຄວາມທຸກຍາກສືບຕໍ່ຫລຸດລົງ ແຕ່ຄວາມຄືບໜ້າຍັງໜ້າເປັນຫ່ວງ

ທ່ານ ນິໂຄລາ ພອນທາຣາ ຜູ້ອຳນວຍການທະນາຄານໂລກ ປະຈຳ ສປປ ລາວ ໄດ້ກ່າວວ່າ: ຕາມຂໍ້ມູນໄດ້ສະແດງໃຫ້ເຫັນວ່າ ຄອບຄົວສ່ວນຫລາຍ ທີ່ມີລະດັບຄວາມທຸກຍາກຢູ່ລຸ່ມເສັ້ນຂີດຄວາມທຸກຍາກ ແມ່ນມີລັກສະນະທີ່ຄ້າຍຄືກັນໜຶ່ງ ຫລື ສອງລັກສະນະ ຄື: ຫົວໜ້າຄອບຄົວແມ່ນມາຈາກກຸ່ມຊົນເຜົ່າສ່ວນໜ້ອຍ, ມີລະດັບການສຶກສາຕໍ່າ ຫລື ບໍ່ມີໂອກາດໃນການເຂົ້າເຖິງການຈ້າງງານແລະ ຍັງບໍ່ມີອາຊີບພຽງພໍ ທີ່ຈະຊ່ວຍກະຈາຍຜົນປະໂຫຍດ ຈາກການຈະເລີນເຕີບໂຕທາງເສດຖະກິດຢ່າງເທົ່າທຽມກັນ.

ສປປ ລາວ ອັດຕາຄວາມທຸກຍາກສືບຕໍ່ຫລຸດລົງ ແຕ່ຄວາມຄືບໜ້າຍັງໜ້າເປັນຫ່ວງ - WhatsApp Image 2020 05 27 at 5 - ສປປ ລາວ ອັດຕາຄວາມທຸກຍາກສືບຕໍ່ຫລຸດລົງ ແຕ່ຄວາມຄືບໜ້າຍັງໜ້າເປັນຫ່ວງ
error: Alert: Content is protected !!