ພາກ​ລັດ-​ເອກະ​ຊົນ ຫາລື​ບັນດາ​ບູລິ​ມະ​ສິດ​ຮ່ວມກັນ

- advert banner 728 90 728x90 - ພາກ​ລັດ-​ເອກະ​ຊົນ ຫາລື​ບັນດາ​ບູລິ​ມະ​ສິດ​ຮ່ວມກັນ

ກະຊວງ​ອຸດສາຫະກຳ ​ແລະ ການ​ຄ້າ ​ໄດ້​ຈັດກ​ອງປະຊຸມຮ່ວມ​ກັບພາກ​ເອກະ​ຊົນ ຄັ້ງທີ 11 ​ເພື່ອ​ປຶກສາ​ຫາລືທາງ​ດ້ານ​ນະ​ໂຍບາຍ​ລະຫວ່າງ​ພາກ​ລັດຖະບານ ​ແລະ ບັນດາ​ຄູ່​ຮ່ວມ​ພັດທະນາ ​ໂດຍ​ສະ​ເພາະແຜນ​ບູລິ​ມະ​ສິດ​ໄລຍະ​ກາງ ສຳລັບ ການ​ພັດທະນາ​ຂະ​ແໜງ​ການ​ກ່ຽວຂ້ອງ ​ຢູ່ ສປປ ລາວ ​ແລະ ວາງ​ແຜນ​ສະໜັບສະໜູນ ການຈັດຕັ້ງປະຕິບັດ​ບັນດາ​ແຜນ​ບູລິ​ມະ​ສິດ ແລະບັນດາ​ບັນຫາ​​ສະ​ເພາະ​ໃນ​ວົງ​ກວ້າງທີ່​ສົ່ງ​ຜົນ​ກະທົບ ຕໍ່ກັບ​ຄວາມ​ອາດ​ສາມາດ​ໃນ​ການ​ແຂ່ງຂັນ ຂອງ​ພາກ​ເອກະ​ຊົນ ​ເພື່ອ​ສ້າງ​ໂອກາດ​​ໃຫ້​ໄດ້​ຫລາຍ​ທີ່​ສຸດ ໃນການ​ເພີ່ມ​ທະວີ​ການ​ເຊື່ອມ​ໂຍງ​ເສດຖະກິດ​ກັບ​ພາກ​ພື້ນ.

ທ່ານ ນາງ ​ເຂັມ​ມະນີ ພົນ​ເສນາ ລັດຖະມົນຕີກະຊວງ​ອຸດສາຫະກຳ ​ແລະ ການ​ຄ້າ ​ໄດ້​ກ່າວຕໍ່​ກອງ​ປະຊຸມ​ ​ໃນ​ວັນ​ທີ 28 ມິຖຸນາ​ນີ້​ ໂດຍໄດ້ຍົກໃຫ້ເຫັນ  ແຜນ​ພັດທະນາ​ເສດຖະກິດ​ສັງຄົມຄັ້ງ ທີ 38 , ຍຸດ​ທະ​ສາດ​ດ້ານ​ການ​ພັດທະນາ​ແຫ່ງ​ຊາດ ຮອດ​ປີ 2025 , ວິ​ໄສ​ທັດ ຮອດ​ປີ 2030​ ແລະບົດບາດ​ສຳຄັນ ຂອງ​ຂະ​​ແໜງ​ການ​ຄ້າ​ ​ແລະ ພາກ​ເອກະ​ຊົນ ​ໃນ​ການ​ສ້າງ​ວຽກ​​ເຮັດ​ງານ​ທຳ , ຊ່ວຍ​ຫລຸດຜ່ອນ​ຄວາມທຸກ​ຍາກ ກໍ​ຄື ການ​ພັດທະນາ​ພາກ​ເອກະ​ຊົນ, ການ​ສົ່ງ​ເສີມ​ທຸລະ​ກິດ​ຂະໜາດ​ນ້ອຍ -​ກາງ ປຽບ​ເໝືອນ​ຫົວ​ຈັກ​ຂັບ​ເຄື່ອນ​ສຳລັບ​ຄວາມ​ຍືນ​ຍົງ ​ແລະ ການ​ເຕີບ​ໂຕ​ໂດຍ​ລວມ ​ເຊິ່ງໜຶ່ງ​ໃນ​ບົດຮຽນ​ຫລັກໆ ທີ່​ສາມາດ​ຖອດ​ຖອນ​ໄດ້ ຕະຫລອດ​ 3 ​ປີຜ່ານມາ ​ໃນ​ການ​ພັດທະນາ​ພື້ນຖານ​ຕະຫລາດ ​ໃນ​ປະ​ເທດ​ເຮົາ ​ແມ່ນ​ທຸກ​ຫົວໜ່ວຍ​ທຸລະ​ກິດ​ທີ່​ປະສົບ​ຜົນ​ສຳ​ເລັດ ລ້ວນ​ແລ້ວ​ແຕ່​ແມ່ນ​ທຸລະ​ກິດ​ທີ່​ໄດ້​ຮັບ​ການ​ສ້າງຕັ້ງຂຶ້ນ ​ແລະ ບໍລິຫານ​ໂດຍ ບັນດາ​ຜູ້​ປະກອບ​ການ​ເອງ ​ເຊິ່ງພາກສ່ວນ​ທີ່​ກ່ຽວຂ້ອງ​ຫລັກ​ຈາກ​ພາກ​ລັດ ຈະ​ມີໜ້າ​ທີ່​ພຽງ​ແຕ່​ສ້າງ​ສະ​ພາບ​ແວດ​ລ້ອມ​ທີ່​ເອື້ອ​ອຳນວຍ ​ ​ຄວາມ​ສະດວກ​ແກ່​ການ​ສ້າງຕັ້ງ ​ແລະ ດຳ​ເນີນ​ງານ​ຂອງ​ທຸລະ​ກິດ​ເທົ່າ​ນັ້ນ.

- 1 1 - ພາກ​ລັດ-​ເອກະ​ຊົນ ຫາລື​ບັນດາ​ບູລິ​ມະ​ສິດ​ຮ່ວມກັນ
- lattana 1 - ພາກ​ລັດ-​ເອກະ​ຊົນ ຫາລື​ບັນດາ​ບູລິ​ມະ​ສິດ​ຮ່ວມກັນ

​ໃນກອງ​ປະຊຸມ​ດັ່ງກ່າວ ຍັງ​ໄດ້​ຮັບ​ຟັງ​ການ​ນຳ​ສະ​ເໜີ​ບົດ​ຄົ້ນຄວ້າ​ກ່ຽວ​ກັບ​ຜົນ​ກະທົບ​ຈາກ​ນະ​ໂຍບາຍ ພັດທະນາ​ເສດຖະກິດ​ພິ​ເສດ​ຕາມ​ຊາຍ​ແດນ ຂອງປະ​ເທດ​ໃກ້​ຄຽງ ຕໍ່​ກັບ​ການ​ພັດທະນາ​ເຂດ​ເສດຖະກິດ​ພິ​ເສດ​ໃນ​ລາວ ​​ແລະ ບົດ​ສຶກສາຜົນ​ການ​ສຳ​ຫລວດ​ວິ​ສາ​ຫະກິດ​ຂອງ​ທະນາຄານ​ໂລກ ກ່ຽວ​ກັບ​ຜະລິດ​ຕະພາບ ​ແລະ ທັດສະນະ​ຂອງ​ວິ​ສາ​ຫະກິດ ຕໍ່​ບັນດາ​ສິ່ງ​ກີດຂວາງ​ບັນຍາກາດ​ການ​ລົງທຶນ​ສະບັບ​ຫລ້າ​ສຸດ ​ໂດຍ​ທີ​ມງານ​ຄົ້ນຄວ້າ​ພາຍ​ໃນ​ປະ​ເທດ.

error: Content is protected !!