ເຕັກນິກການດື່ມເບຍບໍ່ໃຫ້ຕຸ້ຍລົງພຸງ

ເຕັກນິກການດື່ມເບຍບໍ່ໃຫ້ຕຸ້ຍລົງພຸງ - shutterstock 90979145 1 - ເຕັກນິກການດື່ມເບຍບໍ່ໃຫ້ຕຸ້ຍລົງພຸງ
ເຕັກນິກການດື່ມເບຍບໍ່ໃຫ້ຕຸ້ຍລົງພຸງ - 174233 - ເຕັກນິກການດື່ມເບຍບໍ່ໃຫ້ຕຸ້ຍລົງພຸງ

ດື່ມເບຍ 1 ຈອກຕໍ່ມື້ຖືວ່າພໍດີພໍງາມ, ແຕ່ຖ້າດື່ມຫລາຍກ່ວານີ້ຍ່ອມສົ່ງຜົນຮ້າຍແນ່ນອນ. ດັ່ງນັ້ນ, ມື້ນີ້ພວກເຮົາຈຶ່ງນຳເອົາເຕັກນິກການດື່ມເບຍບໍ່ໃຫ້ຕຸ້ຍລົງພຸງມາແນະນຳບັນດາທ່ານ ດັ່ງນີ້ :

ເຕັກນິກການດື່ມເບຍບໍ່ໃຫ້ຕຸ້ຍລົງພຸງ - Wave100S AD to Website 2020 0 - ເຕັກນິກການດື່ມເບຍບໍ່ໃຫ້ຕຸ້ຍລົງພຸງ
  • ຍ້ອນຫຍັງດື່ມເບຍແລ້ວເຮັດໃຫ້ຕຸ້ຍ ? ເບຍ 1 ກະປ໋ອງ ໃຫ້ພະລັງງານປະມານ 148 ກາລໍຣີ ຫາກດື່ມເບຍ 6 ກະປ໋ອງຂຶ້ນໄປ ກໍຈະໄດ້ພະລັງງານເກືອບ 900 ກາລໍຣີ ຍິ່ງດື່ມເບຍຫລາຍ ກໍຍິ່ງມີໂອກາດຕຸ້ຍລົງພຸງຫລາຍຂຶ້ນຢ່າງແນ່ນອນ.
  • ເຕັກນິກການດື່ມເບຍບໍ່ໃຫ້ຕຸ້ຍລົງພຸງ : ຫລຸດປະລິມານການດື່ມເບຍໃຫ້ໜ້ອຍລົງ, ກໍລະນີທີ່ປະຕິເສດການດື່ມເບຍບໍ່ໄດ້ແທ້ໆກໍຂໍໃຫ້ຫລຸດການດື່ມລົງໃຫ້ຫລາຍທີ່ສຸດ, ດື່ມເທື່ອລະໜ້ອຍ ຫລື ດົນໆດື່ມເທື່ອໜຶ່ງເພື່ອບໍ່ໃຫ້ມີການຕື່ມ ຫຍື ຫຍິ້ນຕື່ມໃສ່ໃໝ່ ໃນລະຫວ່າງນັ້ນກໍໃຫ້ດື່ມນຳ້ຫລາຍໆເພື່ອຊ່ວຍໃຫ້ຮ່າງກາຍມີການໄລ່ອານກໍຮໍອອກມາທາງນຳ້ຍ່ຽວ ຈະຊ່ວຍຫລຸດຄວາມສ່ຽງທີ່ຈະເກີດຈາກການສະສົມຂອງໄຂມັນຈາກເບຍລົງໄດ້.
  • ດື່ມນຳ້ຢ່າໃຫ້ຂາດ : ເຕັກນິກງ່າຍໆແກ້ອາການບວມເບຍ ຫລື ຟົກເບຍ ກໍຄື ດື່ມເບຍເທົ່າໃດ ໃຫ້ດື່ມນຳ້ເທົ່ານັ້ນ. ໂຕຢ່າງ : ດື່ມເບຍ 1 ກະປ໋ອງ ກໍໃຫ້ດື່ມນຳ້ໃນປະລິມານເທົ່າເບຍ 1 ກະປ໋ອງ ເພື່ອໃຫ້ຮ່າງກາຍບໍ່ເກີດການຂາດນຳ້ ແລະ ຊ່ວຍໃຫ້ຕັບເຮັດວຽກໄດ້ຢ່າງເຕັມປະສິດທິພາບຫລາຍຍິ່ງຂຶ້ນໃນການໄລ່ອານກໍຮໍອອກຈາກຮ່າງກາຍ.
  • ໃຊ້ວິທີນັບກາລໍຣີ : ເບຍ 1 ກະປ໋ອງໃຫ້ພະລັງງານ 148 ກາລໍຣີ ຖ້າຫາກຮູ້ໂຕລ່ວງໜ້າວ່າຈະຕ້ອງດື່ມເບຍ ໃນມື້ນັ້ນກໍໃຫ້ຫລຸດການຮັບພະລັງງານຈາກອາຫານຊະນິດອື່ນໆລົງ ເພື່ອມາຮັບພະລັງງານຈາກເບຍໃຫ້ພຽງພໍຕໍ່ຮ່າງກາຍແທນ.
  • ດື່ມເບຍທີ່ມີກາລໍຣີໜ້ອຍ : ເບຍໃນປະເທດລາວມີໃຫ້ເລືອກດື່ມຫລາຍຊະນິດ ທັງ Larger Beer, ເບຍດຳ ແລະ Light Beer ທີ່ເປັນເບຍກາລໍຣີໜ້ອຍ ( 1 ແກ້ວ ໃຫ້ພະລັງງານ 80 ກາລໍຣີ).
  • ຢ່າດື່ມຕອນທ້ອງວ່າງ : ພິດຈາກອານກໍຮໍຈະເພີ່ມຂຶ້ນຫາກໃນທາງເດີນອາຫານຂອງທ່ານບໍ່ມີອາຫານເລີຍ ແລະ ອາການເມົາຄ້າງກໍຈະເພີ່ມຫລາຍຂຶ້ນນຳ ຈຶ່ງຕ້ອງກິນອາຫານກ່ອນການດື່ມເບຍສະເໝີ.
  • ກິນອາຫານທີ່ມີປະໂຫຍດກ່ອນການດື່ມເບຍ : ຈະເຮັດໃຫ້ທ່ານບໍ່ຢາກອາຫານໃນຕອນກາງເດິກ, ອາການຢາກອາຫານຫລັງຈາກການດື່ມເບຍແມ່ນສາເຫດຫລັກຂອງການຕຸ້ຍລົງພຸງ. ດັ່ງນັ້ນ, ເພື່ອຫລີກເວັ້ນບັນຫານີ້ ທ່ານຕ້ອງຫລີກເວັ້ນການກິນອາຫານຄາບທີ 4 ຕອນກາງເດິກ.
  • ອອກກຳລັງກາຍສະໝໍ່າສະເໝີ : ໃນເມື່ອຮູ້ໂຕວ່າເຊົາດື່ມເບຍບໍ່ໄດ້ ກໍຕ້ອງຫັນມາອອກກຳລັງກາຍແບບຄາດີໂອທົດແທນ ເພື່ອໃຫ້ຮ່າງກາຍເຜົາຜານໄຂມັນຢູ່ຕະຫລອດເວລາ ເຊິ່ງທັງນີ້ຫາກສາມາດອອກກຳລັງກາຍໄດ້ເປັນປະຈຳທຸກມື້ຢ່າງຕໍ່ເນື່ອງ ທ່ານກໍຈະບໍ່ມີບັນຫາເລື່ອງການຕຸ້ຍລົງພຸງແນ່ນອນ.
ເຕັກນິກການດື່ມເບຍບໍ່ໃຫ້ຕຸ້ຍລົງພຸງ - WhatsApp Image 2020 05 27 at 5 - ເຕັກນິກການດື່ມເບຍບໍ່ໃຫ້ຕຸ້ຍລົງພຸງ
error: Alert: Content is protected !!