ກຳມະການຈັດໂຕ້ວາທີ ປັບກົດໃໝ່ ມອດໄມ ທ່ານ ທຣຳ – ທ່ານ ໄບເດນ ກັນເວົ້າແຊກຂັດຈັງຫວະ

ກຳມະການຈັດໂຕ້ວາທີ ປັບກົດໃໝ່ ມອດໄມ ທ່ານ ທຣຳ - ທ່ານ ໄບເດນ ກັນເວົ້າແຊກຂັດຈັງຫວະ - Add a subheading 1 - ກຳມະການຈັດໂຕ້ວາທີ ປັບກົດໃໝ່ ມອດໄມ ທ່ານ ທຣຳ – ທ່ານ ໄບເດນ ກັນເວົ້າແຊກຂັດຈັງຫວະ
ກຳມະການຈັດໂຕ້ວາທີ ປັບກົດໃໝ່ ມອດໄມ ທ່ານ ທຣຳ - ທ່ານ ໄບເດນ ກັນເວົ້າແຊກຂັດຈັງຫວະ - 174233 - ກຳມະການຈັດໂຕ້ວາທີ ປັບກົດໃໝ່ ມອດໄມ ທ່ານ ທຣຳ – ທ່ານ ໄບເດນ ກັນເວົ້າແຊກຂັດຈັງຫວະ

ຄະນະ​ກຳມະການ​ຈັດການ​ໂຕ້​ວາທີ​ປະທານາທິບໍດີ​ອາ​ເມ​ລິ​ກາ ອອກ​ກົດ​ໃໝ່​ສຳລັບ​ການ​ໂຕ້​ວາທີ​ຮອບສຸດ​ທ້າຍ​ລະຫວ່າງ​ປະທານາທິບໍດີ ​ໂດ​ນັລ ທຣຳ ຈາກ​ພັກຣີພັບ​ລິ​ກັນ ​ແລະ ທ່ານ ​ໂຈ ​ໄບ​ເດນ ຈາກ​ເດ​ໂມ​ແຄຣດ ທີ່​ຈະ​ມີ​ຂຶ້ນ​ໃນ​ວັນ​ທີ 22 ຕຸລາ​ນີ້ ​ໂດຍ​ໃຫ້​ມອດ​ສຽງ​ໄມ​ໂຄ​ໂຟນຂອງ​ແຕ່ລະ​ຝ່າຍ​ເປັນ​ເວລາ 2 ນາທີ ລະຫວ່າງ​ອີກ​ຝ່າຍ​ກຳລັງ​ຕອບ​ຄຳ​ຖາມ​ແຕ່​ລະ​ບັນຫາ.

ການ​ໂຕ້​ວາທີ​ເທື່ອ​ສຸດ​ທ້າຍ​ລະຫວ່າງ​ທ່ານ ທຣຳ ​ແລະ ທ່ານ ​ໄບ​ເດນ ຈະ​ຈັດ​ຂຶ້ນຢູ່​ເມືອງ​ແນ​ຊວິລ ລັດ​ເທ​ນ​ເນສຊີ ​ໂດຍ​ກຳມະການ​ຈັດ​ໂຕ້​ວາທີ​ໃຫ້​ເຫດຜົນ​ໃນ​ການ​ອອກ​ກົດ​ໃໝ່​ນີ້​ວ່າ: ​ເພື່ອ​ສົ່ງ​ເສີມ​ການ​ປະຕິບັດ​ຕາມ​ກົດ​ການ​ໂຕ້​ວາທີ ຫລັງ​ຈາກ​ການ​ໂຕ້​ວາທີ​ຮອບ​ທຳ​ອິດ​ເຕັມ​ໄປ​ດ້ວຍ​ການ​ປັ່ນ​ປ່ວນ​ຈາກ​ການ​ທີ່​ປະທານາທິບໍດີ ທຣຳ ບໍ່​ເຄົາລົບ​ກົດ ​ແລະ ​ເວົ້າ​ແຊກ​ທ່ານ ​ໄບ​ເດນ ​ເລື້ອຍໆ.

ທັງ​ນີ້ ​ໃນ​ການ​ໂຕ້​ວາທີ​ທັງ​ໝົດ 90 ນາທີ ຈະ​ແບ່ງ​ການ​ຕອບ​ຄຳ​ຖາມ​ເປັນ 6 ​ຊ່ວງ, ຊ່ວງ​ລະ 15 ນາທີ ​ເຊິ່ງການ​ໃຫ້​ເວລາ​ແຕ່ລະ​ຝ່າຍ​ໂຕ້​ວາທີ​ໄດ້ 2 ນາທີ​ໃນ​​ໄລຍະ​ເລີ່​ມຕົ້ນນັ້ນ ຖື​ເປັນ​ການ​ປ່ຽນ​ແປງ​ທີ່​ຄະນະ​ກຳມະການ​ພິຈາລະນາ​ວ່າ​ມີ​ຄວາມ​ສຳຄັນ.

ກຳມະການຈັດໂຕ້ວາທີ ປັບກົດໃໝ່ ມອດໄມ ທ່ານ ທຣຳ - ທ່ານ ໄບເດນ ກັນເວົ້າແຊກຂັດຈັງຫວະ - Wave100S AD to Website 2020 0 - ກຳມະການຈັດໂຕ້ວາທີ ປັບກົດໃໝ່ ມອດໄມ ທ່ານ ທຣຳ – ທ່ານ ໄບເດນ ກັນເວົ້າແຊກຂັດຈັງຫວະ

​ເຖິງ​ຢ່າງ​ໃດ​ກໍ​ຕາມ, ທາງ​ດ້ານ​ທີ​ມຫາ​ສຽງ​ຂອງ​ທ່ານ ທຣຳ ອອກ​ຖະ​ແຫລ​ງການ​ຄັດຄ້ານ​ການ​ປ່ຽນ​ກົດ​ດັ່ງກ່າວ, ​ແຕ່​ຢືນຢັນ​ວ່າ​ທ່ານ ທຣຳ ຈະ​ເຂົ້າຮ່ວມ​ໂຕ້​ວາທີ ​ເຖິງ​ວ່າ​ມີ​ການ​ປ່ຽນ​ກົດ​ໃນ​ນາທີ​ສຸດ​ທ້າຍ, ພ້ອມ​ໂຈມ​ຕີ​ຄະນະ​ກຳມະການ​ຈັດ​ໂຕ້​ວາທີ​ວ່າ​ມີ​ຄວາມ​ລຳອຽງ ​ແລະ ພະຍາຍາມ​ປ່ຽນ​ກົດ​ເພື່ອ​ຜົນ​ປະ​ໂຫຍ​ດຂອງ​ທ່ານ ​ໄບ​ເດນ.

​ເຖິງ​ຢ່າງ​ໃດ​ກໍ​ຕາມ, ຜ່ານ​ມາ​ນັກວິ​ເຄາະ​ການ​ເມືອງ​ຫລາຍ​ຄົນ ສະ​ແດງ​ຄວາມ​ກັງວົນ​ວ່າການ​ມອດ​ໄມ​ລະຫວ່າງ​ທີ່​ຜູ້​ສະໝັກ​ອີກ​ຝ່າຍ​ກຳລັງ​ເວົ້ານັ້ນ ອາດ​ບໍ່​ພຽງພໍ​ສຳລັບ​ທ່ານ ທຣຳ ທີ່​ອາດຈະ​ເປັ່ງສຽງ​ກໍ່ກວນ​ສະມາທິ​ຂອງ​ທ່ານ ​ໄບ​ເດນ ​ໄດ້​ຄື​ເກົ່າ. ອີກ​ທັງ​ການ​ປິດ​ໄມ 2 ນາທີ​ດັ່ງກ່າວ ​ເປັນ​ການ​ເປີດ​ໂອກາດ​ໃຫ້​ທ່ານ ທຣຳ ຂີ້​ຕົວະ ​ເຊັ່ນ​ກ່າວ​ເຖິງ​ຜົນງານ​ທີ່​ບໍ່​ເປັນ​ຈິງ ​ໂດຍ​ທີ່​ທ່ານ ​ໄບ​ເດນ ບໍ່​ສາມາດ​ທັກ​ທ້ວງ​ໄດ້ ​ເຊິ່ງທາງ​ທີ່​ເໝາະ​ສົມ​ຄື​ຄວນ​ມີ​ລະບົບ​ກວດ​ສອບ​ຂໍ້​ມູນ​ຄວາມ​ຈິງ ຫລື Fact Check ​ໃນ​ລະຫວ່າງ​ໂຕ້​ວາທີ.

ກຳມະການຈັດໂຕ້ວາທີ ປັບກົດໃໝ່ ມອດໄມ ທ່ານ ທຣຳ - ທ່ານ ໄບເດນ ກັນເວົ້າແຊກຂັດຈັງຫວະ - WhatsApp Image 2020 05 27 at 5 - ກຳມະການຈັດໂຕ້ວາທີ ປັບກົດໃໝ່ ມອດໄມ ທ່ານ ທຣຳ – ທ່ານ ໄບເດນ ກັນເວົ້າແຊກຂັດຈັງຫວະ
error: Alert: Content is protected !!