ທະນາຄານໂລກປະກາດຈັດສັນເງິນ 57.000 ລ້ານໂດລາ ສຳລັບອາຟຣິກາ

    ທະນາຄານໂລກປະກາດຈັດສັນເງິນ 57.000 ລ້ານໂດລາສະຫະລັດ ເພື່ອເປັນທຶນສະໜັບສະໜູນສໍາລັບພື້ນທີ່ທາງ  ຕອນໃຕ້ຂອງທະເລຊາຍຊາຮາຣາໃນອາຟຣິກາສຳລັບປີງົບປະມານໃນອີກ 3 ປີຕໍ່ໜ້າ.

ທ່ານ ກິມຢົງຄິມ ປະທານທະນາຄານໂລກ ຖະແຫລງວ່າ: ໃນຈຳນວນເງິນດັ່ງກ່າວມາຈາກສະມາຄົມເພື່ອການພັດ ທະນາສາກົນ (IDA) 45.000 ລ້ານໂດລາສະຫະລັດ, ສ່ວນທະນາຄານໂລກຈະຈັດສັນເງິນໃຫ້ລ້າ ແລະ ເງິນກູ້ບໍ່ມີ ດອກເບ້ຍສຳລັບກຸ່ມປະເທດທີ່ທຸກຍາກທີ່ສຸດໃນໂລກ ແລະ ມີສະຖາບັນການເງິນການລົງທຶນພາກເອກະຊົນ 8.000 ລ້ານໂດລາສະຫະລັດ ແລະ ທະນາຄານສາກົນເພື່ອການບູລະນະ ແລະ ພັດທະນາ 4.000 ລ້ານໂດລາສະຫະລັດ. ເຢຍ ລະມັນ ເຊິ່ງຈະເປັນເຈົ້າພາບຈັດກອງປະຊຸມກຸ່ມປະເທດເສດຖະກິດຂະໜາດໃຫຍ່ G20 ໃນວັນທີ 24-25 ມີນານີ້ຖະ ແຫລງວ່າ: ໂຄງການເພື່ອອາຟຣິກາຈະເປັນສິ່ງສຳຄັນອັນດັບທຳອິດສຳລັບເຢຍລະມັນ ເຊິ່ງເປັນປະທານກຸ່ມໃນປີນີ້ ໂດຍມີຈຸດປະສົງໃນການສະໜັບສະໜູນໂຄງການດ້ານການສຶກສາ, ສາທາລະນະສຸກ, ນ້ຳສະອາດ, ສຸຂະອະນາໄມ, ກະສິກຳ, ໂຄງສ້າງພື້ນຖານ ແລະ ການປະຕິຮູບລະບົບໂຄງສ້າງ ເຊິ່ງອາຟຣິກາໃຕ້ເປັນປະເທດດຽວໃນພາກພື້ນ ອາ ຟຣິກາທີ່ເປັນສະມາຊິກໃນກຸ່ມ G20.

error: Alert: Content is protected !!