ສະຫລຸບບັນຫາໜ້າສົນໃຈທົ່ວໂລກ ວັນທີ 20 ຕຸລາ 2020

ສະຫລຸບບັນຫາໜ້າສົນໃຈທົ່ວໂລກ ວັນທີ 20 ຕຸລາ 2020 -                                                                                                 20              2020 - ສະຫລຸບບັນຫາໜ້າສົນໃຈທົ່ວໂລກ ວັນທີ 20 ຕຸລາ 2020
ສະຫລຸບບັນຫາໜ້າສົນໃຈທົ່ວໂລກ ວັນທີ 20 ຕຸລາ 2020 - 174233 - ສະຫລຸບບັນຫາໜ້າສົນໃຈທົ່ວໂລກ ວັນທີ 20 ຕຸລາ 2020
  1. ກະຊວງ​ຍຸຕິ​ທຳ​ຂອງ​ອາ​ເມ​ລິ​ກາ ​ໄດ້​ຍື່ນ​ຟ້ອງ​ໃນ​ຄະດີ​ທີ່​ຜູ້​ຄົນ​ກຳລັງ​ໃຫ້​ຄວາມ​ສົນ​ໃຈ​ເປັນ​ຈຳນວນ​ຫລາຍວ່າ: Alphabet ​ເຊິ່ງ​ເປັນ​ບໍລິສັດ​ແມ່ Google ມີ​ການ​ປັບປຸງ ​ແລະ ​ໃຊ້​ອຳນາດ​ໃນ​ທາງ​ທີ່​ຜິດ ​ເພື່ອ​ຜູກຂາດ​ລະບົບ​ການ Search ​ແບບ​ອອນ​ລາຍ​ເຖິງ 90%.

ຖື​ເປັນ​ຄະດີ​ຕໍ່ຕ້ານ​ການ​ຜູກຂາດ​ຄັ້ງ​ໃຫຍ່​ຄັ້ງທຳ​ອິດ​ຂອງ​ອຸດສາຫະກຳ​ເຕັກ​ໂນ​ໂລ​ຊີ ນັບ​ແຕ່ DoJ ​ໄດ້​ຍື່ນ​ຟ້ອງ Microsoft ​ໃນ​ປີ 1998. ຂະນະ​ທີ່ ປະທານາທິບໍດີ ​ໂດ​ນັລ ທຣຳ ກຳລັງ​ວິພາກ​ວິຈານ​ກຸ່ມ​ບໍລິສັດ​ເຕັກ​ໂນ​ໂລ​ຊີ​ຊັ້ນນຳ​ຕ່າງໆ ກ່ຽວ​ກັບອໍານາດ​ອັນ​ຫລວງຫລາຍ​ຂອງ​ພວກ​ເຂົາ, ພ້ອມ​ກັບ​ອ້າງ​ວ່າ: ບໍລິສັດ​ເຫລົ່າ​ນີ້​ມີ​ຄວາມ​ພະຍາຍາມ​ຈະ​ຢັບຢັ້ງການ​ເຜີຍ​ແຜ່ປະກາດ ຫລື ຂໍ້ຄວາມ​ໃດໆ​ຂອງ​ຝ່າຍ​ອະນຸລັກ​ນິຍົມ.

  1. Michel Barnier ຫົວໜ້າ​ຜູ້​ເຈລະຈາ Brexit ຂອງ​ສະຫະພາບ​ເອີຣົບ ​ແລະ David Frost ຫົວໜ້າ​ຜູ້​ເຈລະຈາ​ຈາກ​ອັງກິດ ກຳລັງ​ປະຊຸມ​ກັນ​ເປັນ​ມື້ທີ 2 ​ເພື່ອ​ພະຍາຍາມ​ເລີ່​ມການ​ເຈລະຈາ​ໃໝ່​ອີກ ຫລັງ​ຈາກ​ພົ້ນ​ເສັ້ນຕາຍ​ທີ່ Boris Johnson ກຳນົດ​ໄວ້​ໃນ​ວັນ​ທີ 15 ຕຸລາ 2020.

ຄວາມ​ພະຍາຍາມ​ຫລ້າ​ສຸດ​ໃນ​ການ​ບັນລຸ​ຂໍ້​ຕົກລົງ​ກ່ຽວ​ກັບ​ການ​ພົວພັນ​ໃນ​ອະນາຄົດ​ຂອງ​ອັງກິດ ​ແລະ EU ​ເກີດ​ຂຶ້ນ​​ໃນ​ວັນ​ທີ 16 ຕຸລາ​ຜ່ານ​ມາ ຫລັງ​ຈາກ Boris Johnson ​ໄດ້​​ໂຈະ​ການ​ເຈລະຈາ ​ແລະ ກ່າວ​ວ່າ: ການ​ບັນລຸ​ຂໍ້​ຕົກລົງ​ທາງ​ການ​ຄ້າ​ບໍ່​ອາດ​ເປັນ​ໄປ​ໄດ້.

  1. ວັນ​ທີ 23 ຕຸລາ​ນີ້, Mike Pompeo ລັດຖະມົນຕີ​ຕ່າງປະ​ເທດ​ຂອງ​ອາ​ເມ​ລິ​ກາ ຈະ​ເປັນ​ເຈົ້າພາບ​ໃນ​ການ​ເຈລະຈາ​ກັບ Armenia ​ແລະ Azerbaijan ​ໃນ​ວໍ​ຊິງ​ຕັນ.

ການ​ເຈລະຈາ​ດັ່ງກ່າວ​ມີ​ຈຸດ​ໝາຍ​ເພື່ອ​ຢຸດ​ສົງຄາມ​ທີ່​ທະວີ​ຄວາມ​ຮຸນ​ແຮງ​ຂຶ້ນຂອງ​ທັງ 2 ປະ​ເທດ​ໃນ​ພື້ນທີ່ Nagorno-Karabakh ​ເຊິ່ງສ່ວນ​ຫລາຍ​ເປັນ​ບ່ອນຢູ່​ຂອງ​ກຸ່ມ​ຊາດ​ພັນ Armenia ​ແຕ່​ໄດ້​ຮັບ​ການ​ຍອມຮັບ​ໃນ​ລະດັບ​ສາກົນ​ວ່າ​ເປັນ​ສ່ວນ​ໜຶ່ງ​ຂອງ​ປະ​ເທດ Azerbaijan.

ຍັງ​ບໍ່​ແນ່ນອນ​ວ່າ​ທັງ 2 ຝ່າຍ​ຈະ​ພົບ Mike Pompeo ພ້ອມ​ກັນ​ ຫລື ​ແຍກ​ກັນ​ຄົນ​ລະ​ເວລາ.

  1. ທ່ານ ທຣຳ ກ່າວ​ວ່າ: ທ່ານ​ຈະ​ລົບ​ປະ​ເທດ​ຊູ​ດານ​ອອກ​ຈາກ​ລາຍ​ຊື່​ຜູ້​ສະໜັບສະໜູນ​ການ​ກໍ່​ການ​ຮ້າຍ​ຂອງ​ອາ​ເມ​ລິ​ກາ ຖ້າ​ຍອມ​ຈ່າຍ​ເງິນ 335 ລ້ານ​ໂດ​ລາ ​ເພື່ອ​ຊົດ​ເຊີຍ​ໃຫ້​ເຫຍື່ອ​ຊາວ​ອາ​ເມ​ລິ​ກາ​ຈາກ​ເຫດ​ລະ​ເບີດ​ສະຖາ​ນທູດ 2 ​ແຫ່ງ ​ໂດຍ​ກຸ່ມອັລກໍ​ອິດະ​ເມື່ອ​ປີ 1998. ຂະນະ​ທີ່ ນາຍົກລັດຖະມົນຕີຂອງຊູດານ​ອອກ​ມາ​ຕອບ​ໂຕ້​ວ່າ:​ ພວກ​ເຂົາ​ໄດ້​ທຳ​ການ​ຊຳລະ​ເງິນ​ໄປ​ແລ້ວ.

ສ່ວນ​ຊາວ​ເຄນ​ຢາ ​ແລະ ​ແທນ​ຊາ​ເນຍ ທີ່​ຕົກ​ເປັນ​ເຫຍື່ອ​ຂອງ​ການວາງ​ລະ​ເບີດ​ຄາດ​ວ່າ​ຈະ​ໄດ້​​ຮັບ​ເງິນ​ເຫລົ່າ​ນີ້​ໜ້ອຍ​ກວ່າ​ເຫຍື່ອ​ຊາວ​ອາ​ເມ​ລິ​ກາ.

  1. ບໍລິສັດ UBS ​ເຊິ່ງ​ເປັນ​ທະນາຄານ​ໃນ​ສະ​ວິດ​ເຊີ​ແລນ ລາຍ​ງານ​ຜົນ​ກຳ​ໄລ 2,1 ພັນ​ລ້ານ​ໂດ​ລາ ​ໃນ​ໄຕ​ມາດ​ທີ 3 ຂອງ​ປີ ​ເຊິ່ງຫລາຍ​ກວ່າ​ປີ​ກ່ອນ​ໜ້າ​ເກືອບ 2 ​ເທົ່າ.

ລາຍ​ໄດ້​ຈາກ​ການ​ຊື້ຂາຍ​ທີ່​ແຂງ​ແຮງ​ໄດ້​ຮັບ​ແຮງ​ສະໜັບສະໜູນ​ຈາກ​ຕະຫລາດ​ຫຸ້ນ​ທີ່​ເພີ່ມ​ສູງ​ຂຶ້ນ ​ແລະ ການ​ສູນ​ເສຍ​ສິນ​ເຊື່ອ​ທີ່​ຕໍ່າ​ກວ່າ​ທີ່​ຄາດ​ໄວ້ ​ເຊິ່ງຊ່ວຍ​ໃຫ້​ຜົນ​ປະກອບ​ການ​ຂອງ​ທະນາຄານ​ດີ​ຂຶ້ນ.

ສະຫລຸບບັນຫາໜ້າສົນໃຈທົ່ວໂລກ ວັນທີ 20 ຕຸລາ 2020 - Wave100S AD to Website 2020 0 - ສະຫລຸບບັນຫາໜ້າສົນໃຈທົ່ວໂລກ ວັນທີ 20 ຕຸລາ 2020

ປັດຈຸບັນ ບໍລິສັດ​ມີ​ແຜນ​ຈະ​ຈ່າຍ​ປັນ​ຜົນ 2,5 ພັນ​ລ້ານ​ໂດ​ລາ ​ໃຫ້​ຜູ້​ຖື​ຫຸ້ນ​ໃນ​ປີ 2021.

  1. ConocoPhillips ບໍລິສັດ​ນ້ຳມັນ​ລາຍ​ໃຫຍ່​ຂອງ​ອາ​ເມ​ລິ​ກາ ຈະ​ຊື້ກິດຈະການ​ຂອງ Concho Resources ​ເຊິ່ງ​ເປັນ​ຜູ້​ຜະລິດ​ນ້ຳມັນ​ຫິນ​ດິນ​ດານ (Shale Oil) ​ໃນ​ລາຄາ 9,7 ພັນ​ລ້ານ​ໂດ​ລາ.

ຂໍ້​ຕົກລົງ​ດັ່ງກ່າວ​ຈະ​ເຮັດ​ໃຫ້ ConocoPhillips ກາຍ​ເປັນ​ໜຶ່ງ​ໃນ​ຜູ້​ຜະລິດ​ລາຍ​ໃຫຍ່ທີ່​ສຸດ​ໃນ Permian Basin ​ເຊິ່ງ​ເປັນ​ບໍ່​ນ້ຳມັນ​ຫລັກ​ຂອງ​ອາ​ເມ​ລິ​ກາ​ທີ່​ຍາວ​ຈາກ​ລັດ Texas ຝັ່ງ​ຕາ​ເວັນ​ຕົກ​ໄປ​ຫາ​ລັດ New Mexico ​ແລະ ມີ​ກຳລັງ​ການ​ຜະລິດ​ນ້ຳມັນ​ເຖິງ 1,5 ລ້ານ​ບາ​ເຣລ/ວັນ.

ກ່ອນ​ໜ້າ​ນີ້ Concho ຕ້ອງ​ປະສົບ​ຄວາມ​ສູນ​ເສຍ​ຄັ້ງ​ໃຫຍ່ ​ເນື່ອງ​ຈາກ​ລາຄາ​ນ້ຳມັນ​ທີ່​ຫລຸດ​ລົງ.

  1. ກະຊວງ​ປ້ອງ​ກັນ​ປະ​ເທດ​ຂອງ​ອິນ​ເດຍ ກ່າວ​ວ່າ: ອົດ​ສະຕຣາລີ​ຈະ​ເຂົ້າຮ່ວມ​ກັບ​ອິນ​ເດຍ, ຍີ່ປຸ່ນ ​ແລະ ອາ​ເມ​ລິ​ກາ ​ໃນ​ການ​ຝຶກ​ແອບ​ຂອງ​ກອງທັບ​ເຮືອ.

ອົດ​ສະຕຣາລີ​ນັ້ນບໍ່​ໄດ້​ເຂົ້າຮ່ວມ​ການ​ຝຶກ​ແອບ​ດັ່ງກ່າວ​ມາ​ແຕ່​ປີ 2007. ຂະນະ​ທີ່​ການ​ຝຶກ​ຄັ້ງຕໍ່​ໄປ​ມີ​ກຳນົດ​ຈັດ​ຂຶ້ນຢູ່​ອ່າວ Bengal ​ໃນ​ເດືອນ​ພະຈິກ​ນີ້ ​ໂດຍ​ອາ​ເມ​ລິ​ກາ​ກຳລັງ​ຮຽກຮ້ອງ​ໃຫ້​ມີ​ການ​ເຮັດ​ວຽກ​ຮ່ວມ​ກັນ​ລະຫວ່າງ 4 ປະ​ເທດ​ນີ້ ​ເພື່ອ​ປ້ອງ​ກັນ​ອິດ​ທິພົນ​ຂອງ​ຈີນ​ໃນ​ພາກພື້ນ.

ສະຫລຸບບັນຫາໜ້າສົນໃຈທົ່ວໂລກ ວັນທີ 20 ຕຸລາ 2020 - WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກ ວັນທີ 20 ຕຸລາ 2020
error: Alert: Content is protected !!