40 ບ້ານເມືອງຊົນນະບູລີ ໄດ້ຮັບຜົນກະທົບໜັກຈາກໄພນ້ຳຖ້ວມ

40 ບ້ານເມືອງຊົນນະບູລີ ໄດ້ຮັບຜົນກະທົບໜັກຈາກໄພນ້ຳຖ້ວມ - 40                                                                                                                                                - 40 ບ້ານເມືອງຊົນນະບູລີ ໄດ້ຮັບຜົນກະທົບໜັກຈາກໄພນ້ຳຖ້ວມ
40 ບ້ານເມືອງຊົນນະບູລີ ໄດ້ຮັບຜົນກະທົບໜັກຈາກໄພນ້ຳຖ້ວມ - 174233 - 40 ບ້ານເມືອງຊົນນະບູລີ ໄດ້ຮັບຜົນກະທົບໜັກຈາກໄພນ້ຳຖ້ວມ

ກອງ​ເລຂາ​ຕ້ານ​ໄພພິບັດ​ຂັ້ນ​ເມືອງ​ຊົນນະ​ບູລີ ​ແຂວງ​ສະຫວັນ​ນະ​ເຂດ ລາຍ​ງານ​ໃຫ້​ຮູ້​ວ່າ: ປັດຈຸບັນ​ນີ້ ​ເມືອງ​ຂອງ​ຕົນ​ກຳລັງ​ປະສົບ​ກັບ​ໄພ​ນ້ຳຖ້ວມ​ຢ່າງ​ໜັກໜ່ວງ ນັບ​ແຕ່​ວັນ​ທີ 16-17 ຕຸລາ​ມາ​ນີ້ ຍ້ອນ​ພາຍຸ​ນັງກາ, ​ໃນ​ນັ້ນມີ 40 ບ້ານ, ມີ 3.668 ຫລັງຄາ​ເຮືອນ​ໄດ້​ຮັບ​ຜົນ​ກະທົບ, ​ເນື້ອທີ່​ປູກ​ເຂົ້າ 5.735 ​ເຮັກຕາ, ສ່ວນ​ພືດ​ຜັກ 176 ​ເຮັກຕາ, ໜອງ​ປາ 235 ໜອງ, ລະບົບ​ຊົນລະປະທານ 9 ​ແຫ່ງ, ປະຕູ​ນ້ຳ 3 ​ແຫ່ງ, ​ໂຮງຮຽນ​ຫລາຍ​ແຫ່ງ​ຕ້ອງ​ໂຈະ​ການ​ຮຽນ​ຊົ່ວຄາວ​ຄື: ​ໂຮງຮຽນ​ປະຖົມ 10 ກວ່າ​ແຫ່ງ, ມັດທະຍົມ 2 ​ແຫ່ງ, 9 ບ້ານ​ຕ້ອງ​ໄດ້​ຕັດ​ກະ​ແສ​ໄຟຟ້າ​ຊົ່ວຄາວ ​ເພື່ອ​ຄວາມ​ປອດ​ໄພ​ຄື: ບ້ານ​ບຶງ​ຊ້າງ, ປະທຸມ​ວັນ, ທ່າ​ຄຳ​ເຫລື້ອມ, ດອນ​ຍາ​ໂນ​ງ, ໜອງ​ສອງ​ຫ້ອງ, ບ້ານ​ເມືອງ​ໂຮງ, ດົງ​ໜອງ​ແຄນ ​ແລະ ບ້ານ​ຕັ່ງ​ຫວາຍ​ນ້ຳ, ​ເສັ້ນທາງ​ຫລາຍ​ສາຍ​ຖືກ​ຖ້ວມ ​ແລະ ຕັດຂາດ​ການ​ສັນຈອນ​ຄື: ​ເສັ້ນທາງ​ບ້ານ​ນາ​ໜອງ​ຜຳ​ຫາດົງບູນ, ​ເສັ້ນທາງ​ບຶງ​ຊ້າງ​ຫາ​ບ້ານ​ໂຄກ​ຫົວຊ້າງ, ທາງ​ບ້ານ​ໂຄກ​ຫົວຊ້າງ​ຫາ​ບ້ານ​ທ່າ​ຄຳ​ເຫລື້ອມ, ທາງ​ບ້ານ​ທ່າ​ຄຳ​ເຫລື້ອມຫາ​ບ້ານ​ດອນ​ຍາ​ໂນ​ງ, ທາງ​ບ້ານ​ຕັ່ງ​ຫວາຍ​ນ້ຳຫາ​ບ້ານ​ກະລື​ນວັງ​ແຂ້, ທາງ​ຈຸດ​ສຸມ​ຕັ່ງ​ຫວາຍ​ຫາ​ກະ​ທອງ​ເຊ, ທາງ​ບ້ານ​ກະ​ທອງ​ເຊ​ຫາ​ບ້ານ​ນາ​ຈານ​ໃຫຍ່, ທາງ​ບ້ານ​ກອງ​ປະທຸມ​ວັນ​ຫາ​ເມືອງ​ຊົນນະ​ບູລີ, ທາງ​ໂພ​ໄຊ​ຄູນ​ຫາ​ບ້ານ​ດົງ​ຫວາຍ, ທາງ​ບ້ານ​ດົງ​ຫວາຍ​ຫາ​ບ້ານ​ໜອງ​ຜື, ທາງ​ບ້ານ​ກະ​ຫລາງ​ຫາ​ບ້ານ​ຕຳ​ປອງ, ທາງ​ບ້ານ​ຕັ່ງ​ຫວາຍ​ໂຄກ​ຫາ​ບ້ານ​ໂພ​ໄຊ​ຄູນ, ທາງ​ແຕ່​ຂົ້ວຫ້ວຍ​ນ້ຳດິ້ງຫາ​ບ້ານ​ໄຊ​ສົມບູນ, ທາງ​ແຕ່​ຂົ້ວຫ້ວຍ​ເຊ​ວັນ​ຫາ​ບ້ານ​ໜອງ​ເບັນ, ທາງ​ແຕ່​ຂົ້ວຫ້ວຍ​ຕະຫລຶງ​ຫາ​ບ້ານ​ນາ​ບົງ ​ແລະ ​ເສັ້ນທາງ​ແຕ່​ຂົ້ວຫ້ວຍ​ເປາະ​ຫາ​ບ້ານ​ອາ​ຫໍ.

ປັດຈຸບັນ ການ​ນຳ​ຂອງ​ເມືອງ ພ້ອມ​ດ້ວຍ​ຄະນະຕ້ານ​ໄພພິບັດ, ອົງການ​ຈັດຕັ້ງມະຫາຊົນ, ກຳລັງ ປກຊ-ປກສ ສົມທົບ​ກັບ​ກຳລັງ​ກອງຮ້ອຍ ຄໍ 35 ​ໄດ້​ລົງ​ໃຫ້ການ​ຊ່ວຍ​ເຫລືອ​ອົບ​ພະຍົບປະຊາຊົນ, ຂົນ​ວັດຖຸ​ເຄື່ອງ​ຂອງ​ຕ່າງໆ​ອອກ​ຈາກ​ພື້ນທີ່​ສ່ຽງ ​ເພື່ອ​ຄວາມ​ປອດ​ໄພ​ທາງ​ດ້ານ​ຊີວິດ ​ແລະ ຊັບ​ສິນ​ຂອງ​ປະຊາຊົນ. ມາ​ຮອດ​ປັດຈຸບັນ​ນີ້ ລະດັບ​ນ້ຳ​ແມ່ນ​ຍັງ​ເພີ່ມ​ຂຶ້ນຢ່າງ​ຕໍ່​ເນື່ອງ ​ແລະ ​ໄຫລ​ເຂົ້າຖ້ວມ​ເນື້ອທີ່​ນາຮົ້ວສວນ ​ແລະ ອາດ​ຈະ​ໄຫລ​ເຂົ້າຖ້ວມ​ບ້ານ​ເຮືອນ​ຂອງ​ປະຊາຊົນ​ຕື່ມ​ອີກ. ສ່ວນ​ຄວາມ​ເສຍ​ຫາຍ​ແມ່ນ​ຈະ​ໄດ້​ລາຍ​ງານ​ຕື່ມ​ອີກ​ພາຍຫລັງ.

40 ບ້ານເມືອງຊົນນະບູລີ ໄດ້ຮັບຜົນກະທົບໜັກຈາກໄພນ້ຳຖ້ວມ - Wave100S AD to Website 2020 0 - 40 ບ້ານເມືອງຊົນນະບູລີ ໄດ້ຮັບຜົນກະທົບໜັກຈາກໄພນ້ຳຖ້ວມ

ປັດຈຸບັນ​ມີ​ຫລາຍ​ເມືອງ​ຢູ່​ແຂວງ​ສະຫວັນ​ນະ​ເຂດ​ກໍ​ພວມ​ປະສົບ​ກັບ​ໄພ​ນ້ຳຖ້ວມ​ຢ່າງ​ຮ້າຍ​ແຮງ​ເຊັ່ນ​ດຽວ​ກັນ​ຄື: ​ເມືອງ​ເຊ​ໂປ​ນ, ​ເມືອງ​ພີນ, ​ເມືອງ​ນອງ, ​ເມືອງ​ຈຳ​ພອນ ​ແລະ ອື່ນໆ​ອີກ.

40 ບ້ານເມືອງຊົນນະບູລີ ໄດ້ຮັບຜົນກະທົບໜັກຈາກໄພນ້ຳຖ້ວມ - WhatsApp Image 2020 05 27 at 5 - 40 ບ້ານເມືອງຊົນນະບູລີ ໄດ້ຮັບຜົນກະທົບໜັກຈາກໄພນ້ຳຖ້ວມ
error: Alert: Content is protected !!