ລາວຫາລືຟື້ນຟູຜົນກະທົບຈາກໄພພິບັດໃຫ້ມີປະສິດທິຜົນ

ລາວຫາລືຟື້ນຟູຜົນກະທົບຈາກໄພພິບັດໃຫ້ມີປະສິດທິຜົນ -                                                                 - ລາວຫາລືຟື້ນຟູຜົນກະທົບຈາກໄພພິບັດໃຫ້ມີປະສິດທິຜົນ
ລາວຫາລືຟື້ນຟູຜົນກະທົບຈາກໄພພິບັດໃຫ້ມີປະສິດທິຜົນ - Untitled design - ລາວຫາລືຟື້ນຟູຜົນກະທົບຈາກໄພພິບັດໃຫ້ມີປະສິດທິຜົນ

​ກອງ​ປະຊຸມ​ສຸກ​ເສີນ​ຂອງ​ຄະນະ​ກຳມະການ​ຄຸ້ມ​ຄອງ​ໄພພິບັດ​ຂັ້ນສູນ​ກາງ ​ເພື່ອ​ຕອບ​ໂຕ້​ໄພພິບັດ​ນ້ຳຖ້ວມ​ທີ່​ກຳລັງ​ເກີດ​ຂຶ້ນຢູ່​ບັນດາ​ແຂວງ​ພາກ​ກາງ ​ແລະ ພາກ​ໃຕ້​ຂອງລາວ ​ໄດ້​ຈັດ​ຂຶ້ນ​ໃນ​ວັນ​ທີ 20 ພະຈິກ​ນີ້ ທີ່​ນະຄອນຫລວງ​ວຽງ​ຈັນ ​ໂດຍ​ການ​ເປັນ​ປະທານ​ຂອງທ່ານ ສອນ​ໄຊ ສີ​ພັນ​ດອນ ຮອງ​ນາຍົກລັດຖະມົນຕີ, ລັດຖະມົນຕີ​ກະຊວງ​ແຜນການ ​ແລະ ການ​ລົງທຶນ, ປະທານ​ຄະນະ​ກຳມະການ​ຄຸ້ມ​ຄອງ​ໄພພິບັດ​ຂັ້ນສູນ​ກາງ.

ກອງ​ປະຊຸມ​ໄດ້​ຮັບ​ຟັງ​ລາຍ​ງານ​ສະພາບ​ໄພພິບັດ​ທີ່​ເກີດ​ຂຶ້ນ​​ໃນທ້ອງ​ຖິ່ນ​ຕ່າງໆ ​ໂດຍ​ສະ​ເພາະ​ແມ່ນ​ແຂວງ​ສະຫວັນ​ນະ​ເຂດ, ພ້ອມ​ທັງ​ຮັບ​ຟັງ​ຄວາມ​ຄືບ​ໜ້າການ​ແກ້​ໄຂ​ຟື້ນຟູ​ຫລັງ​ໄພພິບັດ​ຢູ່​ເມືອງ​ສະໜາມ​ໄຊ ​ແຂວງ​ອັດ​ຕະປື ​ແລະ ການ​ປະກອບ​ຄຳ​ຄິດ​ຄຳ​ເຫັນຕໍ່​ມາດ​ຕະການ ​ແລະ ວິທີ​ການ​ແກ້​ໄຂຄວາມ​ເສຍ​ຫາຍ​ ຈາກ​ໄພພິບັດ​ທຳ​ມະ​ຊາດ​ທີ່​ເກີດ​ຂຶ້ນ​ໃນ​ຜ່ານ​ມາ.

​ໃນ​ກອງ​ປະຊຸມ, ທ່ານ ສອນ​ໄຊ ສີ​ພັນ​ດອນ ໄດ້ມີ​ຄຳ​ເຫັນ​ວ່າ: ຊ່ວງ​ໄລຍະ​ທ້າຍ​ປີ 2019 ຫາ​ຕົ້ນປີ 2020 ລາວ​ເຮົາ​ໄດ້​ຮັບ​ຜົນ​ກະທົບ​ຢ່າງ​ໜັກ​ຈາກ​ການລະບາດ​ຂອງ​ພະຍາດ COVID-19 ​ແລະ ກໍ​ຍັງ​ໄດ້​ຮັບ​ຜົນ​ກະທົບ​ຈາກ​ໄພພິບັດ​ທາງ​ທຳ​ມະ​ຊາດ​ຕື່ມ​ອີກ ​ເປັນຕົ້ນ​ໄພ​ນ້ຳຖ້ວມ, ​ແຫ້ງ​ແລ້ງ, ດິນ​ເຈື່ອນ, ລົມພາຍຸ, ​ແຜ່​ນດິນ​ໄຫວ ລວມ​ເຖິງ​ສັດຕູ​ພືດທໍາລາຍ​ຜົນ​ຜະລິດ​ຂອງ​ປະຊາຊົນ ​ເຊິ່ງທັງ​ໝົດ​ນີ້​ໄດ້​ສ້າງ​ຄວາມ​ເສຍ​ຫາຍ​ຕໍ່​ສຸຂະພາບ, ຊີວິດ ​ແລະ ຊັບ​ສິນ​ຂອງ​ປະຊາຊົນ, ສ້າງ​ຄວາມ​ເສຍ​ຫາຍ​ຕໍ່​ພື້ນຖານ​ໂຄງ​ລ່າງ ​ແລະ ​ເສດຖະກິດ​ຂອງ​ປະ​ເທດ. ດັ່ງ​ເຫດການ​ໄພ​ນ້ຳຖ້ວມທີ່​ກຳລັງ​ເກີດ​ຂຶ້ນຢູ່ 8 ​ເມືອງ​ຂອງ​ແຂວງ​ສະຫວັນ​ນະ​ເຂດ​ຄື: ​ເມືອງ​ພີນ, ​ເຊ​ໂປ​ນ, ​ເມືອງ​ນອງ, ທ່າ​ປາງ​ທອງ, ສອງ​ຄອນ, ຈຳ​ພອນ, ຊົນນະ​ບູລີ ​ແລະ ​ເມືອງ​ວິລະ​ບູລີ ສົ່ງ​ຜົນ​ກະທົບ​ໂດຍ​ກົງ​ຕໍ່​ປະຊາຊົນ​ 90 ບ້ານ, 2.874 ຄອບຄົວ, ມີ​ເຮືອນ​ເສຍ​ຫາຍ​ຈຳນວນ 35 ຫລັງ. ພື້ນທີ່​ຜົນ​ຜະລິດ, ສັດລ້ຽງ, ຊົນລະປະທານ, ​ເສັ້ນທາງ, ຂົວ, ​ໂຮງຮຽນ, ສຸກສາລາ ​ແລະ ຊັບ​ສີນ​ອື່ນໆ​ເປ່​ເພ​ເສຍ​ຫາຍ. ຕໍ່​ສະພາບ​ດັ່ງກ່າວ, ຄະນະ​ກຳມະການ​ຄຸ້ມ​ຄອງ​ໄພພິບັດ​ພວກ​ເຮົາ ​ຕ້ອງ​ເອົາ​ໃຈ​ໃສ່​ຊອກ​ຫາ​ວິທີ​ການ ​ແລະ ມາດ​ຕະການ​ຟື້ນຟູ​ຊ່ວຍ​ເຫລືອ​ໃຫ້​ທັນ​ການ ​ແລະ ມີ​ປະສິດທິ​ຜົນ.

ລາວຫາລືຟື້ນຟູຜົນກະທົບຈາກໄພພິບັດໃຫ້ມີປະສິດທິຜົນ - Wave100S AD to Website 2020 0 - ລາວຫາລືຟື້ນຟູຜົນກະທົບຈາກໄພພິບັດໃຫ້ມີປະສິດທິຜົນ
ລາວຫາລືຟື້ນຟູຜົນກະທົບຈາກໄພພິບັດໃຫ້ມີປະສິດທິຜົນ - WhatsApp Image 2020 05 27 at 5 - ລາວຫາລືຟື້ນຟູຜົນກະທົບຈາກໄພພິບັດໃຫ້ມີປະສິດທິຜົນ
ລາວຫາລືຟື້ນຟູຜົນກະທົບຈາກໄພພິບັດໃຫ້ມີປະສິດທິຜົນ - WhatsApp Image 2020 05 27 at 5 - ລາວຫາລືຟື້ນຟູຜົນກະທົບຈາກໄພພິບັດໃຫ້ມີປະສິດທິຜົນ
error: Alert: ເນື້ອຫາຂ່າວມີລິຂະສິດ !!